Ka Nupepa Kuokoa, Volume LVII, Number 38, 19 September 1919 — E LELE MAI ANA NO HONOLULU NEI. [ARTICLE]

E LELE MAI ANA NO HONOLULU NEI.

I kulike ai me kekahi lono kele-lealapa o ka loaa ana mai i 'keia kulanakauhale ma nehinei, e Jioea' mai ana i ka manawa, a kekahi haole Pelekane lele moku i ka lewa, e lele mai ai mai Kapalakiko mai a hoea no Honolulu nei, a hala loa aku no Aukekelalia, ma keia mua koke iho. O ka inoa o 'kela haole e hoao mai ana e lele maluna o kona mokulele, oia o Kapena Erie Dobaldson, ua hoea aku oia no Vanakouva mai Kikane aku. E lele ana oia maluna o kona mokulele a hoea no Aukekelalia, he mamao o eono' kaukani me elima haneri mile. Ma kona manao e haalele aku ana oia la Kapalakiko maluna o kona mokulele, e lele pololei loa mai ana oia no Honolulu nei, a mai nei aku no kekahi o na mokupuni liilii ma ka hema aku nei o Hawaii, a maiiaila aku no Kikane. O ka mokulele a kela haole e hele mai ai, ua hoounaia ae ia mai Enelani mai no Kapalakiko, o ka mea wale no i koe, o ia kona kol\o ana i kona pailaka. , Iloko iho nei o ka manawa e kaua ana na aupuni o Europa, o keia kekahi o na haole kaulana i ka lele maluna o na mokulele, a ua maa oia i ka lele ana no na wahi mamao, me ka pilikia ole.