Ka Nupepa Kuokoa, Volume LVII, Number 43, 24 October 1919 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

Ka Halekuai Lole

The Model

Alanui papu. ma Waiki@@ o Pauahi.

"Hiki ke Laweia na Bona aie Maanei."

 

Hoolaha.

E malamaia ana e ke Ko@isina, o na Hana Kiwila o Honolulu he hoike hookuku laula. a i hoonohonoho papa ia ma ka Halekula Kiekie Mckinley, kihi o na alanui Beretania ame Victoria, Honolulu, ma ka Poakahi, Novemaba 3, 1919, ma ka hora 7:30 p. m., no na makaainana Amerika e makemake ana i mau kulana oihana maloko o ke Keena Kinaiahi o Honolulu, ame ke Keena o ka Oihana Makai o ke Aupuni Kulanakauhale a Kalana o Honolulu, o ia hoike i oleloia ae la e malamaia no ia malalo o na @ula ame na hooponopono ana a ke Komisina i oleloi@, no na kulana oihana malalo nei: Oihana Kinaiahi: Hoike laula no na mea apau. Oihana Makai: Makai Kaulio, Makai Kuhuina, Makai Motokaikala. Makai K@a, Makaikiu, Kakauolelo. Kiai Halepaahao, Makai no na Kuaaina ame na Wahine Hooponopono. Ua hiki no e loaa na pepa pa 'ihakahaka no na palapala noi @@a ke keena oihana o ke Kakauolelo o ke Kulanakauhale a Kalana, ma ke Hale McIn@yre, Honolulu, a e pono e waihoia ae ia palapala noi maloko o ke keena i oleloia ae la, aole e lohi aku mahope o ka hora 12 awakea o ka Poaono, Okatoba 25, 1919. O ka mea noi he mea oia e noho ana maloko o ke Kulanakauhale a Kalana o Honolulu no ka manawa i emi ole iho malalo o hookahi makahiki mamua ae o ka la o ka hoike ana, a ua piha iaia na makahiki he iwakalua (20). O ka mea e noi ana uo ke kulana makai kuhina a i ole makai nana kaa 'paha, e pono e loaa iaia ke kiekie o elima ka@uai ame eiwa i@iha, a he kaumaha kona i emi ole iho malalo o ka 150 paona, a no ke kanaka kinaiahi hoi he kaumaha kona i emi ole iho malalo o ka 145 paona. O ka poe noi no na kulana oihana apau mawaho ae  o na wahine hooponopono, e pono e hale ae e hoike ma ka Halehana o D. C. Rammon & Son, @ihi Alanui Kalepa ame Likeke. papahele elua, puka komo ma Alanui Kalepa, ma ka Poakolu. Okatoba 29, 1919, e hoomaka ana mai ka ho@a 12 awakea aku. no ka hoao ana i ko lakou ma aahuki ame ko lakou mau ola kino. Ma ke kauoha o k@ Honolulu Civil Service Commission, D. Kalauokalani. Kakauolelo. 6369- Oct. 10, 17, 21.

 

Teritore o Hawaii.

Keena Puuku, Honolulu, Oahu.

I kulike ai me na manao o ka Mokuna 181 o na Kanawai hooponopono Hou ia o Hawaii, 1915, i kapaia, "He Kanawai e Hoololi ana i ka Mokuna 181 o na Kanawai Hooponopono Hou ia o hawaii, 1915, ma ke paku'i ana aku me ai i Pauku hou e ikeia ka Pauku 3308A. e hoakaka ana no ka Hoopau ana i na Hui i Hoohuiia ma kekahi mau hana." Owau, o ka mea nona ka inoa malalo iho nei, Kokua Puuku no ke Teritore o Hawaii, ma keia ke haawi aku nei i ka hoolaha no ko'u manao ana e hoopau i na hui i hoohuiia malalo iho nei, i kukuluia a e ku ana malalo a ma ka mana o na kanawai o ke Teritore o Hawii, a e hoopau i na Palapala hoohui o na hui i hoohuuia i oleloia: American-Hawaiian Paper Company, hoohuiia Mei 5, 1913. Aloha Meat Market Compny, Ltd., hoohuiia Iune 2, 1913. California Stock and Dairy Co. Ltd., hoohuiia Mar. 27, 1895. The Grand Hotel Company Ltd., hoohuiia Iune 8, 1916. Hawaiian-American Rubber Co., Ltd., hoohuiia Aperila 16, 1906. Hawaii vuleranizing Company, Ltd., hoohuiia Novemaba 18, 1913. Hawaiian Taro and mereantile Co., Ltd., hoohuiia Aperila 17, 1916. Hawaiian Philippine Gold Dredging and Mining Company, Ltd., hoohuiia Feberuari 19, 1917. The Honolulu Monument Works, Ltd., hoohuiia Maraki 2, 1911. Honolulu Draying and Building Co., Ltd., hoohuiia Okatoba 6. 1914. Hawaii Soda Works Co., Ltd., hoohuiia Augate 10. 1896. Island Sight Seeing Company, Ltd., hoohuiia Iune 14, 1916. Keokeo Cigar Co., Itd., hoohuiia Novemaba 17, 1911. Kona Tobacco Co., Ltd., hoohuiia Mei 18, 1908. Laurel Hill Orchards, Ltd., hoohuiia Novemaba 6, 1909. Reliable Transfer Co., Ltd., hoohuiia Sepatemaba 24. 1913. The Standard Optical Company, Ltd., hoohuiia Augate 8, 1917. Wailuku Rice Company, Ltd.. hoohuiia Sepatemaba 13, 1909. Nolaila, ano, ma keia ke haawiia aku nei ka hoolaha i kekahi mea, a i ka poe no apau i kuleana mamua a e kuleana nei paha i keia manawa ma kekahi ano iloko o na hui i hoohuiia, o na kue ana i ka hoopau ana i na hui i hoohuia. i oleloia, e waihoia mai ia ma keia keena ma. a i 'ole mamua ae o ka hora 12 awakea o Dekemaba 12. 1919. a o kekahi mea, a o ke poe paha e makemake ana e hooloheia aku maluna o ia mea, he pono ke hiki kino mai ma ke keena o ka mea nona ka inoa malalo iho nei maloko o ka Hale Mana Hooko, Honolulu. ma ka hora 12 awakea o ka la i oleloia, no ka hoike ana mai i ke kumu. in a he mea kekahi o ia ano. i wahi e hoopau loa ia ai na hui i hoohuiia i oleloia. Henry C Hapai, Kokua puu@u, Teritore o Hawaii. Honolili. T. T., Okatoba 4. 1919. 6369- OCt. 10, 24; Nov. 7, 21.

 

Hui Hou Me Ka Ohana Ame Na Hoaloha.

I kuu Kapena Solomon Hanohano, aloha pumehana kana:- E oluolu mai i kau wahi kauwa nei i @umi no ka'u wahi puolo, mau wahi meahou i Ewa nei, a nau hoi ia e kaana iho ma kekahi keena o ka kaua milimili, na ka mokulele e aha'i aku apuni na mokupuni, o ia hoi ka Nupepa Kuokoa, ka elele a ka lahui. Ma ke kakahika Sabati, la 12 nei, i haalele aku ai au me ka'u moopuna i ko maua home ma Laie, ka aina i ka eheu manu, a kau ma ka mikini me na wahi poepoe a mokio no Kahuku, kahi o ke kaaahi e kali mai ana; ia loaa ana no o ko maua tikiki, o ka newa aku la no ia o ke kaaahi e holo, lilo aku la ka hooponopono ana na ka wiliki, oia o Daniel Hao; ua hele wale a lehia i kana hana. aohe olelo ana, he kipu hoola'i kau e ka ohua, hiki i ka Makoni, ku ilaila, he mau ohua, haalele ia @epo no Waialee. nani ka mahinaai a na ke iki kula, ulu ke ko. maia, ka uala, ke kalo, kapiki, ka manu ai a ka pipi, hauole ka maka ke nana i na mea kanu, he la malie a maikai ia kakahiaka. O wialoa, o ia mau no i ke ehukai, o Mokuleia, ka moena pwehe, ke uwe mau nei no iloko iwaho: no Kaena, ke kapi mau ia nei no e ke kai a palahinu, no Waianae hoi, o ia mau no ka lehau o ua ohua o ia depo, alawa mai oe e ke kamahele, hauoli kou lunaikehala ke hoomanao iho. Haalele ialaila no Ewa Mill, nui na ohua o ia awa: Waipahu, he uuku loa; no Manana, paa pu na ano like ole: alaila aohe noho, ua piha loa kuku iluna na ohua. Ninau aku au i ka'u moopu@a mahea kaua e lele ai: Aiea. Hiki kela ku ilaila kokua na keiki i ko maua wahi poepoe waiho ilalo. kau i ke kaa o@omobile, hiu a lilo na na keiki o ke kai o Iapana, hiki ana i ka home o ka'u mau keiki, Geo. Keola: Peter Keola, a hui me ko'u mama e noho nei ma Kalauao nei, nana iho la i ke kulana o ka i'a hamahamau i ka leo, o ia mau no i ke alo pali, ka waiho kahela i ka la'i o ua aina momi nei, a ke lii wahine Kaahupahau alahula Puuloa; ke kae 'ae'a o Ewa nei. Ua lawa au maanei, ke kalele nei au maluna ou e ka Lunahooponopono a me na keiki a kaua o kou keena pa'i ko'u mahalo nui loa. Owau iho no ke kiu imi meahou. W. K. Apuakehau.

 

Maikai Ka Malamaia Ana O Na Ma'i.

Kuu dear Solomon Hanohano, aloha kaua:- E kala mai no hoi kou hanohano no keia mau kukui inamon@ e kau ae la maluna. I kou kiu han@ meahou i hoea aku @i ia kulanakauhale kaulana, kahi i hookaawaleia ai na mea aloha, ua nui ko'u kahaha i na mea a ko'u maka e nana aku ana, he ku maoli no na mea a@@@ me ka maikai, eia na mea helu ekahi a kou kiu i ike ai, maikai ke alanui e iho aku ai, maikai ke kahua o na hale ame kahi e paani ai, pela no hoi me na le@e makapalupalu o @a kaha nei, nepunepu maikai no @o@@@ noho no hoi ia 'a o @@ ula o ka pua lehua iluna o na ma@ i@a nei, he u'i maoli no hoi. Ae, o na keikikane ame na makuakaue, he huapala maoli piha pono na hoi na kino ke nana aku. makepono no hoi ka ai a ke aupuni ia lakou. a hui iho la me ka makuahine maikai, ka mea nana e malama ia lakou no ka pono o ko lakou noho ana. na nui na mea a ua makuahine nei i ha'i mai ai ia'u, ua nui na mea e hoolealea ai ia lakou, he hulahula ame na ano paani like ole: nolaila keia makapeni e kau leo nei i kuu lahui i loaa i ka pilikia, mae pee. mai maka'a. e hoi i ka home i hookaa waleia nou. e loaa ana no ia oe ka maha ame ka hauoli , a i oi loa aku, ua hoomama aku oe i kau kaikamahine, a i ole, i ka@ kane a wahine aloha. no ka mea aole loa e loihi, e hemo koke mai ana oe, no ka mea ua hoi aku nei i manawa opiopoi loa o ka ma'i, a e loaa ana ia oe ka lanakila ana. Nolaila, e kuu lahui, niai maka'u, in a ua loaa i keia ma'i. e maka uia nei, ina e pee mau ana oe, aole loa e loaa ia oe ka maha, no ka mea e puiwaiwa mau aua oe i na manawa apau, pela me kou ai ana, e pee mau ana iloko o ka paku makika, nolaila ua emi mai kou kino, no ka mea nau no e pepehi ana, aole na ha'i. Nolaila, e ka lahui. i ko'u ike ana i ke kulana o ka pa ma'i o Puuhale ame kona kulana ame na mea aloha e noho nei iloko o ka oluolu, ua lana mai ko'u manao e kau leo aku i kuu koko ame kuu i'o no ko'u pono ame kou pono, ame ka lahui pu i poe'a wale ia, e ala mai a ku iluna, mai maka'u a pee aku, e nana ea i na makuahine ame na makuakane, e noho nei ame no keiki liilii, ua hauoli maoli ko lakou noho aua. E kala mai e kuu Kapena maikai, ua pakika loa aku la ma ka nana aku a nei makapeui. ua maikri maole ka malamaia ana o na mea aloha, ua piha lawale pu. nolaila e kuu Solomon, e ka@ mai ana no oe i keia mau manao, aka, manao no au e oluolu mai ana no oe no ka pono o ka poe e pee mai nei, o ia @e la wale no ka mea nui. a o na hemahema apau e oluolu oe e kala mai Me ka haahaa. kou a mau. J. K. Mokumaia. Moanalua, O@t. 19. 1919.

 

He Hoomanao No Mrs. Nahuina Ah Fat.

Mr. Lunahooponopono o ke K@okoa, aloha oe:- E oluolu mai kou ahonui no @ Iroi kauwahi kolamu kaawale o ka kana hiwahiwa, ka elele lawe kauoha a ka lahui, i ike mai ai na ki@i, na hanaumua, na keiki ame makou hoi kana poe moopuna, mai ka p@ka ana @ ka la ma Ha'eha'e i Kumukahi, ahiki @ ka welona a ka la i ka mole olu o Lehua. Auwe ke luuluu wale e! Ua hano ka leo o kuu kuku alo@a, na pau hoi ka lohe hou ana i kona leo walohia. ahiki i ka manawa e kahea mai ai ka Lunakanawai kiekie loa no ka hookolokoloia o ko ka honua nei. Auwe ka mokumokuahua o kuu naai e! Ke huli hele nei au e imi iaia ma na wahi i maa ia'u i ka lawe hele ia iloko o ka nenelu o ka na Kukalahale. o ke kaona nei, ame ka makani olauniu o Kapalama, aole he loaa iki ia'u. Auwe ka minamina i kuu kuku leo ole e! Pela pu hoi na nalu pinapuna'i o Waikiki i ka Lehuaweha i ke ala kupaoa a ka lipoa. aole no he loaa iki ia'u. Auwe kuu hoaa i kuu kuku hoomanawanui e! Ua hala, ua hala i ka polikua a Kane, e hooipo ana paha me ka malana'i i ke kui lei ohelopapa i ka uka i@ o Kuli'u i ke ahi a ka wahine. Auwe kuu kuku manaonao e! E na ale kawahawaha o Alenuihaha e, ua pau kou hooniooui hou ana i kuu kuku, ua pau pu hoi me kou hoopulupe ana i ka heleholena aloha o kuu kuku me kou mau huukai. Auwe ka ehaeha o kuu naau e! E Kona kai opua i ka la'i e, ke ala hinano ua malie e, na pau ka maaloalo hou ana o kuu kuku aloha ma ka oukou mau kaiaulu, kona onehanau hoi, a pela pu hoi me na makalae aloha o kuu aina kulaiwi ame ka limu aloha o kuu aina, he lipahee, o ia limu wa'u ia me ka opihi. Auwe kuu kuku ahonui ia makou ka ohana e@ Lihaliha wale e! E Kohanaiki e, ka ewe o o'u mau kupuna ame kaloko kahi hoi a kuu kuku aloha e huli kula ai iloko o ke anu an@e ke koekoe, ka ua me ka la, he mea ole wale no ia i kuu kuku hoomanawanui me ka lei hele no ia'u mahope o ke kua. Ua make kuu kuku i aloha nui ia ma o ke ki poka ia ana e Jos. B. Olepau, ke kanaka puuwai eleele me ka manao lili o ke aloha ole, i ano like aku hoi me ka holoholona, ma ka la 15 o Sept., 1919, maloko o kona @ahi maa mau i ka lawelawe ana i kana mau hana ponoi iho ma Kapahuulu, oiai no oia e hana ana me kona manao ole ae o kona hopena ia. He kuku heahea ko'u e poina ole ai ka poe apau iaia, he makuahine oiaio hoi no ka home, @ e hoopuni mau ia ana kona alo e kona mau hanaumua, na keiki ame makou pu kana poe moopuna iloko o kona a@onui me ke kaniuku ole ia makou ka ohana ame ka poe apau. Me keia mau wahi hoomanao poina ole no kuu kupunawahine i aloha nui ia, ke haawi aku nei au i ko'u mahalo a nui loa, no ka poe apau i lawe makana pua mai no ka hoohiwahiwa hope ana iho maluna o kona kino puanuanu no kona home mau loa ma Puea. Me ua waimaka o ke kaumaha, ke poloai nei au i ka Makua mana loa, ka mea Nana i hana i na mea apau, e haawai mai i ka maha iloko o ka ohana i hooluuluuia. Me na keiki oniu hua ko'u weliua. Ah Loy Keawehawaii. Ka moopuna i hookaumahaia.

 

Loaa Ka Ilina O Ia Mau Keiki Hawaii.

He leka ka i kakauia mai nei e Mr. Geo. Ro. Carter i noho kiaaina mua no Hawaii nei, a i holo aku hoi no Palani, no ka lawelawe ana i na hana kokua malalo o ke ke'a ulaula, e hoakaka mai ana no kona ike ana i ka inoa o kekahi mau keiki Hawaii, maluna o na ke'a laau, i kauia maluna o na he kupapa'@ o na koa i make ma Palani, me kona ninau pu ana mai. iha paha he mea kekahi i paopopo no kela mau keiki, i ke keena o ke ke'a ulaula maanei nei. Ua hoounaia mai kela leka ninau ia Mr. Atkinson. maanei nei, i kakauia ma ka la 14 o ka mahina aku nei o Sepatemaba, mai Parisa mai, a ke lilo nei na inoa o kela mau keiki i mau mea pohihihi. E hoakaka mai ana o Mr. Geo. R. Car@er i kona manawa i hele ai e makaikai i na ilina i kanuia ai o na koa Amerika, ua ike oia i ka inoa o kekahi keiki ana i manaoio loa ai he Hawaii kona lahui, oia o Paul O Kalwa. Ua make oia ma ka la 18 o Augate o ka 1918 aku nei i hala; a he keiki Hawaii hou aku no kekahi ana i ike i kona inoa e kau mai ana maluna o ka laau ke'a, oia o Harry Ewa, ua make no keia keiki ma ka la hookahi me ke keiki mua. Ua ui mai nei o Mr. Carter ia Mr. Atkinson maanei nei, in a paha aia he mau inoa elike ae la me kela maloko o ka papainoa o na koa i paa maloko o ko keena o ke ke'a ulaula. a in a aole, alaila e hoike ae kela meahou maloko o na nupepa, malia o hiki i kekahi poe ke hoomalamamalama mai, e pili ana i na keiki no laua kela mau inoa. Ma ka manaoio o Mr. Atkinson, o ka inoa pololei o kela keiki a Mr. Carter i kaku mai nei iaia, O Kalwa. o Kalua ka pololei, a ua make oia me kona hoa. iloko o ke kaua no ka maopopo ole i na aliikoa o na inoa Hawaii, pela iho la i pololei ole ai ke pelaia ana.

 

Kuu Lei Lauae Ua Mae.

Solomon Hanohano, Lunahooponopono e ka hiwahiwa a ka lahui, aloha oe -E oluolu mai oe i kekahi @umi kaawale o kou moku adimarala, no keia wahi puolo a ke aloha, a nana hoi ia e aha'i mama aku i ka lohe, mai ka puka ana a ka la ma Kumukahi a ka welona a ka la i Lehua. Ma ke ahiahi Sabati, Oct. 12, 1919, ho@@ 7:30 p.m., i kipa mai ai ka anela o ka make ma ko'u home, a lawe palanehe aku la i ka hanu ola o ka'u keiki i aloha nui ia Samson Kalaniaukai Kalue. a waiho iho la i ke kino lepo, na makou, ka ohana, e paiauma aku ma keia ao inea. Ua hanania oia ma Haena i ka poli lauae o Makana i Iune 25, 1900; ua piha iaia na makahiki he 19, me na mahina 3, a haalele mai la ia maua kona mau makua, kona pukii, me kana wahine aloha me ka laua lei he keiki Sam K. Kalue, Jr., e paiauana aku i ke aloha nona. Ua hoonaauaoia no oia ma ke kula olelo Be#itania ma Haena nei, a ua pukapono mai oia ma@ ia kula mai, me na mahalo a hoomaikai mai kana mau kumu mai. I ka piha ana iaia o ua makahiki he 18, ua hoohuiia iho la oia ma ka berita o ka mare me Miss Edith Peleaumoku Ahu, a mai ko laua puhaka i loaa mai ai he lei momi o na opio, o ia hoi he keikikane, ka mea e o nei i kona inoa. He @ala oia no ke C.E. Kuwaena o Waioli huiia, a he haumana Kula Sabati. he mea nui iaia ka hele ana i ka halepule i na Sabati apau, a na ka nawaliwali o kona kino i hoopale mai iaia i ka hele ana i ka halepule, aka o kaua mau mea apau i hana ai @o kona Haku aloha e loaa ana no he uku iaia ma kela ao. He keiki aloha makua, a he puuwai hamama i ka poe apau e kipa mai ana ma ko makou home. He mea nui no hoi iaia kane wahine, ka mea ana i pili iho la me ke aloha a hala aku la ma kela ao. Ua piliia e laua mai ke onehanau aku nei a ka makanai moeahua o Kekaha, a na ka loaa ana i ka nawaliwali, i huli hoi hou mai imua o ko maua alo na makua, a ua loaa hoi ka maha iaia, me ka manao hoi na pau ia pilikia, eia ka e loaa hou iho ana i kela ma'i e kau ia nei ka weli he hokii, ka ma'i hoi nana i hoemi mai i kona @i@o a koe i na iwi, a hele aku la oia me ia kulana hoomanaoano, ke hoomanao ae, aka, ua hoike mua mai no ka Buke Nui, Nana no i hana mai a nana no e lawe aku, e hoomaikaii@ Kona  Ke haawi aku nei makou i ko makou hoomaikai piha i ke C. E. Kuwaena o Waioli huiia, no na kokua aloha i loaa mai, mai kona puuku mai, pela ia Jos. Lonoaea, no ia haaawina like, pela pu i ke kamana me kona mau kokua nana i hana kona pahu kupapa'u, ka ohana, no na lei me na boke @na. me ka luna ekalesia o Haena me Wainiha, P. Kanehe, ka mea nana i haawi iho i na leo pule ma ka home a ma ka ilina, no oukou apau ka makou mau hoomaikai puha o ka welina hope i na limahana o ka papapa'i o ke Kilohana. O makou iho no me ka luuluu, J. Kalue. Mrs. K. Kalue, Miss lilian Hung Sing, Mas. S. K. Kalue, Mrs. E. S. K. Kalue, Mas. J. K. Hung Sing, Jr.

 

Hooholo Na Kepani O Na Mahiko I Ekolu Dala O Ka La.

I kulike ai me kekahi lono meahou o ka loaa ana mai i ka nupepa Kepani, ka Nippu Jiji o keia kulanakauhale, ua hooholo mai nei na Kepani o na apana o Hamakua, Hilo ame Puna. ma o na elele la, i noho ae ma kekahi halawai ka malamaia ana mai nei ma Hilo, ma keSabati i hala aku nei, he ekolu dala ka ukuahana haahaa o na Kepani limahana e hana ai ma na mahiko no ka la. me ko lakou makemake ole i na dala manuahi, a iloko pu hoi o kela koi hoopii ukuhana, e kkoi pu ana kela poe Kepani e hoemiia mai ua hora hana i ka ewalu hora. Ma ka manawa e noho mai ai o ka halawai a ka Ahahui o ka Poe Kauu Ko, ma ka mahina ae nei o Dekemaba, o ka manawa ia e waihoia aku ai ke koi hoomahuahua ukuhana, elike me ia i hooholoia mai la, a i wahi no hoi e hookoia ai ka makemake ame ka iini o na Kepani. e kukuluia aku ana he mau hui uniona ma kela mahiko iwaena o na kepani e noho hana ana malalo o ia mau mahiko. Ma ka hoakaka a kela meahou, ua oi aku mamua o ke kanawalu, ka nui o na elele i hoea ae ma kela halawai ma Hilo. a mai ka hora eiwa mai o ke kakahiaka, ka malamaia aua o ka halawai, ahiki i ka hora eha o ke ahiahi, akahi no a aponoia ka olelo hooholo, no ka lokahi ana o na mea apau e koi aku i ka ukuhana. o ekolu dala o ka la Ua hooholo pu ia ae no hoi ma kela halawai ana a na Kepani ma Hilo, e hoomaka koke aku ke kaahele ana o ke kahi poe ma kela ame keia wahi, me ka haiolelo ana imua o na lumahana, no ke komo ana mai iloko o ka hui uniona, pela hoi ka hoonaauao ana aku ia lakou, no na alahele apau e hookoia ai ka lakou koi ukuhana kiekie.

 

Hoike O Na Loaa Ame Na Hoolilo O Ka Ahahui Mokupuni O Maui, Kau O Sept., 1919.

Na loaa- Aamele me lulu dala, $304.76. Ukuia ia R. J. K. Nawahine, 6 pahu poi, $48; bila otomobile, 21; tini lumu, $2.50: ukuia ia J. W. Kalua, kela ame keia hoolilo $23.86; huina, %95.36; koena dala loaa i ka puuku, $209.40. Na dala i loaa mai i ka puuku, $811: mai ia D. K. Kaaeamoku mai, $15; Mrs. A. Kaumeheiwa, Mahele C. E., $30; mai ia W. Kukona mai, $4.50; huina o na loaa apau, $339.90. Na hoolilo- W. Kukona, uku poe hana, $87.50; Wailiku Store. $12.65; M. Dutro, bipi, $12; lilo huikau, $14.40; lako oihana kuke, $7.80; Ah Kip, meaono, $4.25; Iao Stables, $1.50; F. Sommerfeld. wahie. $3l huina,. $143.10; koena ma ka wahona, $196.80. Na kokua aloha nie ka poe na lakou ia mau kokua: D. T. Fleming, 312 paona bipi, $62.40; F. F. Baldwin, 200 paona bipi, $40; J. M. Mit@hell, 1 aoao bipi, 94 paona, $18.80: A. F. Tavares, 1 puaa, 220 paona, $53; Kula Sabati Keawala'i. 1 puaa 120 paona, $30 C. Wilcox, wahie, $10; D. Kaina pahu poi, wai@ kia, waiubata, ki, $11.05; D. K. Kaaeamoku, berena, waiubata, $9.80; W. F. Kaae, berena $9; G. H. Cumming, 1 eke palaoa, $3.35; M. P. Waiwaiole, 2 kini kope, 2 kini aia puaa, 1 kini hupualaoa, $6.25: W. Kukona, hee maloo, hee maka, $3; Helekahi, $3: J. Meheula, $2.50; Mrs. kuikahi, 1 eke paakai $1. 70; Makia Kapoo, huihui pa laau, $2.20: W. B. Keanu, 1 kini aila mahu, $1.35; J. K. Kahookele, 2 eke uala, $2; pahu soda water, $2; T. B. Lyons, soda water, $2; Makainui C. Crowell, poe limahana, huina waiwaiio o ua kokua, $277.40. Ua loaa mai ka hoike maluna ae  mai ka puuku Chas. Wilcox mai, o ka Ekalesia o Kaahumanu, Wailuku, Maui mahope iho o ka hoopanee ana o ka Aha a ma keia hoike e maopopo ai, aia he koena dala ma ka waihona o ka Ekalesia o ka Ahahuina. Wailuku, o $196.80. Ke haawi hou aku nei ka Aha i na hoomaikai kiekie palena ole i na hoaloha apau loa, no lakou na inoa ame na kokua i hoikeia maluna, a na ka Haku nona ke aupuni mau loa e hoopiha mau mai i ko oukou mai wahihona no ka pono ke koena o Kana hana ma ka honua nei. W. E. Saffery, Kakauolelo, Ahahui Euanelio Ahahuina o ke Kalana o Maui, T. H.

 

Lehulehu Na Paahao I Haawila Aku Na Palapala Hookuu..

Mamuli o ka hooia ana ae a ka papa komisina halepaaha@ i kakau ai ke Kia aina i kona inoa maluna o na palapala hookuu no keia poe malalo nei ma ka Poakolu nei: No Antone Placido. ua hoahewaia oia ma ka la 21 o Aperila 1917, no ka hoololi ana i ke ano o ke kaa. me ka ma naoino a hoopaiia aole e @mi iho malalo o 2 makahiki aole hoi e oi aku maluna o Elima. John Kaihe. Hoahewaia ma ka la 24 o Okatoba. 1917. no ka hoololi ana i ke ano o ke kaa, me ka manaoino a hoopaiia aole e emi iho malalo o Elua makahiki aole hoi e oi aku maluna o ka Elima. John Kaihe, hoahewaia ma ka la 24 o Okatoba. 1917, no ka hoololi aua i ke ano o ke kaa, me ka manaoino a hoopaiia aole e emi iho malalo o Elua makahiki aole hoi e oi aku maluna o ka elima Domingo Seson, hoahweaia @@a ka la 27 o Okatoba 1917, no ka hewa aihue ma ke degere elua, a hoopaiia aole e emi iho malalo o elua makahiki aole hoi e oi aku maluna o ka iwakalua. David Mahiai, hoahewaia ma ka la 27 o Okatoba, 1917, no ka hewa aihue ma ke degere elua a hoouaiia aole e emi iho malalo o elua makahiki aole hoi e oi aku maluna o ka iwakalua Juan alfredo. hoahewaia ma ka la 27 o Okatoba, 1917, no ka hewa aihue. ma ke degere elua, a hoopai hoopaahaoia aole e emi iho malalo o ka elua makahiki aole hoi e oi aku maluna o ka iwakalua. David Kau. hoahewaia ma ka la 23 o Feberuari 1917. no ka hoolilo ana i ka eno o ke kaa me ka manaoino, a hoopai paahaoia aole e emi malalo iho o elua makahiki aole hoi e oi aku maluna o ka Elima. Aha Yun Ho, hoahewaia ma ka la 12 o Iulai. 1917. no ka hewa kakau ana ma ke ano apuka i kekahi @ila kikoo dala, a hoopai paahaoia aole e emi iho malalo o Ekolu makahiki aole hoi e oi aku maluna o ka Umi. Albery Manners, hoahewaia i Sept. 14. 1917. no ke kakau ana ma ke ano apuka. a hoopai paahaoia aole e emi iho malalo o na makahiki ekolu aole hoi e oi aku maluna o ka elima. Gregorio Corbo@, hoahewaia i Iune 30. 1917. no ka hewa moekolohe, hoopai paahaoia aole e emi iho malalo o ka ekolu makahiki aole hoi e oi aku maluna o ka Umi. John Kaleopaa. hoaewaia i Dekemaha, 21, 1918, no ka hoololi ana me ka mauaoino, a hoopaiia aole e emi iho malalo o elua makahiki, aole hoi e oi aku maluna o ka elima makahiki. Kane Kimeona, hoahewaia Dekema ba 21, 1918, no ka hoololi ana me ka manaoino i ke ano o ke kaa. a hoopai paahaoia. aole e emi iho malalo o hookahi makahiki. aole hoi e oi aku maluna o elima makahiki. David Koa, hoahewaia i Dekemaba, 21. 1918. no ka hoololi ana me ka manaoino, a hoopaiia aole e emi iho malalo o hookahi. aole hoi e oi aku maluna o elima makahiki. William Namaka. hoahewaia Dekemaba, 21, 1918. no ka hoololi ana me ka manaoino a hoopaiia aole e @mi iho malalo o hookahi makahiki a aole ho e oi eku maluna o elima. Andrew Santana hoahewaia i Mei. 6, 1916, no ka hoeha me ka mea eha ku i ka make, a hoopaiia, aole e emi iho malalo o ka 4 makahiki me ka hapa. aole hoi e oi aku maluna o ka elima makahiki. Choy Ki Sur. hoanewaia i Iune 7, 1917, no ka wawahi hale ma ke degere ekahi, a hoopaiia aole e emi iho malalo o ekolu makahiki, aole hoi e oi aku maluno o iwakalua.

 

Hoomakaukau No Mua Aku Nei

E Hoao e Hoomakaulii Ano… E Malama i ke Dala e wehe i Buke Banako H@aku me ke Chinese-American Bank A Nana Aku I Ka Ulu O Kau dala Na Pahu Dala ao ka Hoolimalima $1.00 no ka Wehe Ana i ka Hoahu Kihi o ke alanui Moi me Nuuanu

 

Luau Na PA, NOHO, PAKAUKAU ame na HALELOLE no ka Hoolimalima. People's Hardware Store. 453 Alanui Moi Akau, Kokoke i Palama Settlement. Kelepona 2670. 6348-8 wks.

 

J. Brown, JR.

Loio

He keiki Hawaii i makaukau ma kana mau oihana a he oluolu na kuka ana. Na hana Palapala. Hu@@ ana i na Aina Pohihihi. Akena Kuai Alna@ na Kol Aie ame Hoaie Dala. Keena Hana: Rum@ 3. Waity Bldg. Hun@. Alanui Moi, Mauka o Wa@@ Nichol@ Kelepona Helu 3938.

 

Kekuewa Bros.

He anaaina no ka lehulehu. He mau Keiki Hawaii i makaukau ma ke Anaina ame ka imi ana i na Aina i Pohihihi. Keena Hana: Papahele 2 R@@@ 7. Mendonea Bldg. Kihi o Alanui Mol ame Kamika. Honolulu, t. H. 636S-6 @@@s.

 

T. O. Murata Furniture Store

(Na noho hoolimalima me lako pa maanei.) Na Lako Hale hou me Kahiko. Hoolimalima me Kuai Hoolilo. 715 Alanui Hema. Honolulu, T. H., Kelepona 1695.

 

Hoomano i Kahi

156-158 Alanui Hotele Mauka o ka Hokele Young. Ua hoao kekahi poe e hana i wahi no oukou e noonoo iho ai, ua nee makou mai ko makou wahi kahiko mai, o ka mea oiaio aole makou i nee. O Kauka Capps ua kamaaina oukou. Mrs. Correa, Kauka Rushforth ame ka poe e ae, he o ia mau no lakou. Aole he kuleana o kekahi kanaka okoa aku o Thompson me ko makou wahi. Hiki ia makou ke olelo Hawaii. Dr. Lewis Edwin Capps Kauka Rushforth, Kokua. Thompson Optical Institue Co. 156-158 Alanui Hokele. Mauka o ka Hokele Young.

 

Kaa Ia Mrs. Brown Ke Eo O Ka Helhei.

Ma ka heihei pii kuahiwi i hanaia e ka mahele a na wahine a ka Ahahui Traiil and Mountain Club ma ka Poaono aku la i hala, ua kaa ia Mrs. H. C. Brown ke eo: manawa i pau ma ka pii ana a hoi mai, hookahi hora me elua minuke. Mai ke poo aku mauka loa o ka laina kaa uwila o ke Alanui Emma ka hoomaka ana ahiki i ka hale ma ka hapalua like o ke ala ma Puohia, a hoi hou mai ahiki i ke kihi o na alanui Waila ame Pensaeola. O Miss D. L. Kirwen ka laa a o Mrs. E. C. Bar@lett mai ke kolu. No ka mahele hoi a na kane he umikumamakahi poe i pae pono i ka pahu hopu, o Peter F. Neves, ka mea i @@ ai o ka heihei hele kiau ma ke Alanui Kalakaua, ka mua iloko o 37 minuke. Eia nae ma ka huli ponoia ana i loaa ai ka ike he mau alahele like ole ka keia poe o ka pii ana a hoi mai. Ua hooholoia ka me ka lokahi mamuli o ka holopono ole o keia heihei ana iho la, e heihei hou nei poe ma ka la @ o Novemaba. O na kanaka i hoea mai i ka pahuhopu oia o Peter Neves, H. C. brown, Fred Camp, Harry Esters, D. H. Lake, R. Turner, G. F. Larsen, E. G. Bartlett, paiapai o T. P. Cadle. Harold Tuttle ame Robt. MaConell.

 

KakelameKuke

(Kaupalenaia.) Poe Kalepa ma ke Komisina -A HE- Poe Agena no na Mahiko Lehulehu

Aina Kuai Emi Loa

$2500- Apana Aina 80@ 100 âme ka Have 36x36, eha @@@@ moe, ma Lana kila Traet, Kunawai. K@lana kiekie, ikeia ke kaona ame na moku komo mai $500 ka uku mua, $30 no na mahina apau. $350-Apana Aina 40x85 ma Lanakila mauka o ka Hale Pupule. He maikai a nani ka noho ana o kela wahi. He $25 ukumua a $10 i na mahina apau. $160- Apana Aina, 50x100, Alanui 10, ma Palolo. $10 ukumua. $5 i na mahina apau. Paulo Kalauka, (P. E. R. Strauch). Akena kuai Aina Emi Loa. Waity bldg., Helu 71 Alanui Moi.

 

Nupepa Kuokoa

No ka makahiki (one year)…… $2.00 No cono mahina (six months)…. 1.00 O na Dala ame na Hoolaha Apau e hound pololei mai i ka ADVERTISER PUBLISHING COMPANY, LTD., wale no, P. O. box 208, Honolulu, T. H. Entered at the Post Office at Honolulu, T. H., as Second Class Matter. CHARLES S. CRANE… LUNA NUI

 

Kela Laau Kaulana

B.B.C.

He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holookoa o ke kino. e kipaku ana i ka ma'i kino ame na ma'i ili wale mai, e haawi ana i ke kino i ka ikaika, ke ola ame ka mana i na aalolo. E hoopiha ana ka B. B. C. i ke kina me ka ikaika hao o ke ola ame ka ikaika o nala opio. Ua hoo'aia na noe nawaliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B. B. C. @a leau kamahao loa ma ke ao. Kua@a ma na wahi apau. Keena Kuai Laau B. B. C., 161 Alanui Mo@. Honolulu, Hawaii.

 

He Mea Kokua.

G. Goodman He mea k@k@a i ke @@ pilikia i ka mai @uma@ika @a maui o @@ lala ame ka hana @@@@ e @@@@ a @@ @e @@@@ ine @oko o ke kin@ E loaa @o ma @@ @@ pahele elua o ka hale ma ke @ihi o @@ @@@ nui Nunuanu ame Kal@@@. Na @@@ @@@@ Mai ka @ora 9 a. m. a @ p. m. a mau @@ hora 6 1 @ o ke ahiahi Kelepona @@@@ hoolaha 636s- Oct. 3 @@ 17 21 31

 

E nana ia kou mau maka maanei

1116 Alanui Papu Pantheon Block

Brown-Thompson Optical Co.

A. L. Brown- R. A. Thompson

Eia o Kauka Thompson i keia wa ma kahi i hoikeia maluna me kora noho hana ole me kekahi hale nana maka okoa ma Honolulu nei.