Ka Nupepa Kuokoa, Volume LVII, Number 35, 29 August 1919 — POHO KA HOIKEIKE FEA TERITORE. [ARTICLE]

POHO KA HOIKEIKE FEA TERITORE.

Mahope iho o ke kakali loihi ana no kekahi mau mahina i ka hoike, no ke kulana o ka hoikeike fea o ke Teri tore aku nei i hala, ina paha ia he hoikeike i loaa nui mai ai ke ilala, a poho paha, akahi no a hoea mai i ka maopono aua i ka lehulehu, aia kela hoikeike fea ma ke kulana poho, elike me ka hoike a ke komisina fea o ka waiho ana ae iniua o Kiaaina McCarthy, ma ka pule aku nei i hala. Ma ka leka a ka Lunalioomalu Paris 0 ke komisina fea o ka hoouna ana akj 1 ke kiaaina, e hoakaka ana ia, mahope iho o ka noii ame ka huli pono ana aku a ke komisina fea, i ke kulana oiaio o kela hoikeike fea i malamaia ai, ua ioaa ka ike i ke komisina, ua hiki aku ma kahi o ka iwakalua-kumamalima kaukani elala a oi ke poho o kela iioikeike, me ka ninau pu ana aku i ke luaaina, ina ua ike oia i kekahi alahele e hoemiia mai ai na poho. O kekah kumu nui nae o ka hiki ole ana i ke komisina fea ke uku aku i i a hoolilo apau, mamuli no ia o ka mala maia ana o na papa i kukuluia ai ua hale o na hana hoikeike, ina no ke kuai hooliloia aku o kela jnau waiwai, e loaa mai ana no na elala, e koe liilii ai ka aie, ua hanaia nae keia hookoe ana i wahi e hoemi loa ia mai ai na hoolilo no keia hoikeike fea hou aku. ' 0 kekahi hapa o na aie o ke komisina fea, o ia no na mea e pili ana i na ukuhana o ka poe e lawelawe ana i na hana o kela komisina ahiki i ka la hope o keia mahina, me ke koino pu mai o ka uku hoolimalima o na 'keeua oihana o ke komisina. Ma ka nianaoio nae o ke komisina fea ma ka manawa e malama hou ia aku ai ■ka hoikeike fea, na ia hoikeike e hoihoi mai i na hoolilo o keia hoikeike, no ka mea ua malamaia na waiwai apau e pono ai na hana hoikeike malalo ponoi o na hoolilo o ka hoikeike o keia makahiki; nolaila aole no i pilikia loa ka hoikeike i hala aku nei, © hoopilikiaia aku ai ka noonoo o ka lehulehu. —— TOKIO, Aug. 27.—Ua keekeehi loa ►ke kulana o ka ma'i kolera maloko o lapana i nei mau la, lehuleiu loa ka poe i hoikeia mai ua loaa ia ma'i ma na wahi leiiulehu like ole o ka aina. Mai ke kulanakauhale mai o Fukuoka i loaa mai ai kekahi lono hoohikilele e olelo ana ua lehulehu na ola* i poino, „a ke puka mau ae la no he mau ma'i hou i kela ame kei.a la.