Ka Nupepa Kuokoa, Volume LVII, Number 29, 18 July 1919 — KO MAKOU POKII KAIKUNANE, JOHN KAHAWAIOLAA, UA HALA. [ARTICLE+ILLUSTRATION]

KO MAKOU POKII KAIKUNANE, JOHN KAHAWAIOLAA, UA HALA.

"Mr. Sol Hanohano, Lunahooponopo no o ke Kuokoa. Aloha <illegible> mai i kou ahonui i kekahi wahi kaawali o ka kaua hiwahiwa pauaho ole a me a hoi ia e hii hele aku i ka lono <illegible> ma na mokupuni apau o Hawaii nei, ike mai ai na ohana. na makamaka hoa aloha, na paahana mai ka puka ana a ka la i Kumukahi a ka lawena a ka la i Lehua. Ma ka Poaono, Iulai 5, mawaena a ka hora 2 ame 3 ka pilikia ana malaki o ka hana a na haku, o lakou no ka poe i hana i ka huakini o Baldwin ma Paia, Maui, ame ka luakini o ka Hoomana o na La Hope nei, ma Laie, malalo o ka hana a na haku. Ua hanauia o John Kahawaiolaa ma Hanamaulu, Kauai, i ka la 28 o Feberu ari, i ka makahiki 1889, ua piha ia na makahiki he 30, 4 mahina ame 7 la, a ua waiho iho oia i knona luaui makua hine ame kona mau kaikuahine ame hookahi kaikuaana e kanikau ame ka luuluu kaumaha nona. Ko ae la ka olelo a ka Buke Nui hoi ka lepo i ka lepo, o ka uhane e hoi. no ia me ka mea nana i hana mai. I ka hooki ana ae i keia mau manao kaumaha ame ka luuluu i kuu pokii aloha, ke noi aku nei hoi i na ohana, na hoaloha ame na hoa hana ame na haku hana o ko makou pokii kaikunane aloha, i haalele mai i keia ola ana, e lawe ana i ka makou hoomaikai palena ole no ka oukou mau makana pua lei no ka hoo hiwahiwa ana i ke kino, wailua o ko makou pokii aloha, ame ko oukou hui pu ana mai ma ka hoolewa, a na ke Akua e kokua ia kakou apau, amene. O makou iho no ka ohana. MRS. KAOHELE KAHAWAIOLAA. MRS. HELEN KAHANU. MRS. KELUIA HOOMANA. JOESEPH KAHAWAIOLAA, MRS. CARRIE K. KILIA. MRS. LUIKA AIOKA.

JOHN KAHAWAIOLA.\.