Ka Nupepa Kuokoa, Volume LVIII, Number 3, 16 January 1920 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

 

He Moolelo no  KEONI HANAFODA

 Ka Hua Awahia o ka Uhauha me ka Puni Lealea-Loaa Nae ke Kaulana ma ka Hoomanawanui

 

            Mahope iho o ko laua kamailio ana no kekahi mau minuke hou aku, hele like aku la laua no ka halawai ana me Helena, a imua on a i nonoi aku ai o Kalifoda me na manao makee o ke aloha kui o, e hoopoina loa oia i na mea maikai ole o ka wa i hala, a e nana aku hoi maluna ona ma ke ano, aole wale he keiki wale no ma ka inoa, aka me he keiki la mailoko aku o kona puhaka ponoi, e makee ana no kona mau hauoli, a e hoopakele ana hoi iaia, mai na haawina ae o ka ehaeha ame ke kaumaha.

            I ka lohe pono ana o Helena i ka manao o kana hunona, ua hoauhee io aku la oia i kona mau manao kaumaha apau, me na manao hopohopo no ka hauoli o kana kaikamahine, a haawi mai la i kona noonoo nui ana, ma ke komo kino ana aku me kana kaikamahine, ma ka hoomakaukau ana no ka la mare e hoea mai ana.

 

MOKUNA XII

 

            Iloko o kela mau la, me he mea la ua hoi hou mai na ano o ka wahine opio maluna o Helena, me ka hoolilo ana i kona noonoo apau maluna wale no o na mea e hanohano ai ka mare ana o kana kaikamahine, elike no hoi me kela manawa, ana e hoomakaukau ponoi ana no kona mare i kona mau la opio.

            Ma ke kuai ana i na mea apau e pili ana i ka lole mare o kana kaikamahine o Helena ponoi no ka mean nana e hele maloko o na halekuai, he hookahi wale no manao nui iloko on a. o ia no ka loaa i kana kaikamahine, kekahi mare hanohano loa, me kona nana ole i ka nui o kona hoolilo ma ke kuai ana aku i na lako hoonani o kela ame keia ano.

            Ua maopopo iaia e hoi aku ana kana kaikamahine a noho maloko o kekahi home o ka poe waiwai, e huikau ana me na kanaka hanohano a e konoia mai ana hoi oia e hoea aku no ka hoohauoli ana ia lakou me na himeni ano hou loa, nolaila ua kuai pu aku la no oia i mau lole hou nona. i kupono i na anaina o ka poe waiwai.

            Ma kekahi kakahiaka, he mau la mahope mai, o kela hoike ana aku o Dora i ka moolelo o kona mau makua imua o Kalifoda Alekana, hele like aku la ka makuahine, me kana kaikamahine no na halekuai elike no me ka laua hana mau ma na manawa apau a laua e makemake ae ai i kekahi mau mea oloko o na halekuai.

            O kela kekahi la, a laua i hoike mai ai i ko laua piha maoli i ka hoihoi, mamuli paha hoi o ka hoikeia loa ia ae ko laua noonoo. nolaila me na kaina wawae eleu a piha no hoi i ka hoihoi, kamoe aku la ko laua alahele no kahi o na halekuai e ku mai ana.

            Mahope o ko laua kuai ana i na mea a laua i makemake ai, a i ka hoea ana ae hoi i ka hora umi-kumalua, hele aku la laua maloko o kekahi haleaina no ka ai ana i ko laua paina awakea, a mailaila aku i hele aku ai o Dora no kahi e humuhumuia ana o kona lole mare, hele aku la no hoi o helena no ka halekuai kamaa.

            Oiai nae o Helena e nanea ana i ka hele, haupu mai la oia, he hookahi a laua mea i poina, o ia no ke kuai ana i mau hainaka, no ia kumu, kipa ae la oia ma kekahi halekuai nui. malia e loaa ana kana mea i makemake ai malaila.

            I ua o Helena i komo aku ai iloko o ka halekuai, a e hookokoke aku ana hoi ma kahi o ka papa kuai, halawai aku la ka ike a kona mau maka, me kekahi wahine e ku ana malaila, me he mea la, ma ka ia nei koho aku, e kakali ana oia o ka haawiia mai o kana mea o ke kuai ana ma kela wahi.

            Hoomaopopo aku la o Helena, ua hamoia ka helehelena o kela wahine me ka panda. nolaila nana hou aku la oia ma kona helehelena a i loko no hoi o ia manawa hookahi, i huli mai ai ua wahine ne, a nana ia Helena me na maka koa  ahookokoe elike me ke ano mau o na wahine, ina i komo ka hoihoi ole iloko o lakou no kekahi mea.

            Ma kela ike maopopo loa ana aku a Helena i ka helehelena o keia wahine, ia wa i naka ae ai kona kino me ka haalulu no ka mea aole kela he wahine okoa, aka o ka wahine himeni no, nana i pahele i ka noonoo o Keoni Hanafoda, a o ke kumu nui hoi nana i hookaawale i ko laua nei noho ana he kane a he wahine.

            O eia io o Maraea Dukana kela puukani himeni kaulana, ka wahine i hele pu aku ai o Keoni Dukana, kela puukani himeni kaulana, ka wahine i hele pu aku ai o Keoni Hanafoda me ia no na aina mamao a i mare aku hoi i ua wahine nei. mahope mai. Ma kahi nae o kela helehelena o ka wahine ui a huapala me kona kulana hiehie aole ia ma luna o ua wahine nei aka ua hele kona mau papalina a alualu ua hele hoi ke kino a nui pauhananuu ma ka Helena koho aku aole he ulakolako o ka noho ana o keia wahine no ka mea o kona lole e komo ana, aole ia he lole nani, aka he lole emi o ka kumukuai.

            I ka lawa ana no o ka Helena nana ana i kela wahine me ka maopopo loa hoi iaia o kela ka moo nahesa nui nana i hoowalewale i kana kane a i hoolilo i ko laua noho ana, i uea maikai ole huli aku la oia imua o kekahi kupakako a kauoha  aku la i kana mea i makemake ai oiai hoi ka wahine malihini e nana pono mai ana iaia nei mailuna mai o ke poo ahiki ilalo o na wawae me he mea la e hakilo loa mai ana i ko Helena lole i oi aku ka nani mamua o kona e komo ana.

            No kekahi mau minuke ke ku malie ana o ua wahine nei e hana pono ana hoi ia Helena alaila o kona kaha aku la no ia hele a oili aku la iwaho o ka halekuai me ka maopopo ole o kana wahi e hele ana he hookahi nae mea iloko o kona noonoo oia no ka lihi no ka wahine ana o ka halawai pu ana maloko o ka halekuai.

            Aole loa he maikai iki o ko Helena noonoo iaia e nana la i na hainaka ua hoalaia mai kana mau hoomanao ana no na mea o ka wa i hala oplaila awiwi iho la oia i ka wae i kana mau haina ka i makemake ai alaila kakau iho la i kona inoa mawaho o ka puolo a kauoha aku la i ke kupakako e hoouna pololei no kona home o kona haalele iho la no ia i ka halekuai no ka hoi pololei ana aku i ka hale me ka hele ole e kuai i kamaa.

            Iaia o ka hoea ana aku no ke alanui kau aku la maluna o kekahi kaa uwila e holo pololei ana ma kahi kokoke i ku ai o kona home. Iaia e noho la maluna o ke kaa ma kana hoomaomao iho, nae he mea la e loohia aku ana oia i ke kahi mai ke ike okoa iho  la oia i ke kaumaha maole o kona noonoo Me ka hoomanawanui nae oia i uumi ai i na noonoo maikai ole iloko on a ahiki i kona hoea ana aku i ka hale a iaia i wehe a e ai i kona koloka me ka papale a waiho aku la maluna o ka pakuume ia wa i hooho ae ia oia i keia mau olelo.

            O pehea la e hiki ai iau ke hoomanawanui hou iho i na haawina hoehaeha i kau mai maluna ou. He keu no la i ka loihi o keia mau makahiki, e auhee loa aku ana na mea apau e hoopilikiaia ai ka noonoo, eia ka e oili hou mai ana no ia, elike me kau i ike ai i keia la.

            Ua manao maoli ua o Helena ua make o Keoni Hanafoda a i ole aia no paha oia ma na aina mamao loa a mamuli o kela noonoo on a, ua hoopiha maoli ia aku no hoi oia me ka hauoli, ma kela noho ana o laua me kana kaikamahine aka i ka ike hou ana nae i ka wahine, nana i hoowalewale i kana kane, ua auhee aku la kona hauoli mai iaia akua nohoalii mai la ke kaumaha, mamuli o kona koho ana iho. aia paha o Keoni Hanafoda maloko o kela kulanakauhale hookahi kahi i noho ai, a e hoea mai ana i ka la, e ku mai ai kela kanaka, a hoohilahila mai iaia nei ame kana kaikamahine.

            Elike me kana i hoomaopopo aku ai ma ka lole a ka wahine himeni kaulana e komo ana, aole ka lako ame ka waiwai me ia, aka he kulana nele a hoomanawanui kona o ka noho ana me ka noonoo wale ana iho no o ua o Helena in a aia o Keoni Hanafoda maloko o kela kulanakauhale kahi i noho ai, malia e hele mai ana oia e huli iaia nei, me ka manao, e loaa aku he mau kokua ana i wahi e loaa ai ke dala iaia.

            No kekahi mau manawa lehulehu i noonoo ai o Helena o ke alahele wale no e loaa ai ka noho hauoli ana iaia o ia no ka manaoio ana, ua make kana kane me kona hoopoina au ana hoi i na noonoo e pili ana i ka wahine nana i hoowalewale ia Kalifoda i keia manawa nae o kona halawai hou ana me ua wahine nei me he mea la ua hoi hou mai kela mau ano kahiko apau me ia me ka hoohiki okoa ana iho aole loa e hiki iaia ke huikala aku i kana kane no ka hewa ana i hana mai ai iaia ame kana kaikamahine.

            Hoala mai la ua o Helena i kekahi noonoo ina paha he mea maikai nona ka hoike ana aku ia Dora i kana mea i ike ai ma kela la, a koho koke iho la no nae oia aole ia he hana pono o lilo auanei i mea hookaumaha i ka manao o kana kaikamahine aka e hunakele no oia i kaua mea i ike ai a e hoao hoi ma na ano apau e ku aku imua me ka nana ole i na hopena e hoea mai ana ina paha ia no ka maikai a no ka ino paha

            No kekahi mau hora kona noho ana maloko o kona umi me na noonoo like ole e hoolulumi la maluna on a a i kona lohe ana aku nae i ke pahupahu mai o na wawae o Dora hoomanao ae la oia ua hoi mai kana kaikamahine nolaila hoao ae la e hookuoo iaia iho a e hookipa mai hoi kana kaikamahine me ka piha ohohia elike me kana i hana mau aku iaia i na manawa apau a laua e hui ae ai i kahi hookahi.

            Ma ka pule mahope mai ua loaa mai la ke kono ia Dora no kona hoi aku e noho pu me na makua o kana kane hoopalau me ka pahola pu ia ana mai no hoi o kela kono hookahi ia Helena aka nae mamuli o kona paa loa ma kana mau hana ponoi o ia ke ao ana i kana mau haumana i ka hookahi piano a o kekahi kumu no hoi e hiki ole ai iaia ke hoohauoli i hoouna mua ia mai ai na kono iaia no ka hooko ana aku.

            Ua lilo nae kela kaawale ana aku o Dora i kahi e i mea hoomana loa mai i ko Helena manao no ka mea he oi ae kona hoomanawanui hookahi ana i kona mau manao kaumaha. mamua hoi o ka noho mai o kana kaikamahine a i ka wa e loaa ai o ka maha iaia e hiki auanei iaia ke hele aku imua o Dora me na manao maika ame kona mau ano hoihoi i kamaaina imua o kana kaikamahine.

            He mea oiaio i ka manawa e paa ai o Helena i ke ao i kana mau haumana aia wale no kona noonoo ma kana mau haawina e ao aku ana ia lakou aka nae i ka manawa e kaawale aku ai kela mau haumana e hoi hou mai ana no kona mau ano kaumaha me kona hopohopo loa aole paha e hiki ana iaia ke hookaawale aku i kona mau noonoo maikai ole apau mai iaia aku.

            He elua la mahope mai o ko Dora hoi ana aku e noho me na makua o kana kane o ka la Sabati no hoi kela, ua ku a mehameha maoli o Helena a mihi loa iho la oia no kona hoole ana aku i ke kono i waihoia ma imua on a no ka hele pu ana akyu e ike i kana kaikamahine aka nae iaia i noonoo ae ai ma kekahi ano, he hana paa rula ole nana mahope iho o kona hoole ana i ke kono a kona mau puluna ka hele ana aku no ko laua home me ka maopopo mua ole ia laua.

            O ka hoomau ana aku nae i ka noho ana i ka hale, he mea a e hoomahuahua mau ia ae ai o kona ano kaumaha nolaila hooholo iho la oia o kahi kupono nona e hele ai i ka holoholo maloko no ia o ka Paka Kuwaena: nolaila komo iho la oia i kekahi lole kupono a hele aku la no ke kau ana maluna o ke kaa uwila e holo pololei ana no ke alanui, e hoea aku ai i kela paka.

            Ma kekahi wahi e komo aku ai iloko o ka paka i lele iho ai ua o Helena ilalo mailuna mai o ke kaa a i kona pii ana aku iluna o ke alanui kau aoao i ke aku la oia i ka momoku o na kanaka iloko o kekahi halepule he mau kapuai helu wale no mai kona wahi aku e ku ana.

            Aloha ona noonoo mua e hele i ka pule, no kona ike ana aku nae i kela poe, ala mai la kekahi manao iloko on a , malia he oi aku kona komo pu ana me kela poe iloko o ka halepule mamua o ka hele iloko o ka paka e hoomaha ai.

            Iaia i ku aku ai mamua o ka puka o ka halepule kii mai la kekahi keonimana a hookipa  aku la iaia iloke me ko ia nei laweia ana aku a hoonoho ma kekahi laina noho waenakonu a mahope iho o kona haawi ana aku i ka mahalo i ke keonimana nana oia i lawe aku, noho iho la ua o Helena ilalo me ka noonoo ana i kekahi mana kupaianaha nana i alakai aku iaia maloko o kela halepule aole hoi ma kana wahi i hoolala ai e hele ma kela kakhiaka.

            Alawa ae la kana nana ana ma na paia o kela halepule. he keu aku a ka nani me ka maiau o ka hanaia ana alaila haule aku la ka ike a kona mau maka maluna o ka poe e noho ana ma ko lakou apau. A oia kana o ka nalu wale ana mai? Heaha la na kumu o ka hauoli ana o ko lakou mau helehelna?

            Aia ka ogana ke kani la i kela manawa me ka noho malie loa o na mea apau aka i ke kuu ana iho nae o ke kani ana a ka ogana ia wa i ku ae ai ka papa himeni a mele mai la i kekahi himeni punahele loa i kona makuahine a no ka hu ana mai la o kona aloha no kona makua. ua hiki ole iaia ke kaohi aku i ka haloiloi o kona mau waimaka, no ka mea o keia  no ka manawa mua loa ana i hohe hou ai i ke iheleia o kela himeni mahope iho o ka make ana aku kona makuahine.

            Ai ba mea apau ke himeni like la a ma kana hoolohe aku he ku maoli i ka nani me ka ilihia iloko o ka oiha o keia halepule i na kanaka me he mea la nae he uuku loa ka poe e himeni ana i kau a mea o ka like loa o na leo ne ka malama maikai ia no hoi o ka manawa.

            Ia Helena e hoolohe malie la i ke meleia ana o kela himeni o kana mea e ike la me he mea la ua noho maoli mai no ka uhane maoloko o kela anaina a ua hoopihaia aku no hoi oia i ke kahaha me ka i ana iho aole loa he kumu e ae o ka nani ame ka eehia maoli o kela himeni ana, aka mamuli mai no ia o ka loaa o ke aloha iloko o ke kanaka no ke Akua.

            I ka pau ana o ka himeni ua hoomaka mai la ke kahunapule e heluhelu i ka Bailbala me ke komo nui ole mai nae o na mea e heluheluia ana iloko o kana poo, oiai aia no oia ke noonoo la no ka himeni i pau aka nae i kela ame keia manawa, e lohe aku ana no oia i kekahi mau olelo e heluheluia mai ana a ma kana hoomaopopo aku o ka manao nui o ke kahunapule ma ka heluhelu ana mai i kela mau olelo no ka mea o kana haiolelo ma ia kakahiaka no ke aloha no ia.

            Iloko nae o kona nanea i ka hoolohe malie i ka heluhelu mai o ke kahunapule i na olelo o ka Baibala pa pono loa mai la keia mau olelo i kamaaina no iaia i ka heluhelu mau i kekahi manawa "Q ka mea e hoowahawaha aku ana i kona kaikaina he pepehikanakaoia"

            Noho pono loa mai la ua o Helena ihope o kona noho a hoohaniama pono aku la hoi i kona mau pepeiao no ke koena aku o na pauku i koe a ke kahunapule e heluhelu mai ana a o keia kana mea i lohe aku ai "O ka mea e aloha ole aku ana i kona kaikaina ana i ike ai aole oia e aloha aku i ke Akua i ka mea ana i ike ole ai"

            No ke koena aku o na olelo a ke kahunapule e kamailio mai ana aole e hiki iaia ke hoomaopopo me he mea la he elua wale no mau huaolelo ano nui iloko o kona noonoo o ka mua o ke aloha a o ka lua o ka hoowahawaha.

            @ a kuhihewa maoli o Helena ua maopopo loa iaia ka manao o na pauku  a ke kahunapule o ka heluhelu ana mai no ka mea ge mau manawa lehulehu kana i heluhelu ai i kela mau pauku hookahi no, akahi no nae a loaa pono iaia ka manao i kela manawa o ia kana i hoohalike iho au iaia me na hua huita i ke kalanaia imua o ka makani, o ia hoi ka hooponopono ana i kona mau manao.

            I ka wai i hookuuia ai ka pule a ku ae la hoi kela ame keia ma kona noho ae, no ka hemo ana aku iwaho ia wa i ku ae ai kekahi wahine aoo e noho pu ana me Helena ma luna o ka noho hookahi a haawi mai la i kona lima no ke aloha ana a i ka huli ana mai o Helena a ike i keia wahine aia maluna o kona helehelena kahi i kahakahaia ai o ka maha a me ka olioli. He wahine aoo keia ma kahi o ke kanalima makahiki a oia kana o ka pane ana mai.

            "Ke ole au e luhihewa he mea malihini loa oe akahi no a komo mai maloko nei o keia halepule" wahi ana me ka minoaka ma kona mau papalina. "Ua lilo anei na loa e hanini iho ma kona mau papalina. "Ua lilo anei na olelo a ke kahunapula i kamailio mai nei i mea hoopa mai i kou uhane?"

            Ma kahi nae o ko Helena pane pololei ana aku i na ninau kela wahine kamailio aku la oia i na mea ano nui a kona noonoo e hiipoi mau ana i ka pane ana aku:

            "Heaha la ia mea he aloha? Heaha la ke ano maoli o ka hoowahawaha."

            "O keia mau mea au e ninau mai nei e kuu hoaloha, aole no he hana maalahi ka pane ana aku i ka manawa pokole" wahi ana me ka leo oluolu loa. "E hoao a e hoakaka aku ia oe i kau mea i manao ai no kela mau huaolelo, elike me kau e koho aku nei i ka mea iloko o kou noonoo. O ke aloha aole ia elike me na mea maa a kakou e manao nei elike paha me ke aloha o ka makua i ke keiki a o ke keiki i ka makua aole pela aka o ka hana ana aku no ia i na mea maikai no ko kakou mau hoaloha e pono ai, a e makee aku hoi no ka pono o na kanaka apau, No ka hoowahawaha hoi o ia no na manao maikai ole apau e kaohiia mai ai kekagi mai ka hana ana aku i ka maikai, pehea e loaa ana no anei he manawa lawa kupono no kaua e kamailio pu ai no keia mau mea, mahope iho o ka hoi ana aku o na kanaka?"

            "Aole paha e hiki i keia kakahiaka, no ka mea he wahi okoa kau e hele aku ana. Nolaila no kau huakai i hele mai nei i keia kakahiaka eia nae hoi komo mua mai nei au maloko nei nolaila ua pau kekahi manawa nui iau maanei e hiki ole ai iau ke ae aku i kou manao."

            "Ina hoi ha e loaa ana he manawa kaawale ia oe ma keia Sabati ae alaila e loaa no au ia oe ma keia noho nolaila o me aloha no kou." me ka unuhi ana ae o ua whine nei he pepa inoa. a haawi mai la ia Helena. me kona huli ana aku a kamailio i kekahi poe e ae i kamaaina mua iaia.

            I kela hookuu ana mai no o ka wahine aoo iaia nei o ko Helena hele mai la no ia n okahi o ka puka me ka awiwi hoi o kana hele ana aia ka pono o kona kaawale aku i kahi e mai ka nui aku o na kanaka a iloko o na minuke helu wale no, komo ana keia iloko o ka paka me kona haule ana aku maluna o kekahi noho. malalo o kekahi kumulaau no ka hoomaha ana.

            Ma kela noho ana aku a ua o Helena ilalo, nana iho la oia maluna o ka pepa inpa e kau ana ka inoa o Mrs. Remona, he inoa maikai a hanohano a o ke kumu no ka ia o ka oluolu ame ke akahai o kela wahine he inoa maika maoli no kona pela iho la ka Helena noonoo, no ka wahine malihini.

            He mau minuke kona noho ana ma kela wahi ku ae la oia iluna a hele aku la e holoholo me ka noonoo mau ana no nae i na mea a ka wahine malihini iaia no ka manao maoli o ka huaolelo aloha o ia hoi ka hana maikai ana aku no ka pono o hai aole hoi me kana i manao mua i elike me kela ano aloha o ka makua i ke kaiki o ka hoaloha paha i ka hoaloha.

            "Akahi au a ike maoli iho no i kou ano maoli." wahi ana o ka namunamu ana iho iaia. "Aole maoli i loaa iau ke aloha oiaio o ke ano o ke aloha i loaa iau he aloha wale no ia ma ka lehelehe he aloha mamuli o ka nana aku i na kanaka ma ko lakou ano mawaho aole he aloha mailoko ae o ka puuwai i hooko maoli ia aku hoi ma ka hana.

            "No ka hoowahawaha, auwe o kela kekahi mea pipilipaa loa iau aka ke ike nei nae au i ka pololei ole o ia ano ua loaa he haawina ao maikai loa iau i keia la" a no kona lohe ana aku i na leo akaaka ua hoopau honua iho la oia i ke kamailio ana iaia iho. a hoi ae la e noho iluna o ka noho kokoke loa o ka loaa ana aku iaia.

            Ke nui maoli mai la ka poe hele holoholo maloko o ka paka mai na makua, a na kamalii, a ke holo mai la no hoi kekahi poe maluna o na kaa a iaia nei no nae e nanea ana i ka holo mai o na kaa ike aku la oia i ka oili ana mai o kekahi kaa otomobile. i hele oluna a piha i na ohua, a e noke ana aku nae i ka poe maluna o ke kaa, ike aku ana kela wahine no kahimamao loa, aole i ilio hona oili ana mai, i mea hoopilikia i ko ia nei manao.

 

MOKUNA XIII.

 

            No ka minuke paha he umi-kumalima kona nolia make ana ma kela wahi, e noonoo ana no i kana mau i lohe ai maloko o ka halepule, a e hookuku ana hoi iaia iho me na olelo a ke kahunapule a ke kamailio ana mai i kela anaina kanaka nui, lohe aku la oia i ke pahupahu mai o kekahi mau kapuau wawae, alaila aea ae la kona po iluna, anana aku la ma kahi o ka nakeke ana i lohe aku ai, aia hoi, ma kahi kokoke loa mai aia aku e hele pololei mai ana o Marie Dukana i ka i ana mai:

            "ke ike nai au e hoohala ana oe e Mrs. Hanafoda i kou manawa o keia la maloko nei o ka paka, elike ma ka poe e ae e hoonanea nei ia lakou iho ma keia wahi"

            Ua piha loa mai la O Helena i ka hoonaukiuki, i kona lohe ana aku i kona kpaia ana mai ma ka moa ana i hoihoi ole loa ai. alaila hoao ae la oia e ku iluna, me ka pane ole aku no kela man olelo a Marie Dukana, ai wa nae i kamailio hou mai ai ua wahine nei:

 

(Aole i pau.)

 

He Moolelo no

 

Keaka Tazana

 

Ka weli o na ululaau Mehameha o Aferika

 

a o ka Hoaloha o na Holoholona Ahiu

_________

 

            Aole he maopopo iki ia Akuta ka mea i hoohihi ai ku ke aka manao no kela kaikamahine, ke noke la ua o Akuta i ka nana ma na maka o Miriama no kekahi manawa, alaila ku okoa ae la oia iluna, me ka lulu ana i kona kino, alaila ku okoa ae la oia iluna, me ka lulu ana i kon kino, aliala pahola mai la i kekahi lima huluhulu on a imua o Miriama, a ia ka wa a ke kaikamahine opio i eeke aku ai i kahi e. ua lilo loa ai i mea hauoli i ko Akuta manao, nalaila hoao hon mai la oia no ka lima o Miriama iai, kapulu ana ka puupuu a Keaka, a lona pono mai la ka ihu o ua o Akuta, no ka mea aia mau o Keaka, ke hakilo mai la i ka hana a ka mapu, a i kona ike ana, he man hana hoomaka ʻ uka ʻ u wale no kela, ua pihaloa oia me ka hoonaukuiki, me ka haawi ana mai i kekahi haawina a ʻ o maikai loa, i ka mapu, e haoa hou ole aku ai oia e hoopilikia ia Miriama.

            I kela loaa pono ana aku o ka ihu o Akuta i ka puupuu a Keaka ua kulana aku l ua mapu nei ihope, a mamua o ka hiki ana iaia ke kapapa iho iluna o ka lala laau, o kona haule aku la no ia, a pa-hu ana iluna o ka honua, me ka noke ana mai i ke kamailio i na olelo e hoahewa mai ana ia Keaka, no ka hoeha ana aku iaia me ke kumimaikai ole.

            Mailuna mai o ke kumulaau i nana aku ai o Keaka ia Akuta, me he anapu ana la na ka uwila, aia hoi, ike koke aku la oia i ka maalo ana ae o kekahi tiga i hele a pololi, ua ike mai oia ia Akuta a e holo ae ana no ka lele ana aku maluna o ka mapu, me kona manao e loaa ana kona paina kakahiaka me ka maalahi loa.

 

MOKUNA X

 

            Ua ike pu aku o Miriama i kela maalo ana ae o ka holoholona ahiu, iloko no hoi o kela manawa hookahi, mamua o ka loaa ana he manawa i ke tiga e lele aku ai maluna o Akuta, aia hoi, ua haule e aku la o Keaka iluna o ka honua mawaena a Akuta ame ka tiga, aia hou iloko mai la no ai a kau ana maluna o ke kua o ke tiga, a hoomaka iho la no kona mau niho w nanahu maluna o ka hono o k ai, oiai hoi kona lima aku, e noke ana i ka hou i kana pahi. ma ka aoao o kana pio.

            Ua hookahaha loa ia aku ko Miriama monao. no kela haua a Keaka, no ka mea, he man minuke wale aku no mamua, ua hoike aku oia i kona huhu, ma ke ku ʻ i ana i ka mapu a haule ilalo o ka honua a i ka manawa maikai loa hoi, e pepehiia aku ai kela mapu a make ʻ e ke tiga, na komo aku la oia e hoopakele ae i ka ola o kela holoholona. no laila he mea malihini loa kela, i ko Miriama noonoo. no ka mea akahi no oia a ike i ke ano o kkeia mau mea.

            Ua loaa no ai Akuta ka ike no ke tiga me kona hoao ana aku e holo na kahi o ke kumulaau, iaia nae i alawa mai ai ihope. a ike i ke aumeume o Keaka, ma ka pepehi ana i kela holoholona ahiu, hoopaoina koke ae la, oia i na mea i hanaia aku iaia, e Keaka, he hookahi kona kokua kokua like ana aku i kona hoaloha, me ko lako uolokaa ana i o a ia nei, aka nae na kela pahi a Keaka e noke mau la ʻ i ka hou ma ka aoao o ke tiga, i hoopokole mai i ko laua luhi, o ka make iho la no ia o ka enemi, a kaa ae la ka lanakila, ma ko laua nei aoao.

            Aia o Akuta ma kekahi aoao mai o ke kino make o e tiga kahi i ku ai, a k Keaka, no hoi ma kekahi aoao mai, me ka nana ana aku o kekahi i kekahi ma na maka hulili, alaila kuhikuni aku la o Keaka, i kahi a Miraiama ʻ e noho mai ana iluna o ke kumulaau, a pane aku la me ka leo kuoo:

            "E lohe oa a Akuta kuu hoaloha, mai keia manawa aku mai hoao ae e hoopilikia hou i kela kaikamahine. no ka mea owau hookahi wale no ka mea i kuleana iaia"

            Hoonunulu wale iho la no o Akuta me ka hele hoi o kona mau maka a kokoe, alaila huli mai la kana nana ana ma kahi o ke kino make, o ke tiga e waiho ana, ku ae la kona kino a pololei iluna, keehi aku la i kekahi wawae maluna o ke kino make, alaila kahea ae la me ka leo nui, e kalahea ana i ko ka uluaau apau, n oka make ana o Miriama, no kela leo ku i ka weliweli, me ka puliki ana iho i ka lala o ke kumu laaui ana e noho ana.

            Nana wale aku la no a Keaka i na hana a Akuta me kona hoopaapaa ole aku i ka mea kupono e holo aku ai malama on a na mahaloia, o kona kaalele iho la no ia i kela wahi. a pinana aku la iluna o ke kumulaau, no kahi a Miriama e noho mai ana.

            I ka ike ana mai hoi a Akuta w hoomakakau ana o Keaka e hele me kona kokoolua e huli i mau meaahi na laua. o kona ukali mai la no ia, he hookahi ko lakouhele like ana, o ke ano maikai ole i na minuke mamua aku mawaena o Akuta me Keaka, ua auhee loa aku ia, me he mea la, aole kekahi mea maikai ole i ikeia i na minuke aku i hala.

            No na mahina lehulehu mahope mai, e kaahele like ana keia poe ekolu kekahi wahi a i kekahi, me ko lakou halawai ai ole me kekahi mau poini, a ke maa loa aku la o MIrianma i ke ano o ke ola ana o na kanaka ahiu.

             Iloko nae o  na la mua ame na po mua o kona hui pu ana aku me kona mau hoopakele, ua ike maoli iho no oia i ka nui o na poino me kona weli i na holoholona ahia. a i anuanu, oiai ka makani e pa mai ana ana me ka ikaika, a e haule i hoopumehana mai . ʻ o ia kona pili aku iloko o ka poli ʻ o Keaka, ame ka pili mai ʻ o Akuta ma kona aoao.

            No kela kaahele mau. o lakou nei. a no ka lohe mau no hoi o Miriama i ke kamalio o Keaka me ka mapu, na hiki iaia ka lohe makekahi mau mea a laua e kamailio ana. a ma ke a ʻ o maoli ana mai Keaka, ua hiki maoli ia Miriama ke kamailio pu me laua. maa aku la no hoi oiai ak noho ana oloko o ka uluaau, me kona lilo ana i mea kokua nui aku i kona mau hoa, o ia ke kiai ai, i kona wa e hiamoe ana.

            I namanawa apau. e hoomamao mau kau ana o Akuta mai ia MIriama aku. o kona wa wale no kokoke mai ai. o ia ko lakou wa e hiamoe ai i ka po. No Keaka hoi. e hoike mau mai ana aia i kona mau ano oluolu apau imua o Miriama, an in a oia e ike ana, ua lilo kona noho ana aku.i mea e hoopilikia ai ko Miriama noonoo, e hoomamao aka ana oia iaia iho ma kahi kaawale.

            I ak manawa nae a Keaka i ike ai. i ka hu ʻ ihu ʻ i o ka po, me ka ano pu. hana okoa iho la oia i kekahi wahi kupono iluna o ke kumulaau, me ka hoopiha ana ialoko o kekahi wahi papa ʻ ihale ma na mauu maloo olaila, a noho mai la oia me Akuta ma kahi kaawale, me ka kiai mau ana aku iaia.

            Ma kahi e kokoke loa aku ana i ka puka o kahi papa ʻ ihale ʻ o Miriama ʻ o Keaka o noho ai, no kona manao, o kela wa

_____________________________________________________________________________________________________

(E nana ma ka Aoao 5).