Ka Nupepa Kuokoa, Volume LVII, Number 37, 12 Kepakemapa 1919 — HE HOOMANAO ALOHA NO KUU KANE ALOHA I HAALELE MAI. [ARTICLE]

HE HOOMANAO ALOHA NO KUU KANE ALOHA I HAALELE MAI.

!Mr. Lunahooponopono. Aloha oe:—E 6idslu oe e hookomo iho ma kahi kaawale o ka hiwahiwa a ka lahui ka Xupepa Kuokoa, i kela mau hua e kau ne Ia maluna, he puolo waimaka. Ma ke Sabati, Aug. 24, 1919, hora 1? i pauaho mai ai o Lakana Moses 9. Keaunui i keia ola ana ma iLalaupapa, Molokai; ua haalele mai oia ia'u i ka wahine e u aku nona, a ua haalele pu i na keiki, na moopuna, na kaikuahine ame ka ohana, e noho ana mai Hawaii a i ke one aialii o Kakuhihewa. Luuluu wale! Ua hanauia kuu kane aloha |L. M. S. Keaunui i' lulai 25, 1859, ma [ Hauula, Koolauloa, Oahu, ua hoohuiia maua ma ka mare i ka 1880, a haalele mai la ia'u i ka A. D. 1919, ma keia aina o ka ehaeha. Ua laweia mai kuu kane no ka ma'i lepera, a hele mai au i kokua no kuu kane, eia ka e haalele mai ana oia i keia aina malihini. Auwe ka | mea ehaeha o ka naau e, oiai ua hala aku la kuu makua o ke kane, a haha poele iho la ka papa'i o Honolulu; ua lawe ke Koolau-wahine lilo. Minamina wale! E ka Uakanilehua, o L. M. S. Keau* nui ua hala; e ka makani apaapaa e, o L. M. S. Keaunui ua nalo; e ka Ua Kukalahale, o Honolulu, kahi a kuu kane i lawelawe ai i na hana like ole, ua pio iho la ke kukui poahaaha o Huleia. Paumeko wale! He oiaio ua alo hoonjanawanui wale ia no e maua na- inea o keia noho ana a haalele mai la oia ia'u i ka wahine. Elike me ka ka Buke Nui i olelo mai ai, he niahu ke ola o ke kanaka a nalo aku. E hoomaikai ia Kona inoa, a no ka mea, Nana no i hawi mai a N T ana no i lawe ku. Elike me kou he'e kohana ana mai mailoko mai o ka op:i o kou makuahine, pela no oe e hoi kohana aku ai ika opu o ka honua. Ke haawi aku nei au i ka 'u hoomaikai i ke Kauka Goodhue ame na makamaka ame na hoaloha i laulima pu mai me a'u i na hora o ke kaumaha ahiki i koua halelua, a pela hoi i ke kahu o ka hoomana kalawina no kana mau huapule hope maluna o kuu mea aloha. E Mr. Lunahooponopono e kala mai oe ia'u no kuu hooluhi*ia oe. Me oe kuu hoom&ikai a nui. Owau iho no me ka luuluu, MRS. KAHANANUI KEAUNUI, Ame ka Ohana Kalāupapa, Molokai, Aug. 28, 1919.