Ka Nupepa Kuokoa, Volume LVII, Number 52, 26 December 1919 — WAIHO I KEKAHI MAHELE O KA WAIWAI NO NA HANA KOKUA. [ARTICLE]

WAIHO I KEKAHI MAHELE O KA WAIWAI NO NA HANA KOKUA.

Maloko o ka palapala kauoha hooilina a Mrs. C. A. Alexander o ka make ana maloko o ka Halema'i Moiwahine ma ka Poakolu o ka pule aku nei i hala, i waiho mai ai oia i kekahi mahele o kona mau waiwai, i hiki aku ma kahi o ka hapaha miliona (lala, no na hana kok!ua maloko nei o keia kulanakauhale. E hoakaka ana ka palapala kauoha hooilina no ka puunauwe like ia o na (lala e haawiia aku, mailoko ae o na loaa makahiki i na wahi like ole o keia Teritore, i kuleana ai na.kokua, me ka haawi ana hoi ;i ka mana, i na kahuwaiwai, fe hoohaiia akū elike me na mea kupono loa e ikeia ajia. Ua hanauia o Mrs. C. A. Alexamler ma Kelemania, a iloko o kona manawa opiopio loa i holo mai ai uo Amerika, a, mamuli o kona ]oihi loa ma Amenka, a hui pu iho me kona mare ana i k'e kanaka Amerika, ua lilo kona mau ano Kelemania i ano Amerika, ma ka manao a ma ka hana. Ua hoea mai oia me kana kane no Hawaii nei, he mau makahiki lehulehu i kaahope aku, a he mau makahiki lehulehu ka noho kumukula ana o Mt. Alexander, kana kane ma Kauai, me ko laua a'o like ana no hoi ma ke ano he mau kumukula, a mamuli o ka hoomakaulii ana, me ke akahele i ka, laua wahi loaa liilii, e hookomo ana iloko o na hana hoopukapuka dala apau, ua pii mahuahua ae ko laua waiwai, mai ka uuku mai ahiki i ka nui loa ana, a i kulike me ka palapala noi, i hookomoia aku iloko o ka aha, no ke koho ana mai i kahuwaiwai no ka mea i make, ua hiki aku ma kahi o ka $192,961.72 ka waiwaiio o ka mea i make, ke fiui pu ia mai na waiwai lewa a i na dala maloko o na hana hoopukapuka.