Ka Nupepa Kuokoa, Volume LVII, Number 50, 12 December 1919 — HE HOALOHALOHA NO MRS. AUGUSTA MAKANUI P. LAMAKU. [ARTICLE]

HE HOALOHALOHA NO MRS. AUGUSTA MAKANUI P. LAMAKU.

E kuu Solomon Hanohano, anoai ka-ua:--Eia au la ua hiki mai la, ina hoi he mea oluolu i kou ahonui no'u kauwahi rumi kaawale o na oneki haokila makeneki no keia mea hookaumaha noonoo, o ia iho keia malalo nei: Ma ka po o ka Poakolu, o ka mahina o Nov. 26, 1919, hora 11:45, i niau palanehe aku ai ka uhane o kuu wahine aloha Mrs. Makanui P. Lamaku i au ae ko'u hana ma na paia o ko maua home aloha, aole oia i loaa ia'u; eia aku la paha oia me Miolopua i ka moe kau a moe hooilo. Ua hanauia mai o Augusta Makanui mai ka puhaka mai o kona mau makua, oia hoi o Peninui (k) ame Keano (w), ma Wainiha, Kauai, a i kona nui ana, ua mare kane oia ma Kauai no, a loaa hoi kana kane mua i ka ma'i hookaawale, laweia no Molokai, a no ke kane hoi ka ma'i hookahi no kona hahai like ana mahope o ke kane; au like mai laua i na ale hanupanupa o Kaieie, ahiki i ka uluwehiwehi o ke kaona, mailaila mai, au hou no laua i ke kai o Kaiwi mawaena o Oahu ame Molokai. I ko laua noho ana ilaila, make no hoi kana kane i au like mai ai, a ua paa aku hoi ko'u hoahanau no ia kulana ma'i no, oia hoi ka H. K. Keliikipi keiki, laua o Malaea (w), oia hoi o Phillip Kilauea, a ua make hou no kuu hoahanau no ia kulana ma'i no, a ua ku ae ka maua wahine aloha a hoi loa mai no ka mokupuni o Keawe nei, ahiki imua o ko maua mama aloha, oia hoi o Malaea Keliikipi, au hou mai la oia i na kai i koe o ka paeaina nei. Elike me ka nui o na kai mawae o na mokupuni o kakou nei, pela iho la no ka nui o na kai i auia mai ai e kuu wahine aloha, a loaa mai au e luala'i ana ma ko'u mau kihapai aloha o Kailihau o Halawa, a malaila maua i hipuuia ai i na kaula maawe kaakolu o ka berita e ka Makua Kakolika o ko makou apana ma Halawa. E Wainiha e, kahi o kuu wahine aloha i hanauia mai ai e kona mau makua a nui a mare kane, eia mai ka uhane o kuu mama la, ua wehe i ka pili hookoo aloko.

E Molokai nui a Hina e, Kalaupapa, ke kahua a kuu wahine i noho ai iloko o na makahiki loihi, e ike iho ana oukou ma ka nupepa, o Augusta Makanui, ua hala, ua mae ka pua, ua helelei ka lau o ka mokihana. E Kohala i ke apaapaa, e Halawa i ke ala lipoa hooheno poli e, ua pau ko Makanui honi hou ana i na lipoa aala o kuu onehanau; e Makapala i ke kai pii e, ua pau ka holo kainepu hou ana a Makanui i ka lio hulupala ou e E. J. Z. Luis. E na wai lelehuna o Waipunalau e, ua pau ko Makanui hoopulu hou ana i kona ili lau maia memele ma kou mau hunawai puka mai mai ke kumupali mai. A i Honolulu hoi kahi a maua i noho pu ai me kuu wahine a haalele mai la oia ia'u i hope nei, e kuewa hele ai i ke ala me ka waimaka. E na kini makamaka ame na hoaloha o kuu wahine hele loa ua pu ko oukou ike ana ia Makanui ma ko ouou mau ipuka hale, ua mae ka nani o ka awapuhi, ka pua mili apa a kuu wahine e milimili mau ai; ua waiho ia ke kino wailua o kuu wahine ma ka hale ialoa o Mr. Williama ma ka hapalua hora ekolu o ka Poalima, Nov. 28, i hoolewa ia aku ai ke kino wailua o kuu wahine ma ka luakini o Malie Kamalu i Loma, a mai laila aku a i ka ilina o Koula; nolaila, ua piha i kuu wahine he 38 makahiki me na la keu o kona honi ana i na ea oluolu o keia ola honua ana. Ua nui no ko maua mau hoaloha i hiki mai ame na ohana, me ka lakou mau makana pua; ke haawi aku nei au i ko'u mahalo ame ka'u mau hoomaikai ana apau i ka poe apau i akoakoa mai no ka la kumakena o ka'u wahine hele loa. O makou iho no o ka ohana, MRS. WAHINEPIO, MRS. AH LINCIU, MRS. PIHANA MAKEPA, MRS. N. HOOHULI, MRS. ANE J. ENOKA, SAM ENOKA, ABRAHAM SIMEONA, K. PAUL MAKAKOA, PAUL LAMAKU. -+++ HE HOALOHALOHA. Mr. SolomOn Hanohano, Aloha oe:—E oluolu e haawi mai i rumi kaawale o ka Nupepa Kuokoa, no ka makou ukana luuluu a paumako i ke aloha, i ike mai na ohana o na bebe i make, James. Keaki. Make Nov. 10, 1919, no Waiakea, Hilo, Hawaii; Peter Maeha, make Nov. 17, 1919, no ia wahi hookahi no; ame John Makainūi Nuu, make Nov. 20, 191P, no Hakalau-uka, Hilo, Hawaii. Nolaila, o makou o na hoahanau o ka Ekalasia o Hakalau, na lala o ke Kula Sabati ame C. E. o Hakalau, ma o ko makou mau komite la, ke komo pu aku ,ei makou me na ohana o na bebe i make, e pu iloko o ke aloha haanipo. Nolaila, ke hoomanao nei makou me ka poina ole i ko lakou mau helehelena pakahi i na wa Kula Sabati a lakou i hiki pu mai ai me na makua, i ka luakini a ua heluia lakou he mau bebe no ke Kula Sabati o Hakalau. I ka hooki ana i keia, ke nonoi ae nei ka makou leo pule i ka Haku lesu Kristo, Nana e lawe aku i na kaumaha ame na luuluu o na kupuna, na makua, na ohaha ame na hoahanau, na hoa Kuia Sabati ame na hoa C. E. o ka Eka-

lesia o Hakalauj a Nana no e haawi mai i na pomaikai ame ka maluhia malun? o kakou apau r Amene. O makou iho no me ke aloha, SOLOHON D. HELELA, Komite Ekalesia; JOHN A. AKANA, Komite Kula Sabati; ' HENBY NALAIELUA, v Komiīe C. E.; REV. DANIEL LONOEHU, Lunahoomalu o ke Komite.