Ka Nupepa Kuokoa, Volume LVII, Number 42, 17 October 1919 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

MAGURETA

a i ole

Iloko o na Wiliau a ke Aloha. He Moolelo i Piha me na Haawina o ka Ehaeha.

 

Ke ike la ka Poropeka Kadina i ka pololei o na olelo a Kanani e kamilio aku la iaia, nolaila, lalau mai la oia i ka lima o Kanani, a honi iho la no hoi ma kona lae, o kona @ili aku la no ia iwaho, me ka hele a luuluu kona naau i ke kaumaha, i kela wahine opio a ka hoomana wanui maoli, i ka hana pauaka a kana kane okoino.

Aole he mea mawaho ae o Kanani i ike i ka nui o na ehaeha a kela whine i auamo ai, iloko o na la kakaikahi mahope mai, e pani mau ana oia iaia iho maloko o knoa rumi; me he mea la o keia ka paio hahana hookahi ana i ku aku ai a hoouka iloko o knoa ola ana. Iaia i huli aku ai ihope a nana i ka nui o kona hooikaika ana. Iaia i huli aku ai ihope a nana i ka nui o kona hooikaika ana ma na ano apau, e hoolilo i kana kane, i kanaka maikai, i kanaka e maliu aku ana i kana mau hooikaika ana, a haalele aku la hoi i knoa mau aoao hewa, eia ka e lilo ana ia mau hooikaika ana i mau mea waiwai ole.

I ka huli hoi ana mai o Laulani me ke kino wailua o Kauwila, loaa mai la o Kanani iaia iloko o ke kulana mama o kon@ noonoo aole hoi elike me kana i manao kuhihewa ai e loaa mai ana oia iaia iloko o ke kulana kumakena eia nae aia maluna o knoa helehelena, kekahi hiona maopopo loa, no ka hala ana aku o kekahi ino nui, nana i kaili aku i kekahi mahele ano nei o kona ola ana.

I wahi e hoopauia ai ua pohihihi o na mea apau no ke ano o ko Kauwila halawai ana me ka make ua hoakaka mai la o Laulani me na huaolelo pokole, a penei ke ano nui.

Ua hoea aku o Noela Kauwila maloko o kekahi hokele ma Loki Anagela, mahope iho o ka haalele ana i ke kulanankauhale o Kapalakiko i ka wa i pau ai o kana hana me ka Poropeka Kadina a kakuoha aku la i ka on a o kela hokele e haawi mai i rumi nona maloko olaila.

He mau la lehulehu kona noho ana ma kela hokele e hoohala nui ana i knoa manwa ma ka inu waiona ana ame ka piliwaiwai aka nae no ka nui loa o kona on, ua hoopaa okoa ia aku oia maloko o kona rumi, i ole ai oia e hoopoino wale mai i ka lehulehu.

Ua noho pu kekahi mea, no ka hakilo pono ana ia Noela Kauwila maloko o kona rumi, a i ka manawa nae i hoi ai o kela kanaka e hiamoe ua haalele aku la ke kiai iaia hookahi maloko o kona rumi, o ka mea apiki nae i ka manawa o ka mea kiai i hele hou aku ai e nana ia Kauwila, o kona kino puanuanu ke waiho mai ana, aole ke ola ilko a e waiho ana hoi he omole o ka laaumake ma kona aoao e hoike mai ana ua inu oia i ka laaumakeino ka hoopokole ana i na la o kona ola ana ma kaia honua.

Iloko o kela manawa @@@aulani e hoakaka aku ana i na mea pau e pili ana i ka hoea ana mai o Noela Kauwila i kona hopena aole o Kanani i pane ae he hookahi huaolelo, koe wale no kona manaoio ana aku ua pololei na mea apau e kamailiola mai ana iaia a luliuli iho la kona poo, me ka walania hoi o kona naau no ka lilo o kana mau hooikaika ana no ka pono o kana knae i mea waiwai ole.

He unau ninau lehulehu nae kana i waiho aku ai imua o Laulani, no na mea ana i manao ai e pili ana no ke kino make o Kauwila a i kona maopop oana ua pau mua na hemahema apau i ka hooponoponoia e Laulani ua hoomama loa ia ae la kona manao a o ia kana o ka @ ana mai:

"Ke manzo nei au he mea maikai loa nau ka hoouna ana aku i kekahi @@@@@ane ia Reginola no keia hopena i kau aku maluna o Kauwila wahi ana me ka haloiloi ana unai o @ waimaka piai kona mau lihilihi mai/

"Mai hoopilikia i kou noonoo no ia mea oiai ua hoounamua aku au he kelekalapa ia Reginola mahope iho o ka maopopo ana iau o na mea apau e pili ana i ka make ana o kau kane a ke lana nei oku manao mamua o ka po ana o keia la e loaa mai ana he kelekalapa ia oe mai iaia mai," i pane mai ai o Laulani.

He mea oiaio he mau hora mahope mai o kela kamailio pu ana o Kanani ame Laulani ua loaa mai la he kelekalapa mai ia Reginola mai e hoakaka mai ana e haalele aku ana oia ame kana wahine ia Parisa ma ka mokuahi mua loa e haalele aku ana i kela kulanakauhale no ka holo pololei ana niai no Kapalakiko.

He elua la mahope mai o ka hoihoiia ana aku o ke kino make o Kauwila no kona home, ua hoomoeia aku la kona kino lepo ma ka ilina a o ka hoea ana mai hoi i ka pau ana o kana mau hana ma keia ao.

Iloko o keia mau la o ke kanikau ame ke kaumaha e hoea mau aku ana no ka Poropeka Kadina me Laulani imua o Kanani, no ka hoolana ana aku i kona mau manao kaumaha apau. pela no hoi me Mrs. Nohala a ma ka lakou ike ana, he o ia mau no ko Kanani kulana, ke nana aku ma kona helehele@ me he mea la aole no i lilo ka make ana o kana kane i mea e hooiia ae ai kona kaumaha ame ka luuluu.

No kekahi mau pule kela noho malie ana o Kanani a i ke kahi la a ka Poropeka Kadina o ka hele ana aku e ike iaia nonoi hou aku la ua o Kanani e aeia mai oia e hoomau aku i ka lawelawe ana i kana mau hana maloko o ke keena o ka  poropeka me ka hookahaha nui ia aku hoi o ka manao o ua poropeka nei no ka hiki i keia wahine opio ke hele koke i ka hana.

"Auhea oe e kuu kaikamahine," wahi a ka Poropeka Kadina me na waimaka o ka makee iloko on a no Kanani; "aole oe i kupono no ka lawelawe koke ana aku i kekahi hana i keia manawa o ka'u e a'o aku nei ia oe o ia no kou noho malie ma kou home nei ahiki i ka hoea ana mai o kou kaikunane a oia ka mea nana e malama mai ia oe."

"Aole e hiki ia'u ke noho malie aka he mea pono ia'u e hana i ole ai e hoopilikiaia mai ko'u noonoo. E ae mai oe ia'u e hana o lilo auanei ko'u noho malie ana i kumu e hoopupuleia ae ai ko'u noonoo."

Ua noke mai la no ka Poropeka Kadina i ke kamailio ia Kanani e hoomanawanui ka hana a mahope aole nae ia he mea no kela kaikamahine e maliu aku ai nolaila hooholo okoa iho la ua poropeka nei, he oi i'o aku ka pono o kona haawi ana mai i hana na Kanani, he mea ia e hoomamaia ae ai kona mau noonoo maikai ole apau.

Oiai hoi e haalele aku ana o Reginola a i kamaaina hoi ia kakou moloko o keia moolelo o Kauka Noka Alika i ka luhiehu o Parisa e waiho iki kakou i ke kamilio ana no Kanani a e hana aku noi i na mea e pili ana ia Reginola ame Magureta.

Ua haalele aku kakou ia Kauka Alika ame Magureta maloko o ko laua home hou mahope iho o ka haalele ana aku i kela wahi kahiko a laua i noho ai mai kela manawa mai o ko laua hoea ana aku no Parisa ahiki i ko laua hooholo ana ua lawa ka noho ana ma ia wahi.

He me oiaio ma kela manawa a laua i noho aku ai ma Parisa ua hookaumaha nui ia aku ka manao o Reginola no kona hoonoho ana aku i kana wahine maloko o kekani hale o ke kulana haahaa i kulike ole me kela home i maa ia Magureta i ka noho ana ma Nu Ioka o ke kumu mai no nae o ka hiki ole ana iaia, e loaa kakahi home nani mamuli mai no ia o ka uuku o kana mau dala aka iaia i ike ai ua loaa he ukumahina maikai i keia manawa pela iho la oia i hoihoi aku ai i kana wahine, a noho maloko o kekahi hale i kupono maoli iaia akahi no a hoauheeia aku kela noonoo maikai ole mai iaia aku.

Ma keel home hou, ua hoonoho aku la o Reginola i mau kauwa lehulehu, no ka lawelawe ana mai i na hana o ka laua home, nolaila ua kaawale aku ia na hana i maa ia Magureta mai iaia aku: a me kela ame keia manawa, e hele pu ana no hoi oia me Magurea iloko o kekahi mau anaina e konoia mai ai oia, ma kela hana ana, ua hoikeike aku o Magureta i kona kulana lede oiaio, ahiki i kona lilo ana i mea mahalo nui ia e ka poe apau e hookamaaina mai ana me laua, a ua lilo keia i mea no Reginola e haaheo loa ai no kana wahine. Iloko nae o ka maikai o ka noho ana mawaena o ke kane ame kana wahine, me ko laua komo like ana aku iloko o na hauoli ana. me ka nui o ko laua  mau hoaloha. aole no i hoea mai i ka manawa e hoopauia ae ai kela pilikia kahiko o ka laua noho ana mai kinohi mai, o ia ke kuleana o ke kane maluna o kana wahine, a pela hoi ka wahine maluna o kana kane. ua like loa laua me he mau mea la i mare ole ia, a i ole he kaikunane paha me ka kaikuahine. Ma na manawa apau a Reginola e hoea aku ai me kana wahine iwaena o ka pohai o ka poe hanohano, e hoikeike mau ana oia i kona kulana koonimana, o ke kane i makee i kaua wahine. aka i ko laua wa no e hoi aku ai maloko o ko laua home, e hoikeike aku ana oia i kela ano kuoo mau on a, aole no hoi he ike mai o Magureta i kela ano o kana kane, a hele mai e hana i na mea e ike mai ai o Reginola i ke aloha iloko on a nona. aka he like no laua e elua. ma ke kuana ma ke kulana nahoa. I kekahi manawa nae e hoao mai ana o Magureta i kekahi mau hana e ike aku ai o Reginola. ua auhee loa aku kela ano kahiko mailoko aku o kana wahine. a hoikeike aku la hoi ua o Reginola i na ano o ke kane makee i kana wahine, e hua'i piha mai ai o Magureta i kona aloha no kana kane, aole nae he mea o ia ano i hoikeikeia aku e Reginola. kue kuoo mau la no oia i na manawa apau. ahiki i ka manao okoa ana iho o Magureta, ua ahona no kona noho pu ana pela. a kauka'i aku i na hoohaoli ana elike me na mea e hoea mai ana imua on a. Ua ili aku ke ko'iko'i nui o keia pilikia o ko laua noho ana malna o Magurea. no kona hoike okoa ole mai i ka mea oiaio ana e hunakele la iloko o kona puuwai. no kona haulehia i ke aloha no Reginola, no ka mea, aole e hiki i kana kanae. ko hoi hope ma kana mea i hoohiki aku ai imua on a. aole oia e hoala hou aku i ka nui o kona aloha ia Magureta. me ka lilo o ia mau hoike ana, i kumu e hoopienaia aku ai ka manao o ua wahine opio nei. oiai keia mau ano e hoopuni ana i ke ola ana o Reginola ame Magureta. i hoea aku ai ke kelekalapa a Laulani o ka hoo@@a ana aku, no ka make ana o Noela Kauwila. Aole no nae i noho pouliuli o Reginola i ke kulana o ka noho ana o kona kaikuahine, no ka mea e kaku mau aku ana no o Kanani iaia i kela ame keia manawa. mahope iho o ka huli hoi hou ana aku o Kauwila i Kapalakiko, a ma kana mau leka apau, e hoike mau mai ana oia, no kona manaolana, e hoea mai ana i ka hookoia ana o kana mau hooikaika e lilo o Kauwila i kanaka maikai, me ka loaa ole aku nae o ka ike no ka nui o na inea ame na pilikia a Kanani i auamo ai, iloko o kona noho ohana ana.

Ma kekahi la a Reginola o ka huli hoi ana aku no ko laua home, e waiho mai ana ke kelekalapa no ka make ana o Kauwila, ua lilo kela nuhou i mea hookaumaha aku i kona manao. aole wale no kona noonoo nui i kona kaikuahine, aka uo ka hilo oia ka mea nana e hoike aku imua o Magureta no ka make ana o kela kanaka ka mea a Magureta i haulehia kahiko ai iokoo ke aloha kupouli me kona manao ana iho aole e pono iaia e kamailio aku i kana wahine no kela nuhou kaumaha.

Oia i nae ua o Reginola e noho ana ma ka aoao o ke pakaukau o ko laua keena aina me ka hele hoi o kona helehelena a Pumaha, aole no ka make ana o Kauwila, aka no ka noonoo ana ae i na ehaeha a kona kaikuahine e auamo mai la ma ka aina mamao ua hiki loa ia Magureta ke ike mai aia kekeahi hana nui loa nana i hoopilikia aku i ka noonoo o kana kane, a o ia kana o ka ninau okoa ana mai.

"Ea ua loohia anei oe e Reginola i ka ma'i, a i ole, ua halawai oe me kekahi pilikia." wahi ana me ka haalele okoa ana aku i kona wahi e noho ana a hele mai la me ka paa ana aku ma kekahi poohiwi o Reginola aia hoi kana nana ana mai maluna o kona mau maka.

"Aole au i loohia i kekahi ma'i, a i ole, i kekahi pilikia paha i pili mai ia'u a ia kaua paha aka he nuhou kaumaha ka i loaa mai nei ia'u mai ia Kanani mai i keia la iho nei."

I ka lohe ana o Magureta i kela mau hoakaka a kana kane ua hoopuiwa koke ia aku kona noonoo, a ninau hou mai la; "He nuhou anei kela e hoakaka mai ana no ka loaa ana o Kanani i ka ma'i, a i ole, o kana kaikamahine paha?"

"Aole, he maikai ko laua mau ola kino a elua aka o ka meahou kaumaha o ia no ka make ana o Kawila," a hooki iho la o Reginola i kana kamailio ana aku, no ke kakali ana i ka Magureta pane in a paha e komohia aku ana ka manao aloha iloko o kana wahine no kela kanaka.

"He nuhou kaumaha i'o hoi kena a heaha ana la ka Kanani mea e hana ai no kona pono o ka noho ana aku me kana kaikamahine. Ua nui maoli na ehaeha a Kanani auamo ai he keu no hoi o ka pau ae o kekahi pilikia e hoomamaia mai ana kona manao eia hou no ka hoi ua pilikia," me ka hoike okoa ana aku o ua o Magureta i kona manao aloha no Kanani aole hoi no Kauwila, ka mea nana i hookahaha loa aku i ko Reginola manao.

Ne kekahi mau minuke, aole e hiki ia Reginola ke pane koke aku, no ka mea, ua lilo na ano o Magureta ana e ike aku la, i mea hookahaha nui loa mai i kona noonoo he keu no la e lilo ana ka make ana aku la o Kauwila i kumu e hiolo okoa mai ai na waimaloa mai no lihilihi aku o kana wahine eia ka aole ke ku aku la o Magueta he wahine i loaa ole kahi wahi lihi noonoo a hoihoi paha no Kauwila, kela kanaka i pakele mahunehune ai oia, mai lilo i luahi no kona mau ano ino.

"Ae, ua nui maoli no na haawina ehaeha a kuu kaikuahine o ka hoomanawanui ana aka nae ua hooluoluia mai kuu manao. i keia manawa, mamuli o ka ike ana, ua moku ae la ke kaula nana i hauhoa aku ia Kanani, a paa me kekahi kanaka ino. Ua hoohuoi mau au i na manawa e hoea mai ai kana leka, oiai oia e hoakaka mai ana no ka maikai o kona noho ana aole o'u manaoio iki,, o ka mea pololei, o ke kaumaha. ka hoehaehaia, ka mea loaa iaia, oiai e ola ana kaumaha. ka hoehaehaia ka mea loaa iaia, oiai e ola ana o Kauwila. O ke ano o ka make ana o Kauwila, aole ia ma ke ano maikai, aka ua lawe maoli ae no'oia i kona ola iho."

"O in a pela iho la ko Kauwila ano o ka make ana, alaila ua oi aku ka ikaika o kela puupuu i ku'iia aku ma ka puuwai o Kauwila. Aole i lilo ka make ana aku la o Kauwila ma keia ano ino i mea na'u e kahaha ai, no ka mea, ua loaa mua no ka hoohuoi iloko o'u no kela kanaka, he puuwai kona i piha me ka hohewale ame ka epa, a in a no kona halawai me kekahi mau haawina maikai ole e konoia mai ana no oia e lawelawe aku i kela hana haahaa loa."

"Aole no i loaa mai na hoakaka piha ana no ke ano o kela hana laweola, ma ke ano nui wale no ka ke kelekalapa e hoike ana no kona make ana, nolaila, ua noho pouliuli no kaua i na mea oiaio apau no keia mea." wahi a Reginola i pane aku ai, ma ke ano hoolalau, oiai ua hookahaha loa ia mai oia no ko Magureta ano.

"Ua hookahaha mai oe e Magureta i ko'u manao, i ka lohe ana aku i kau mau olelo maikai ole no Kauwila, pela hoi kou hoakaka ana mai i kou mau manao aloha no ko'u kikuahine." me ka haka pono loa ana aku o ka Reginola nana ana ma na maka o kana wahine.

"Eia no ke kumu nui; aole i loaa ia'u ka malamalama mamua elike me ia i keia manawa. Me ko'u hoole mau aku no ia oe aole he wahi lihi noonoo iki iloko o'u no kela kanaka, eia nae e kapa mai ana no oe i ko'u hoomana i kekahi kii leo ole. Ua ike no au i ko'u naaupo loa, iloko o kou manawa e hoakaka mai ana i na ano ino o kela kanaka; ua kaokoa loa nae au i keia manawa mai ia manawa mai."

"Nokeaha mai ke kumu?" i pane aku ai o Reginola me ka leo hookikina, me he mea la, ua hele oia a piha me ka huhu, oiai nae ua ala mai la kekahi manao hoohuoi iloko on a, no ka hoopoina loa ana o Magureta ia Kauwila, a ke kakali aku la oia, o ka lohe i ka pane oiaio mai ia Magureta aku a ua aneane loa no o Magureta e hoike mai, aia ke aloha iloko o kona puuwai no ua o Reginola o ka hoopukaia ana aku nae o ka muau me ka leo ikaika, uumi wale iho la no ua o Magureta i kona manao iloko a pane aku la ma kekahi kumu hana okoa loa;

"No ka makahiki holookoa a oi i hala aku nei, ua hunakele loa au i kekahi mehuna mai ia oe mai e Reginola, aka ua konoia mai nae au e hoike ae ia oe," alaila hoomaka aku ia oia e kamailio i kona i halawai ana me Kauwila maloko o Parisa, ma ke ano nui me kona huna ole iho i na mea apau i kamailioia mawaena ona ame Kauwila.

 

MOKUNA XLII

 

Ua hookahaha loa ia aku ko Reginola manao i ka lohe ana i na hoakaka a Magureta no ka mea aole loa oia i moeuhane ua hoea o Kauwila no Parisa, a o ia kana o ka ninau ana mai;

"Ua halawai ka hoi oe me Kauwila la heaha kou kumu i kamailio mua ole mai ai ia'u i keia mea, ia manawa?" wahi ana me ka leo kaumaha.

Aohe no keia he manawa no ka pomaikai e loaa ana ia oe e pili ana nona, o ia no ka hookaawale loa ana i kou noonoo mai kekahi mea mai e hoopilikiaia aku ai a no ka mea no hoi, pehea ka nui o na hooikaika ana i kela kanaka e hana i ka pololei aole loa oia e hoolohe mai ana o kona mau manao wale no kana e hooko.

"Ua hopohopo no hoi au in a no kou halawai pu me kela kanaka e ala mai ana na olelo hahana mawaena o olua a oiai he kanaka o Kauwila i kaokoa loa kona mau ano mai kou mai, aole ana e nele kona hookau mai i na hoopilikia ana maluna ou," me ka luliuli ana iho o ke poo o Magureta. Ua ike maoli no o Reginola i ke kulana loli ano nui loa o kana wahine ma keia makahiki hope o ko laua noho ana a in a no paha aole no ke aloha mai iaia nei, ua maopopo iaia, aole loa he wahi lihi aloha iki i koe loko o Magureta no Kauwila.

O kela mau olelo a Magureta i kamailio aku ai, no kona hopohopo o hoopoinoia mai auanei oia, ke halawai pu me Kauwila ua lilo ia i mea ano nui loa iaia, aka o kana nae o ka noonoo ana iho, malia paha no kona lilo, i mea nana e hoopakele ia Magureta, pela wale no i makee ai kana wahine, e kau ole mai kekahi mau poino maluna on a, o kau puaku auanei he mau hoopilikia pu ana maluna o ua o Magureta o keia na noonoo koho o Reginola iloko iho ona.

"Aole a kaua kamailio hou ana no Kauwila i kela manawa; o na hooikaika ana ma ok ke kanaka aoao, e hoolilo aku iaia i kanaka maikai a e panai aku paha i ka ino no ka ino, ua lilo ia i mea waiwai ole, na kaua e noonoo ai, he hookahi wale no mea nui i ko'u manao, o ia ka haawi ana aku i na mea apau e pono ai ko'u kaikuahine, a ua konoia niai au e holo aku no ka ike ana iaia."

"Alaila e holo ana anei oe no Amerika e Reginola?" wahi a Magureta me ke kahaha.

"Ae, ua hele ke aloha no kuu kaikuahine a nui, e hiki hou ole iho ai ia'u ke hoomanawanui, a ma ka mokuahi mua loa e haalele iho ana i ke awa o Livapulu, ma ia mokuahi au e kau aku ai, a holo pololei no Amerika."

"I ka manawa hea e haalele iho ai kela mokuahi ia Livapulu?" i ninau aku ai o Magureta, em ka pihihoi o kona mau ano, me ka haikea pu hoi o kona helehelena.

"Ma keia Poaono iho e haalele ai kela mokuahi."

"O ka Poakolu keia, a i wahi e loaa ai kela mokuahi ia oe, me ka hikiwawe no oe e pono ai e haalele iho ia Parisa nei."

"Ae, me ke kaaahi e haalele iho ana, ma ka hora umi-kumamalua o keia po, e kau aku ai au ma ka'u huaka'i no Amerika."

Kulana mai la o Magureta ihope maluna o kona noho no ka mea o keia huaka'i a kana kane e hele nei, he huakai ia e kaawale ai ke kane mai kana wahine aku, a e noho hookahi aku ana hoi ua o Magureta mahope, me ka mea ole nana e hoopakele iaia, a e kau aku ai hoi i kana mau nana ana no ke kupono o kona noho ana ma kela aina malihini.

"Ke ice nei au, me ka eleu wale no e pono ai keia huaka'i, nolaila ua lawa ko kaua kamailio ana ma keia kumuhana, e ai kaua a maona, alaila hoomakaukau aku i kou mau ukana no keia huaka'i." me ka panee koke ana mai o Magureta i na meaai imua o kana kane, oiai nae ke hana la kona noonoo i kana mau mea e nooko aku ana.

Ia laua e ai la, kamailio aku la o Reginola in a e hiki ana ia Magureta ke hoomakaukau i kona pahu lole no ka mea he nui kana mau hana e hele aku ana e hooponopono ma kela auwina la mamua o kona haalele ana iho ia Parisa a o ia ka Magureta o ka pane ana aku;

"O ka'u no ia i manao iho nei aia a pau ka kaua ai ana, alaila hele aku au e hookomo i kou mau lole maloko o ka pahu, nolaila mai hoopilikia i kou noonoo no ia mea, he hana hiki loaa ia ia'u ke lawelawe aku a o kau mau hana mawaho kau e hele aku e hooponopono."

I ka pau ana o ka laua ai ana ma kela awakea, hele pololei aku la o Reginola no ka halema'i, a kahea aku la hoi o Magureta ia NOra kana kaikamahine lawelawe e hele main, no ke kukakuka pu ana me ia maluna o kekahi humuhana ano nui, no ka hapalua hora paha kela noke ana o laua i ke kainailio, u pii  like aku la no ka hale maluna, no ka hoomakaukau ana.

He hookahi hora mahope aku o ka manawa maamau no ko lakou aina ahiahi akahi no o Reginola a hoea aku i ka hale, ua hele no hoi a luhi eia nae ua hauoli no ka manao i ka ike ana aku, e a mai ana naa kukui o kona home, a e waiho mai ana hoi na meaai i hakalia wale no i kona hoea aku.

O ka mea maa ia Magureta ma na ahiahi apau, o ia ke komo ana i mau lole hou, i noho aku ai oia me kana kane ma ke pakaukau aina he ano maikai hou ia i kana kane ke nana mai ma keia ahiahi nae o kona lole no ia e komo mai ana, a o ia ka Reginola i nalu iho ai iloko on a, aole ka paha i lilo kana huaka'i hele no Amerika i mea ano nui i kana wahine, i komo ole mai ai oia i kekahi lole kupono no kela ahiahi.

O ko laua nei ai hoi ia ahiki i ka maona ana, ku ae la o Reginola iluna a kamailio aku la i kana wahine, aole on a makemake e hoopilikiaia mai ma kekahi mau hana, ana e hele aku ana e hooponopono maloko o kona keena, a in a he poe kekahi e hoea aku ana no ka ike ana iaia, e olelo aku, aole e hiki iaia nei ke ike ia lakou.

"He mea hiki anei kekahi ia'u ke hana aku nou Reginola?" wahi a Magureta, me ke ku pono ana ae mamua o kahi a Reginola e hele aku ai.

Ku malie loa iho la o Reginola, me ka noonoo nna iloko on a, a i aku la:

"He mau bila kekahi a'u i manao ai e uku aku i ka la apopo, a oiai aole e hiki ia'u ke hele kino aku no ka uku ana i kela mau bila, ke nonoi aku nei au ia oe, eoluolu e hooko aku i kela hana no'u i ka la apopo."

"Ua pau kela mau bila i ka ukuia, no ka mea i ko'u komo ana aku nei maloko o kou keena hana, ua ike au i ka waiho o kekahi mau bila maluna o ke pakaukau, a i wahi e hoomamaia ae ai kou noonoo ua kakau aku au i na kikoo dala, a hoouna aku nei ma ka leka e loaa aku ai i ka poe na lakou ia mau bila ma ka hora eha iho nei o keia la."

"Ke mahalo aku nei au ia oe no kou noo@oo e ana i kela pilikia." wahi a Reginola. me ke komo ana iho nae o ke kahaha iloko on a. no ka lawelawe e ana aku o Magureta i kela hana, me ke kamailio @@a ole aku iaia.

"He hana hou ae anei kekahi au i makemake ai ia'u e lawelawe aku i kea manawa?"

"A'ole o'u manao he hana hou ae kekahi i koe, ua hiki no ia'u hookahi ke hooponopono i na hana e ae." me ka hele ana aku o Reginola noloko o kona kena, a pii pololei aku la no hoi o Magureta no ka hale maluna.

Ma kela hoea ana aku a Magureta noloko o kona rumi, hoomaka aku la oia e kakau no ka hapalua hora paha, alaila hookani aku la i ka bele kahea no ka hele mai o Nora noloko o kona rumi.

No kekahi mau minuke kela kamailio ana o Magureta me Nora. haawiia aku la ka pepa a Magureta i kakau iho ai ia Nora.

O ka noho hoi ia o Reginola maloko o kona keena ahiki i ka pau ana o kana mau hana, a ma ka hora eiwa o kela po, pii aku la oia no ka hale maluna, a maloko o ka holo loihi, e waiho mai ana he ekolu mau pahu lole. aole hoi he hookahi elike me kana i kauoha aku ai i kana wahine. ua lilo keia i mea hookahaha aku i kon manao.

Oiai no nae ua o Reginola e ku ana ma kahi i waihoia ai o na pahu. oili mai la o Nora iwaho, no ka iho ana i ka hale malalo, e kii ai i kekahi mea a Magureta i makemake ai, a o ia kana o ka ninau ana aku:

"Heaha ka manao o keia mea a olua i hana mai@i. no ka mea he hookahi wale no a'u pahu lole i makemake ai e hele pu ma keia h@@a'i?"

"Ua manao kau wahine. he kupono ke lawe pu ia me keia mau pahu hou ae elua. malia pela e pono ai keia huaka'i hele au," wahi a Nora. me ka huna ana iho nae i ka mea oiaio, i ka nae, ua ike aku la o Reginola, i ka hele o na maka o Nora a ula, ua noke wale paha i ka uwe,  ma kekahi manawa o kela la.

O ka hala ana aku no nae ia a noka lohe ana mai hoi o Magureta i ke kamailio o Reginola me Nora, nolaila hemo okoa mai la oia iwaho, mailoko mai o kona rumi ekomo ana oia i kekahi paalole kaahele. a ma kona lima, e paa ana oia i kekahi eke paalima. a i ka ike ana aku o Reginola, ka mailio aku la oia me ka piha i ke kahaha:

"E Magureta, heaha ka mano o keia mea a'u e ike aku nei ia oe?"

"Eia no ka mano e hol opu ana au me oe no Amerika." wahi ana me ka leo kuoo.

"Ua hookahaha loa mai oe i ko'u manao, mamua o ka mea hiki ia'u ke olelo aku e Magureta. Aole e hiki ia oe ke hele pu me a'u ma keia huaka'i. no ka mea aole he nui o ka manawa nou e hoomakaukau ai."

"Aohe a'u mau hoomakaukau ana aku. no ka mea ua makaukau au i keia manawa, aia ko'u mau lole apau maloko o ko'u pahu. pela hoi me kau mau mea apau i makemake ai. o ko'u lalau wale aku no i ko'u papale. me na mikinilima, o ka hana wale no ia i koe, i ka manawa e hoea mai ai o ke kaa."

Ua hookahaha loa ia aku ko Reginola manao no keia mea. oiai aole loa oia i moeuhane aia kekahi noonoo iloko o Magureta no ka ukali pu aku me ia, ma kela huaka'i a o ia kana o ka i okoa ana mai:

"Ua hookahaha loa mai oe e Magureta i ko'u noonoo no ka mea ia'u e manao ana, owau hookahi wale no ke hele ana ma keia huaka'i, eia ka ua paa mua kou manao, o kaua pu no ke hele."

"Ae, ua maopopo loa ia'u, aole ou makemake owau pu kekahi e hele pu me oe, aka nae, mahope o ko'u noonoo ana no kekahi manawa, i keia la. hooholo iho la au i ko'u manao. aole e hiki ia'u ke hookuu hookahi aku ia oe e holo no Amerika pela hoi kou haalele hookahi iho ia'u mahope nei."

"Aole au hopohopo ana no ko kaua home, no  ka mea ua hookomoia e a'u na ukana ano nui apau iloko o kahi paa e hopohopo ole ai ka mana. a e lele ole ai hoi ka oili. O na lako dala apau. ua hoounaia aku e a'u i keia la, no ka waiho ana malalo o ka malu o ka hui malama i na waiwai makamae, a e noho iho ana no o Nora mahope nei oia ka mea nana e hooponopono i ka home nei, ua ike no oe, ua maopopo loa iaia na hana apau, e pilikia ole ai, no ka mea ua kakau au i na mea apau maluna o ka pepa. o kana wale no o ka hooko aku elike me na kuhikuhi.

"Aole malaila wale iho la no pau ka'u mau mea i hana ai, aka ua houna pu aku au he leka i keia la, i ka lolo, e noi aku ana iaia, e makaala mai i ko kaua home nei, i ko kaua manawa e kaawale aku ai ma Amerika. Ua hooko aku au i na hana apau a'u i manao iho ai, pela wale no e loaa ai ka palekana o ko kaua home, a no ka mea e Reginola, aole e hiki ia'u ke noho hookahi iho mahope nei."

"He manao hoi ko Reginola e ninau mai, i ke kumu e hiki ole ai i ua o Magureta ke noho hookahi aku mahope, eia nae, ua kaohi aku la oia i kona manao, me ka noonoo ana iho. malia paha no ka mehameha wale no, ke kumu o ka hiki ole i kana wahine ke noho hookahi, oiai no nae, ua haawi mua aku oia e kaawale aku ana no Amerika, eia ka auanei, ua lilo kana mau hoolala ana i mea waiwai ole.

"O kau mau mea apau e Magureta i hana ai i keia la, me ka hooholo ana o kou manao e hele pu me a'u no Amerika; ua hookahaha loa mai oe i ko'u noonoo, no ka mea aole au i manaoia. he hana maalahi la no kekahi wahine ka hoomakaukau ana iaia iloko o ka manawa pokole loa, ia oe nae keia, ua pau kou mau hemahema, iloko o na hora kakaikahi wale no."

"He hookahi no kumu nui o ka hiki ana ia'u ke hoomakaukau ia'u iho iloko o ka manawa pokole, o ia no ka hoolelepau ana i ko'u noonoo maluna o ka'u mau mea apau i hana ai, a hui  pu iho me ke kokua ana mai o Nora ia'u, ua lilo na hana nui i mau mea liilii wale no. Ua ike no oe e Reginola in a e hoolelepau oe i kou ikaika me kekahi mea, e pau ana ia i ka manawa pokole."

"O keia huaka'i hele au e Magureta e manao nei. he huaka'i loihi ia e aneane hiki ole ai paha ia oe ke hoomanawanui no ka mea ua konoia mai au e kaahele i ke ao ame ka po, me ka hoomaha ole; no ia kumu la, i hopohopo loa ai au. e hoopilikiaia mai ana paha oe me kekahi ano, mamua o ko kaua hoea ana aku no Kapalakiko."

"Ua ike no au. he loa ke alahele e hoea aku ai no Kapalakiko aka mai hopohopo nae oe no'u, e hoao au e hoomanawanui ma na ano apau. me ka hoopilikia ole aku ia oe, aka e kaahele kaua elike me kau mau mea apau i manao ai, in a no ia he mea e konoia mai ai au, e hiamoe iluna o ko'u wahi e noho ai maluna o ke kaaahi, a maluna paha o ka mookuahi."

"Ina i hoike mua mai oe i kou manao ia'u i keia la, in a ua hoole aku au i ka lawe pu ana ia oe ma keia huaka'i, aole @@@@ i hooholo i keia manawa, no ka lawe pu ia oe ame ka ole."

"O e Reginola, mai hoonoho mai oe ia'u mahope nei. aka @ ukali pu aku au mahope o keia huaka'i au." wahi a Magureta me ka ha'uha'u ana iho e uwe, o kona huli aku la no ia noloko o kona rumi. a kukuli aku la ma ka aoao o kona moe, me ka puana ana ae i keia mau olelo:

"Ina he noonoo nui kekahi i loko on a no'u, pehea la oia i manao ai e haalele iho ia'u mahope nei?"