Ka Nupepa Kuokoa, Volume LVII, Number 39, 26 Kepakemapa 1919 — NUI KA POINO A KE OLAI O KA HANA ANA MA KAU. [ARTICLE]

NUI KA POINO A KE OLAI O KA HANA ANA MA KAU.

Na kekahi ola'i ikaika loa i hoonaueue ae i ike ole ia ka lua iloko o ka moolelo o na mahiko o Kau, Hawaii, ma ka hora 5:56 o ke ahiahi Sabati i hoopoino i ka halewili, hoohiolo i na laina hawai lawe ko, hoo-wa i na luawai hookio a hoohiolo i na pa pohaku. | Ma ke kakahiaka Poalua nei i loaa ae ai he leka i ka hui > Burua ma mai ia Jas. Campsie mai, ka lunahoohana o ka Hui Mahiai Hawaii e ana no keia mau poino i hanaia e ke ola'i mamua o ka nana pono ia ana. Maloko o ia e hoakaka ana o .James Campsie no ka hoowaia ana o na luawai hookio mauka. 0 na hawai lawe ko ua hiolo a o na halenoho o na kanaka akamai hana ua hoololiia a kapakahi i kahi e. O kekahi mau paipu oloko o ka halewili ua owiliia ae a haki aohe i maopopo ka nui o ke poho ma ka manawa o ke kakauia ana mai o ka leka. He kupanaha no i ka noonoo iho k; loaa ole ana mai o kekahi hoike mai kr. aina hanai holoholna mai o Kapapala oia.i ua oi aku ka ikaika o ke ola malaila. Ao.he no he mea i loheia mai ia , Hutchinson mai, aka nae ma ka manao wale ia oia mahiko kekahi i loaa na poino elike me ko ka Hui Mahiai Ha waii., Ua ikeia keia hoonaueue olai ma kekahi wiau wahi e ae o ka mokupuni o Hawaii, o Kau no nae kahi i ike tnappopo loa ia ka ikaika loa o ka hoonaueue ana, elike me ka lono i loaa ae.