Ka Nupepa Kuokoa, Volume LVII, Number 38, 19 September 1919 — HAINA NANE. [ARTICLE]

HAINA NANE.

Mr. Solomon Hanohano, Aloha oe:— E oluolu oe e hookomo iho iloko o ke kino lahilahi o ka Nupepa Kuokoa nana ia e aha'i mama aku ma na kaiaulu aloha ou e Hawaii kuauli, i ka nane hoi nana e hoopuhili nei na loea huli nane o keia mau la, a penei ke kukulu ana o ua nane nei: * He kama ka'u i hanau i Kahiki-ku i Kahiki-moe, popoia a kau ma ka paia, lewalewa o Keoni Liilii, he laau ma kona elemu, he pohaku ma kona opu. Eia ka ninau a ua keiki nei: Oyrai ka inoa 0 kuu kama i hanauial. Ka'u haina he Ohia. Penei k.a'u hooheno ana i lia nane nei: He kama ka'u i hanauia i Kahiki-ku, 1 Kahiki-moe, he kumu oliia, e ku ana a e moe ana. Popoia a kau ma ka paia, ko laua hoohanau ana mai ia a ilaila oe e ike ai e lewalewa ana o Keoni Liilii, a ia hoi ka hua o -ka ohia, i palakapule i ke kahawai, o ke a-u o ka hua ohia e paa la iaia me ka lala o ke kumu ohia, o ia ka laau ma kona elemu, a ono oe i kona pala memele e ko'u ai ka puu i ka wai a ka naulu, ai iho oe i kena i'o, a e loaa iho ana ka pdhaku iloko 0 kona opu, ka hqa iloko, a i manao oe 1 wahi kenikeni ki pa ohi oe 'i 5 hua maikai a kuai aku, loaa he 2uc, kiko j aku oe ia' leho nui hoowalewale, puka mai $7.50, ola o Keoni Liilii o ke Koo v - j lau. Me ka lana o ka manao ua loaa pono aku la o Keoni Liilii i ke Keiki Kiai Ohia Palaku o ke Kahawai o Maakua. Me 'oe e ka Lunahooponopono ko'u mahalo nui. Owau iho no me ka mahalo, KEIKI 0 KE KAI NEHfc I KA ILIILI O HELUMOA. Koolau, Oahu. ! Aohe no he wa a weluwelu liilii mai la o John Liilii ia oe, alo wale iho la no kalii» kolohe, ma ka apua ke ola. Ea, hanaia ka ike a nui hookalaia ka noonoo, eia iho o John Liilii la, he eueu no na pali hauliuli, a kae'ae'a no ke kai loa. Hoonahoa hou ia mai! —L. H. —