Ka Nupepa Kuokoa, Volume LVII, Number 44, 31 October 1919 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

KA HALEKUAI LOLE

THE MODEL

Alanui Papa. ma Waikiki o Pauahi. Hiki ke Laweia ua Bona Ale Maanei.

           

            Malalo a ma ka pono o ka mana o ke kuai i paa maloko o kela moraki o ka lo. 30 o Januari, 1901. i hanaia e JOSE da ROSA OLIVEIRA ia WILLIAM R. CASTLE. Kahu, o ua moraki la, ua kakau kopeia maloko o ke keena o ka Luna Kakaupoke on na Palapala, Honolulu, T.H. maloko o ka Liber 214, ma na aoao 435-437, a i kulike ai me na manao o na kanawo: o ke Teritore o Hawaii, e pili ana i na paniku moraki ma ke kudala akea. Mokuna 161. R.L., Teritore o Hawaii. 1915 ma keia ke haawi aku nei o William R. Castle. Kaghu i oleloia, i ka hoolaha, na manao oia e pauiku i ka moraki i oleloia no ke kumu i uhakiia e Loike ana: Ka uku ole ia o ke kumupaa i ka wa e ukuia ai.

            MA KELA KE HAAWHA AKU NEI KA HOOLAHA. U ka waiwai i hooliloia ma ka maoraki i oleloia e  kuaiia aku ana ma ke Kudala Akea, ma na keena kudala o JAMES F. MORGAN COMPANY LIMITED. 125131 Alanui Kalepa Honolulu, Hawaii. na Lana Kudala ma ka Poaono ka la 6 o Dekemapa , 1919. na ka hora 12 awakea o ka la i oleloia.

            O ka waiwai i hooliloia ma ka moraki i oleloia e kuaiia aku ana ma ka manawa ame kahi i hoike mua ia ae nei, o ia no keia:

            O kela apana aina apau, e hui pu ana me na hale ame na hanahou, maluna iho, e waiho la ma  Kewalo, Honolulu, nona ka nui o 5,000 Kapuai Kaea. o ia ka Apana Helu 6 maloko o ke kuea 6 o ka Apana Aina o Kewalo; i hooliloia aka i ka Mea Moraki Mai. ma ka palapala kuai a C.S. Desky, i hanaia ma ka la 18 o Januari, 1898 a i kakau kopela maloko o ke keena o ka Luna Kakaukope o na Palapala ma  Honolulu, maloko o ka @ 176 aoao 283.

            KUMU AELIKE: Kuike, ma ke Da la Gula o Amerika Huyipaia: ma ka aoao o ka mea kuai mai na hoolilo o ka palapala kuai e hoomakaukauia ana e na loio o ka Mea Paa Moraki.

            No na hoakaka aku i koe, e noi ae ia CASTLE & WITHINGTON, ma ka Hale Star. Honolulu, T.H. na loio no la Mea Paa Moraki. a i ole ia James F. Morgan Company. Limited. 125-131 Alaani Kalepa Honolulu, T.H., Poe Luna Kudala.

            Hanaia ma Honolulu, T.H., Okatoba 28, 1919.

WILLIAM R. CASTLE

Kahu, Mea Paa Moraki;

Ma o ALFRED L. CASTLE,

Kona Loio Pili Kino.

6372- Oct. @ : Nov. 7, 14, 21

            I ka Cahu Railway and Land Company, Y. Ahin. H. Tsunoda, S. Miyamoto, K. Oyama, C. Araki, John Doe, Richard Doe, Susan Doe, a i ka poe apau i kuleana i keia:

            O ka poe no lakou na inoa malalo iho nei, he poe i hookohu pono ia i poe kau i ka waiwaiio. malolo o ka Pauku 725 o na Kanawai Hooponopono Hou ia o ke Teritore o Hawaii, 1915, ma ka hookohu i hanaia e ka Mea Hanohano Samuel B. Kemp. ke Kokua Lunakuna.  wai Kickie o ka Aha Kiekie o ke Teritore o Hawaii, a i hanaia ma ka la 16 o Sepatemaba, 1919.

            Ma ka hana e pili ana i ka Palapala Noi a ka Oahu Railway and Land Company e ahewa

ana i kekahi waiwai maloko o ke Kulauakauhale a Kalana o Honolulu, Teritore O Hawaii, i kuleana ai o Y. Ahin. H. Tsunoda, S. Miyamoto, K. Oyama. C. Araki, John Doe, Richard Doe, Susan Doe (Helu 1206),

            Ma keia ka haawiia aku nei ka hoolaha e malamaia aua he hoolohe ana ma ka hana e pili ana i ke kauia ana o ka waiwaiio o ka aina i hoakakaia me loko o ka Hoike A i waihoia mai me ka palapala noi. no ke kohoia o ka poe kau i ka waiwaiio, maloko o ka hana i oleloia. ma ka Poalima, Novemaba 28, 1919. ma ka hora elua p.m., maloko o ke keena o ka Luna Ohi Auhau, Mahele Auhau Ekahi, maloko o ka Hale Hookalokalo. Kulanakauhale a Kalana o Honolulu. Teritore o Hawaii.

CHAS. T. WILDER,

J.F. BROWN,

J.A. THOMPSON,

Poe Koho i ka Waiwaiio.

            Honolulu, Okatoba 28, 1919.

@-Oct. 31: Nov. 7, 14, 21.

            I kulike ai me ka olelo hoohole a ke komite ke kauohaia aku nei na Lahainaluna apau e noho nei ma na Mokupuni o Maui. Molokai ame Lanani, e hele mai i ka halawai o ka Ahahui a na Lahainaluna, ma ka Poaha elua. Novemaba 13, 1919, ma ke Town Hall. Wailuku, Maui. no ka noonoo ana no ka lakou hana pili i ka iubile o ka oihana misiona e malamaia ana ma Aperila, 1920.

            Ua makemakeia na Lahainaluna apau e ola nei i keia la, a e noho nei ma na mokupuni i oleloia, e hoomaka ana na hana ma ke hora 9:30 a.m.

JOHN W. KALUA,

Peresidena Ahahui Lahainaluna o Maui, Molokai ame Lanai.

            WASHINGTON, Oct 29—He bila kanawai e hoolako ana no kekahi uku manuahi no ka uku o eono mahine no na wahine kane make ame ka po e kauka i ana i ko lakou mai pono o ke ola ana maluna o na koa i make’iloko o ke kaua nui o ke ao ua hoikeia ae a ke konite a ka hale maluna o na hana o ka oihana koa ma ka la aku nei i nehinei me ke kakoo loa ia.

 

MOOLELO O KA AHAHUI C.E.O NA MOKUPUNI O MAUI, MOLOKAI AME LANAI.

______________________________________________________________________________

 

(La Hana Ekahi)

            Noho ka halawai o ka ahahui C.E. o na Mokupuni o Maui, Molokai, ame Lanai, ma ka Luakini o Kaahumanu, Wailuku, Maui, i Sept. 12, 1919; i ka hora 9:00 a.m. a pau i ka hora 12:00 a.m.

            L.B. Kaumeheiwa, peresidena; Moses M. Kahiapo, Kakauolelo. Weheia na hana me ka himeni 126. L. H. me ka pule a ka peresidena.

            Hoomaopopo ia na lala i hiki mai: Paia C.E. Sr. Mrs. Holiona peresidana, Mrs. Lilly Kepoo Elele; Paia C.E. Jr., Mrs. Lum Ho. a’akai, John Kukahiko elele; Paihiihi C.E Sr., Dora Kaaimoke peresidena; Mrs, Alice Tilton elele; Paihiihii C.E. Jr.; Miss Louisa Kalaaupa, alakai Jeremiah Kaaiakamanu. Elele; Kalanikahua Hon. C.E. Sr. Mrs. K. Kapalolo. peresidena; Mrs. Peleka Keliiaa. Elele; Ka’anikahua Hon. C.E. Jr. Mrs. Helen Baker Elele; Nahiku C.E. Sr. S.K. Kaailua, elele; Wananalua C.E. Sr.; Mrs. Hannah Pupuhi, elele; Puunene Camp @.C.E. Sr. Mrs. Tommy Kekua, peresidena: Mrs. Mau Jr., elele; Puunene Camp 5. C.E.S., Mrs. Makuakane elele; Kahalui C.E.Sr., Mrs Annie Kaumeheiwa. peresodena; M.P. Waiwaiole elele; Waikapu C.E. Sr. Mrs. Palekai, elele; Kihei, C.E. Sr. Keonalio. peresidena; Mrs. E. N. Pake, elele; Keawalai C.E. Sr., Mrs. Ulua’oha elele; Wainee C.E. Sr., Mary Chan Wa, peresidena; Lilian Hiram elele: Kaanapali C.E. Sr., W.E. Saffery. elele; Kalaiakamanu. C.E. Sr. D. Kaai, peresidena; D.K. Lukela. elele.

            Na hoa mau: L.B. Keameaeiwa, Moses M. Kahiapo, J.W. Kahea, D. W. Napihaa, M.P. Inaina, I.D. Inea, J.S. Poepoe, Edward M. Kepoo, Joe Mitchell, D.K. Kaaiakamanu. D. Kaeamoku, S. K. Kaailia, E. E. Pleasant, J.K. Kahoopii. Mrs. Annie Kahiapo, Mrs. W.K. Saffery, Mrs. Inaina, H. P. Judd. R. J. K. Nawahine, J. W. Kawaakoa, M.P. Waiwaiole, Bowdish, @, Annie Mitchell.
            Koho ka peresidena i na komite like ole: Komite hookohu, Moses M. Kahiapo, komite o na hoike palapala ame hoike elele: S.K. Kaailua, M.P. Inaina, Moses Panui, komite o na palapala hoopii; M.P. Waiwaiole. J.K. Kahoopii, Annie Mitchell komite o na hanahou J.W. Kalua R.J. K. Nawahine, me Mrs. Mileka Langse, komite Pa’i, M. Kahiapo, komite hoike Puuku me Kakauolelo M.P. Waiwaiole me James Davis, Komite hoalohaloha, J.W. Kalua. D.W. Napihaa, me Mrs. Annie Kaumeheiwa, komite o na hoike konite kiai me hoeueu, I.J. H. Kealoha, Mrs. Holiona me D.K. Lukela.

            Hapaiia ka heluhelu ana i na hoike palapala ame alakai, na Mrs. Hiliona i ka hoike papahelu o Paia C.E. Sr. me $1.00, na Mrs. Lum Ho, i ka hoike alakai Jr. o Paia me $50; na Dora Kaimoke i ka hoike papahelu o Paihiihi C.E. me $1.00; ua Louisa Kalaaupa i ka hoike alakai o Paihiihii me $50; na Mrs. Kapalolo i ks hoike papahelu o Kalanokahua hou C.E. Sr. me $1.00;

na Mrs. Tommy Kekua i ka hoike papahelu Camp 1 me $1.00; na Mrs. Annie Kaumeheiwa i ka hoike papahelu o Kaahumanu C.E. Sr., na ke kakauolelo i ka hoike papahelu o Wainee C.E. Sr., me $1.00 na ke kakauolelo i ka hoike papahelu o Kalaiakamanu C.E. Sr., me $1.00; na ke kakauolelo i ka hoike papahelu o Kahalui C.E. Sr., me $1.00.

            Hapaiia ka heluhelu ana i na hoike elele C.E. Sr., ame Jr., na Mrs. Lilly Makia Kepoo hoike elele C.E. Sr., o Paia, me $2.00; na John Kukahiko hoike elele C.E. J., O Paia me $1.00; na Alice Tilton hoike elele C.E. o Paihii me $2.00; na Jeremiah Kaaiakamanu hoike Jr. o Paihiihi me $1.00 na Mrs. Paleka Keliiaa hoike elele C.E. Sr. o Kalanikahua Hou me $2.00; na Mrs. Helen Baker hoike elele Jr., o Kalanikahua Hou me $1.00; na Mrs. Napihaa hoike elele C.E. Sr. o Keanaeme $2.00: na S.K. Kaailua hoike elele C.E. Sr., o Nahiku me $2.00:na Mrs. Hannah Pupuhi hoike elele C.E. Sr., o Wananalua me $2.00; na Mrs. Mau Jr., hoike elele C.E. o Puunene Camp 1. me $2.00; na Mrs. Makuakane, hoike elele o Puunene Camp 5. me $2.00; na Levi Faufata hoike eleleo Kahalui me $2.00; na Mrs. Pua Pa’ekai hoike elele o Waikapu me $1.00; na M.P. Waiwaiole hoike elele o Kaahumanu (Ltd) na Mrs. Lilian Hiram hoike elele o Wainee me $2.00 na D. Lukela hoike elele o Kalaiakamanu me $2.00; na Mrs. W.E. K. Saffery hoike elele o Kaanapali me $2.00; na Mrs. E. N. Pake hoike elele o Kihei me $2.00; na Mrs. Uhualoha hoike elele o Keawalai me $2.00; na ke kakauolele o ka hoike elele o kaupo me $2.00.

            Hapaiia ka heluhelu ana i na hoike komite kiai me komite hoeueu, na S.K. Kaailua hoike komite kini o Maui Hikina; na Mrs. Annie Kahiapo hoike komite hoeueu o Makawao Akau; na Mrs. Haehae Kukahiko komite hoeueue o Makawao Hema; na Mrs. W. K. Saffery hoike komite hoeueu o Maui Komohana; na ke kakauolelo hoike komite kiai o Molokai; na J.W. Kawaakoa
hoike komite bocucu o Maui Hikina.

 

­­            Noho hou ka halawai hana a ka ahahui C.E. i ka auwina la Poaono Sept. 13, 1919, hora 3:30 a pau i ka hora 5:30. L.B. Kaumeheiwa peresidena, Moses Kahaiapo kakanolelo: Hoomakaia na hana ma ka himeni aoao 162 L.H. me ka pule a Rev. H.P. Judd.

            Kahea inoa ame ka heluhelu ana i ka mooleleo noi mai o R.J.K. Nawahine e kapae ke kaheainoa ame ka heluhelu ana i ka moolelo, a ike na lala apau ma ka Nupepa Kuokoa, kokuaia a hooholoia.

            Hapaiia ka hoike a ua komite like ole, na R.J.K. Nawahine hoike komite o na hana hou pene: 1 Ka poe @ i ka waihona o $10.000. hooholoia e uku kela ame keia i kona aie. 2. Ka lilo o ke kakauolelo i ka ahahui Paeaina. hooholoia i $20.00. lulu ia no ia manawa loaa he $11.00, hooholoia ke koena mai ka waihona mai 3. Ka lilo o ka peresidena i ka Ahahui Paeaina hooholo @ i $20.00. 4. Ka lilo o ke kakauolelo o keia aha hooholoia i $7.00. lulu ia he $4.00 mai ka waihona mai he $3.00. 5. Koho hou ana i Puuku no keia aha, ma kahi o J.N. Keola hooholola o Mrs. Annie KAumeheiwa ka puuku hou apono loa ia. 6. Hoomaopopo ana i ko kakou kuleana iloko o ka Aha Jubile o ka M.H. 1920. Na R.J.K. Nawahine i noi mai e koho keia aha i komite no ka hui ana aku me ka Aha Kula Sabati, a e kuka pu hooholoia apono loa ia. 7. Kumuhana no ke ola o ka peresidina Nui i Amerika, hooholoia i $3.00 pakahi o kela C.E. ame keia C.E. e uku ai. 8. Hoike a ka puuku me kakauolelo. Ua hoike mai ka puuku ame ke kakauolelo i ka laua hoike o ka loau apau ma ka banako i ikeia he $112.40.

            Na R.J.K. Nawahine i noi mai e apono loa ana i keia hoike a e haawi aku i ka hoomaikai i ka puuku i pau. Hookuu me ka himepi aoao 196 L.H. me ka pule a ke kakanolelo.

            Noho hou ka halawai hana a ka aha hui C.E. i ka auwina la Sabati Sept. 44, 1919. hora 2:30 p.m. a pau i ka hora 3:30 p.m. L.B. Kaumeheiwa peresidina, M. KIahiapa kakuolelo. Hoomaka ia na hana me ka pule a Erdmana.

            Haoaila ka hoike a na komite like ole, na S.K. Kauilua hoike komite o na papahele, alakai ame hoike elele. ka nui o na hoike papahelu he 11, ka nui o na hoike elele he 20, ua hana na komite a ua haawi i ka apono ana i keia mau hoike apau.

            Na J.H.I. Kealoha hoike komite o na hoike komite hoeueu ame komite kiai. Ka nui o na hoike komite hoeueu, he 4, komite kiai 2. ma ka nana ana a ke komite ua haawi ke komite i ke apono ana.

            Na ka peresidena i hoolaha mai o na lala o keia aha ma keia mua aku e ohi ke kakauolelo o keia aha i ka auhau o ka ahamele o kela ame keia lala $1.00 i paa iloko o kana moolelo, a pela pu no me na aha e ae. Na R.J.K. nawahine i noi e apono ana a e lilo ia i mea e hoonaauao ai.

            Na ka Peresidena i pai pai mai oiai ua hiki mai kakou i ka pau loa ana o na hana o keia aha, e hoi aku oukou e na peresidena, na elele e hoomaikaukau e hana iloko o ko oukou mau kihapai, i na hua maikai, no keia makahiki ae, e hiki mai ana e pule nui kakou me ke aloha i ko kakou Jaku Aloha a hui hou.

            Huina nui o na loaa o keia aha i keia kau he $103.00. Ma kahi e noho ai ka aha makua malaila e noho ai keia aha. hookuu me ka himeni aoao 196, L.H. me ka pule a Rev. H.P. Judd.

            MOSES M. KAHIAPO, K.K. O.C.E. Mokupuni o Maui, Molokai. me Lanai.

            Pauwela, Maui. T.H.

            Mr. Sol. Hanohano. Aloha kaua: E oluolu mai kou ahonui no kela wahi manao e kau ae la maluna ina he mea hiki.

            Ma ka la 22 iho nei o keia mahina, o ia ka Poalua, ua loaa iho la ia’u he mau malihiui, o ia hoi o ke keonimana he Pilipino kona lahui, o kana lede, he Amerkia, he mau mea holo kaapuui keia ua noke mai laua i ka ninau ia’u i na wahi kaulana o kuu aina aloha nei, ua ha’i aku no hoi i na mea apau, a pili no hoi i na mea o keia poomanao; a i ko’u hiki ana aku me ka’u mau maluhini e ku mai ana no hoi ka makuahine Mrs. Hale Uwepa Lahilahi me kona kulana wahine u’i, me kela ano mau no i maa ia kaua e kuu kapena, o ia na hoi ka holoku.

            Ninau mai la ia’u na malihini, he lede Hawaii anei keia? Ae aku la no hoi au, ua nui loa ko laua kahaha, no ka mea o ka makamua loa keia o ko laua ike ana i na mea i hauaia aku no laua me ko laua mahalo piha, e ike mai oe e kuu kapena, ua makepono maoli ka noho ana o keia makuahine ma keia wahi, a i oi loa aku, o kela kulana hoihoi no hoi, he olu hoi ia la, o maua e noke aua i ke kamailio i na mea e pono ai o kana hana; nolaila, ke paipai nei keia makapeni e ala e ka lahui, e hoopiha i keia hale, na ka mea, ua loaa ka mea

            Haina ekahi o ka moeuhane, o ka po o ka la 30 Novemaba penei; ke a’o mai nei o Joe lunakahiko o ka ekalesia o Kalahikiola (Iole) ma ka moeuhana ia Joseph Kihe, e hookaawale loa aku oia i na mea awaawa apau loa, aole o ka rama ke waiho a puhi paka a inu awa no a pela pu no hoi e maemae na huapule i ke Akua ma ka waha a pela pu maloko o ka naau, o lilo auanei ka naau maemae o na haipule i wahi no na iole kolohe o Kalahikiola e paanai.

            Haina o ka moeuhane elua o ka po o ka la 11 Augate, 1919, penei: Ike iho la Josepa Kihe e hana pu ana me na kanaka hana o ka mahiko, aole nae i maopopo iaia ka mahiko ana e hana ana, a ike iho la oia e hoi ana na kanaka hana e ai i ko lakou aina awa kea. hoi pu iho la oia me lakou e a ai. eia nae ua poina loa oia no ka manawa hana, kii aku la oia i kana meahana aohe i loaa, ike aku la oia i ka lunanui o ka mahiko o Kipahulu me kona kokoolua me John Mahoe kauoha mai la ka lunanui o Kipahulu ia Josepa Kihe e hele i ka hana ho ole aku la oia, a i ka elua o ka ma nawa a ka lunanui i kauoha hou mai ai kuhikuhi ae la kona mau lima iluna o ka lani ka mea, aohe i maopopo iaia kona uku hana, a i ka ekolu o ka manawa, ae aku la eia e hana i ki hana hooili pohaku maluna o ke kaa.

            I ka wa nae ana i kuhikuhi ai kona mau lima i ka lani. o ia no ka wa i olelo haole ai o John Mahoe me ka lunanui o ka mahiko o Kipahulu.

            Eia no ia, mamua aku o ka makahiki 1913 a mahope mai no o ia manawa he hoahahhana pu no ola me na hoa hanau kristiono eae iloko o ka mahiko Nui o ko ke Akua aupuni lani, a i ka makahiki 1919 e nee nei, ua haalele aku la oia i kona mau hoa paahana iloko o ia mau makahiki i hala aku la, a kukulu iho la i Hoomana Uhane noua a o ka Poaono kona la Sabati Kapae loa aku la i ka la Sabati ana i noho ai iloko o ke kapu lani aole e heluhelu ina nupepa ame na leta ia la aole no hoi e ai i na meaai i hoomoaia ia la: nolaila, ke hoike mai nei ka moeuhane iaia. o kana mau mea paa hana i ko ke Akua Aupuni Lani ma mua, ua kailiia, a ua poina loa iaia kana mau hana pono iloko o ia mai la.

            O kona ike ana ia John Mahoe e hoiki mai nei kona inoa ame kona kulana he inoa no ka mea i hanau papaluaia a kapaiai aku (Mahoe) a pela no me ka haipule i papaluia ka ma naoio e kapaia no oia (Mahoe).

            O ko Josepa Kihe hoole papalua ana i ke kauoha a ka lunanui (Alii Anela o ke Akua Kiekie loa) ua nele ola i na pomaikai o ka lani o ka lima ka i kunikuni iluna aohe nae he mea i loaa mai, oiai o kona manao nui o kona uku ia mai.

            O ko Iosepa Kihe lohe ana i ka olelo haole o ka lunanui o ka mahiko o Kipahulu me John Mahoe, he kono ana mai ia iaia e hoi hou iloko o ka hoomana Makua. aia iloko o ia hoomana he poe i makaukau i ka olelo haole a mau olelo a ae palia e pono ai ko ke Akua Aupuni.

            O ko Josepa Kihe ae hope loa ana i ka hana hooili pohaku iluna o ke kaa, i kaawale aku ai mai iaia aku, he hoike ana mai ia, na uele oia i na pohaku hookumu manaoio iloko o ka ekalesia ana e ku nei.

            O ka hana o ka moeuhane o ka po o ka la 15 Sepatemaba, 1919, penei no ia; o Josepa Kiha (Kuapahoa no) ke holo aku imua o Eli Kekipi na Kahunapule ame na lunakahiko iloko o ka Hoomana Naauao me ka mihi walania imua o lakou. a i huikalaia mai ai kona mau kina’una’u o na makahiki aku la i hala, a i loaa pu ai iaia ka bapetizo hoomaemae ana i kona kino ame kona uhane ma keia ao a iloko o ke ao mau loa, Amene.

            E na lede ame na keonimana e heluhelu ana i ka’u mau wehewehe moeuhane, o na kina’una’u apau me a’u no ia. O ko oukou kuleana o ka hoolawa ana aku ma kahi i koe aku ia’u.

            Me ke aloha i ka Lunahooponopono ame na keiki o ka papapa’i.

nana e kahea mai e komo maloko, e nana i na mea i hanaia e keia au naauao o na keiki a ke kanaka.

            Nolaila e kuu i’o e hele, mai hoohilahila, no ka mea, ua loaa ka makuahine maikai nana e kuhikuhi mai ia oe i na mea pili i kana hana, o ia ka malama ana ame ka hookipa ana mai ia oe ame kou ohana, he wahi maikai e hoohala ai i kekahi manawa, aole hoi o ka noho wale iho no i kahi hookahi, aole e ike i keia mea loaa wale no ia oe me ke dala ole, a i oi loa aku e honi ana oe i na ea maikai o ua kahua nei ame kou ike aku i ke kahua o ke kula o Kamehameha i kaulana ma o na keiki Hawaii e noho mai nei ma na kulana like ole o ko kakou hooponopono aupuni ana no ka pono o kuu lahui, e ike mai i keia mea maikai.

            Me oe ka’u welina pau ole e kuu ka pena maikai.

            KIU HANU MEAHOU.

Moanalua, Oct. 26, 1919.

            Mr. Lunahooponopono o ka Nupepa Kuokoa, ke Kilohana Pookea o ka Lahui Hawaii; Aloha oe:-E oluolu mai kou ahonui no ka’u puolo luuluu he aloha, e haku’iku’i ana ikuu puuwai no kuu wahine aloha, Mrs. Rachel Kalikookalani Lum Lung, kekahi kowa kaawale o na kolamu waiwai nui, a naa hoi ia e aha’i mama aku ma na ipukahale o kela ame keia home au e kipa aku ai, i ike mai ai na kiai makamaka, na hoaloha ame ka ohana o kuu wahine aloha i haalele mai, ma ka home noho o Mr. Liwai Kaili, ma Honokohau, Maui, Aug. 16, 1919, ma ke ahiahi o ka oi Poaono, hora 8:30, i niau palaneho aka ai ka uhane i ke ala mau o na mea haku ola apau, a hoi aku la i ka home a ka Makua mana loa i hoomakaukau ai no na mea apau, a waiho iho la i ke kino wailua na’u, na kana kane, na makua, pokii keiki ame ka ohana, e paiauma aku me na waimaka he nui , ma keia aoao o ka muliwai eleele o ka make Auwe ka mokumokuahana a ka naau i ka hana a ke aloha.

            Ua hanauia oia ma Honokohau, Ma @, ma ka la 19 o Maraki, 1881, mai ka puhaka mai o Mrs. Emalia L. Kaili, nolaila na piha iaia na makahiki he 38 o kona hanu ana i na ea oluole ma keia no. Auwe kuu wahine e kuu makua o ka home, kuu wahine hoomanawanui i na popilikia he nui!

            Hoohuiia maua ma ka herita maemae o ka mare, ma Lahaina, Maui, ma la luakini Kakolika, a ka Makua Mourus. @ ka la 17 o Iulai, 1907; nolaila ua piha na makahiki he 12 a oi o ko maua noho pu ana. Auwe kuu minamina pau ole kuu wahine e!

            Ua hele  pu aku la no kuu wahine me na lei a maua, haalele mai la ia’u kana kane i nele i ka wahine me na keiki: aloha wale kahi a maua i kaahele ai, kuu ka luhi, ua pooilikia he nui o keia ola kino ana; ua kii mai la no ke Akua mana loa i Kona kuleana o ka uhane, a waiho iho la i kona kino puanuanu i anianiku e haku’iku’i ana i kuu puuwai. Auwe kuu wahine, ka makua hoi o kuu mau pokii ame ka ohana apau e kipa ana i ko maua home, e puunauwe ana i kahi mea uuku e loaa ana i kana kane, e hookipa ana oia i ka poe apau, ke kipa mai i ko mana home.

            He wahine puuwai hamana, e haawi ana oia i ka mea e loaa ana iaia. Auwe kuu wahine hoomanawanui e!

            He lono kaumaha i leka ia mai ai no kuu wahine aloha, mai na makua o mana, haalele mai kuu wahine i kana kane, e noho i ko maua home, no ka hooko ana aku i ke aloha makua, ma ka Maunakea, Poaona, Iulai 5, 1919, no Maui, oiai au kana kane e noho ana me ke kali ana no kona huli hoi mai; ne ka nanea i halawai ai au he leta na kuu mea aloha e ha’i mai ana a hoi ana oia no Kula Hospital.

            Me ka hakalia hou ole iho, haalele au i ko maua mama, Mrs. W. H. Manning me na pokii a mana e noho i ka home, ma ka Mikahala, Poalua, 5:20 a.m., no Maui, a halawai au me Mrs. Kaili Jr., ua hoihoiia ma Honokohau, a ma ka hora 10a.m. i haalele iho ai au la Lahaina no Honokohau, 11:30 a.m. hui pu me ka ohana apau o ka home, me kuu wahine e waiho mai ana me ka nawaliwali, mamuli o ka hoomailo o ka ma’i maluna iho o kona kino, ua papaleo pu maua i na la ekolu me eha po a hookuu mai laka hanu ola mai ke kino mai. Auwe kuu makua o nei aina malihini e!

            Ma Honolulu nei kona mau la opio me kona aunty Kahailiopua, a hui pu maua i ka 1906. ma kekahi makahiki mai, i haalele mai ai o Kahailiopua i keia ola ana, ma ia makahiki no mua i hoi aku ai no Maui, ko mana onehanau.

            Aloha wale kahi a mana e kaahele ai, e imi ana i ke ola. Aloha na ale kai o ka moana, ka lio hao o ka Pakipika nei, e Honolulu e, ua pau ka holoholo hou ana i ke kaona nei, ua hoi aku la no a moe ma kona onehanau, ka pali huli aku huli mai, ka uluwehi po i ka ohu o Honokohau; e kuu onejanau o Kahakuloa e na pau ka ike hou ana i kuu mea aloha, e maalo ana i ou mau pali, a hoi i na lehua i Kaukini, ke malu mai nei na pali, ua nalo aku la i ke ao opua. Auwe kuu wahine aloha e!

            E Honolulu e, ua pau kou lohe hou ana i ka leo o kuu wahine, ua pouliuli ka home, ua hala i ke ao mau loa. E Kalihiwaena e, ka home noho o maua, ua pau kou ike ana i na maka o kuu wahine aloha, ma pio ke kukui, ua lawe aku la no ke Akua i kona kuleana ka uhane, a hoi aku la i ka home nani mau loa. Ke hoomaikai nei au i ka Makua mana loa, Nana no i haawi mai, ke kino meka uhane, a Nana no i lawe aku la.

            Ma ka hora 3:30 p.m. o ke Sabati ae i malamaia ai ke anaina haipule, na Mr. Geo. Kauhi, ma ka home noho o na makua o mana, a o ke koena aku o na hana ma ka lua; a ma ka 4:10 p.m.  i uhi iho ai ka lepo a moe aku la no ka home honua no ka wa mau loa.

            Ke haawi nei au i ko’u hoomaikai palena ole no na kokua poina ole e lilo ana i kiahoomanao, no ka poe i hooponopono mai i kahi e moe ai o kuu wahine aloha. ia John Limahana, Mr. Lukela, Sol. Pali, Mr. Akoana, L. Lung, J. Kapaku Jr., ko’u mahalo nui no ka koukou kokua, ame ka ohana, na makua, makamaka, na hoaloha, keiki, pokii i komo pu mai me na makana pua, ame ka ukali ou ana i kona huaka i hope no kona home lua, no ka wa mau loa; ke haawi pu nei nu i kuu hoomaikai nui i ka Lunahooponopono ame na keiki oniuhuakepau o ka papapa’i.

Owau no me ka luuluu,

BONI A. LUM LUNG.

HOOMAKAUKAU NO MUA AKU NEI

            E Hoao e Hoomakaulii Ano---E Malama i ke Dala e wehe i Buke Banako Hoahu me ke

CHINESE-AMERICAN BANK

A NANA AKU I KA ULU O KAU DALA

NA PAHU DALA                 $1.00 no ka wehe                    Kihi o ke Alanui

LAUA Na PA NOHO PAKAUKAU ame na HALELOLE no ka Hoolimalima.

PEOPLE’S HARDWARE STORE.

453 Alanui Moi Akau, Kokoke i Palama Settlement.

KELEPONA 2670.

­J. BROWN, JR.

LOIO.

            He keiki Hawaii i makaukau ma kana mau oihana a he oluolu na kuka ana.

            Na hana Palapala. Huli ana i na Aina Pohihihi, Akena Kuai Aina. na Koi Ale ame Hoale Dala.

Keona Hana: Kuni 3, Walty Bldg. Huna, Alanui Moi, Mauka o Walt Nichols.

KEKUEWA BROS.

HE ANAAINA NO KA LEHULEHU.

He mau Keiki Hawaii i makaukau ma ke Anaina ame ka Imi ana i na Aina i Pohihihi.

Kaena Hana:   Papahele 2, Rumi 7. Medonea Bldg.. Kihi o Alanui Moi ame kamika, Honolulu. T.H.

T.O. Murata Furniture Store

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me kuai Hoolilo.

715 Alanui Hema, Honolulu, T.H.,

Hoomanao i Kahi

156-158 Alanui Hotele

Mauka o ka Hokele Young.

            Ua hoao kekahi poe e hana i wahi no oukou e noonoo iho ai, ua nee makou mai ko makou wahi kahiko mai, o ka mea oiaio aole makou i nee.

            O Kauka Capps ua kamaaina oukou, Mrs. Correa, Kauka Rushforth ame ka poe e ae, he o ia mau no lakou. Aole he kuleana o kekahi ka naka okoa aku o Thompson me ko makou wahi. Iliki ia makou ke olelo Hawaii.

Dr. Lewis Edwin Capps

KAUKA RUSHFORTH,

Kokua.

Thompson Optical

Institute Co.

156-158 Alanui Hokele.

STATEMENT OF OWNERSHIP, MAN AGEMENT, CIRCULATION.

Nupepa Kuokoa, weekly.

Editor, Solomon Hanohano.

Business Manager, C.S. Crane.

Publishers: The Advertiser Publishing Co., Ltd.

Owners: Stockholders holding 1 per cent or more of total amount of stock:

            L.A. Thurston, Honolulu;

            C.S. Crane, Business Manager.

            Mrs. A.W. Pearson, Honolulu;

            Edward Dekum, Honolulu;

            G.L. Samson, Honolulu.

Bondholders, Mortgages and other security holders: None.

            Average number of copies of each issue of thia publication sold or distributed, through the mails or other wise to paid subscribers, during the six months preceding the date of this statement. 4673.

CHARLES S. CRANE,

Manager.

            Sworn and subscribed to before me this 3 ^rd day of October A.D. 1919.

CARLOS A. LONG,

            Notary Public for the First Circuit, Territory of Hawaii.

 

KakelameKuke

(KAUPALENAIA.)

Poe Kalepa ma ke Komisina

A HE

Poe Agena no na Mahiko Lehulehu

AINA KUAI EMI LOA

$2500---Apana Aina 80x100 ame ka Hale 36x36, eha runi moe, ma Lanakila Tract, Kanawai. Kuiana kiekie, ikeia ke kaona ame na moku komo mai $500 ka uku mua, $30 no na mahina apau.

$350---Apana Aina 20x85 ma Lanakila mauka o ka Hale Pupule. He maikai a nani ka noho ana o kela wahi. He $25 ukumua a $10 i na mahina apau.

$160---Apana Aina, 50x100, Alanui 10, ma Palolo. $10 ukumua. $5 i na mahina apau.

PAULO KALAUKA,

(P.E.R. STRAUCH).

Akena Kuai Aina Emi Loa,

Waity Bldg., Helu 71 Alanui Moi.

____________________________________________________________________________

 

NUPEPA KUOKOA

No ka makahiki (one year)………$2.00

No eono mahina (six months)….1.00

            O na Dala ame na Hoolaha Apau a hoouna pololei mai i ka ADVERTISER PUBLISHING COMPANY, LTD. , wale no, P.O. Box 208, Honolulu, T.H.

Kela Laau Kaulana

            He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea pauhana holookoa o ke kino, e kipaku ana i ka ma’i kino ame na ma’i ili wale mai, e haawi ana i ke kino i ka ikaika, ke ola ame ka mana i na aalolo.

            E hoopiha ana ka B.B.C. i ke kino me ka ikaika hao o ke ola ame ke ikaika a na la opio. Ua hoolaia na poe na waliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B.B.C. ka laau kamahao loa ma ke ao.

KUAILA MA NA WAHI APAU.

Keena kuai Laau B.B.C., 161 Alanui Moi,

HE MEA KOKUA.

            G. GOODMAN---He mea kokua i ka poe pilikia i ka ma’i rumatika, ka maui o na lala ame ka hana ana e pau ae ai ke koko ino iloko o ke kino. E loaa no ma ka papahele elua o ka hale ma ke kihi o na alanui Nuuanu ame Kalepa. Na hoia hana: Mai ka hora 9 a.m. a 4 p. m . a mai ka hora 6 a 8 o ke ahiahi. Kelepona 1183. Hoolaha.

 

E NANA IA KOU MAU MAKA MAANEI

1116 Alanui Papu

Pantheon Block

Brown-Thompson

Optical Co.

A.L. Brown – R.A. Thompson

            Eia o Kauka Thompson i keia wa ma kahi i hoikeia maluna ma kona noho hana ole me kekahi hale nana maka okoa ma Honolulu nei.

______________________________________________________________________________