Ka Nupepa Kuokoa, Volume LVII, Number 34, 22 ʻAukake 1919 — HE HOALOHALOHA NO DANIEL KAMAHU. [ARTICLE]

HE HOALOHALOHA NO DANIEL KAMAHU.

I ka Lunahooponopono o ka Nupppa Kuokoa, ke Kilohana a ka Lahui, Aloha oe:—E oluolu mai hoi kou lokomai;kai ia makou i kauwahi kaawale o kaii pepa no kela poomanao e kau ae la maluna, a nau hoi ia e lawe hele ae ma na kihi eha o 'ka aina, a loaa aku ka ike i na ohana ame na makamaka e noho ana mai ka la puka ae ma Ha;eha'e a ka welona a ka la i Lehua. I ka wanine kane-make, Mrs. Daniel Kaniahu, ka ohana, na keiki ame na moopuna, luuluu wale. Ua oluolu i ka Mea Kiekie loa iloko o Kona mana paleua ple, ka lawe ana aku i ka hanu ola o kau mea aloha he kane, Mr. Daniel Kainahu, ko makou hoapaahana pu hoi, ma ka la 26 o lulai, 1919; ua haalele mai kona oīa uhane ma ko laua aina home hookuonoono ma Lualualei, i ka lau hunehune o ke kiawe, ma o ka loaa ana iaia o ka ulia, a ko iho la ka olelo o ka Buke Nui: He mahu ke ola i pu-a ae a nalo aku. Walohia waie! O Daniel Kamahu he lala oia no ke Kula Sabati o ka Ekaleaia o Makua, he paahana hooikaika no na hana apau a ka Haku lesu aua i hilinai ai, he puuwai hamama maopopo, ā lie mea nui iaia kana wahine, na keiki ame na nioo puna; nolaila, ua ili iho maluna ou e ka wahine kane-make, Mrs. Daniel Kamahu, ka ohana, na keiki ame na moopuna, ke kaumaha ame ka luuluu, aka, ua hoomaha mai ko kakou Haku: "Mai hookaumaha ia ko oukou naau, e manaoip oukou i ke Akua, e manaoio mai la'u." Pela i hoikeia ai ma loane 14:1. Nolaila, e hooholoia, o makou o na luna, na hoahanāu ame na lunanui, na lala o 'ke Kulft S&bati o ka Ekalesia Hoole Pope o Makua, ke komo pu aku nei makou me oe, e auamo i na ehaeha, na luuluu ame na kaumaha, ma o ko makou mau komite la; a E hooholo hou ia, i hookahi kope o ke}a hoalohaloha i ka wahine kauepake, i hookahi i ka Nupepa Kuokoa. Ke noi haahaa nei makou imua o ke Akua mana loa ; na Kona ahonui e hoomama mai i kou hoomanao ana no kau kane aloha, a pela pu hoi ia kakou apau. Amene. O maua no o na komite, HARRY GEOBOE POE, JAMCS PALAU.