Ka Nupepa Kuokoa, Volume LVII, Number 52, 26 December 1919 — Aloha Hapenuia Kakou [ARTICLE]

Aloha Hapenuia Kakou

Ua hoea mai kakou i ka helu hope loa o ke Kuokoa e puka aku nei no keia makahiki; a oiai o ka Poaha e hoea mai ana, o ka la -mua loa ia o ka makahiki hou. ke haawi e aku n'ei makou i ke aloha Hapenuia i ko ke Kuokoa poe heluhelu, me ka nonoi pu aku ia oukou, e lawe aku i t na hoomaikai palen.a ole a keia pepa, i kona poe no na kokua ame na manao ohohia, i haaw ; iia mai e ouou, no keia makahiki holookoa e hookokoke aku nei i kona pau ana, ma keia Poakolu ae. O ka makahiki e pau ana i keia Poakolu ae, he makahiki ia a kakou i halawai ai me kekahi mau hana ano nui o ka nee ana o ke au o ka manawa, ! he makahiki hoi i ike ole ia kona lua, ma .ka.mooj lelo o na makahiki mamua aku, ma na mea e pili ana i na mea i pili loa aku i ko kakou ola, ana; aka he hookahi nae mea nui a kakou apau e komo like ai iloko o na hoomaikai ana, o ia no ka hooinauia niai o ko kakou ola, a makou e manaolana aku nei, ! e hoea mai ana no kakou apau i ke komo like ana aku iloko o na hauoli ana no ka makahiki hou e hoea mai ana. ; Ma ke ano he wahaolelo 110 ka lehulehu, e hooko ' ana hoi i na mea apau a makou i manaoio ai, i kupono e hoomalamalamaia aku, a e hoonaauaoia aku ' i ka lehulehu; ke manao nei makou, ua lokahi ko ; ke Kuokoa poe heluhelli ma ka hooia ana mai, o kei.a wale no ka pepa apuni keia Teritore, i hiki ke hilinaiia. no ka loaa o kekahi mau pomaikai, ame na mea waiwai nui i ka poe heluhelu. Elike nae me kona kulana o ka makahiki e pau aku ana, pela no ia e haawi mau aku ai i ka ai no ka noonoo, i na Hawaii.apau i makee i ka lakou olelo makuahine, me ke noi pu aku no hoi i ko oukou oluolu, e lilo pu mai kakou i poe kokua, | ka hookele ana i keia hana nui, a makou no e olelo

ae ai, ua aie nui makou i na makamaka, no na manao waiwai ame na palapala lehulehu i hoounaia mai i keia keena, a i hoopukaia aku ma na kolamu o keia pepa, pela no hoi me na meahou, ua lilo ia mau manao i kakauia mai i momi alohilohi, a i kukui hoomalamalama no na home Hawaii. I pana'i ma ka ao.ao o ke Kuokoa nei, a i wahi makana Hapenuia hoi imua o na kaukani o na kaukani o kona poe heluhelu, e panee aku aaa ia i ka alemanaka o ka makahiki 1920 iloko .o ka wa kupono; ke pau i ke pa'iia, me ka lana o ko makou manao, e lilo ana ia i kukui olino no na home kuaaina, e kau ma na wahi kupono, i mea alakai ia ou« kou i na la o ka pule ame ka mahina. Me ke Alolia Hapenuia i aoukou apau! Aloha Hapenuia kakou!