Ka Nupepa Kuokoa, Volume LVII, Number 50, 12 Kekemapa 1919 — PANIKUIA KE ALANUI PAU O NUUANU. [ARTICLE]
PANIKUIA KE ALANUI PALI O NUUANU.
Ma ka la i nehinei ka hoomaka ana e paniku i ka hele ana ma ke alanui pali o Nuuanu, a no iwakalua la e panikuia ai. O keia ka hoolaha i hoopukaia ae e E. J. Lord, ka mea i lilo ai ka aelike no ka hana ana i ka hapamua o ke alanui holopuni o Koolaupoko, mai ke kikee aku o ke alanui pali ahiki i ka palena o Hakipuu. He manaolana ko Mr. Lord e pau ana ka hana o kela hapa o ke alanui holopuni iloko o na la hookahi haneri ame iwakalua, he hapa hoi o ke alanui holopuni i hoohakaliaia ka hana ana mamuli o ka nele i ka puna kameki, a no ka loaa ana mai nei he 7500 barela puna kameki a Lord i makemake loa ai maluna mai o ka mokuahi Sachem, e hoomakaia aku ana ka hana me ka hikiwawe loa e hiki ana. No ka holo ana aku a na kaa no Kaneohe, Heeia ame Waikane, ma Waialua ae ke ala e hiki ai, oiai ke alanui pali e panikuia ana.