Ka Nupepa Kuokoa, Volume LVII, Number 33, 15 ʻAukake 1919 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

            Ke hoomanao nei no oe i ke ano o ko kaua halawai mua lehe ana.  Ma kela manawa o kou kau ana ae maluna o ke kaa uwila. ua loaa koke no ka ike ia'u, aole he maikai oe kou noonoo.  aka ua loohia oe i kekahi ano ma'i e hoomaka mai ana ahiki i ka nui loa ana.  i kow wa nae i haule aku ai naluna o'u.  mauli o ke ano o ka'u aihana, e lawelawe aku i na hoopakele ana no kou pono.  Ua hoihoi aku au ia oe maloko o ka halekuai laau lapaau, e ku kokoke mau ana ma ke alanui,  a i ka hoi pono ana mai o kou noonoo maikai o no huaolelo mua loa i puka ae mai kou waha mai o ia no kou lili loa no kekahi o na wahine maemae ma ka honua nei, oia no o Kanani kuu kaikuahine.

            Ua loaa no nae ia'u ka ike mamua aku o ka lohe ana i kela mau huaolelo mai kou mau lehelehe mai, aole he maikai iki o kou noonoo, ua aneane e noho mana ka ma'i pupule maluna ou.  Mai kela manawa mai i loa aku a ka ike ia'u aole loa oe e hilinai mai ana aluna o'u a ole loa hoi e holopono kau'u mau hooikaika ana, in a no kau maopopo owau ke kaikunane o Kanani, e ala koke mai ana kau mau kue ana ia'u ma na ano apau a o ka hopena  o ia no kou lilo ana i pio na ka ma'i pupule.  No kou pono wale no a no kou palekana mai ka mana mai o kela ano mai'i ua konoia mai au e hoolauna aku ia'u iho imua oul ma ko'u inoa waena.

            He nui loa na kauka e ae maloko o MNy loka ua hiki lakou ke lapaau ia'u, heaha no kou kumu o ka waiho ole ana aku ia'u malalo o lakou?" wahi o Magureta, me ka hoao mau ana no e ku ma ka aoao, e ili aku ai na ahewa ko'iko'i ana maluna o ke kauka opio.

            Ua maopopo loa ia Reginola ka homena, in a no ke kaa "Magureta malalo o na lapaau ana a kekahi poe kauka e ae, aka nae in a i hanaia eia pela, in a aole laua e komo mau i'oko o na hoehaehaia elike me ia a laua i noho hoomanawanui ai me ke kuikahi ole no kekahi mawa loihi.

            Me na maka uae'i piha me na haawina maemae o ke aloha, nana pono loa aku la o Reginola maluna o kana wahine a pane aku la me ka leo malie :

            "ua lilo anei i mea hookaumaha aku i kou noonoo e Maguretta, ko'u kii ole ana i kauka okoa aku, nana c lapaau mai ia oe?  Elilo anei i mea nou e hoohauoliia ai in a i waiho malie aku au ia oe me ka hana ole aku elike me ka'u i lawelawe ai maluna ou?  Ua mihi anei oe no kou @ ana mai i ka'u mau kuhikuhi ana apau no kou palekana?

            "Aole ou kuleana iki e hoopunipuni mai ai ia'u o ka mea nololei maoli e hoike mai oe i kou inoa ooiaio, a na'u ia e ike i ke kupono o kou lapaau mai ia'u ame ka ole."

            "Ua hana wale aku no au elike me ka'u i manao ai he pono i kinohi, me ka manoa mua ole e lilo aku ana au i kauka nou.  Aka nae i kou koho ana mai ia'u owau kou kauka mahope iho o ko'u hoike ana aku imua ou o Kauka Noka ko'u inoa he hana maikai ole loa na'u ka hoololi ana ae i kela inoa o lilo auanei ia i kumu e haawi piha ole mai ai oe i kau mau hilinai ana maluna o'u.

            "Ua ike no oe e Mahureta o kela hoowahawaha iloko ou no kuu kaikauhine in a nei no kou loge aku owau kona kaikunane ponoi e hoole mai ana oe i ka'u mau hooikaika ana e palekana oe mai ka pilikia mai.  Ina aole au i hana aku elike me ka'u i manao ai o ke alahele wale no ia no kuu palekana me nei aia no paha oe maloko o ke kulanakauhale o Nu Ioka i keia la, a maloko paha o kekahi o na hale puule, aole hoi ma Palani nei, ma ke ano o oe kekahi o na wahine i piha me na haawina o ka hauoli i keia la."

            Owau i'o anei kekahi wahine hauoli i keia la?  Aole aole loa ua oi ae ka ehaeha mamua o ka mea hiki ia:u ke hoomanawanui," wahi a Magureta me ka malio ole mai i na hakaka a kana kane.

            "Aole anei oe e Magureta e hikala mai ana ia'u, no kekahi mahi hemahema liilii ano ole i lawelaweia e a'u mamuli o ka manaoio ana pela wale no e holopono ai ka'u mau hooikaia ana no kou pono?"

            "Ua ike no oe ua hana hewa loa mai oe ia'u ma ka huna ana i ka mea oiaio." i noke mai ai no o Mahureta i ka maakili ana no ka pono o kona aoao eia nae ke akakuu mai la kona mau manao inaina a huhu no kana kane.

            "Ae ke hooi aku nei au i ka hoike ana aku i ko'u inoa hope imua oe malalo o kekahi kumu maikai loa elike me a a'u i ka mailio mua aku nei a pehea o kekahi anei kela o na hewa inoa loa e hiki ai ke hikalaia?  Ua hana aku au ia mea aole no ka hoopilikia ana aku ia oe aka pele e loaa ai ia oe ka pale kana ka mea au e hauoli nei i keia la.

            "Ua aloha aku au ia oe me kuu naau apau a na'ia aloha i kono mai ia'u e lawe ae i kekahi hoohiki paa, e hoopakele no au ia oe mailoko mai o ka poino, in a he mana kekahi iloko o ke kanaka e hana aku pela.  Ua huna kele loa au i keia mea mai ia oe mai mahope iho o ko'u maopopo on a i kekahi hapa o kou moolelo."

            "O Noela Kauwila anei ka mea nana i kamailio aku ia oe i ko'u moolelo no kana mau hana pauaka maluna o'u?"

            "Aole ana mau mea kamailio mai ai ia'u e pili ana ia oe aka o miss Rinafoda ka mea nana i kamailio mai ia'u oia kela kaikamahine hoaloha ouoi kaha o kou home mamua o kou hoi@ana mai a noho @loko o Mu Ioka.  I wahi e hiki pono ai ia'u, ke lapaau aku ia oe me ka holopono, ma iaha he ma @ kuluma k0o kou ohana elike me kou aole paha, @laila hoooo iho la ko'u manao e holo aku no ke kuanakauhale o Rosemona, kahi i noho mua ai oe me kou mau makua.

            "I ko'u hoea ana ma kela kulanakauhale a ma na ulia pomaikai ua halawai iho la au me Kauka Laika a nana i hoike mai ia'u he kauka kahiko oia no kou mau makua, a ua kamaina hoi ia oe mai kou wa kamlii mai ahiki i kou haalele ma akua i kela kulanakauhale.

            "ua hoakaka piha aku au imua on a I ke kulana oiaio o kou mai me ka ninau ana aku iaia no kana mea i ike e pili ana a ole a e hoakaka mai hoi oia ma kona ano he kauka kahiko, @ ka'u mea e hana aku ai no kou pono.  Mai kela kauka mai i loaa ai ka ike ia'u no ka hewa a Noela Kauwila i hana mai ai maluna ou akahi no maopopo loa ia'u pela iho la ka i ola mai ai ka hoowahawaha iloko ou, no kuu kaikuahine.  O ka loaa ana mai o keia mau ike hou ia'u, ka mea nana i kono wai he oi loa ae ko'u noho malie loa ana me ke kamailio ole no ko'u inoa oiaio o hoea mai auanei i ke ko ole ana o ka i ni iloko o'u e lilo oe i wahine me ke ola kino maikai.

            "Oiai nae oe malalo o ka'u lapaau ana ua haawi piha mai oe i na hilinai ana maluna o'u, a ua lawe mai au ia oe no kekahi aina mamao loa i ole ai oe e halawai hou me Noela Kauwila ame kana wahine.  O ko'u manaoio maoli no o kou kaawale ana i kahi e me ka ike ole aku i kau poe i kamaaina mua ai a hui pu iho me ka lawelaweio o na lapaau naauao on a e kaawale loa aku ana na pilikia i keia maluna ou.

            "Ua loli loa oe, mai kela manawa mai a kaua i haalele aku ai i Nu Ioka a in a i ninau mai kekahi mea ia'u no kou ano he elua ae nei hora i hala, in a ua ha'i aku au iaia i ka mea oiaio loa o oe kekahi o na wahine i kaawale loa mai ka ma'i mai."

            "Alaila ua loli anei ko'u ano i keia manaw, i kaokoa mai ko'u ano mai he elua ae nei hora ihala?"

            "E hoea mai ana i ka manawa e hoi hou mai ai kou mau ano kahiko apau, ke ae aku oe i na manao uluao'a o kena ano e noho mana maluna ou.  Ua haalele aku kaua ia Nu Ioka me ka maikai ole o kou ano, i kera la ua kaawale aku na hiona opulepule mai ia oe aku aka e hoi hou mai ana nae ia ke ole oe e makaala.  Ia ili iho maluna ou ke ko'iko'i o ka hoolilo ana ia oe iho i wahine hauoli, a i ole i pio na kekahi ma'i pupule."

            "O kena anei kau i manao ai no ka'i hopena?" wahi a Magureta me ka eeke ana aku ihope, me he mea la ua loaa aku oia i kekahi puupuu ma kona umauma.

            "Ua paa loa ko'u manao pela.: wahi a Reginaola, me ka leo kaumaha.  "Ina e malama mau aku ana oe i kela manao maikai ole e ku-e ana i ke kanaka i hana hewa loa mai ia oe , ke kanaka hookahi no a'u e minamina loa nei no ka mare ana aku o kuu kaikuahine me ia  in a e hoomau aku ana oe i kela mamao lili ou i aKanani; alaila e noho mana mai ana na noonoo uluahewa maluna ou e hiki olu ai i ke akamai o ke kanaka ke hookaawale aku.  Ua maikai maoli no oe, mai ko kaua manawa mua mai o ka noho ana maanei nei, nolaila e haawipio aku paha oe malalo o na uhane diabolo o ka luapo no ka hoolilo ana mai i kou ola ana ame ko'u i Iuahi no ke kaumaha ame ke kaniuhu"

            "Pehea iho la hoi e hoopilikia pu ia aku ai kou ola, mamuli o k au mau hana?"

            "He mea liilii loa paha ia oe ke ano o ko'u ola ana oiai mae he mea nui loa ia ia'u.  Ina i hiki ia'u ke hoopakele ia oe mai ka oino mai, mamuli o ka'u mau hooikaika pauaho ole ana e papahiia mai ai au me ka hauoli, aole anei, e lilo ana kou kaawale ana mai ia'u aku, i mea nana e hoomailo i kuu kino ahiki i ko'u lilo ana he kanaka ma'i maoli?

            "O e mahureta ka wahine hookahi wale no ma ka honua mei a'u i aloha aku ai me kuu puuwai apau e ae mai oe e hoopakele aku au i kou ola, a e noho kaua iloko o ka hauoli.  Mai noonoo nui i na mea o ka wa i hala, mai lilo kou aloha kahiko, i mea nau e hiipoi ai, o lilo auanei i nahesa nana e hoopoino mau mai i kou ola ana.

            "O ke kanaka au i kiola aku ai i kou aloha aole aia e pono e kapa hou ia he kanaka aka ua hoomana kuhihewa aku oe i kekahi akua kii a ke paa nei kuu manao e ike aku ana no oe i na hooiaio maopopo loa no keia mea ma keia mua aku."

            "Alaila manao anei oe he wahi lihi aloha kekahi i koe iloko o'u no kela kanaka kumakaia?" me ka hulili ana mai o na maka o Mahureta me ka inaina elike me ke ano o ka ooe i loohia i ka ma'i pupule.  "Ua poina anei oe i ka mea a'u i hoike aku ai, ma kela manawa au i noi mai ai ia'u e ae aku e mare me oe?"

            "Aole au i poina ia mau olelo aka nae ke  nana aku ma kekahi ano. me he mea la, aia no he wahi awe'awe'a hoomanao iloko ou nona, mamuli o kou hoomau i ka manao hoowahawaha ame ka inaiina no kuu kaikuahine."

            "Aole he kumu okoa ae o ko'u hoowahawaha no kou kaikuahine, mamuli mai no ia o ka manao lili; aole nae ia he kumu e hooia mai ana, he wahi lihi aloha kekahi iloko o'u i koe no ke kanaka au i kapa aku ai, aole oia i kupono e ola ma keia ili honua. Elohe hou oe e Reginola Alika, aole loa he wahi lihi o ke aloha iloko o'u i koe no kela kanaka, ma ke kakahiaka ana i alakai aku ai i kou kaikuahine noluna o ke kuahu o ka mare. O ka mea a kela kanaka lokoino i hana mai ai ia'u ua lawa ia no ka hoano-e ana i ko'u noonoo, me he me la ua hahauia mai kuu poo me kekahi pauku laau. i keia la nae, ke hoike aku nei au i ka mea oiaio loa, aole o'u wahi lihi noonoo iki nona, elike me ko'u noonoo ole i na pohaku e waiho mokaki mai nei. Ina no ko'u haalwai pu me kela kanaka i keia manawa, e nana aku ana au iaia me he kanaka malihini loa la.

            "O kena anei ka mea oiaio loa e Magureta?" wahi a Reginola me ka lelele o ka olioli iloko o kona puuwai, no ka mea in a aole i'o he wahi lihi aloha iki i koe iloko o Magureta no Noela Kauwila, alaila e kupu ae ana ma kahi o kela aloha kahiko, he aloha hou. ka mea hoi ana i hoohewahewa ole ai i ko Magureta mau ano me kela ahiahi o ke kahamaha wale a ana mai no e kona hoaloha, ke kumu o kona ike pono ole ana i ka mea oiaio.

            "O ka mea oiaio loa ia a'u i kamailio aku nei ia oe, " wahi a Magureta me ka leo kuoo.

            Ina o kena ka mea oiaio ea, alaila he manaolana nui loa nou, a ke waiho mai la hoi ka hauoli mamua o kou alo. Ina ua make loa kela aloha kahiko ou no ke kanaka nana i hookaumaha loa mai i kou noonoo, aole anei e hiki ia oe ko i huki ae i ke aa o na manao lili iloko o kou puuwai no kuu kaukuahine, ka mea i lihi launa ole aku i kou mau pilikia? O kuu kaikuahine kekahi o na wahine maikai loa i piha me na manao aloha me ka makee no ka pono o ha'i, a in a e kamaaina aku ana oe iaia, e ike ana no oe i ka oiaio o keia mau mea apau a'u e hoakaka aku nei nona.

            "He leka mai nei kana ia'u i keia la, a e heluhelu aku au i kana mau mea i kakau mai nei," me ka haha ana iho o ua o Reginola maloko o ka pakeke o kona kuka.

 

MOKUNA XXIX.

 

            "Eia mai ua leka nei a kou kaikuahine." wahi a Magureta me ka lalau ana aku i ka leka maluna o ke pakaukau, kela leka no hoi ana i ike ai i ka inoa o Kanani Alike i kakauia maialo.

            "Alaile ua ike iho nei anei oe i na mea i kakauia maloko o kela leka?" wahi a Reginola me ka loaa koke ana mai o ka ike iaia, o ke kumu ka ia i maopopo ai ia Magureta he kaikuahine o Kanani nona.

            "Aohe he mea maa na'u ka heluhelu ana i ka leka a kekahi poe. Ma ke ano ulia wale no i haule iho ai kela leka mailoko mai o ke nupepa, oiai au e hoonohonoho pono ana maluna o ke pakaukau, a he eha wale no mau huaolelo a'u i heluhelu, malalo loa o ka leka, e olelo ana: "Kou kaikuahine aloha Kanani," he hooiaio ana mai keia ia'u, no na mea a ko'u mau pepeiao i lohe aku ai i ka hoopuka ana mai o kou Inoa o Alika."

            "He kuleana nui kou e heluhelu ai i kela leka, no ka mea he kuleana ko ka wahine e ike ai i na leka apau a kana kane. Oiai nae hoi, aole oe i heluhelu i na manao maloko o kela I ka e ae mai oe e heluhelu i na manao maloko o kela leka, e ae mai oe e heluhelu aku au imua ou, malia pela e maopopo aku ai ia oe kekahi ano o ko'u kaikuahine," alaila lalau aku la o Reginole i ka leka, me ka manao e heluhelu mai, ua papa e aku la nae o Magureta me ka i ana aku:

            "Aole au i makemake e loha i kana mau mea i kakau mai ai ia ooe."

            "Ke mau nei no anei kou ku-e me ka manao lili no ko'u @aikuahine? Heaha na kumu o kou hoomau ana i kou mau manao maikai ole iaia oiai aole oia i hana hewa iki mai ia oe ma kekahi ano?"

            "No keia kumu wale no oia ka wahine mare a Noela Kauwila," i pane aku ai o Magureta ma ke ano nunuha.

            "He faine i'o oia na Noela Kauwila aka aole loa oia i maopopo iki ma ka manawa ana i mare aku ai me kela kanaka. o oe maoli ka mea kuleana i ua kanaka nei. Ua hooko aku oia elike me kana i hoohiki ai imua o ke Akua, eia laua ma Kapalakiko e noho nei i keia manawa, a ua loaa he hookahi a laua keiki ua kapaia kona inoa o Alika o ka inoa no ia o ko mana mama.

            "O ka pilikia i loaa ia'u, o ka pilikia hookahi no ia i halawai aku me Noela Kauwila, ma o ke poho ana o kana mau dala apau i hookomo aku ai iloko o ka hui kaaahi. Ua halawai aku kuu kaikuahine ka mea i maa i ka noho ana iloko o ka lakou me ka pilikia, aka nae aole ia he mea nona e kumalie ai i kahi hookahi aka ua auamo oia i na mea maikai ole apau, a haawi aku i na kokua ana i kana kane ma na mea e pono ai ko laua noho ana, a'u e olelo ae ai, ua pomaikai maoli kela kanaka, ma ka mare ana me kuu kaukuahine."

            Aohe a Magureta pane no kela mau hoakaka a Reginola, aka ua hele nae kona mau papalina a pii ka ula i ka manawa a kana kane e hoakaka mai ana no ko Kanani mau ano maikai, ka haawina i loaa nui ole i na wahine apau.

            No kekahi mau minuke ua noho hamau loa ke kane me kana wahine, aka nae, kamailio hou mai la o Reginola i ka pane ana mai, oiai hoi o Magureta e hoomau ana no i ke kulou ana ilalo:

            "Ke mau nei no anei kou mau manao huhu ia'u e Magureta kuu wahine? Aole anei e hiki ia oe, ke huikala mai ia'u, no kela wahi hewa liilii loa a'u i manao ole ai, he mea ia e hoopoino aku ai ia oe ma kekahi ano? Ua nana aku hou au la, iloko o keia mau la hope mai nei o ko kaua ola ana, e oili mai ana ka malamalama o ko kaua hauoli eia ka e uhiia ae ana e kekahi ao omamalu o ka pouli. Ina ua hana hewa i'o aku au imua ou elike me kau i manao ai, a laila aole ia me ko'u makemake aoli e hoopilikia aku ia oe, aka me na manao makee no kou pono wale no."     

            "Me ka nana ole i ka nui a i ka uuku paha o kekahi hana, he like wale no lakou apau imua o'u" wahi a Magureta me ka mau no o kela ano nunuha iloko ona.

            Malia paha ua hewa i'o au ma ke noi aa aku ia oe e mare mai me a'u, me ko'u hoakaka ole ana aku imua ou i ko'u inoa oiaio loa, oiai nae o ke alahele hookahi wale no ia a'u i ike ai e loaa ia oe ka palekana, a e hoihoi hou ai mai ai ka noho hauoli ana iloko ou.

            "Ina ua lilo i mea nui loa a i mea hookaumaha aku i kou noonoo keia wahi hemahema liilii loa, au e hooili mai nei i na ahewa ana maluna o'u, a ua lilo kou noho pu ana mai me a'u i mea maiai ole i kou noonoo, alaila ua hiki no ia'u ka hana aku, ke makemake oe, ma ka hoolako ana i home kaokoa nou iho, a e nohokaawale kaua; ai ole, ua hiki no oe maanei nei me Nora, a e imi aku ai i wahi okoa no'u e noho ai, me kou hele mai no nae e ike ia oe i kela ame keia manawa kaawale.

            "Ina nae aia ka makemake iloko ou no ka huli hou hou aku i Amerika, ua hiki ia'u ke hoolala i ke alahele e hoea @i oe ilaila me ka maalahi loa, no ka mea he poe kekahi e haalele iho ana ia Palani nei no Amerika, iloko o keia mau la aku, me lakou oe e hoi pu ai, a e hoomau no au i ka noho maanei nei, ahiki i ka pau pono ana o ka'u mau hana i makemake ai.

            "E hoike mai e Magureta i kau mau mea apau i manao ai na'u e hana aku, aole a'u mau ku-e ana aku, o ka iini hookahi wale no iloko o kuu puuwai, e ike aku ua loaa e noohona oluolu ana ia oe, a ua loaa pu hoi ka hauoli iloko o kou noonoo."

            Ua hoopuiwa loa ia aku o Magureta no keia mau hoakaka a Reginola, no ka mea, aole loa he wahi manao iki iloko on a, no kona hookaawale iaia iho mai kana kane mai, a i ole, o kana kane paha ke hoi aku he wahi okoa loa e noho ai, a nana mai la oia ma na maka o kana kane me ke kahaha.

            O ka huli hou hou aku i Amerika, a haalele iho ia Reginola ma Parisa, me ka kaa o ka moana akea, i pali kuhoho mawaena o laua, e ike hou ole mai ai oia i ka helehelena, o ke kanaka i hoopakele ae iaia mailoko mai o ka poino, ua @feane e hiki ole i ua o Magureta ke hoomanawanui iho, i ka ehaeha o kona naau no ka hopena e ili aku ana maluna ona.

            Ke nana ae no na hana  aReginola iaia, kana mau pulama ana no kona pono wale no, e imi ana ma na ano lehulehu he kaukani, i wahi nona e hauoli ai, ua ku mai ia mau hana imua o kona alo, i mea e hiki ole ai iaia ke hoopoina.

            Aole e hiki iaia ke haalele hookahi iho i kana kane maloko o kela kulanakauhale nui, me ka mea ole nana e hoomaopopo aku iaia, elike me ka ua o Magureta i hana mau aku ai, i na manawa a Reginola e huli hou aku ai no ko laua home, mahope o ka pau ana o kana mau hana i kela ame keia la. Ala mai la kana mau hoomanao ana, no na mea ehulehu he nui, o ko laua noho ana, in a paha no ko laua hookaawale aku, he keu a ka mea ehaeha o ka naau, i oi aku i na kaumaha o na manawa i hala, ana i auamo ai me ka hoomanawanui.

            O na mea a Magureta e ike la iloko o kona noonoo, o na haawina hookahi no ia e ili aku ana maluna o Reginola, ua hoopuka aku oia i kana mau olelo me ka maopopo ole iaia o ka hopena.

            Ua hoopiha i'o ia aku o Magureta me ka huhu, he mea mau no ia i na mea apau, no kona ike ana, ua huna kana kane i kona inoa oiaio, ma ka manawa o ko laua mareia ana o kekahi kumu hoi i oi loa aku ai kela inaina iloko on a, o ia ka loaa ana o ka ike eia ka o ke kaikunane o ka wahine ana i lili loa ai, oia kana kane i mare aku ai.

            Iaia nae i nana ae aii ma kekahi ano, aole loa he hookahi kanaka ma ka honua holookoa, ana i mahalo ai i kona mau ano maikai he nui elike la me Reginola ua oluolu maoli kona noho ana me kela kanaka, a ua ike maoli iho no, i kona mau ano lokoino he nui, no ke kanaka ana i lawe mai ai he kane nana.

            No kekahi mau minuke ka noonoo malie ana o Magureta i na mea apau e pili anai kona hopena in a no kona ae aku na mea apau a kana kane i kamailio mai ai iaia, a ke ike okoa iho la oia, me he mea la ke auhee aku la no noonoo maikai mai iaia aku: aka nae me ka leo malie loa, pane aku la oia imua o kana kane:

            "O, e Reginola, aole ehiki ia'u ke haalele ia oe, koa wale no in a o kou makemake maoli no ia, e hookaawale ia kaua."

            "O ke Akua o ka lani ka i ike aole loa ia o ka iini ikoko o kuu puuwai" whi a Reginola, me ka leo haalulu. "Owau kekahi o na kanka mehameha loa, in a e haawale aku ana oe mai ia'u aku. Hoko no nae o keia noho pu ana o kaua, na hiki no ia'u ke olelo ae ua mehameha no au mamuli o ka ike ana, eia no kaua ke noho pu nei i kela ame keia la, aole nae ou wahi mea a aloha mai ia'u elike me ka'u e ake aku nei i hookahi ke kikoni ana o ka kaua puuwai.

            "Ina nae ua lilo kou noho pu ana mai me a'u i mea hookaumaha mau aku i kou noonoo, e hiki ana no ia'u ke hoonanawanui i ko'u mau kaumaha apau, in a ua ike oe, ua loaa he nohona hauoli ana, ma kekahi wahi okoa aku, aole hoi me a'u malalo o ka malumalu o na kaupoku o ka hale haakahi. Heaha ka waiwai o ko kaua noho pu ana, me kou malama mau i na manao huhu, malalo o kekahi kumu liilii ole elike me kau i hoike mai ai imua o'u i keia po?"

            "Aole e hiki ia'u ke kaawale mai ia oe mai, no ka mea he wahine au i mareia me oe e Reginola."

            "Ae, he wahine wale no oe na'u ma ka inoa, aole ma kekahi ano e ae, a he mea malama no kuu home nei," aka nae mamuli o kona ike koke ana aku i ka li-o o na maka o Magureta, ua hoololi awiwi ae la oia i ke ano o kana kamaiiio ana, ma ka i hou ana aku:

            "E huikala mai oe ia'u e Magureta in a ua oi loa aku kela mau olelo i kamailioia aku nei e a'u ua hiki ole nae ke alo ae, no ka mea ua hele au a piha: a ke hoihoi hou mai nei au ia mau olelo apau. no ka mea ma kuu manawa i noi aku ai ia oe i wahine na'u ua hooia aku au imua ou, e hana oe elike me kau mau mea apau i ike ai he pono, o ka'u wale uo o ia ka hoopakele ana ia oe mai na pilikia mai he nui.

            "Ina ua loaa i'o ka nohona hauoli ana ia oe, ma keia ano a kaua i noho pu iho nei, alaila e hoopoina kaua i na mea i kamailioia i keia po, aka nae, in a aia he iini iloko ou, e loaa he nohona kaawale ana ia oe, e hoike mai ia mea ia'u, a na'u e hooko aku i kou mau makemake apau."

            "Aole a'u wahi hou aku e hele ai e Reginola, owae hookahi wale no ia e ola nei ma keia ao, ame oe, ka mea a'u i mare aku ai he kane na'u," wahi a ua o Magureta me ka ha'uha'u ana iho e uwe.

            "Ina o kou manao ia ea, alaila e hoomau aku no ko kaua aoho pu ana elike me na manawa ae nei i hala," wahi a Reginola. me ka hele a piha i ka huhu, ananae i hoikeike ole mai ai ma kana mau hana, a ma na huaolelo paha, no ka ae ole ana o kana wahine e huikala aku no kela wahi hewa liilii loa anai hana ai, o ia ka hu-na ana i kona inoa oiaio mai ia Magureta mai.

            "He hookahi a'u hooleli i makemake ai e hana, i ko kaua noho ana aku, o ia keia: He nani hoi ia ua ike ae nei oe i ko'u inoa oiaio loa, ke makemake nei ae e kahea mai oe ia'u ma ia inoa, a e ikeia hoi oe o Mrs. Alike, ke kulike nae kou manao me ko'u."

            "Elike me kau i makemake ai, pela no au e hooko aku ai." wahi a Magureta, me ka haikea o kona helehelena, me ka hooikeike pu ana mai i kela ano kuoo mau on a o na manawa aku i hala, a i hou mai la:

            "Aole anei e lilo ana keia hoololiia ana ae o kou inoa i kumu e loaa aku ai ua hoohuoi ana ma ka halema'i kahi au e noho hana nei nou?"

            "Aole koa he mau hoohuoi ana mai a na kauka o ka halama'i no'u, no ka mea ua kamaaina lakou ma ka inoa Alika, o ka'u inoa ia i hoopaa aku ai maloko o ka buke o ka poe e noho hana nei maloko o ka halema'i, mamuli o ko'u manao ana, aole he mea maikai ka hana ana i ko'u inoa oiaio loa, nolaila e hoopau i kou mau manao pihoihoi, a oiai ua hala keia manawa loihi ia kaua ma ke kamailio ana no kekahi wahi mea ano ole, o ka'u wale no e noi aku nei ia oe e Magureta, e hele kaua e ai, ua hele maoli au a pololi."            O ka hauoli iloko o Magureta e noho aku ana, o ia no kona hoi pololei loa ana aku noloko o kona rumi, a malaila e hookahe aku ai oia i kona mau waimaka, a e hoomalielie paha i kona mau manao maikai ole, aka nae, iaia i noonoo ae ai ma kekahi ano, he mea maikai ole nana, ka haalele hookahi ana iho i kana kane e ai i kona aina ahiahi, ana no e ike mai la, o ka haawina maikai ole i kau aku maluna on a ua loaa like no iaia Reginola.

            Ke ike la ua o Magureta i kona hewa, ma ka hoala ana aku i na mea e hoehaehaia ai ka manao o kana kane, o ko alahele nae ana e hoomalielie aku ai i na manao maikai ole iloko o Reginola, aole he maopopo iki iaia, koe wale no, kona lawelawe ana aku i kana mau hana maamau maloko o ko laua home.

            "Ae e hele aku au e kauoha ia Nora, e hoomakaukau mai i mau meaai na kaua," wahi a ua o Maguret, me ka noke ana iho i ka uumi i kona mau waimaka i aneane loa e hanini aku, i kau a mea o kona ike i ka nui o kana mau hana hoehaeha i ka manao o kana kane, me ke ku ana ae iiluna, a haalele mai la ia Reginola maloko o ke keena hookipa.

            I ka makaukau ana mai o na meaai maluna o ke pakaukau, ua nee mai la ke kane me kana wahie, a ai i ko laua aina ahiahi, iloko nae o ka ono o na meaai i hoomakaukauia, aole he nui o ka laua mau meaai i ai aku ai, no ka mea, aia na manao ehaeha iloko o laua a elua, ka mea nana i hookanea ae i ka laua ai ana.

            Oiai laua e ai ana, ke hoao wale la no o Magureta e ai, me ka hoihoi ole, a ke noke aku la no hoi i ke hooniele iaReginola, i ke ano o kana mau hana ma kela la, a ma kana mau ninau apau, e pane aku ana ke kauka opio me ka maikai, me kona hakilo loa ana aku no hoi ia Magureta, ke hoao wale mai la no kana wahine e hoonalonalo i na mea maikai ole iloko o kkona noonoo a ke ike pu aku la no hoi oia i ka haalulu o na lima o Magureta i ka manawa i haawi mai ai i kona pola kope.

            Aole no he ono mai la o ka Reginola ai, ua lawa na olelo hahana i kamailioia mawaena o laua mamua aku, i kumu e hookanea ai i kana ai, me ka hooikaika no nae oia i hoomanawanui ai, ahiki i ke komo ana aku o kekahi mau meaai kupono iloko on a, e oluolu ai ka makaponiuniu, a ia laua i maona ai, a mamua hoi o kahaalele ana iho i ke pakaukau, kamailio hou mai la o Reginola i kana wahine:

            "He po nui loa keia o'u, e hana aku ana au i kekahi hoike, e makaukau ai no ka la apopo, a oiai aole paha e pau koke ana kela hoike i ka hanaia iloko o ka manawa kupono, e hoi hou mai ai au mamua o kou hiamoe ana, he mea pono maanei no au e haawi aku ai ia oe i ko'u aloha ahiahi, o ke aloha no kou."

            Nana mai la na maka o Magureta maluna o kana kane, me he mea la e uwalo okoa mai ana, e noho aku no laua, a e hoohala i kekahi mau minuke ma ke kamailio ana me na olelo oluolu ua uumi wale iho la no nae oia i kona manao oiaio iloko on a, a haaw mai la i ke aloha i kana kane, o kona ku ae la no ia a kauoha aku la ia Nora e hoihoi i na meaai, o kona hoi pololei loa aku la no ia noloko o kona rumi, no ka hoomalielie ana i kona mau manao maikai ole apau.

            Hakalia no a komo ua o Magureta maloko o kona rumi o kona pani mai la no ia i ka puka a paa a kiola aku la iaia iho iluna o kona moe, he hookahi hana o ka noke i ka uwe.

            O keia hookahe ana aku la o Magureta i kona mau waimake, aole ia elike me kela noke ana on a i ka ewa, mahope o ka ike anai na hana lokoino o ke aloha ole a Noela Kauwila i hana aku ai iaia: aka he mau waimaka keia o ka ehaeha walania no kana mea i hana aku ai maluna o kana kane, ke kanaka kilakila hookahi ana i ike ai, a i haawi aku ai i kana mau mahalo piha ana maluna on a. He mau waimaka nae keia i like aku me kekahi kuaua, nana e holoi ana, a e hoauhee aku ana i na ehaehe mailoko aku o kona puuwai.

            "He keu aku no paha au a ka lokoino, ma ka'u mau hana ia Reginola," wahi ana i namunamu wale ae ai no, iloko o kona manawa e uwe ana. "Aole i hiki iaia ke ike mai i ka nui o ko'u aloha ia Noela Kauwila, a i ka manwa i kuma@aia mai ai kela kanaka ia'u. ua wawahiia kuu puuwai a weluwelu liilii, me ka piha o kuu uhane i ka hoowahwaha iaia. Ua hookuku ae au i aReginola me Kauwila, ua kaokoa loa koa Reginola ano mai iaia mai, he oluolu, he akahai a o ka mea oi loa aku, ua aloha mai oia ia'u," alaila noho pono ae la oia iluna, holoi ae la no hoi i kona mau waimaka, no ka mea kau okoa mai la imua o kana mau hoomanao ana, kona aloha ole i kana kane, elike me ia a Reginola i ake mai ai e panai aku oia i kona aloha, elike me ia a Reginola i hoike okoa mai ai iaia, i kona aloha.

            No ka makahiki okoa a oi keia noho pu ana o laua ma ke ano he wahine a he kane. ma ka inoa wale no, me ka imi ana o Reginla ma na ano apau, e loaa mau ka nohona hauoli ana i kana wahine. E hoolala mau ana o Reginola i kekahi mau huaka'i makaikai no ka lawe hele ana i kana wahine, mamuli mai no ia o ka piha o kona puuwai i ke hou a kona mau maka e ike ai, no ka pono o kana wahine. a ma ke ano nui ke olelo ae, na imi aku oia ma na mea wale no e oluolu ai ka noho ana o Reginola, he hookahi nae kumu nui o keia mau mea apau ana e hoolu'e aku nei no kana wahine, mamuli mai no ia oka piha o kona puuwai i ke aloha.

            Ma ko Magureta aoao hoi, iloko o keia makahiki a oi o ko laua noho pu ana maloko o ka hale hookahi, ua lawelawe aku oia i na hana apau o ko laua home, ma na ano e hoohalahala ole ai kana kane, e hana ana me na manao makee no ka haoli wale no o Reginola, eia nae me kekahi olelo ana ae. he kulana wahine malama hale wle iho no kona, elike me ia e Reginola i kamailio mai ai iaia, ma kela po, aole hoi elike me ke kulana ame ke ano o ka wahine i @areia i kana kane.

(Aole i pau.)