Ka Nupepa Kuokoa, Volume LVII, Number 44, 31 ʻOkakopa 1919 — PEPEHI MAOLI IA NA KOA AMERIKA I KA WA E HIAMOE ANA [ARTICLE]

PEPEHI MAOLI IA NA KOA AMERIKA I KA WA E HIAMOE ANA

Mai kekahi koa ma[i, e huli hoi ana iio Kikako, no kona hookuu loa ia mailoko aku o ka oihana koa, o ka hoea ana mai no keia kulanakauhale, maluna o ka mokuahi lawekoa Great Xorthern i | hoike ae ai oia i na hana powa o ka haahaa loa, i hanaia mai maluna o ke3tahi heluna nui o na kōa Amerika; i ko lakou manawa e hiamoe ana i ka po ma ĪRusia, eia nae, na \a hana \ hoala mai :i na. manao inaina o na kanaka Ame;rika mālaila, a luku aku la i kekahi Iheluna nui o ka poe kipi. Ma ka olelo a keia koa, i ka wa e inanea ana o na koa Amerika i ka hiamoe maloko o ko lakou mau halelole, ua hoea mai la na koa Hukini a kiola mai la i na poka pa-hu, o ka poe i loaa pono mai i kela mau poka, ua pau lakou i Jsa make ; a o ka poe i poino ole, a hoomaka aku la e holo iwaho, ua kiia aku lakou i ka pu, ahiki i ka make ana ma kahi o ke kanakolu a oi aku mau koa. Aole nae i noho malie wale na koa Amerika, aka *o ka poe i loaa ole aku na poino maluna o lakou, ua ku aku la lakou a paio, me ka hahana loa ,ahiki 1 ka pau ana he kanawalu mau koa Rukini i ka njake, me ke auhee ana aku o ke koena o na Rukini no kahi kaawale, he mau mile ka mamao, mai kahi hoomoana aku o na koa Amerika. Ke hookukuia ae, ua like pu ka nui o na koa Kukini me ka iwakalua i ka hookahi o na koa Amerika. He hookahi nae kumu o ke auhee o na koa Rukini ma kela kaua ana me na koa Amenka, o ia no ka hoea koke ana mai o kekahi kaaahi i piha i na koa, me ka manao o na Kukini, aole i lako kela kaaahi me na pii, ua lele makawalu mai na poka oke kaaahi maluna lakou, a hui pu iho me na pu a na koa, ma ko lakou wahi hoolulu, ua hiki ole i na Rukini ke hoomau aku i ke kaua ana, aka auhēe aku la no kahi mamao loa. Ua hoikeia mai ka lolie no kela lele kaua ana aku a na koa Rukini maluna o na Amerika i ke keena poo o ka oihana koa, me ka hoohakalia ole iho, ua hoounaia aku la kekahi puali me na pukuniahi, i ka po ,a i ko lakou hoea ana aku no kahi hoomoana, ua haalele iho la na koa mua ma kela wahi, no ka pulapu ana aku keia i na Rukini, oiai nae, ua liele aku la kela mau koa e kaa pono ae ni mahope o na koa Rukini, a i ka. wa i ao ae ai, ua hoomaka akii la na koa me na pukuniahi e nee imua, a ki aku ]a i na poka iloko o kahi a na Rukini e hoomoana ana, me ko lakou pau loa i.k« lukuia, a koe aku ka poe i haawipio okoa mai ia lakou iho.