Ka Nupepa Kuokoa, Volume LVII, Number 41, 10 October 1919 — OLELO HOALOHALOHA NO MISS RACHEL KAKINA. [ARTICLE]

OLELO HOALOHALOHA NO MISS RACHEL KAKINA.

I ka makou kaikamahine i aloha nui ia iloko o ka olelo hoopomaikai a ko k&kpu Haku leeu Kristo, Miss Charlotte Kakina, walohia wale: Oiai ua oluolu i »ka Makua n.ana loa ka lawe ana aku i ke ola makamae o kou kaikuaana aloha, Miss Eaehel Kakina, ma na hora poniponi o ka wanaao Poalima, la 26 o .Sepatemaba, 1919, maloko o ka haukipila o Lihue, Kauai, £ waiho iho la i ke kino puanuanu e :noc oni ole ana no ka wa mau loa, ahiki i ka wa a ka Haku e kahea mai ai, a o ka ( uhane hoi aku no ia me ka Mea Nana i hana ma kela Edena nani ma-o, a ko: ai ka mea i palapala ia, o ke kanaka i hanauia e ka wahine, he hapa kona mau 10, a ua piha i na popilikia, puka mai no ia me he pua la, a Okiia aku, a holo aku no ia me he aka la, aole ia" e mau. A oiai o kakou apau ke he.le aku .ana i ona la, aole ia e hoi hou mai no ka mea, Ma ka lani he hale mau nou, kuu hoa, Ma ka laui he hale mau nou; 'Na lesu no ia i hoomakaukau, t Ma ka lani he hale mau nou. O Miss Haehael Kakina he hoahanau no ka Ekalesia o Liliue, he haumana Kula Sabati, lie lala C. E., he lala no ka Hui Aloha Kokua Manawalea, a he lala no ka Ahahui Kaahumanu a haalele wale mai la i keia ola ana^ Nolaila, e hooholoia, o makou o ka Ekalcsia o Lihue, ke Kula Sabati, na C. E. ekolu, ka Ahahui Aloha Kokua Manawalea ame ka Ahahui Kaahumanu, ma o ko\makou mau komite la # i koho pono ia, ke komo pu aku nei me oe e ke kaikamahine i hooneleia i ke kaikuaana, ame ka ohana apau, e auamo pū i na kaumaha ame na luuluu. E hooholo hou ia, ke pule nei makou j i ka Makua mana loa, e hoomama mai i, na naau ehaoha, a maluna ae o na mea J apau, ke kahea mai nei ka leo o ko kakou lesu, '' E hele mai oukou apau loa io'u nei, ka poe luhi ame ka poe kaumaha a na'u no oukou e hoomaha aku. E hooholoia, e hoounaia i hookahi kope o keia hoalohaioha i ke kaikaina ame ka ohana, a i hookahi i ka Nupepa Kuo-1 koa, i hookahi i ka Nupepa Ka Hoku o Hawaii. Ma o ko makou mau komite la, WM. KAIAWE, Komite Ekalesia; MRS. ENOKA LOVELL,_ Komite Kula Sabati; % HENRY W. WAIAU, Komite C. E. Makua; ALFRED M. AKIONA, Kom ( ite C. E. Kuwapna; K. WAIAU, Komij;e C. E. Pokii; MRS. WM. KAIAWE, l Komite Hui Aloha; ' MRS. K. MONTGOMERY, Komite Hui Kaahumanu. Lihue, Kauai, Sept. 28, 1919.