Ka Nupepa Kuokoa, Volume LVII, Number 45, 7 November 1919 — HE HOALOHALOHA NO A'U MOOPUNA HELE LOA. [ARTICLE]

HE HOALOHALOHA NO A'U MOOPUNA HELE LOA.

Aloha ka makani kaulana o ka aina, aloha ka home lauhala a ka malihini, e kipa aku ai, ua lako i na mea e oluolu ai ke kino. Hoomanao ae la ko olua papa ame na pokii o olua, i ke mele lahui o ka aina: E aloha wale ana no au, Ka makani kaulana o ka aina, A'u i noho ai a kupa ka makani kailialoha, Kuu pua kuu lei kuu milimili e, Kuu lei kau i ka wekiu; He milimili oe, a he hiwahiwa hoi, He lei mau no kuu kino. I aloha ia no ia home, Home luakaha a ka malihini, A'u i noho ai a kupa, ka makani kailialoha. Aloha ka Luakini o Papalahoomau, kahi a'u moopuna e kulala ai i ka pono o ke Akua i ka poe ame ke ao; kahi hoi i a'o ia ai ka olelo e ola ai ka uhane; a ua makaukau no ka hele ana o a'u moopuna i kela ao. Kuu mau moopuna mai ka i'a a ka makani i lawe mai, mai ka i'a a paa mai i ka ohu o uka. Kuu mau moopuna mai ka i'a kuhea mai i ka pali; kuu mau moopuna mai ka la piha kanaka nui o Papalahoomau ke noho ia. Aloha ia mau la ke hoomanao ae, kuu hale moopuna nui ke noho ia e. Me keia mau wahi aloha o ko olua papa ame na pokii o olua, ke uwe nei au i ke aloha ia oukou. E hoomanao e a'u keiki, o kahi a na kaikamahine a olua i hele aku la, a makou no ilaila. Eia ka olelo, o na mea nui ame na mea liilii aia no malaila. Me ke aloha, D. K. KAAIAKAMANU. Me ka Ohana. KO MAKOU PAPA UA HALA. Ia oe e ka Nupepa Kuokoa, Aloha kaua: —E oluolu mai oe i kauwahi kaawale no'u, o ia hoi no ko makou papa aloha ua hala, Mr. Hao Kamaka, i ike mai na kini makamaka o kuu makuakane i haalele mai ia makou, me ko maleou makuahine i hooneleia i ke kane. Auwe, pau ole ko makou aloha i ko makou papa i haalele mai ia makou. He makuakane maikai oia, a he aloha no hoi ia makou, pela no hoi i ko makou mama. Aloha wale kuu papa hele loa, ua hele hookahi aku la oia, a haa lele iho la ia makou, me ko makou makuahine. Ua hanauia ko makou papa ma Hilo, mai ka puhaka mai o Kalui Kaaawa ame Kamaka i ka makahiki 1831, a ua piha iaia he 88 makahiki, a ua piha no hoi i ko makou makuahine he 54 makahiki i keia manawa; a ua pau ko makou hele pu ana me ko makou papa, a ua pua ka lohe ana i kona leo. Ua hele aku la oia i ke ala hoi hou ole mai me makou na keiki, ame ko makou mama aloha, Mrs. Kawaimaka Hao. I kona wa e ola ana, he makuakane oluolu oia, a he puni i na mea lealea, hoo manao ae la au i kana wahi mele e hula ai penei: He lono olelo wale mai ko'u, Ua hui Enelani me kahi mokuluu: Ua kau kekaha i sauluna, Se hiolani nei sa moena. Ua hala aku la oia hele pu no me kana mau pono. Aloha wale, a pau ole no hoi ko makou aloha i ko makou papa hele loa. Ke haawi nei makou i ko makou ma halo i na hoaloha, ame na makamaka i hele mai e ike i ko mako upapa hele loa. Me keia mau wahi laina pokole, ua lawa kakou, me ke aloha, a na ke Akua e kokua mai ia kakou. Me ka mahalo Owau iho no me ka luuluu MRS. VIOLET W. K. HEALANI Me ka Ohana.