Ka Nupepa Kuokoa, Volume LVII, Number 41, 10 ʻOkakopa 1919 — KO'IKO'I KE KUAUA O KA PO SABATI NEI. [ARTICLE]

KO'IKO'I KE KUAUA O KA PO SABATI NEI.

Mahope iho o na la hahana o ka wela ma ke kulanakauhale o Honolulu nei, no kekahi mau la lehulehu aku nei i hala, ua haule mai la he kuaua ko'iko'i ma ka po o ke Sabati aku la i hala, ke hele la a halana pu ka wai ma kekahi mau wahi lehulehu. Ua ukaliia mai kela kuaua ko'iko'i e na alelo manamana o ka uwila ame ka haku'i ana;a ka leo nakolokolo o ka hekili, e hoopilipu ana i ka hanu o na mea apau. Ua hoomaka ma,j ka haule ana o ka ua jnahope iho o ka hora ehiku o kela po Sabaki, i ka manawa o na kanaka i hoea ai maloko o na halepule, ame nahale kiionioni, a no kekahi mau liora lehulehu ka haule ana mai o ka ua, ua hiki ole kekahi poe ke kakali ahiki i ka malie ana, nolaila i wahi e hoea ai no ko lakou mau home, ua hoolimalima okoa i na kaa, a ua~Jioomanawajrfii no hoi e kau maluna o na kaa uwila, aia ka.pono o ka hoea aku i ka hale, me ka. nana ole i ka pulu o ko lakou mau lole/ O ka poe keia e noho ana ma na home i kaawale mai kahi aku e ku ai o na kaa uwila, ua kono okoa ia aku lakou e kau maluna o na kaa otomobile, mamua o ka hoi wawae-aku iloko o ka ua ame ka wai e kahe ana ma na alanui. Iloko o ka hele o na alanui ma kekalii mau walii a halanaia e ka wai, aole i ku wale na kaa uwila, aka ua hoomau no ka holo ana, me ka loaa ole o kekahi mau ulia. Ma ke kilii o na alanui, kahi i hanaia ai o na puka wai, ua hiki ōle i kela mau pirka wai, ke omo aku i ka wai me ka I'iikiwawe, no ka mea ua oi ae ka nui o ka wai mamua o ka hiki i kela mau wahi ke omo aku, eia nae i ka manawa i akakuu mai ai ka ikaika o ka liaule' ana a ka ua, ua emi mai ka wai, ahiki i ka maloo ana o na alanui. He hookahi kumu nui nana i hoopakele ae i kekahi/mau wphi ma ke kaona nei, ma o kela wai la, o ia no ka hoomaemae mua ia ana o na paipu e holo ai ka wai, he mau la lehulehu mamua aku, nolaila i ka hoea ana niai la o ka ino, ua maalahi loa ka holo ana aku o ka wai he keehina hoomakaukau e keia i laweia ae e ke keena o ka enekinia kalana mamuli, no o ka hopohopoia o hoea mai kekahi ua nui elike me kela. Mauka ae nei o Kalihi, ma na hoike i loaa mai ma ka Poakalii ae, na komo okoa ka wai iloko o kekahi mau halekuai, a ua halana pu ia hoi ke alanui e ka wai, me ke kahe ana aku ma na wahi haahaa, o ka mea laki loa nae, aole he mau poino i ikeia. Mawaho ae nei hoi o Pawaa, ua uhi pu ia ke alanui e ka wai, eia nae aole no he mau ulia poino i ikeia. Ma kekahi Inau wahi haahaa ma Kakaako, ua halana pu ia e ka wai, a ua hoopakeleia hoi kekahi mau wahi,-ma-muli o ka hanaia ana iho nei o ke alanui a kiekie, aka no na wahi i hana ole ia, ua hooliloia i mau lokowai, e maloo ole ai no kekahi mau la loihi. Ma ka manao kohokoho wale o kekahi poe, ua hoea mai kela kuau&, mamuli o na hana a Pele e hoolalelale mai la ma Kona, a ma ka manao hoi o kekahi poe, aole he kuleana o ka pele i keia ua, aka no ka hoea mai no i kona manawa, oiai he wa ino aku keia, a ua kamaaina no ko Honolulu nei poe i na ko'iko'i o keia ano, iloko o keia manawa o ka makahiki. +++