Ka Nupepa Kuokoa, Volume LVII, Number 39, 26 September 1919 — Lilo Elua Kaa ma ka Pili Heihei Waapa [ARTICLE]

Lilo Elua Kaa ma ka Pili Heihei Waapa

Aole paha he mau heihei i malamaia ma Hawaii nei ; i oi aku ke ohohia nui ia, elike la me na heihei waapa o ka papa ekahi ma ka Poaono aku la i hala, | ke hele la a pili okoa kekahi mau mea o Hilo, i ko laua mau kaa otomobile, me ko Honolulu nei poe, a o 'ka hopißna nae i ikeia, o ia ko laua huli hoi ana aku no Hilo, ine ka waiho ana iho i na kaa, otomobile mahope nei, na koonei poe e holoholo aku. Ma ka olelo a ka poe i loaa ka ike no ka yili ia ana o kela mau kaa otoinobile, he hookahi ka mea mai Hilo mai i hoohiwahiwa i koua kaa me na waihooluu o na keiki hoehoe llilo, ma ke kakahiaka o ka Poaouo nei, mamuli o ka paa loa o kona manao e kaa ana ka lanakila i na keiki o Hilo. I ka manawa nae i kaa ai ke eo i na keiki o ka hui Healani, aole ka i hoohakalia iho ka hoa pili o kela mea mai Hilo mai, ke 'koi koke ana mai i kona j kuleana maluna o kela kaa otomoble, a iloko no o ia manawa hookahi i j Veh(Bweheia ae ai na waihooluu o ka 1 hui hoehoe waapa o Hil.o, a kauia aku 1 la ma ia wahi, na waihooluu o na hui Healani ame ka Makala, me ka hoike okoa ana ae o»ka mea i kaa iaia ke eo j ma kela pili, i kona hauoli palena ole ' no ka pomaikai i loaa iaia. j Ma ka oleloia no hoi, aole wale ae la no o kela mau mea elua, ka i waiho iho i ko lāua mau kaa otomobjle, ina keia kulanakauhale, aka he heluna nui o •kekahi poe e ae, i waiho iho, he mau dala mahuahua maanei, na ko Honolulu nei poe e hoolilo aku, no ka mea ua kaa wale no ke eo o na heihei waapa apau i na liui hoehoe waapa Healani ame Makala, a ua haule hoi o Hilo ma na heihei apau a na keiki o Hilo i komo ai. No ka paa loa o ka manao o ko Hilo poe, no ke kaa o ka lana'kila i na keiki o Hilo, ua olelo pu ia .ae, lie pili ka kekahi mawaena o kekahi niea o Hilo o ka hoea ana mai no keia kulauakauhale, nie kekahi mea uia Honolulu

I nei, o ai ka moa e haule ana i kona papale, a i ka \va i haule ai na keiki o Hilo, ua hookikinaia aku Sia e koua hoa pili e hooko i ka laua aelike. Ma kekahi pili hoi, ina e haufe ana na keiki o Hilo, alaila e wehe ka mea ,pili mahope o' kela waapa i kona mau kamaa maanei nei, a e huli hoi aku oia no Hilo me na kakini wale no ina kona mau wawae. Ma na ano apau ke nana aku, no na heihei o ka malamaia ana ina ka Poaono aku.nei i liala, ua huliamahi ko Honolulu nei poe, ma ka pili ana mahope o na waapa o ka llealani ame ka Makala, ē ku-e ana i ka waapa o na keiki īīiai Hiio mai, uolaila o ka poe apau i pili mahope o ka waapa o Hilo, mai ko Hilo poe ame koonei poe pu, ua pau loa lakou i ka puehu ,e hoonaauaoia ai lakou ma keia mua aku, no ka lakou mau mea e hana ai. 1 He hookahi la heihei waapa kokoke Joa e kauia aku nei na manaolana no ka hoea mai i ka wa e ike hou ia ai 1 kela mau waapa maloko ae nei o ke 1 awa, o ia no ka la 11 o ka mahina o I Novemaba e hiki mai ana, ka la i ha- | awipio ai o Kelemania i na aupuni huiia, a i kaa ai hoi ka lanakila o ke kaua ' i na aupuni huiia. Aole Dae no ka hoomanao ana i kela la, ke kuinu e malamaia ai o na heihei waapa, aka ua manaoia, o ka manawa ia e paa ai na halewaapa hou o ka Makala me ka Healani, a no ke komo ana iloko o na hana lioohauoli, no ka loaa ana lie home hou no kela mau hui waapa, pela iho la i noonooia ai, o ka la II o Novemaba ka manawa maikai loa. O ke komo hou o na keiki o Hilo ma kela heihei ame ka ole, na keia mua aku ia e hoike mai; aka nae ma ka inanao o ka poe i ike i ke knlana maoli o na keiki o Hilo, aole e lilo ana ko lakou haule ana i kumu no lakou e kuemi hope ai, aka e ku hou mai ana lakou imua, a hoao e kaili aku i ka hanohano mai na hui heihei waapa aku o Honolulu Uei. .