Ka Nupepa Kuokoa, Volume LVII, Number 30, 25 July 1919 — Page 10

Ka Nupepa Kuokoa

KE KILOHANA POOKELA NO KA LAHUI HAWAII.

 

10                  NUPEPA KUOKOA, HONOLULU, T. H., POALIMA, IULAI 25, 1919.

 

OLELO HOALOHALOHA NO ALBERT S. WILCOX

 

            Ka lani kuu home aole maanei, kuu pono, kuu waiwai, kuu pomaikai e. Iluna no ia ma kahi maemae, Ne Ieku kou Haku e maha pu ai.

            Mamuli o ka haalele ana mai i keia ola ana o Albert S. Wilcox, ma ka la 7 iho la o Iolai, 1919, ma ko olua home nani ma Kilohana Hale, Lihue, Kauai, home aloha i piliia e ke kane ame ka wahine, home kipa no hoi a ka malihiai, eia ka e hoi e ana ia i ka hale mau o ke kanaka. Aloha no!

            Aloha e na kahawai,

            Na hale loa nei,

            Na wahi a’u i kipa ai,

            Aloha nui e!

            Nolaila, e hooholoia, o makou o na lala o ka Hui Aloha o na Wahine o Hanalei, Kauai, ma o ko makou komite la, ke komo pu aku nei me oe, ka wahine kanemake, Mrs. Emma Kauikeolani Wilcox, ame ka ohana no apau, e nawe pu, noho kanikau pu a kumalena.

            E hooholo hou ia, ke nonoi ae nei makou, ma ka makou leo pule i ka Makua Mana Loa, ma ka lani, e hoomamaia mai, a e laweia aku na mea kaumaha mai ia oe aku ame ka ohana apau, a

            E hooholo hou ia, e hoounaia i kope i ka wahine kanemake, i ka Nupepa Kuokoa, a e hoopaa pu ia iloko o ka buke moolelo o keia ahahui.

                        O makou iho no me ke aloha pua ole.

                        MRS. ELIZABETH W. WERNER,

                        MRS. SARAH AARONA,

                        MRS. FANNY K. SAMUELA,

                        MRS. ESTHER K. KANEI,

                        MRS. OHUMUKINI KUAPUHI.

 

HOIKE HUI O NA KULA SABATI AME NA C. E. O MAUI HIKINA.

 

            E malamaia ana ka hoike hui o na Kula Sabati ame C. E. ma Keanae ma ka la 10 o Augate, 1919.

            No na haawina: Wahinepee, ka haawina o Ianuari, 1919; Keanae, haawina o Feberuari; Nahiku, haawina o Maraki; Hana, haawina o Aperiala; Kipahulu, haawina o Mei; Kaupo, haawina o June.

            No na haawina o na C.E. ka mane no o kela ame keia haawina pakahi o na Kula Sabati i hoikeia.

            E malama pu ia ana he ahamele ma ka po mamua iho o ka la hoike. Ke kauohaia aku nein a Kula Sabati apau e hana ma ii na haawina me ka miomio, a pela pu no hoi me na C. E.

            Ka Manawa hoike o kela Kula Sabati keia Kula Sabati he 15 minuke pakahi; a pela pu no me ka C. E. @oomaka ana na hana hoike Kula Sabati ma ka hora 9:30 a.m., a o na C. E. ma ka hora 1:30 p.m., nolaila, e liuliu a e makaukau e na Kula Sabati amen a C. E. me na himeni ahamele; nolaila, e na makamaka amen a hoaloha, e naue ne e ike in a hana hoike Kula Sabati ame C. E. a pela pu no hoi me na puulani like ole o Maui Hikina no na hana ahamele, he oki loa hoi ka lohe pepeiao, o ka ikemaka ka pono.

Ka oukou kauwa,

J. W. KAWAAKOA,

 

KUOKOA- 4

NA LEKA KII OLE IA MAI AHIKI I

IULAI 12, 1919.

 

                                    Evaliko, Wm. (2)                                 Kamaike, David

                                    Ioane, Mrs. Helena                              Komomua, Miss

                                    Isaia, K                                                            Mary

                                    Ikauka, Miss Ida                                 Keoniana, Miss

                                    Hoohuli, Mrs Jos.                                            Loke

                                    Hiram, Mrs. A.                                    Timoteo, Mrs Rosa

                                    Kaaha, John                                        Kiai, Chas Kaalele

                                    Kahauolopua, Jos.                               Kumukani, G N

                                    Hahalewai, David                               Kunukau, Miss

                                    Kupa, David                                                   Harriet

                                    Koani, Mrs Kahaleniau                       Kuluwaimaka, Mr (2)

                                    Kaai, Henry                                         Kulanakila, Likeke

                                    Kaeha, Mrs. Kaloke                            Leimakani, Mrs

                                    Kaiopua, Mrs E. K.                                         Lary

                                    Kailiwela, Mrs                                     Makai, Mrs Annie

                                    Kahikina, S P                                      Malulu, B

                                    Kahookele, Miss                                 Mookini, Mrs Puakinamu

                                    Kalei, Manuel Cabral                          Nahola, G K

                                                Furtado                                   Nikolaki, Mr

                                    Kanealii, Mrs. Jos                                Namakaelua, S

                                    Kaleka                                                 Peleiholani, Mrs

                                    Kamaka, Miss Miriam                         K K Palau, M R

 

NA LUNANUI O KE KULA SABATI AME C. E. O WAINEE.

 

            O keia malalo iho ka pope i kohoia i lunanui no ke Kula Sabati ame C. E. o Wainee, Lahaina, Maui:

            K. S.- James A. Meheula, K. K. S.; Mrs. Lily Kalepa, hope; J. M. Kalepa, kakauolelo; P. P. Pali, puuku; A. H. Oana, lunahooia, Mrs. Julia K. Seoug, alakai himeni; Rev. James Davis, hoakuka.

 

 

           

o ke kukuluia ana, a i ole, o ka hanaia ana, me ka hoolaweia mai o kona kulana kahiko amen a auhau maluna o ia mea. O ka waiwaii’o o ka laikini, a i ole, kulana maikai o ka oihana, a i ole, o na mea e ae e pili ana i ka oihana aole e noonooia i ka hooholoia ana o ka heluna e ukuia aku ai.

            Ua hiki no i ka ahahui, a i ole, i ka mea kuai e hoohalahala i ka aha kiekie o Hawaii mai ka olelohooholo ae a ia komisina ma o ka waiho ana aku ma ke kakau i kekahi hoolaha no ka hoohalahala me ke komisina ma o a iloko o na la elima mahope o ka haawi ia ana mai o ka olelo hooholo. Ia Manawa e lilo i hana ma ke komisina ka hoohiki koke ana i kekahi palapala i hooia ia i ka aha kiekie i ka moolelo o na hana i lawelaweia, e hoike ana maloko o ia palapala hooia i ka waiwaii’o i lawelaweia, e hoike ana maloko o ia palapala hooia i ka waiwaii’o oi koiia mai e ka ahahui, ka waiwaii’o i koiia mai e ka mea kuai, me ka waiwaii’o i haawiia mai e ke komisina. Oia palapala hooia e hoouna pu ia mai me na kope o na palapala apau, na pepa, amen a ike maluna olaila i hookahuaia ai ka olelo hooholo a ke komisina, am eke kope o ia olelo hooholo. I ka Manawa e hiki mai ai na hoohalahala ana oia ano, ua hiki i ka aha kiekie ma kona aoao, e lawe, a i ole, e koi hou aku i mau ike hou e hookomoia mai e na aoao elua.

            Iloko o na malama eono mahope mai o ka loaa ana o ke kumukuai elike me ia i hoikeia ae nei, e ukuia aku no ia mea i ka ahahui, a ia Manawa e pau no ka laikini i haawiia ma keia a e hoopauia, a o na waiwai apau o ka ahahui i oleloia’e lilo no i waiwai no ia mea nana i kuai me ka nana ole aku i palapala hoolilo hou aku, aka nae e hana mai no ka ahahui i oleloia ina ua makemakeia i kekahi palapala kuai elike me ka mea e makemakeia aku ana e ka mea kuai am eke aponoia e ke komisina i oleloia, a i ole, e ka aha i oleloia ma ka hoohalahala.

           

PAUKU 16.    Ua hiki ka laikini e hoololiia, a i ole, e hoopauia. ua hiki i ka ahaolelo o Amerika huipua, a i ole, i ka ahaolelo o ke Teritore o Hawaii, me ke apono o ka ahaolelo o Amerika Huipuia, in a Manawa apau e hoololi, hoanohou, a i ole, e hoopau i keia Kanawai.

           

PAUKU 17.    Ka Manawa e mana ai ke Kanawai. E mana no keia Kanawai a e lilo i Kanawai ma ia hope aku o ka la o kona aponoia ana e ke Kiaaina o ke Teritore o Hawaii, koe nae, a aponoia mai e ka ahaolelo o Amerika Huipuia, oia aponoia ana e ka ahaolelo e loaa iloko o elua makahiki mai ka la aku o ke aponoia ana e kiaaina.

 

Aponoia i keia la 30 o Aperila, A. D. 1919.

C. J. McCARTHY,

 

KANAWAI 215.

 

(B. H. Helu 196.)

 

HE KANAWAI E HANA ANA I HAAWINA NO KA POMAIKAI O JOHN JARDIN.

 

OIAI, o John Jardin ua hana hoomau, mai Okatoba, 1890 mai, no ke Aupuni o Hawaii, ma kea no he mea lawelawe a he kanaka hana pa no ka hale mana hooko ame ka hale hookolokolo; a

OIAI, iloko o ia Manawa loihi o ka hana ana, o ka ikaika o John Jardin i oleloia, ua hana me ka hoopono, manao maikai a ua lawa pono; a

 

OIAI, o John Jardin i oleloia i keia Manawa ua nawaliwali ma ke ola kino a ua kokoke e hiki ole e haua i kana hana ma kea no he mea malama pa, e hoonele ana hoi iaia i ka hana ame ka imi ana i ola nona iho ame kona ohana; nolaila,

 

E Hooholoia e ka Ahaolelo o ke Teritore o Hawaii:

 

PAHUKU 1.   Ma keia ke hoomanaia aku nei ka puuku o ke Teritore a ke kuhikuhiia aku nei e uku, maluna o na palapala kikoo dalai  hoopukaia e ka lunahooia o ke Teritore, i ka heluna o Kanakolu dala ($30.00) i kela ame keia malama ia John Jardin a e hoomau aku i ka hana ana pela no ke koena o kona ola ana mai kona waiho ana ma ii ka hana a ke aupuni; oia uku ana i hookaawaleia ma keia mailoko ae no o na loaa laula o ke Teritore.

 

PAUKU 2.      E mana no keia Kanawai mai a mahope aku o ka la o kona aponoia ana.

 

Aponoia i keia la 30 o Aperila, A. D. 1919

 

C. J. McCARTHY,

 

KANAWAI 216.

 

(B. H. Helu 211.)

 

HE KANAWAI E HOOMANA ANA A E HOOMAOPOPO ANA NO KA HANA ANA, MALAMA ANA, AME KA HOOLAKO ANA I KA UWILA NO KA HOOMALAMALAMA ANA AME KA IKAIKA HOOHANA ILOKO O KA APANA O HILO HEMA, HILO AKAU, AME PUNA, MALUNA O KA MOKUPUNI O HAWAII TERITORE O HAWAII.

 

E Hooholoia e ka Ahaolelo o ke Teritore o Hawaii:

 

            PAUKU 1.      O ka Hui Hana Uwila o Hilo, Kaupalenaia, kona hope amen a hooko kauoha ma keia hope aku e hoomaopopoia ana ma kea no o ka hui, ma keia ke haawiia aku nei ka mana, kuleana amen a pono e hana, kuai, hoolawa a e haawi i kukui uwila, uwila, a i ole, ikaika hoohana iloko o ka apana o Hilo Hema, Hilo Akau, amen a aina o Keaau ame Olaa, Apana o Puna, maluna o ka Mokupuni o Hawaii, Teritore o Hawaii, no ka hoomalamalama ana in a alanui na alaloa, na hale pakahi, a i ole, no ka lehulehu, a i ole, no ka hooholo ana in a kaa, a i ole, no na mea e ae a ka hui e manao ai he kupono, a mai kela ame keia Manawa, koe malalo o ka hoomalu ana a ka papa o na luna i loaa ka mana hoomalu o na alanui i oleloia, a i ole, na alaloa, e pili ana ina wahi e kukulu ai, a in a komisina no na mea e ae, e kukulu, malama a e hoohana in a pou kupono, na laina, na uwea, na uwea hao, na kukui, na pou kukui, na auwaha paipu amen a mea hana e ae amen a pono e manaoia ana he kupono no ka lawe ana, hoolawa ana, a i ole, haawi ana i ka uwila i ka poe e makemake mai ana ia mea, malalo, ma ka aoao, mluna, ame ka ae ana in a alanui, na alahela aoao, na alaloa, na kuea, na alahaka, na alaliilii amen a alaololi iloko o na apana i oleloia o Hilo Hema, Hilo Akau ame puna, maluna o ka Mokupuni o Hawaii, a e hoohui, mamuli o na uwea i oleloia, na laina amen a pahu lawe uwila, me kekahi hale hana, hale hookah, a i ole, hale no ka lehulehu, na kukui, na pou kukui, a i ole, na hale e ae, a i ole, na mea okoa aku me kahi o ka hoolawaia ana mai o ka uwila.

 

            PAUKKU 2.   O na luna, a i ole, na papa i loaa ka hoomalu ana in a alanui i oleloia, a i ole, alaloa, ma kahi e ku ai, a in a komisina no ka pono o ka lehulehu ma na mea e ae, ma keia ke hoomanaia aku nei e hana a mai kela ame keia Manawa, e hoololi, hoano-e, a i ole, e paku’i o na rula kupono, e hooponopono ana i ka hoonohoia ana o na pou, na uwea ka hoohuiia ana o na uwea amen a pono e ae e lawe ana i ka uwila, ame ka paeli ana in a auwaha, ame ka malama ana me ka maikai o na pou apau, na uwea amen a pono amen a mea pili laula no ka hana ana ame ka hoolawa ana i ka uwila, a lakou e manao ai he kupono no ka palekana o ke ola o ka lehulehu amen a pomaikai.

           

PAUKU 3.      O keia laikini ame ka hui e paa ana ia mea e kaa aku no malalo o na ana kupono, na kumukuai, na auhau, na hoonohonoho ana, na rula amen a hoomaamaa ana a ma na ano apau in a hoakaka a ka Mokuna 138 o na Kanawai i Hooponoponoia o Hawaii, 1915, e kukulu ana i komisina no ka pono o ka lehulehu amen a hoololi apau no ia mea no ka hooponopono ana in a oihana na ka pono o ka lehulehu maloko o ke Teritore i oleloia.

           

PAUKU 4.      O na pono, na mana amen a laikini i haawiia ma keia i ka hui e hoomau ia aku no no kekahi Manawa o kanalima makahiki mai ka la aku o ke aponoia ana o keia Kanawai e ka ahaolelo o Amerika Huipuia, a aole no hoi e manaoia he lilo kaokoa loa ana me ka loaa ole aku i kekahi mea okoa.

           

PAUKU 5.      O ka ahaolelo o Amerika, a i ole, o ka ahaolelo o ke Teritore o Hawaii, me ke apono a ka ahaolelo, ua hiki i kela ame keia Manawa, e hoololi, a i ole e hoopau i keia Kanawai.

           

PAUKU 6.      Ma keia ke haawiia aku nei ka mana i ke komisina o na pono o ka lehulehu e kauoha i ka hui e hana in a hoololi ana o na pono hana o na laina in a Manawa apau e ikeia ai oia hooloihi ana he mea i makemakeia e ka lehulehu a o ka huina apau o na pono hana o ka hui i oleloia i hui pu ia me ka hooloihi ana, ua hiki e hanaia a loaa ka puka kupono maluna o na hoolilo kupono ame ka malama ana ia mea; aka nae, o na kauoha apau e kaa aku no malalo o ka nana ana a na aha hookolokolo o ke Teritore elike me na hoakaka a ke kanawai.

           

PAUKU 7.      O ke Teritore o Hawaii, ke Kalana o Hawaii, a i ole, o kekahi mahele kalaiaina o ia mea, ua hiki in a Manawa apau a i ka hoolanaia ana mai iloko o na mahina eono ma ke kakau i ka hui, i haaiia mamuli o kekahi mana oiaio, a ia Manawa e hoomanaia ai e ka ahaolelo o ke Teritore o Hawaii, e lawe ma ke kuai in a waiwai apau o ka hui, koe nae na mea malalo o na auhau e ku ana ia Manawa.

            O ka heluna e ukuia aku a ii ka hui no ia kuai ana e hooholoia no e kekahi komisina o ekolu poe, hookahi e hookohuia e ka hui, a i ole, i ka nele o ka hana ana pela iloko o na la he kanakolu mahope mai o ke noiia ana aku e hana pela e ka mea kuai, alaila na ka lunakanawai kiekie o ka aha kiekie o Hawaii, hookah na ka mea kuai, a o ke kolu na ia mau mea elua i hookohuia pela, a i ole, ina laua e nele ana i ka hooholo ana maluna o ke kolu o na lala iloko o na la he kanakolu, alaila na ka lunakanawai kiekie i oleloia, o kekahi hana ana pela a ka lunakanawai kiekie e hana wale ia no mahope o ka haawi ana aku in a aoao elua he hoolaha a he Manawa e hooloheia ai, aka, oia heluna aole e oi aku maluna o na lilo, a i ole, waiwaii’o pololei o ka waiwai e ku ana, a i ole o ka lilo o ke kukuluia ana, a i ole, o ka hoihoi houia ana aku a like me ia, me ka hoolaweia mai o ke kulana kahiko ame ka lawe pu ana ma ii na auhau maluna o ia mea. O ka waiwai o ka laikini, a i ole, kulana haria, a i ole, na mea e ae e ku ana aole e noonooia i ka hooholoia ana o ka heluna e ukuia aku ai.

            Ua hiki i ka hui, a i ole, i ka mea kuai e hoohalahala i ka aha kiekie o Hawaii, mai ka olelo hooholo a ia komsina ma ka waiho ana aku he hoike ma ke kakau no ka hoohalahala ana me ke komisina iloko o na la elima mahope o ka loaa ana o ka olelo hooholo. Ia Manawa no e lilo i hana na ke komisina e hooia koke i ka aha keikei i ka moolelo o na hana i lawelaweia, e hoike ana ka palapala hooia i ka waiwaiio i koiia e ka hui, ka waiwaiio i koiia e ka mea kuai, ame ka waiwaiio i hooholoia e ke komisina. O ia palapala hooia e hele pu mai me na kope o na palapala apau, na pepa, amen a ike maluna olaila i hooholo ai ke komisina i ka lakou olelo hooholo, ame kekahi kope o ia olelo hooholo. I ka loaa ana mai o kekahi hoohalahala pela, ua hiki i ka aha kiekie ma kona aoao, e lawe i mau ike hou aku no ka hookomoia ana mai e na aoao elua.

            Iloko o na mahina eono mahope mai o ka hooholoia ana o ke kumukuai elike me ia i hoikeia ae nei, e ukuia aku no ia mea i ka hui, a ia Manawa o ka laikini i haawiia ma keia ua pau a ua hoopauia, a o na waiwai apau o ka hui i oleloia e lilo no i waiwai no ka mea kuai me ka nana ole aku in a palapala kuai hou aku, aka o ka hui i oleloia e pono no e hana ma ii palapala kuai elike me ka mea e makemakeia ana e ka mea kuai a i aponoia mai e ke komisina i oleloia, a i ole, i kaha i hoohalahalaia aku ai.

           

PAUKU 8.      Ke hoomaopopoia nei no hoi ina e nele ana ka hui i oleloia, a i ole, hole paha i ka hana ana, a i ole, hooholo e hana me kekahi o na hoakaka o keia Kanawai, a i ole, me na kanawai o ke teritore, a i ole, o ke Kalana o Hawaii, a i ole, me na rula i hookuia mamuli o ka Pauku 2 o keia Kanawai, a e hoomau i ka hole ana a e nele i ka hooko ana, a i ole, hana ana ia mau mea mahope o kekahi Manawa loihi kupono mahope o ka loaa ana aku o ka hoolaha i haawiia e ke komisina no ka pono o ka lehulehu ua hiki i ke komisina i oleloia e lawe mai i hoopii imua o kekahi aha kupono no ka lawe wale ana i ka laikini i haawiia ma keia ame na mana amen a pono apau i ulu ae malalo oia mea a e kukalaia ua pau a ua lilo i mea ola.

           

PAUKU 9.      O ka pono i haawiia ma keia e pau no a e hoopauia ina aole e hoomakaia ana na hana mamuli o ka hoolilo maoli ia ana maluna o na hana o kekahi huina aole e emi iho malalo o elima tausani dala ($5,000.00) maloko pakahi o na apana i oleloia o Hilo Hema, Hilo Akau ame Puna, iloko o elua makahiki mai a mahope o ka la o ke aponoia ana o keia Kanawai e ka Ahaolelo o Amerika Huipuia.

           

PAUKU 10.    E hana no ka hui, iloko o hookah mahina mahope o ka pau ana o kela ame keia makahiki hana, a e waiho me ka papa o na lunakiai i kekahi papa kuhikuhi o na mea apau, e hoike ana i na loaa amen a hoolilo iloko o ka makahiki i pau aku, a ia Manawa, e uku aku i ka puuku o ke Kalana o Hawaii, no a mamuli o ke kalana i oleloia, elua ame hookah-hapa pakeneka o na loaa apau loa o ka hui mai ke kukui uwila mai, a i ole, ikaika hoohana mai i hoolawaia aku i na poe lawe ia mau mea iloko o ka makahiki i pau aku; a o na buke apau ona, na pepa, na moolelo amen a buke helu, i na Manawa apau he kupono, e hamama no ka nana ia e ka papa o na lunakiai ame ko lakou mau akena i hookohuia no ia mea.

           

PAUKU 11.    O ka Mokuna 58 o na Kanawai i Hooponoponoia o Hawaii, 1915, ma keia ke hoopauia nei.

           

PAUKU 12.    E mana no keia Kanawai a e lilo i Kanawai i ka Manawa o ka hui e hoike aku ai i ke kiaaina o Hawaii ma ke kakau ua ae lakou i na kaupalena a ia mea ma o kekahi koho ae ana a elua hapa-kolu o na poe e paa ana i na mahele hui, aka nae, oia hoike ana e haawiia mai iloko o na malama eono mahope o ke aponoia ana a keia Kanawai, e ka ahaolelo o Amerika Huipuia, ina aole pela e lilo no keia Kanawai i mea ole a waiwai ole.

           

Aponoia i keia la 30 o Aperila, A. D. 1919

 

C. J. McCARTHY

 

KANAWAI 217.

 

( B. H. Helu 225.)

 

HE KANAWAI E PILI ANA I KE KULANA O KEKAHI BANAKO ME KONA POE HOAHU DALA NO KA UKU ANA I NA KIKOO DALA APUKA, A I OLE, HOONUIIA O KA HELUNA.

 

E Hooholoia e ka Ahaolelo o ke Teritore o Hawaii:

 

            PAUKU 1.      Aole banako, a i ole, wahi hoahu dala e ae, i uku a  i kaki aku i ka inoa o kekahi mea hoahu i kekahi mea hoahu i kekahi dala maluna o kekahi kikoo i apukaia, a i ole, i hoonuiia ka heluna ma ka inoa o ka mea hoahu i oleloia, e kau aku ke ko’iko’i o ia hana no ia heluna maluna o ka mea hoahu, koe wale no a (1) iloko o na malama eono mahope o ka hoikeia ana aku i ka mea hoahu i oleloia o na bila kikoo e hoomaopopo ana i ka ukuia ana ua kakiia aku i ka inoa o ka mea hoahu i oleloia no ka Manawa iloko olaila e hoounaia aku ai ia mau palapala, a i ole, (2) in aole he hoike oia ano i loaa aku iloko o eono malama mahope o ka hoihoiia ana aku i ka mea hoahu i oleloia na palapala kikoo no ia ukuia wahi hoahu o ke kikoo i ukuia pela he mea apuka, a i ole, ua hoonuiia ka heluna.

           

PAUKU 2.      E mana keia Kanawai i kona aponoia ana. Aponoia i keia la 30 o Aperila, A. D. 1919.

C. J. McCARTHY

 

KANAWAI 218.

 

( B. H. Helu 273)

 

HE KANAWAI E PILI ANA I KA UKU O NA POE HANA I HOOHANAIA E KE TERITORE O HAWAII, A I OLE, E KEKAHI MAHELE PAHA ONA.

 

E Hooholoia e ka Ahaolelo o ke Teritore o Hawaii:

 

            PAUKU 1.      O ka palena haahaa loa e ukuia ai na poe hana maluna o na hana aupuni apuni ke Teritore o Hawaii aole e enaiho malalo o elua ame 25/100 dala ($2.25) no ka la hookah.

            PAUKU 2.      O na kanawai apau e ku e ana i na hoakaka o keia Kanawai ma keia ke hoopauia nei.

            PAUKU 3.      E mana keia Kanawai mai a mahope aku o Iulai 1, 1919.

           

Aponoia i keia la 30 o Aperila, A. D. 1919.

 

C. J. McCARTHY,

 

KANAWAI 219.

 

( B. H. Helu 324)

 

HE KANAWAI E HOOLOLI ANA I KA PAUKU 576 O NA KANAWAI I HOOPONPONOIA O HAWAII, 1915, E PILI ANA I KA HELEHEWA ANA O NA HOLOHOLONA MALUNA O NA ALANUI AUPUNI AME NA AINA AUPUNI.

 

E Hooholoia e ka Ahaolelo o ke Teritore o Hawaii:

 

            PAUKU 1.      O ka Pauku 576 o na Kanawai i Hooponponoia o Hawaii, 1915, ma keia ke hoololiia nei i “heluhelu ai penei:

           

“Pauku 576. Maluna o na alanui ame aina aupuni. ina e loaa aku kekahi holoholona i hoikeia maloko o ka Pauku 573 e komohewa ana, a i ole, e helehewa ana maluna o kekahi o na alanui aupuni iloko a maloko o ke Kulanakauhale o Honolulu, Kaona ame Apana o Hilo, Hawaii na Kaona o Wailuku ame Lahaina, Maui, a i ole, maluna o kekahi alanui aupuni i paa kona mau aoao me kekahi pa i kulike me ke kanawai, a i ole, maluna o kekahi aina aupuni, iloko o keia Teritore, ua hiki i kekahi luna makai, a i ole, o kekahi mea, a i ole, mau mea i hoomanaia ma ke kakau e ka papa o na lunakiai, ma keia ke hoomanaia aku nei e lawe ia holoholona a e hoopaa ia mea elike me ka hoakaka a keia mokuna. O na ona, a i ole, o ka ona oia mau holoholona i laweia pela, a i ole, i hoopaaia e uku aku i ka luna makai i oleloia, a i ole,