Ka Nupepa Kuokoa, Volume LVII, Number 41, 10 October 1919 — HOOLEIA KE NOI A KE KALANA O HAWAII. [ARTICLE]

HOOLEIA KE NOI A KE KALANA O HAWAII.

0 ka makemake o ke Kalana o Hawaii, no ka huina o iwakalua-kumama-lima kaukani dala, e haawiia aku e ke Teritore, i wahi e hoomoeia ai na paipu, no ka hoolako ana i ko Honokaa poe me ka wai, ua hooleia aku ia e ke kiaaina, mamuli o kona manaoio ana, he hana kela i pili wale no i ke Kalana o Hawaii, e pono na kela kalana no e huh aku i ke dalft, me ke kuleana ole o ke Teritore, e hoolawa aku 1 ka huina i makemakeia. Ma kekahi halawai a ka papa lunakiai o ke Kalana o Hawaii i malama ai, mamua aku nei, ua hookomoia ae he olelo hooholo, e ka Lunakiai Cabrinha, kauoha ana e imi aku ke Kiaaina i na alahele e loaa ai he haawina dala, no ka hoolako ana i mau wai } e la-wa ai na makaainana ma Honokaa, Hawaii, me ka wai. Ua hookomoia ae kela olelo hooliolo, mamuli o ka manaoio o ka Lunakiai Cabrinha, he kuleana kekahi o ke Teritore, i kela kumuhana, ma o kekahi aelike i hanaia, mawaena o ka hui Hawaiian Irrigation Co., ame ke Teritore, o ia ko ka hui Hawaiia'n Irrigation Co., hoolako ana i ka wai,<- a na ke aupuni hoi ka hoolako ana i na paipuwai. 1 ka - manawa i hoea mai ai ke noi a ke Kalana o Hawaii no kekahi haawina dala, ua hoakaka ae o Kiaaina McCarthy, aole e hiki iaia ke haawi aku i ka huina i makemakeia mai ai e loaa aku, mailoko ae o ka haawina i hookaawaleia no na pilikia, no ka mea, wahi ana, ma na hana pili wale no i na pilikia o ke Teritore e hiki ai iaia l?e ae aku, aole hoi ma na pilikia pili i na kalana. O ke alahele e loaa ai kela huina dala a ke Kalana o Hawaii i makemake ai, wahi hou ana, o ia no ka hoopuka ana i kekahi mau bona aie, a e malamaia hoi he koho baloka, no ka hooholo ana o na makaainana no ke kupono a kupono ole paha o ka hoopuka ana aku i bona, a i ole, e hoomanawanui pela ahiki i ka noho hou ana mai 0 ka ahaolelo, alaila e noi ae i kekahi haawina dala iloko o ka bila haawina aie, olaila e hiki ana e loaa ke dala mai ke Teritore aku, a e kakiia aku hoi 1 ke Kalana o -Hawaii.