Ka Nupepa Kuokoa, Volume LVII, Number 41, 10 October 1919 — NA PALAPALA A NA MAKAMAKA [ARTICLE]

NA PALAPALA A NA MAKAMAKA

He lehulehu wale na palapala a na makamaka il hoouna mai ai i keia keena no ka hoopuka ana aku maloko o ka nupepa, aka nae ua kaohiia ka hooko ana aku ia mau makemake, mamuli o ke kumu, aole ia i kupono no ka hoopuka ana aku, oiai aole he pomaikai e loaa ana i ka lehulehu ma na manao o kela ano, no ka mea he mau manao ia, i kakauia no kekahi mau ku-ee pilikino, a niau manao pilikino no hoi. Ua hoouna mai kekahi poe i ko lakou mau manao me ke kakau ole i na inoa pololei; o na manao o kela ano, ,ua kapaeia mai ka hoopuka ana aku, no ka mea aole makou i makemake e ili mai na ko'iko'i o na ahewaia maluna o makou, a ma ka olelo maoli ana ac no hoi, e hoopau ka hoouna ana mai i na manao' o ke ano pilikino; aka o na manao akea, na manao e'hoonaauaoia ai ka lehulehu, malaila e hoouna mai ai. E kakau no hoi a moakakai, e hoomaopopo, ma na inoa malaila na hua nunui, a ma k4 hoomaka ana o kekahi manao ; o kekahi poe, aohe wahi i kau ole o na.hua nunui, ina ia he inpa no kgkahi mea, a inoa ole paha, a e mahelehele pono no hoi i ke ano 0 ke kakau ana, ma na pauku, aole i hookahi no hele ana o ke kakau'a piha okoa na aōao lehulehu.o na apana pepa. Ua nui no na a makou i hoonaauao aku ai 1 ka lehulehu maluna o keia ninau, eia nae i ka nana aku, aole he hanaia mai pela, a ma ka hoomanawanui wale no, i ka hooponopono hou ana, i ike tnai ai oukou, i ka maikai ame ka moakaka pono o na manao ke heluhelu iho. Ina i makee na hoa o ka papa lunakiai o ke Kulanakauhale a Kalana o Honolulu nei, no ka pono o na makaainana, e noho ana ma na alanui inoino, he hana na lakou, ka hele ana e nana ma na apana i keia manawa, o ka oi loa aku, ma kekahi wahi o Kakaako, he lokowai nui e lana nei i keia manawa, i kuppno no ka hooholo ana i %ia kaka. Mamua oka hoea hou ana mai o ka ino, e hanaia kela alanui, i ole ai e oi aku kc ino. i ko keia wa e waiho nei, pela me kekahi mau alanui haahaa e ae, i loaa ole na wahi e holo aku ai ka wai ikawa ua nui. , • j i .