Ka Nupepa Kuokoa, Volume LVIII, Number 1, 2 January 1920 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

Teritore O Hawaii.

 

            Keena o ka Puaku, Honolulu, Oahu.

            Ma ka hana e hoopau aua i ka Wailuku Construction and Drayage Company, Limited.

            Oiai, o ka Wailuku Construction and Drayage Company, Limited. he hai ia i kukuluia a e ku mea, ua ana malalo a ma ka mana o na kanawai o ke Territore o Hawaii, i kulike ai me ke kanawai i hoomakaukauia ma na hana o keia ano, ua waiho ia mai iloko o keia keena he palapala noi no ka hoopau ana i ka hui i oleloia, hui pu me ke kahi palapala i hooiaioia i hoohui pu ia me ia. Elike me ia i koiia ai ma ke kanawai.

            Nolaila, ma keia ke haawiia aku nei ka holaha i kekahi mea, a i na kanaka apau i keia manawa ma kekahi ano iloko o ka hui i oleloia, a pono e waiho mai i na kue ana no ka ae ia aku o ka palapala noi i oleloia maloko o keia keena, mamua ae o ka hora 12 awakea o ka la 12 o Ianuari, 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke kee@a o ka mea nona ka inoa malalo i ho maloko o ka Hale Mana Hooko. honolulu, nua ka hora 12 awakea o ka la i oleloia, a e hoike mai i ke kumu, in a ke kumu kekahi i wahi e ae ole ia aka ai ka palapala noi i oleloia.

Henry C. Hapai.

Kokua Puuka. Teritore o Hawaii. Honolulu. Okatoba 30, 1919.

6373-Nov. 7. 14. 28. ; Dec. 5, 12, 19, 26, 1919: Jan. 2. 9. 1920.

 

Teritore O Hawaii.

 

            Keena o ka Puuku, Honolulu, Oahu.

            Ma ka nana e hoopau ana i ka Pacific Building Company, Limited.

            Oiai, o ka Pacific Building Company, Limited, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia nia na hana o keia ano, ua waiho ia mai iloko o keia keena he palapala nei no ka hoopaa ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i keiia ai ma ke kanawai.

            Nolaila, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka ae ia aku o ka palapal noi i oleloia maloko o keia keena, mamua ae o ka hora 12 awakea o ka la 12 o Ianuari, 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malola iho maloko o ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

Henry C. Hapai,

Kokua Puuku o ke Teritore o Hawaii.

                                    Honolulu, Novemaba 5, 1919.

6373--Nov. 7, 14, 21, 28; Dec. 5, 12, 19, 26, 1919; Jan. 2,9,1920.

 

Hoihoiia I Iapana Na Kepani Lawai'i.

 

            O na Kepani lawai'a eona i lawoia mai ianei elua pule i hala aku nei e ka mokuahi Editor a i paaia ai maanei e na luna aupuni federala o ka oihana hoopaelimahana, ua hoihoiia aku lakou i lapana maluna o ka mokuahi Persia Maru ma ke kakahiaka Poakahi nei.

            Ua halawai keia mau Kepani lawai'a me ka poina ma ka manawa o ko lakou hoopakeleia ana mawaho ae o ke kapakai o Formosa ma na la mua o keia makina. O kahi waapa lawai'a uuku a lakou e kau ana ua puhi hele ia e ka makani i ka moana no 750 mile ka mamao mawaho mai o Hongkong mamua o ko lakou loaa ana aku a hookauia mai malona o ka mokuahi Editor.

            I ke ku ana mai o ka mokuahi ianei na hoihoiia ae na Kepani malalo o ka hoomalu ana a na luna aupuni o ka oihana hoonae limahana a ua noi kokeia aku ka manao o na luna aupuni ma Wakinekona e hoakaka mai no ke kupono o ko lakou hookomoia mai i Hawaii nei. Eia nae, oiai ke kanikela Kepahi maanei e hana ana mamuli o ke kauoha mai Tokio mai, ua hooholo oia i kona manao e hoihoi aku ia lakou i Iapana, oiai nohe o lakou mau palapala ae e komo mai ai iloko o ka lepo o Amerika, no ia kumu i hookauia aku ai kela poe Kepani maluna o ka mokuahi Persia Maru ma ka auwina la Sabati e na luna o oihana hoopailimahana federala.

            He 200 a oi aku mau Kepani kane, wahine ame keiki, i kau aku maluna o ka mokuahi Persia Maru no Iapana i haalele mai ma ke kakahiaka Poakahi.

 

Hookuuia Kekahi Poe Paahao E Ke Kiaaina,

 

            Mamuli o ka hooia ana ae a ka papa lunanana halepaahao i kakauinoaia ai e ke Kiaaina na palapala hookuu no na paahao no lakou ua inoa ame na karaima like ole i ahewaia ai malalo nei:

            John Andrews, hoahewaia no ka aihue ma ke degere ekahi; Louis Vannatti, hoahewaia no ka hewa wawahi hale ma ke degere elua; Alexander Ostrio, hoahewaia no ka hewa hoeha me ka mea e ha ku i ka make; John Munroe, hoahewaia no ka hoohaunaele; John Perex, hoahewaia no ka hewa moekolohe; Pedro Gallano, hoahewaia no ka hewa wawahi hale ma ke degere elua; Francisco del Rosario, hoahewaia no ka hewa moekolohe; Ezekiel Arata, hoahewaia no ka hawa hoe me ka mea eha ku i ka make: Takahama Matsujima, hoahewaia no ka hewa hoeha me ka mea eha kua i ka make: T. de la Cruz, hoahewaia no ka wahi puupaa; Joe Correa, hoahewaia @ ka hoololi ano e ana i ka helu o ke kaa oto me ka manaoino.

 

Holo Makaukai E Ike I Ka Nani O Kapaa, Kauai.

 

(Hoomauia mai.)

            Ina he mau mea hooipoipo e ike auanei oe e anaanapa ana ka wai, no ka mea, ua hooku'i na pou ihul eia no makou ke holo nei no mua a kau ae la i ka lae e ikeia aku ai o Kapaa, mea mai la ko'u kamaaina ia'u, o kela wahi lae e po'iia mai la e ka nalu he wahi ka naenae kona, a mea aku la au, oi ana!

                                    Pae aku ua ahiahi,

                                    I kanalu o Makaiwa,

                                    Ina iho no la

                                    I kahi wai o Mehanalua.

            Pilipono aku la i Papaenaena ke komikomi malie la, a hu ae la makou aka. Ua hiki makou i ka home me ka maikai, me ka loaa ole i kekahi pilikia, ua makaukau na mea e pono ai keia kino i ka makuahine maikai, a haupa iho la a mama ana o Hanale i ka holo, me na hookaau olelo ana mai ka mea kakau aku, ame kela kaikamahine u'i no hoi o Mauai, i ka piha laiwale me ka oluolu; he piha maoli keia papaaina me ka hauoli ame ka mea ia ana mai o ka meakakau nei e hookani pila mai hoi oe, me ke kali ole aku, o ke kaui aku la no ia o na kaula keleawe, nana aku oe la he honehone hoi kau; ia manawa au i hookuu aku ai i kela leo kaulana o Moanalua, nana aku oe la kau semio.

            E pupu iho au mawaho la,

            Maloko mai oe o ka rumi la,

            A kani e ka hora elima la,

            Ahuwale e ka puu o Haupu la.

            Nana aku oe i ua u'i nei o Maui, imua a ihope e kulana nei, me ka hauoli; e  kala mai, ua pakika loa aku la, a hui ae la makou no na hana i manaoia ai e makukau mamua o ka hiki ana mai o ka po nui o Halalii, o ia hoi ka po Poaano, me ke kuhikuhi mai o ko'u mau mua i ka'u apana hana, ame ka lawelawe ana i na mea e pono ai me ka hoopaanaau i na mea apau, a haule iho la hooluolu kahi pauku kino, a lilo aku la me Anoipua, he hoonanea mai hoi kau, a i puoho ae ko'u hana, ua ao kaua e ka inuwai i kau a mea o ka inisiinisi malie, a haule aku la i ke kai auau iho la, a hoi mai la hoomaemae no ka makaukau ana i ka paina kakahiaka.

            Maikai keia la o ka Poaono keia, a pau ka paina ana, ua makaukau mai la kahi moku kaa o makou, o ka lilo mai la no ia no Lihue, a hiki mai la o ka hora 10 a.m. ia, a hui iho la me ka Lunakanawai Kapahee, o ia mau no ka piho laiwale o ua mea hanohano nei, hemo na lima a elua, aloha kaua a nui loa e Mokumaia, ke kanaka Hawaii holopuni me kela wai minoaka mau maluna on a, me kona koi mai e holo aku i kopa home, ua mahalo aku, a pela no hoi me ko'u hoa pu, ua nui no hoi ko laua kamaillio, no ka mea, ua pili ia ka hoi mai ka wa opio mai a ulu kokea iluna o laua a hui iho la no hoi au me ia hoaloha o'u, Capt. Frank Cox o Waimea, Kauai, ua nui kona hauoli i ko maua hui ana me kona koi mai ia'u e kau maluna o kona kaa e hoi i kona home; ua mahalo aku au, no ka mea, he nui loa ka'u hana e pili ana i na mea i hoomakaukauia ai no na mea pili hui, a hui me na lunanui o ka hui, no ka noonoo aua i na mea e holomua ai, a hoi mai la o ka hora 1 p. m. ia.

            Maikai keia la, i keia na kuahiwi, me ka nani pu, a ia makou i kokoke aku ai i ka uwapo o Wailua, ninau aku la au i ko'u kamaaina, mahea kahi i pae mai ai na elele a Kamehameha? Eia aku i kela lae pohaku, o ka hele no ia o kahi moku kaa o makou a ku, o ko makou lele no ia no ka makaikai ana i na kapuaiwawae, he kohu pilikua maoli no ke nana iho, in a paha aole i ha'i ka manamana, in a ua oi loa aku kanani, aka, ua ike iho la, no ka mea, ua helehele i ka moolelo ame ka lohe no hoi i ka oleloia, a ua ikemaka a kuhikuhiia mai la ia'u ame ko'u hoa kahi i pae mai ai ke kaiki hoopapa o Kalapana, Puna, ua laki maoli keia ike maka, o ka uluniu kela o Waipouli, a o kela kahia ae mauka, o ia kahi e hoopapa ai na alii ahiki mai ai ke kaiki hoopapa a Kalapana, nana aku la kou meakakau he kahua nui no kela, me ka maikai pu, a hiki i ka home o ka hora 3 p. m. ia.

            Hoomaha liilii, a eia au ke makikai nei i na aekai o Kapaa, a hui iho la me ia kamaaina o ia kaha, a kuhikuhiia mai la ia'u, in a ka e auau a anuanu alaila e hoi mai ka ahiki i keia wahi lua, alaila hoopumehana, he ano ole ke nana iho, aka o ka inoa ua kaulana, ka hulu o Moikeha, o ia ka inoa o keia lua, e hu ana ka makaani maluna, e pohu la'i ana keia wahi o ia iho la ka mea i pumehana ai ame kahi wai e holoi ai kou kai, o ia no hoi ka wai kaulana mehanalua, aia maia kahua  nui, ua eliia ke one no ka hana  alanui ana, ua loaa aku la kekahi waa ame ke kino kanaka, o ia mau no ka maikai, ame kekahi kino kanaka maka manu mamua, a pela no hoi kekahi kino maka manu mahope, e moe pea aua, ua nui maoli ke kupanaha o keia mea, a i kuu hui ana me ka luna alanui nana i hana ke alanui a hiki i ka loaa ana, i kona manawa o ia hoi o Mr. Hosea, ua ha'i mai oia he mea oiaio maoli no kela, me he la ma kana koho iho, he ano alii maoli paha ke ano, ma o kela mau kanaka la, ua nui loa ko'u hauoli, i ko'u lohe ana i keia mau mea, no ka pono o keia mau kalaimanao ana.

 

Halawai Kahea Inoa.

 

            He halawai kahea keia o na C. E. o Kaumakapili, nolaila, ua makemakeia na lala apau e hiki ae a pane i ko lakou mau inoa.

 

            Holopee Mai Kekahi Ninau Mai no ka Pono.

 

Ka Mane o ka La.

            Poakahi, Dek. 19. Ka lolelua o Pilato. Luk. 23:6, 7; 12-24.

            Poalua, Dek. 30. O ka makau ke kumu. Ioa. 7: 11-13.

            Poakolu, Dek. 31. Ko Aaarona puni wale. Puk. 32: 1-6.

            Poaha, Ian. 1. Aoale ke Akua e hoomaewaewaia aku. Gal. 6: 7-8.

            Poalima, Ian. 2. Ka oiaio hiki ole ke huna ia. 1 Kor. 10:21, 22.

            Poaono, Ian. 3. I hookahi uhane. Iak. 4: 7, 8.

            Sabati, Ian. 4. Kumuhana. Ke holopee nei anei oe mai kekahi ninau oiaio mai no ka pono. Mar. 12:22-30. (Halawai Hoolaa).

            Kekahi mau manao Baibala: O ka hana a ke Kristiano ame kona hauoli, oia no ka hana e hiki ai ke lawe mai i ka uhane ua mai i ka hewa i o Iesu la. A i nele ia manao, aole e loaa ka hauoli (pk. 22).

            E hiki mai ana ko ke Akua auruni ma kahi a ko ke Akua poe kanaka e paio ai. Ina paha iloko o ka naau, in a paha mawaho o ke kanaka. (pk. 28).

            O ka mana hookahi wale no nana e hoopaa ia Satana, oia no ka Uhane o ke Akua. Nolaila he mea pono e imi i ka Uhane (Pk. 28).

            Ke kauo nei o Kristo i na kanaka maikai a pau i On a la, elike me ka mageneti e huki ana i ka hao, aka o ka poe hewa ua hookae ia. Pehea la e lilo ai o Kristo i mana ume no kakou? (Pk. 30).

            O na kaua apau i haalele i ko lakou have i ka wa o ke kaua, a hohe wale, ua hana aku oia i kumu e hoonawaliwali ai i ka ikaika pale o kona aina, a o kona lanakila hoi.

            O ka pane aku i ka leo kahea a Iesu "Owai la ma ko Iehova aoao' Me keia pane: "Eia wau," ua hoike ae na i kona ano pono maoli, a o ke ola mau loa hoi.

            Kekahi mau olelo hoohalike: O ka ninau i keia la, oia no ka ninau waiona. O ko lakou koho ole ma ka aoao e kinai ia mea, ua haawi aku kakou i ko kakou kukua ana i ka enemi.

            Eia ka Luttra olelo kaulana loa: "Aohe mea e ae e hiki ke hana, pela hoi ke Akua e kokua mai ai ia'u, " o keia ke kulana maoli o kou lunaikehala maluna o kekahi ninau nui no ka pono i'o maoli. E hana oe ma ka pono in a he mea ia e haule mai ai na lani.

            No ka noonoo ana: Pehea la e hiki ai ia kakou he ike i ka aoao pono maluna o kekahi ninau nui? Pehea la e lilo ai ka kakou mau hana i kumu hoohalike e hiki ai ke alako mai i kekahi poe? Pehea la e hiki ai ia kakou ke hoeueu i na Kristiano no ka mea pono a lakou e hana ai?

             Kekahi mau  olelo naauao: "O ka mea hoiliili pu ole me A'u ua hoiliili oia noka hookauliilii ia" Stier.

            "E hoino aku ia Meroza!" (Lunk. 5:23). Heaha ka lakou i hana ai i mea nana e hoike ae i ko lakou kulana ma keia kupuino nui? He oki loa. O ko lakou kuokoa me ke komo pu ole mai, he haua karaima ia." H. Nuona.

            "O ka hoao ana e alo ae, oia no na mea hoouhiuhi a ka mea naau paakiki, i piha me ka wahahee i ka wa i kahea ia ai ka lakou mau kokua ana." Lavata.

            Ma keia ola ana, he kuleana ia nou e koho. Mahope o ka make ana, aohe au koho ana ilaila." J. Davidson.

            Mahea kakou e ku ai? O kekahi poe Hooikaika Kristiano, ua kau aku lakou i ko lakou manao no ka hana ma ka ike a kekahi poe ahahui o ae. E haule pu no iloko o ka lua a kekahi i haule ai!

             Noonoo laula kekahi mau ahahui-lawe mai i na ike a kekahi- hele iloko o na aha-loaa ka ike hou, a hana ma muli oia ike. He keehina holomua keia.

            A eia hoi ka kekahi mai hookomo akou i ko lakou noonoo ponoi, hoololiloli, noonoo hou i na mea hou o ae i kela wa keia wa. He makaukau no ka holomua.

           

            Hoomakaukau iho la no ka po nui o Halalii, eia ko'u mau hoa ke hoomakaukau nei, pela no hoi me ka u'i o Maui, uana aku oe la lulu ka makani, o kela kulana olo, ua loli ae la ia la, nana aku oe la aole e pilipili aku.

            Ke lawe ia la ke aloha la,

            E ka aeko hulu melemele la,

            Ke laweia la e ka manu la,

            E ka nunu maka onaona la.

            E kala mai, ua pahee loa aku la, a i ka makaukau ana, elua moku kaa keia e hooiho nei i ka peuwini, nana aku oe la, he olohio mai hoi kau o na kaa, he nui na kaa e holo nei no ke ake i ike i na mea e haua mai ana, ua ulumahiehie maoli keia huaka'i, eia no hoi au ke noho nei me ko'u hoa, me he la mai Kaleponi mai maua, no ka mea he mau papale piwa ko maua, he kulana hoale maoli.

(Aole i pau.)

Lehulehu Ka Poe I Make I Ka Waiona.

 

            Nu Ioka Dec. 28. Ua waiho ae na kanaka o ka puali makaikiu o Nui Ioka i kekahi manao koho e hoakaka ana i ko lakou manaoio no ke kumu o ka make ana o kekahi poe lehulehu oia hoi mamuli mai ia o ka waiaeke olekohola i inuia e lakou a i hoounaia aku i Masakuseta ame Roda Ailana iloko o na la elua i hala mailoko mai o na barela waiseke 100 i hanaia ma Nu Loka, mamua iki iho o ke kikina kulaia a hoounaia ae i na Mokuaina o Nu Enelani, a mailaila i hookauliilii ia aku ai a inuia me ka nui o ka poe i make.

            Ua hoike ae kekahi mau luna aupuni he lehulehu ka poe e hopuia aku ana maloko o Nu Ioka ihom iloko o ka manawa pokole ma nei mua iho.

            Eia nae, ma na lono i hiki e loaa mai ianei mai na wahi lehulehu like ole mai o ke aupuni, ma ka po i hala, ua ikeia poe kakaikahi i hoouna aku ma o a maanei i ka waiseke i hoohuiia me ka alekohola e hanaia ai no ka laau me kekahi mau ano waiona e ae e make ai.

Ke Pii Mahuahua Aku nei ka Poe Make

            Ma Chicopee ame na kulanakauhale e hoopuni mai ana, na wahi o ka waiseke me ka laaumake iloko i hookauliilii ia aku ai. A i make ai he mau ola lehulehu ma ka la Kalikimaka a ma ka Poalima, ua pii mahuahua loa aku ka heluna o ka poe i make ma ka la i nehinei. Ma kahi o na make he 36 i hoikeia mai ai ua make i ka alekohola laau ma Chicopee ame na wahi e hoopuni ana me ke kakahiaka o nehinei, ua pii hou ae ka heluna o ka poe i make a i ke 45 ma ka po i hala, me ka aneane maopopo loa ka make hou aku o kekahi poe.

            Ma ka hoike a ka nupepa mai Chicopee mai, ke make mai la me ka hikiwawe loa ka poe i ma'i i ka waiseke alekohola malaila. Mailoko ae o 15 poe ma'i i inu ai i ka waiseke alekohola a i laweia aku ai iloko o ka Halema'i Mercy he 14 o lakou i make, no ka umikumamalima o lakou e make aku ana no oia ma ka manawa i loaa mai ai ka lono. Ua manaoia, elike me ka hoike a ka lono, e hoopiiia aku ana no ka hewa laweola ka poe i honiaioia ke na lakou i kuai i na waiseke alekohola, a no ke kuai ana hoi i ka waiona me ke kue i ke kanawai.

He 45 Galani i Kualia Aku

            Ua hoike ae o Alex Perry. He kanaka malama hokele no Chicopee i kona kuai ana. He 50 galani waiseke alekohola imua o na luna aupuni, a he 45 mau glani ana o ke kuai ana aku i kekahi poe mai ia huina ae. E paaia ana oia no kona pane ana mai i ka hihia laweola e kue ana iaia.

            Ma Kikako, kahi o kekahi poe eha i make ai ma kaPoalima he heluna no i like me ia ka i make ma ka la aku la i nehinei mamuli o ka inu ana i ka waiseke alekohola. Ua paa i ka hopuia ka luna hoohana o ke keena kuai laau o ka hale kuai, kahi o ka alekohola laau i kuai ia aku ai no elua dala.

            Lehulehu ka poe o Colorado e loaa ana i ka makapo, ka poe i inu ai i ka alekohola laau ma ka La Kalikimaka. Elike me ka lono i loaa mai ianei mai Denever mai, he lono e olelo ana mailoko ae o na kanaka ma'i he 12 i hoihoiia aku ai maloko o ka halema'i no ka lapaau ana mai ia lakou, he hapanui o lakou e loaa ana i ka makapo no ka inu ana i ka alekohola laau make.

 

Hoopaneeia Ke Koi Ukuhana Kiekie A Na Pilipino.

 

            O ka manao ollohani o na hui uniona o na Pilipino limahana o na makahiko ua hoomoeia no keia manawa, mamuli paha o ka lokahi ole ana mai o na hui uniona me kela manao hookahi, e hoala i ka olohani ma na mahiko apuni keia Teritore, a ke hoeueu mai nei na alakai o kela mau hui uniona o na Pilipino e waiho aku i ke koi i na @ o na mahiko, no ka hoomahuahua hou ana ae i ka uku hana o na Pilipino.

            Mamuli nae o na la kulaia, me ke komo pu aku o na Pilipino, iloko o na hana hoomanao no ka la o Rizal, kekahi o na Pilipino ano nui loa, ma ka moolelo o ka lahui Pilipino, no laila, ua hooka'uluaia ka waiho ana aku i ke kou hoomahuahua ukuhana, a hala ae ka la makahiki hou, mahope aku o kela manawa e hoao hou aku ai na alakai o kela hui uniona, e imi i na alahele apau e hookoia mai ai ko lakou mau makemake e na mahiko.

            I kulike ai nae me kekahi lono meahou i hoounaia mai i na nupepa Kepani o keia kulanakauhale mai Maui mai, ua noho ae he halawai nui o na Pilipino ma Wailuku, ma ka pule aku nei i hala, ma ia halawai i loheia ai he mau haiolelo lehulehu mai ma Pilipino mai, me ka hooili ana aku i na ahewa ana maluna o na limahana Pake, o na mahiko, no ko lakou komo pu ole ana mai a kokua i na noi hoomanuahua ukuhana, a na Pilipino me na Kepani, me ka lohe pu ia hoi o kekahi mau manao hoakaka, no ke ala kue ana o na Pilipino ame na Kepani, aole e kuai i na meakuai oloko o na halekuai, e malamaia ana e na Pake, a i ole, mau hana kalepa waiwai e ae paha.

 

Na Meahou Ma Ka Ekalesia O Paia, Maui.

 

            Solomon Hanohano, Esq., Aloha nui kaua: E oluolu oe e hookomo iho i na meahou o ka Ekalesia o Paia, e nee nei i keia maula. Ma ke Sabati, Dek. 12, 1919, i malama ae ai o Rev. M. M. Kahiapo i ka papaahaaina a  ka Haku ma kona Ekalesia ma Paia. Ua hookomoia i ka Ekalesi he hookahi hoahanau komo hou, me elua keiki liilii i bapetizoia; he maikai ua hana i lawelaweia.

            Ma ka po Poakolu iho nei, ka la 24, a ao ae la 25, o ia ka la Karisimaka, ua lilo keia po, i po hauoli no na mea apau i hiki mai ma keia ahiahi. Mai kinohi mai o ke ku ana o keia Ekalesia aneane 30 makahiki i hala ae nei, o keia ka mua loa iloko o kona moolelo Ekalesia ka ikeia o ka holomua o na hana e nee nei i keia wa.

            Ua hoomalamalamaia ka luakini apuni i na kukui awila, a he mea hou i o hoi ke nana ae i keia mea ano hou o keia wa. O na komite no na mea i pili ana i ke kukui uwila, oia no o James Namaka Jr., ka lunahoohana, ame  Jos. Kaholokula Sr.

            Ua hoomakaia na hana o ka fea mai ka hora 6 p.m., ahiki i ka hora 8 p.m., a ia manawa i malamaia ae ai na hana o ke kumulaau Karisimaka. Hoomaka na hana me ka himeni ame ka pule a ke kahu; na komite no keia hana, oia no o Mrs. L. Marhado, Mrs. Daisy Kalaaupa ame Mrs. Kilikaa. Ua nui na makana i haawiia i na keiki, a pela pu no hoi na makamaka ame na hoaloha i kipa mai e ike i na hana o kela po.

            I ka pau ana o keia hana ihoomaka hou ia aku ai na hana o ka fea ahiki wale no i ka hora 11p. m. o kela po, a mahope o ia manawa i malamaia ae ai na hana halawai haipule o kela po.   

            Hoomakaia na hana me ka himeni ame ka pule a ke kahu. Na na lunakahiko o ka Ekalesia i malama na hana o kela po ka la hanau o Iesu. Ua nui na manao paipai ame na manaolana mai na hoapaahana mai, a i ke kaui ana o ka hora 12p. m. i hookuuia ae ai na hana halawai haipule me ka maluhia.

            Ma hope iho o keia manawa i hele ae ai na mea apau loa e paina maluna o kekahi papaaina i hoomakaukauia e ka Ahahui Men's Mutual Improvement Society, he 3 puaa nui momona; ua ai na mea apau, ua piha hoi i ka loko maikai o ka on a hale. I ka pau ana o ka paina ana, ia mawa i hoi hou ae ai na mea apau loa iloko o ka luakini, no na hana i koe, o ia no ke kula paio.

            Ua malamaia ke kula paio me ka maluhia maluna o ke kumuhana o ke one ame ka pohaku owai o lau ka mea hooopomaikai mai!

            He nui ka waiwai i loaa maluna o keia kumuhana, o ia hoi ua kamailio na makuahine ame na makuakane @ o ke kumu hana me ka nui o ka hauoli. Ua malamaia keia anaina i ka hora 2 p. m., ahiki i ka hora 4 p. m., alaila hoolaha mai la ke Kahu M. M. Kahiapo e malamaia ana ka halawai haipule Sunrise Meeting i ka hora 6 a. m. ahiki i ka hora 7 a. m. Ke kumuhana aia ma Ioane 15:14. O oukou ko'u mau hoaloha, ke hana oukou i na mea a'u o kauoha nei ia oukou.

            Ua malamala ka halawai haipule me ka hauoli o na mea apau i kela kakahiaka. I ka pau ana o ka halawai haipule, i hoi hou ae ai na mea apau e paina i na mea i hoomkaukauia ma kela kakakhiaka, ua ai na mea apau. I ka pau ana o ka paina kakahiaka i noho hou ae ai ka halawai kuikawa a na komite o na hana o kela po.

             Hoike a na komite o na hana fea @o kela po, oia no o Eddie Alu, Mrs. Machado, Mrs. E. Kalaaupa, no ka Ekalesia; no komite Kula Sabati, Jos. Kaholokula Sr. Mrs. Lilu M. Kepoo; komite o ka Ahahui C. E. Sr., Mrs. Holiona; Ahahui C. E. Jr., Mrs. Lum Ho. O ka huina nui o na loaa o ka fea ma keia po, he $74.60, ma ke kuike, me ke komo ole mai o kekahi mau koena i koe. Ua maheleheleia iloko o na mahele 4 ame ke kukulu luakini hou. Lulu laau Karisimaka o kela po no na keiki makua ole o ia hoi White Gift no na keiki liilii Ameuiane he $10.

            Eia hou, ua pau ka hale kahi o ka Ekalesia o Paia i ka hoomaemae ia e ka HUi mahiko o Paia, a e hoi mai ana o Rev. Moses M. Kahiapo i kona hale hou ma keia mua koke aku; a malaila pu ana kona keena oihana o na hana pili ahahui ame kekahi mau hana e ae.

            No ka luakini hou o Paia e kukuluia aku ana i keia makahiki ae.

            Me keia mau manao pokole ke haawi aku nei ka Ekalesia o Paia i ka hoomaikai i ka M. A. Co., no na mea maikai i haawiia mai i keia ekalesia, a pela pu no hoi me  na makamaka ame na hoaloha i haawi mai i ka oukou mau kokua aloha ia makou, a na ke Akua e kokua mai ia kakou apau loa; Amene.

Me ke aloha,

            I. J. H. Kealoha,

Kakauolelo Mens' Mutual Improvement Society of Paia, Maui. T. H.

 

            Ke pii mau ae nei ke kumu kuai o ke eke palaoa ame ke kopaa i keia manawa, a ma ka hoakaka a kekahi poe ka lepa o keia kulanakauhale, aole he manawa e emi hou iho ai ke kumukuai ma keia mua aku, aka e oi loa aku ana ka pii.

 

KA "NUPEPA KUOKOA."

Is published in Honolulu

EVERY SATURDAY,

$2.00 per annum, or $1.00 per six

months, in advance.

ADVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.

HE MOKU HOLO MAU

No Lahaina, a me Makena.

O KE KUNA KALEPA PAA

maikai,

"Kate Lee."

O Fountain ke Kapena,

E HOLO MAU LOA ANA A HIKI MAI

no hoi ma na Awa i olelo ia maluna. No na ukana a me

na ohua, e nina i ke Kapena ma ka moku, a i ole ia ia

28-tf C. BREWER &co. (BURUA MA)

HALE MU! 
 HALE KUAI MEA AI! 
 HE OLUOLU LOA KE KUAI ANA O NA mea ai ma keia hale, i lohe oukou e na makamaka Hawaii a pau! 
 RAIKI no Waimea, Kauai mai, 
 PALAOA maikai loa, 
 KAMANO io ula no Keamolewa mai 
 BIPI uaho no Kaleponi mai, 
 KOPA keokeo – KOPA ulaula, 
 AILA Honua! AILA Kohola, 
 KOPE – PAAKAI, 
 AI no na Lio a me na Moa 
 Na mea ono he nui wale o kela ano keia ano. 
 PIA NO HAWAII MAI, 
 PIA AI - 
 A he nui loa no na mea ai maikai e ae. 
 Nolaila la ea, e na makamaka, e hele mai no me kahi dal e ike maka no oukou i keia mau mea i halia ae la maluna. 
 Me ka mahalo, 
 I. BATALETA. 
 370-3ms