Ka Nupepa Kuokoa, Volume LVII, Number 51, 19 December 1919 — Na ke Akua i Hoopakele Ae i ke Ola [ARTICLE]

Na ke Akua i Hoopakele Ae i ke Ola

Ma ka moolelo. 110 ka hoopakeleia ana o Kailapa Kanehaku mai ka make mai, e puka aku nei ma ka aoao mua o keia pepa, mahope iho o ka paialewaia ana maluna o ka ili hualala o ka moana no na la he kanalima-kumamakahi, ka mea a kona mau hoaloha ame na makamaka i manaoio ai, ua haalele īnai oia i keia ola ana. ua maopopo loa, o ko ke Akua lima ka mea nana i hoopakele ae iaia mai ka make mai; aole wale no, e lilo kona pakele ana mai, i mea e ikeia ai ko ke Akua mana ma ona la, aka i loaa ai he haawina i na kanaka Hawaii e ae, no ka oiaio o ke Akua, a 110 Kona lilo ana i Kokua kokoke loa, iloko o ka wa o ka popilikia. lle kanaka haipule o Kailapa Kanehaku, he hoahanau, a he luna ekaleaia oia no kona ekalesia, a iaia iluna o ka moana. me ka maopopo ole o kani mea e hana aku ai. oiai ka make e hoopuni ana ma kona mau aoao, ua kakali aktt oia o ka lalau mai e na lima o ka make iaia; aka i ka hala ana o na la elima, me ke komo ai ole, a inu ole hoi i ka wai, akahi no a komo mai ka iloko ona, aole ke Akua i makemake e lawe i kona ola, nolaila nonoi aku la oia i Kana mau kokua ana mai, he oiaio, ua paneia mai la ka leo o kana pule, ma haule. ana mai o kekahi kuaua, a loaa iaia ka wai. No na la he iwakalua-kumamaono, aole he meaai i komo iloko o kona opu. mawaho ae o ka wai, me kona> pu.le mau ana no nae i ke Akua i ka po ame ke ao, o kana mea i ike iho ai iaia, aole ona pololi mai, a nawaliwali mai paha o kona kino; aka komo mai la ka noonoo iloko ona, e hana aku oia i kekahi mea e loaa ai kana ai, no ka mea he kanawai paa ia a ke Akua, i kau mai ai maluna 0 ke kanaka mua loa Ana i'han'a ai, o kona hoomaka aku la no ia e hookala i kekahi hao maluna o ka waapa, a hoopaa i ka laau, a me kekahi welu. e kakelekele ana iluna o ka ilikai, i kaalo ae ai ht mahimahi, a o kona kilou aku la no ia ine kana īiao kekee, a loaa iha .la ; kana mea e ai ai, no ka malanla ana mai i ka ikaika iloko o kona kino. Ua hoopakele i'o mai ke Akua ia Kailapa Kanehaku, mamuli o ko Kailapa Kanehaku, hooko ana aku i ka aelike ma kona aoao, o ia ka lawelawe ana 1 kekahi mea e pono ai oia, a o ke Akua ka mea nana e hooko mai i Kana mahele o ka aelike, he mea kumau keia a ke kanaka e hoomaopopo ai i na manawa apau o kona ola ana, ke halawai me na poino elike me ia i loaa ai i keia kanaka Hawaii o leakou. He mea hookahaha 110 i ko kakou manao, i ka wa i hoea ai o kona wahi waapa i Nihoa, ka hiki ole ana i ka ikaika o ka makani, ke lawe aku i kona waapa mai kela mokupuni aku no ka moana akea, aka no na la ehiku me na po ehiku, e kaapuni mau ana kona waapa i kela wahi mokupuni; o keia kekahi o na mea e hoike mai ana ia kakou, o ke Akua wale no ka Mea i ike i Kana alahele e hoopakele ae ai i Kana kauwa, eia ka he waapa Kepani lawai'a ke holo aku nei, no ka hoihoi ana mai iaia i imua o na hoaloha ame kona ohana; e lilo hoi i mea hooiaiō aku i Kona oiaio ame Kona mana imua o kona lahui kanaka. Aole keia o ko kakou kanaka Hawaii wale no i hoikeia ai na lima hoopakele o ke Akua, aka he nui a lehulehu wale lakou, ka poe i waiho aku ia lakou iho iloko oko ke Akua mau lima; ua ike kakou maloko o na moolelo o ko lakou hoopakeleia ana mailoko mai o ka make ma ka moana.