Ka Nupepa Kuokoa, Volume LVII, Number 52, 26 December 1919 — E Ikeia Ae Ka Mea Oiaio e Pono Ai [ARTICLE]

E Ikeia Ae Ka Mea Oiaio e Pono Ai

Xo ka pili i ka hewa, a hewa ole paha, elike nie kc kumu hoopii hoahewa a ke kiure kiekie o ke Teritore, i hoihoi ae ai, e ku-e ana i kekahi mau makai o ka apana o Koolauloa, he hookahi mea maopopo loa, ua hoea mai i ka wa a ka lehulehu e hooniaopopo ai i ka lawelaweia o na hajia piliwaiwai ma ka apana i kaa aku malalo o ka hoomalu ana a ka oihana makai; elike me na mea oiaio i huli a i ī.oii pono ia aku e kela papa kiure, a i hooiaioia īnai hoi e Tai Kon, ka Pake malama kaa otomobile hoolimalima, o ka hoopii pu ia ana me kela poe.makai, ma kona ae okoa ana aku imua o ka aha, no kona pili i ka hewa. Ua laula maoli ka lawelaweia o na hana piliwaiwai, aole wale ma ka-apana o Koolaupoko, elike me na ike i waihoia 3e imua o ke kiure kiekie, aka ma na apana e ae no kekahi; o ke kumu nae o ka hele lanakila ana o kela hana hakihaki kanawai, a na kanaka e noho ana ma na wahi i lawelaweia ai kela mau hana, i ike maoli ai no, oiai ua kuu akea , ia ka piliwaiwai ana, ua lilo ia i hana pohihihi, koe ( wale no ka olelo ana ae, aole i maopopo i na makai ia mau hana. a i ole, ua kaawale loa lakou i kahi e, a ma o aku olaila, o na makai wale no ka poe i ike i na kumu oiaio loa. E haawiia na mahalo kiekie ana i ha hoa o ke kiure kiekie, na lakou i kikoo aku ilalo o ka mole o ka ino, a ulaa ae a ku ka hohono i ke akea o na hana piliwaiwai ma ka Apana o Koolauloa; a ina ma ia apana i hele lanakila ai ka piliwaiwai, pehea hoi na apana e ae? Ua kaawale anei ia mau apana mai keia kupuino mai ? Ke nxanaoio nei nae makou, eia malalo o ka malu o na kiure kiekie, na mea oiaio, e hiki hou ole aku ai ke nalo, na mea i hanaia ma kahi malu, aka e hoikeia ae no ia i ke akea, i ka wa kupono. E hoao e na kanaka Hawaii, ma ka hooniaka ana o ke »a makahiki ae, e hoomakaulii ma na mea apau, o ka oi loa aku, o ia no ka hoomakaulii ana i ka oukou mau dala, ma ke komo ana ae iloko o ke Kalapu Karisimaka o ka Banako Bihopa ma', a i ole, ma na kalapu hoomakaulii apau, pela wale no e loaa ai ke kulana ulakolako ia kakou ,a e hoopauia ae ai no hoi kekahi mau pilikia, E pau ka noho naaupo ana, e na makamaka, e hoohalike ia kakou me na lahui e, ka poe i loaa ka noho kuonoono ana mamuli o ka malama i na mea liilii. '