Ka Nupepa Kuokoa, Volume LVII, Number 49, 5 Kekemapa 1919 — KA'IHUAKA'I NA LALA O KA HUI MALU. [ARTICLE]

KA'IHUAKA'I NA LALA O KA HUI MALU.

I kulike ai me na hana maa i ka lawelawe mau ia i na makahiki apau, i ka wa e hookomoia ai na lala hou iloko o ka hui' malu, pela. iho la i lawelaweia ae ai na hana ku i ka hoopihoihoi noonoo, a kau no hoi ka weli, maluna o kekahi mau lala hou he kanakolu ka nui, e ka Ilui Malu Aloha Temple, ma ka auwina la o ka Poaono aku la i hala, maloko nei o keia kulanakauhale.

Ma ka hora ekahi o kela auwina la i ka'ihuaka'i ae ai, na lala o kela hui malu, iloko o ko lakou kahiko hoakaaka, pela hoi na lala hou i komo pu aku ai iloko o ka huaka'i.

Ua alakaiia kela huaka'i e 'ka hana puhiohe o na koa, mahopo aku kekahi mau lala o ka hui malu, me ko lakou aahu uliuii, i ukaliia aku e ka poe iloko o ko lakou mau paalole maoli, me na kaoi ulaula, a inahope loa aku na lala hou i makemakeia e komo iloko o kela hui.

Ua nui na hana hoakaaka o kela hualea'i, elike no m« na ka'ihuaka'i apau o kela ano i malamaia ma keia kulanakauhalo. Mahope iho oko ka'ikuaka'i ana ma na alanui, i huli hoi aku ai ka huaka'i no ka hale o ka hui malu, ma ke alanui Moi, malaila i hookomoia ai na lala hou iloko o na hana hoomaka'u* ka u, a liooweliwoli, eia nae ua lanakila lakou apan, maluna o ia mau hana, a lilo aku la i poe lala no kela hui malu.

Ma ke ahialii ana iho o kela la i akoa-' koa aku ai na lala apau o ka hui malu, mai ka poe kahiko, a ka poe hou, no ka home o Robert W. Shingle mawaho o W r aikiki, no ke Jkomo pu ana aku iloko o na hana hoohauoli hope, a no ka ai ana i kekahi mau meaai i hoomakaukauia ma kela ahiahi, no ka hanohano 0 na hoa o ka Hui Malu Aloh« Telfiple. Mamuli o ka nui ole o ke kopaa kaokeo e loaa nei i ka poe kalepa, aole * loaa ana i kekahi mea he eko kopaā piba, aka ma kalii o ka elima a i ka umi wale no paona kopaa e kuaiia ,aku ai i ka lehulehu e na halekuai i keia manawa.