Ka Nupepa Kuokoa, Volume LVII, Number 29, 18 Iulai 1919 — Page 12

Ka Nupepa Kuokoa

KE KILOHANA POOKELA NO KA LAHUI HAWAII.

 

3.  Hui Hana Kealoha (1917)…………..860.05

 

4.  Hui Hana Hao o Honolulu, Kaupalenaia,

(June, 1917)…………………….104.80

$2,266.11

 

Pauku 3.  E mana keia Kanawai i kona aponoia ana.

Aponoia i keia la 30 o Aperila, A.D. 1919.

C.J. McCarthy,

Kiaaina o ke Teritore o Hawaii.

Kanawai 200.

(B.S. Helu 206.)

He kanawai e hoomapopo ana i haawina ma ke ano he haawi mua mailoko ae o na loaa laula o ke teritore o hawaii no ke kukulu ana i elua mau alahaka ame ke ala e hiki aku ai maluna o ke alanui home hookuonoono  ma ke awawa laau, maloko o ka apana o kau, kalana o hawaii.

 

E. Hocholoia e ka Ahaolelo o ke Teritore o Hawaii:

 

Pauku 1. O ka heluna o ekolu tausani dala ($3,000.00) ma keia ke hookaawaleia nei a e ukuia mailoko aku o na dala iloko o ka waihona puuku o ke Teritore o Hawaii aole i hookaawale mua ia no ke kukulu ana i elua (2) alahaka ame na ala e hiki aku ai i ke alanui home hookuonoono ma Awawa Laau, maloko o ka Apana o Kau, Kalana o Hawaii.

 

Pauku 2. O ka heluna i oleloia o ekolu sausani dala ($3,000.00) i hookaawaleia ma keia e hooliloia aku no maluna o na palapala kikoo dala i hoopukaia e ka lunahooia i hookahuaia maluna o ua palapala bila aie i hoopukaia e ke komisina o na aina aupuni iaia ka malu o ke kukuluia ana o na alahaka i oleloia ame na ala e hiki aku ai maluna o ke alanui hookuonoono.

 

Ke hoomaopopoia nei nae,na ke komisina o na aina aupuni e hana aelike no ke kukuluia ana o na alahaka i oleloia ame na ala me ka Kalana o Hawaii maloko o na hoakaka a ke Kanawai 6 o ke Kau Kuikawa o 1918.

 

Pauku 3.  O ka heluna i hookaawaleia ma keia malalo o keia Kanawai e loaa no, a e homaka ke kukuluia ana o na alahaka i oleloia ame na ala elike ka hikiwawe me ka hiki i ka aelike i hoakakaia maloko nei ke hoomaka.

 

Pauku 4.  O ka heluna i oleloia o ekolu tausani dala ($3,000.00). a i ole, o kekahi hapa oia heluna e hiki e hooliloia e ukuia aku no iloko o ka waihona laula o ka waihona puuku o ke Teritore o Hawaii mau na loaa o na aina aupuni i hooliloia ma ke Kalana o Hawaii.

 

Pauku 5.  E mana keia Kanawai i kona aponoia ana.  Aponoia i keia la 30 o Aperila, A.D. 1919

C.J. McCarthy

Kiaaina o ke Teritore o Hawaii.

 

Kanawai 201.

(B.S. Helu 210)

He Kanawai e Hookaawale Ana i Haawina o Hookahi Haneri me Kanaha-Kumamalima Dala ame Kaniwakumamakolu Keneka no ka Hoopau Ana i na Hana Hou Maluna o na Alanui Alapai me Miller Maloko o ke Kulanakauhale ame Kalana o Honolulu.

 

E Hooholoia e ka Ahaolelo o ke Teritore o Hawaii:

 

Pauku1.  O ka heluna o hookahi haneri kanaha-kumamalima ahe 93/100 dala (145.93) ma keia ke hookaawaleia nei mailokomae o na dala maloko o ka waihona laula o ke Teritore o Hawaii aole i hookaawale mua ia, e paku'i aku ana i ka heluna dala i hookaawale mua ia ma o ka Pauka 2 o ke Kanawai 193 o na Kanawai o ke Kau o 1917, a e paaia e ke komisina o na aina aupuni a e ukuia aku eia me ke kulike me na hoakaka a ka Pauka 2 i oleloia o ke Kanawai 193 o na Kanawai o ke Kau o 1917.

 

Pauku 2.  E mana keia Kanawai i kona aponoia ana.

Aponoia i keia la 30 o Aperila, A.D. 1919.

C.J. McCarthy,

Kiaaina o ke Teritore o Hawaii.

 

Kanawai 202.

(B.S. Helu 217)

He Kanawai e Hana Ana i Haawina no ka Papa Ola o je Teritore no ka Uku Ana i na Hoolilo no ka Hoomau Ana ame na Lapaau ana o ke Teritore o Hawaii.

 

E Hooholoia e ka Ahaolelo o ke Teritore o Hawaii:

 

Pauku 1. O ka heluna o eha tausani dala ($4,000.00) ma keia ke hookaawaleia nei mailoko ae o na dala maloko o ka waihona puuku o ke Teritore o Hawaii aole i hookaawale mua ia no ka uku ana i na hoolilo no ka hoomalu ame ka lapaau ana maloko o ke Teritore o Hawaii i ulu ae iloko o ka manawa iho nei o ka ma'i piwa ame ka ma'i puu eha.

 

Paukku 2. O ka heluna i oleloia o eha tausani dala ($4,000.00) i hookaawaleia ma keia e hooliloia no maluna o na kikoo dala i hoopukaia e ka lunahooia o ke Teritore, i hookahuaia maluna o na bila aie i aponoia e ka peresidena o ka papa ola o ke Teritore.

 

Pauku 3.  E mana keia Kanawai i kona aponoia ana.

 

Aponoia i keia la 30 o Aperila, A.D. 1919.

C. J. McCarthy,

Kiaaina o ke Teritore o Hawaii.

Kanawai 203.

(B.S. Helu 76.)

He Kanawai no ke Kukulu Ana he Kula Nui no Hawaii.

 

E Hooholoia e ka Ahaolelo o ke Teritore o Hawaii:

 

Pauku 1. Eia ma keia ke kukuluia nei he Kula Nui no Hawaii a oia no ke Kula Nui mahiai, a i ole, kula o na hana naauao i ike mua ia a i kapa ia ke Kula Kiekie Nui o Hawaii, a e ika ia aku ana ma keia hope aku ma ke ano o ke Kula Nui o na Hana Noeau, he kula kiekie nui no na hana naauao ame na keena okoa aku elike me ka mea e kukuluia aku ana i kela ame keia manawa.

 

Pauku 2. O na hana o ke Kula Nui o Hawaii e kaa no malalo o ka hoomalu ana ame ka lawelawe ana a kekahi papa kahu o ehiku lala a o kekahi o lakou o ka peredina o ke kula nui, a oia ke lawelawe ma ke ano he kakauolelo no ka papa, a o ka peresidena o ka papa mahiai ame ululaau o laua na lala aole mana koho, a o kekahi mau lala aku elima e hookohuia e ke Kiaaina o ke Teritore o Hawaii elike me ka mea i hoakakaia ma ke kanawai.  O na kahu he poe lakou e noho ana iloko o ke Teritore o Hawaii, a o na lala i hookokohuia e hookohuia lakou no ka manawa o elima makahiki, a i ole o ke koena o ka manawai pau ole oia mea ma ke ano o ka manawa o kekahi kahu e pau i ka pau ana o ka la kanakolu a Aperila o kela ame keia makahiki.  O na kau e pau ana pela e hoomaka i ka la mua o Mei o kela ame keia makahiki, a o ka manawa o ke kau o na kahu o ke Kula Kiekie Nui o Hawaii o Iune 30, 1919, elike me ko lakou hookohuia ana, e hoomau ia aku no, elike me ke kau o ka hookohuia ana o na kahu o ke Kula Nui o Hawaii, e pau koke no mamua iho o ka la mua o Mei o kela ame keia makahiki o na makahiki elima e hoomaka ana me 1921.

 

Pauku 3. Na ka papa o na kahu ka hoomalu ana ame ka malamaia ana o na hana apau o ke Kula Nui.  E loaa no ia lakou ka mana e hookohu i puuku ame na luna e aku e manaoia ana he kupono, a e koi ia lakou e haawi maiu i bona i ka heluna e manao ia ana e lakou ame ke ano i hoakakaia ma ke kanawai no na luna aupuni.  E loaa no ka mana e kuai, a i ole, e paa i na iana na hale, na pono ame na waiwai e aku no ka pono o ke kula nui a e hoolilo i na heluna dala e loaa aku ana i kela ame keia manawa no ko lakou hoolilo ana no ke kula nui mai na wahi like ole mai.  O na aina apau, na hale, na pono ame na waiwai e ae i kuai ia pela, a i ole, i loaa e lilo no a e koe i waiwai no ke Teritore o Hawaii a e hoohanaia me ka mau no ka pomaikai o ke kula nui.

 

O ka inoa oihana o ka papa o na kahu o ka papa o na kahu Kula Nui o Hawaii, a e koho a e hoohana i sila maa mau malaila e hoomanaia ai na hana pili oihana a lakou apau.

 

Pauku 4. O na haawina dala ame ka manao oia mau hawina i hoomanaia e ke Kanawai a ka Ahaolelo o Amerika i aponoia i Augate 30, 1890, i keia ma ke ano o ke Ka@awai Elua a Morill e hoomaopopo ana no ka haawina ame ka malama ana i na kula kiekie nui no ka pomaikai mahiai ame na hana naauao, ame na kanawai a ka Ahaolelo o Amerika i aponoia i Maraki 2, 1887, ame Maraki 16, 1906, e hoomaopopo ana i mau kahua hoao no na hana mahiai i huiia me na kula kiekie nui o ka oihana mahiai ame na hana naauao, a mamuli o kekahi kanawai okoa, a i ole, mau kanawai a ka Ahaolelo o Amerika e hana ai no ia mau mea like, i loaa mamua akunei ma ka aoao o ke kula kiekie nui o Hawaii, ma keia ke haawi hou ia aku nei ma ka aoao o ke Kula Kiekie Nui o na Hana Noeau ma ke ano oia kekahi hapa ano nui no ke Kula Nui o Hawaii.

 

Pauku 5. O na manao nui o ke kula nui oia no ka haawi ana i na ao paupono ana ame ke alakai ana i ha imi mea pohihihi, a e huli i na mea e alakai ana e naauao ma na oihana mahiai, na hana naauao, na anahonua, na mea pili kalaiaina, ame na mea pili noho kino ana, na olelo, na palapala, na moolelo, na mea pili wehewehe manao, ame na lala hoonaauao e uku i mea e hoopiiia ai ka naauao a ka apapa o na kahu e kauoka ai i kela ame keia manawa, ame ka haawi ana i ke ao oihana koa elike me ka manao o ka papap o na kahu ame ka makemake o ke aupuni federala.  O ke ana ao ana elike no me ka mea e haawiiaa ana a e loaa ana iloko o na kula nui oia ano ma ka aina makua o Amerika Huihuia, a i ka pau pono ana me ka holomua o na mea i ao ia na ka papa o na kahu e hoomana e haawi i na inoa hoohanohano maluna o na haumana apau i kuleana e loaa ia mau mea.

 

Pauku 6. Aole kekahi mea, no kona kulana kane a wahine paha, ili, a i ole lahui e hooneleia i na pomaikai o keia kula.

 

Pauku 7. O na kumukula o ke kula nui e kaa no lakou malalo o ke kuhikuhi ana a ka peresidena a oia mea e hookohuia e ka papa o na kahu a e lilo oia i lalaa me ka mana koho ole.  Na ka papa o na kahu e hookohu i mau pookumu, ame na hoakuka, na lala okoa o na kumukula, ame na poe lawelawe e makemakeia ana no ka hoonee mua ane i na mea i makemake ia no ke kula e hoomaopopo i ko lakou uku ame ka loihi o ka hana ana, kahi oia mau uku ame na kau o ka hana i hoakaka ole ia e ke kanawai o ka Ahaolelo, e hana a e hooko i na rula no ka hoomalu ana i na hoomaha hebedoma me, a i ole, ka uku ole, i kulike me na hana i maa mau ma na kula oia ano ma ka aina makua, me ka nana ole i na kanawai o ke Teritore o Hawaii e pili ana i na hoomaha o na luna ame na poe lawelawe o ke Teritore.

 

Pauku 8. O ka apapa o na kahu ia lakou no ka mana e hoopii ma kona inoa oihana a e lilo i mea hoopii ia mai maluna wale no o na mea i hoomaopopo ia no na hoopii ku-e i ke Teritore o Hawaii.

 

Pauku 9. O na dala i hookaawaleia e ka ahaolelo no ke Kula Nui o Hawaii e ukuia e ka puuku o ke Teritore, maluna o na kikoo dala i hoopukaia e ka lunahooia o ke Teritore, maluna o na bila aie i aponoia e ka papa o na kahu.  O na dalla apau i loaa ma o, a i ole, ma ka aoaoa o ka papa o na kahu, a i ole, o ke kula nui, mawaho ae o na mea i loaa mai ke aupuni mai o Amerika, a i ole, o kekahi aupuni okoa aku, e ukuia aku no iloko o ka waihona puuku o ke Teritore, a oia mau dala apau oia ano ma keia ke hookaawaleia nei no ka hoohanaia aku e ke kula nui.  Na ka papa o na kahu e kauoha e malamaia he mau buke helu, a e hoike mau aku i kela ame keia makahiki i ke kiaaina, a nana e waiho aku i ka haolelo i hoike e hoomaopopo ana i na loaa mai na wahi mai apau, ame na hoolilo apau no na mea apau.

 

Pauku 10.  O na aie apau, na pono, na kuleana, ame na waiwai o na ano apau, a i ole, na mea apau e pili ana i ka papa o na kahu o ke Kula Kiekie Nui o Hawaii, a i ole,m o ke Kula Kiekie Nui of Hawaii, ma keia ke haawaiia aku nei i ka papa kahu o ke Kula Nu o Hawaii ame ke Kula Nui o Hawaii.

 

Pauku 11.  O ka Mokuna 28, pauku 330 ahiki i ka 338, huipuia, o na Kanawai i Hooponoponoia o Hawaii, 1915, ma keia ke hoopauia nei.

 

Pauku 12.  E mana keia Kanawai i lulai 1, 1920.

 

Aponoia i keia la 30 o Aperila, A.D. 1919.

C. J. McCarhty

Kiaaina o ke Teritore o Hawaii.

 

Halawai aha mokupuni ekalesia o oahu o ka hoomana naauao o hawaii.

 

Ko@la, Honolulu, Iune 22, 1919, hora 11 a.m.--Na D.K. Diamond e kohoia i peresidena kuikawa; hoohooia.  Nanan no i waiho mai i ka inoa o ka Rev. J. E. E. Maia i pereidena, a malalo o ka hooholo lokahi ana p na lala o ka aha i akoakoa mai, i hoi @e ai oia @@a k@ noho.

 

Na ka peresidena, e noonoo mai ka aha i kakauolelo kuikawa.  Waiho mai o Josephine Kama i ka inoao Robt. Akana i kakauolelo; ninauia a aponoia.

 

Hoomakaia na hana haipule o ka aha me ka pule a ka peresidena.  Olelo heluhelu ma Halelu 133.  Iwihaiao ma Epeso 4:3.  Himeni ma ka aoao 41, L. H. me ka pule a ka peresidena.  Wae ia ua jkomite o na palapala hookohu, na hoike a na elele, ame hoalohaloha me hoomaikai; oia o Rev. A. Nakea, John Kamana ame Isaac Ahu.  Kokuaia keia mau inoa waeia e ka peresidena, a aponoia.

 

Kaheaia na palapala hookohu o na el@le, a waiho ia ma ka lima o na komite hookohu.  Hoomaha ka aha, a noho hou ma ke kahea a ka peresidena noka haawi ana i manawa no na komite e naua ai i na hookohu; aponoia.

 

Noho hou ka aha i ka hora 11:40 a.m.; heluheluia ka hoike a ke komite hookohu; aponoia.

 

Heluhelu ia na hoike kihapai âme ha'i euanelia, a waihoia ma ka lima o ke komite.

 

Heluheluia na hoike kahunapule euauelio.  Na hoike a Rev. Eliza Kakalia, Rev. D.K. Diamond, Rev. Aki, waihoia ma ka lima o ke komite; hoike a Rev. A. Nakea, waihoia i ke komite.

 

Heluheluia na hoike peresidena apau.  Hoike peresidena ekalesia, Rev. Maia; hoike peresidena euanelia, Mrs. J. Kama, waiho ia i ke komite.

 

Heluheluia na hoike na hoike elele apau.  Hoiike elele ekalesia, Rev. D.K. Diamond; hoike elele kula euanelio, J.K. Kalaau; hoike elele Ahahui Opio, Mrs. H. Kahaleiwi; waihoia i ke komite.

 

Na A. Nakea e hookaawaleia i hookahi la Sabati no na Ha'i Euanelio e haipule ai ma ka halema'i ma puuhale; aponoia, me ka inoa o ka mea nana ke kumuhana i komite no ka hui a@a me ka peresidena o ka Papa Ola.

 

Hoopanee ka aha a noho hou mahope o ka ai ana o na lala o ka aha.

 

Noho hou ka aha i ka hora 2 p.m. me ka himeni ana ma ka aoao 196, L.H., me ka pule a A.I. Bright.

 

Na A. Nakea e noonooia ka uku o ka pulumihale; na A.I. Bright e hoopaneeia ka noonoo ana ia mea a ka wa pono; aponoia.

 

Na A.I. Biright e a'oia na Ha'i Eunaleio e hooikaika i ke a'o ana i na hoahanau i na mea e pili ana i na waiwai hapaumi ame huamua, no ka pono o Kealaula ame na hoahanau; aponoia.

 

Na Eliza Kakaliae kohoia i mau komite ahamele; aponoia.  Na komite, Mrs. Aki, Mrs. Hanakahu ame Mrs. Ahu, a o A. I. Bright ke kokua.

 

Na kahunapule hihia; kapaeia no ka manawa.

 

Kukulu luakini no Kahaua; hoopaneeia.

 

Na ekalesia hemahema; hoopaneeia a Okatoba, 1919.

 

Hapaiia mai ka noonoo ana i ke kulana kahu ame hope kahu o Rev. J.K. Maia ame J.E.K. Maia; hooholo lokahi na lala o ka aha mokupuni e hoomauia aku no ko laua noho ana pela.

 

Hapaiia ka noonoo ana i komite haku kumukanawai; aponoia.  Na komite, Rev. J.E.K. Maia, A.I. Bright, D.K. Diamond.

 

Hoike ke komite malama ola, Eliza Kakalia; aponoia me na hoomaikai.

 

Kohoia ke komite hoeueu, Rev. J.E.K. Maia.

 

Kohoia ua komite ohi dala no ka malama ola o ka paeaina_Rev. E. Kakalia, Mrs. Ahu, Mrs. Kama, Mrs. Hanakahi ame Mrs. Kalaau.

 

Ka loaa lulu o keia aha, $5.50.

 

Hoike kakauolelo: Na loaa, $10, i maheleia penei: Palapala hookohu, $3; lulu elele, $1.50; luluhuikau, $5.50; huina, $10.

 

Na A.I. Bright e unuhiia i $3 na ke alakai himeni; hooholoia.

Wae ka presidena i ke komite malamaola o ka paeaina: Mrs. E. Kakalia, Mrs. Ahu, Mrs, Kama, Mrs. Hanakahi, Mrs. J. Kalaau, Miss M. Kama ame Mrs. E. Akau.

 

Na Mrs. Aki i waiho mai i ka inoa o Mrs. L. Kalaau i elele i ka Aha Paeaina; aponoia.

 

Na olelo paipai mai ia Rev. S.A. Keola, J. Kalaau, Mrs. Hanakahi, Mr. Akana, A.I. Bright, Mrs. Aki ame Rev. D.K. Diamond.

 

Koho luna nui o keia aha-ua inoa i waihoia mai no na oihaua like ole o Kealaula nei, me ke apono lokahi ana a na lala o keia aha, penei:

 

Aha Mokupunui Ekalesia-Peresidena, Rev. J E. K. Maia; hope, Rev. S. A. Keola; kakauolelo, Reobt. Akana; hope, D.K. Diamond; puuku, A.I. Bright; hope, Abr. Hookama.

 

Aha Mokupuni Euanelia-Peresidena, Mrs. I. Hanakahi; kakauolelo, Robt. Akaua; puuku, A. I. Bright.

 

Aha Mokupuni Opio-Peresidena, J. Kalaau: kakauolelo, Robt. Akana; puuku, A.I. Bright.

 

Hapaiia ka noonoo ana i na hoahanau kipi i ke Kahu J.K. Maia ame kona hope.  Na J. Kalaau he papainoa o na hoahanau kipi, i okiia e ka Aha Ekalesia ma ka halawai ekalesia o Iune 15, 1919.

 

Na J. Kalaau e ninau ia ano.  Ninauia a ua hooholo lokahi na lala o ka aha e apono i ke okiia ana o keia mau hoahanau i hoakaka ia ma ka papainoa, mai ka noho hoahanau ana o Kealaula o ka Malamalama.

 

Hapaiia mai ka noonoo ana i na keiki a ka aha.  Na ka peresidena i waiho mai i na inoa i kulike me ke noi a na hoahanau.  Ninauia a apono lokahiia na inoa i waihoia mai i mau keiki na ka aha.

 

Na Mrs. Aki i waiho mai i ka inoa o Mrs. Lu Kalaau i elele no ka aha paeaina; aponoia.

 

Na Mrs. Aki e unuhiia i $3.50 no na hoolilo o ka elele i ka paeaina; aponoia.

 

Na D.K. Diamond e hookuu keia aha a noho hou mai i ke Sabati mua o Iulai, 1919, ma kahi mau; hooholoia.

 

Hookuu ia ka aha me ka himeni 42, L.H. ame ka pule a ka Haku.

Robt. Akana, Kakauolelo.

 

E alahula ana ka lewa mawaena o amerika me europa

Pulham, Iulai 14._O ka hana paa mau ma ka lewa mawaena o Enelani ame Amerika e hala ole ana ka hoea koke mai o ia hopena.  O keia ka wauana a ka Mekia Herbert Scott, ke kapena o ka mokuea Pelekane R-34 i hoea mai ai ainei ma ka hora 6:36 a.m. o ke Sabati, mahope o ka huli hoi ana mai nei mai Amerika mai me ka halawai ole me kekahi ulia o ka hoike ana ae.  Ua leleia mai a ka mokuea ma keia huli hoi ana mai ana kela huakai iloko o 75 mau hora ke hoohalikeia me na hora 108 i koiia no ka hoopau pono ana i ka huaka'i i Amerika.  He ohua, ke Kolonela Hemsley o ka oihana lele i ka lewa a ka oihana kaua Amerika maluna o ka Mokuea R-34.

 

O na huaolelo mau loa a ka Mekia Scott mahope o ka lele ana mai ke R-34 mai, "he makemake makou i ko makou aina kakahiaka,: ua hoole oia i ke kamailio ana mai i kahi mea e pili @na i ka lakou huaka'i a mahope o ka ai mua ana i kekahi mau meaai maikai i loaa ole ia lakou iloko o na la ekolu.  Mahope iho i hoike ae ai oia i ka molelo piha o ka huaka'i lewa maluna aku o ka Moana Atelauika ame ka huli hoi ana mai.

 

"Ua loaa makou i ka makani ikaika mahope mai o makou no na mile mua he 800 a ua leleia keia kowa iloko o na hora aneane e piha ka ewalu.  Mamua o komakou haalele ana aku ia Amerika ua lele poai ae makou maluna o Nu Ioka a ua ike iho no hoi me ka maopopo loa i na ahakanaka makolukolu maluna o ke alanui Broadway ame na alanui e ae o ke kulauakauhale.

 

"Ma ka hema mai o Nupaunalana ua hawali mai la makou me kekahi makani ikaika mamua pono mai, a ua hoemiia mai ko makou mama lele nomua.  Ma keia huli hoi ana mai nei ua leleia e makou mai ka 3000 a i ka 5000 kapuai ke kiekie.  No 25 hora ko makou paa ana i ka noe i kekahi manwa, a iloko o ia paa ana aole nae hookahi kanaka o ke ko-lu i loaa i ka ma'i, oiai nae ka mokuea R-34 e kaiaia ana i o a ianei e ka makani ikaika he 48 mile ka mama lele i ka hora, a oiai he hana paakiki ka hoohuli ana  i ka mokuea nui i o a ianei, ua nee malie no makou me ka oluolu elike me ka maikai o ka lele ana a ka mokuea."

 

Wahi a ka Mekia Scott he iini kona e ike aku i na loli ano nui e pili ana i ka nui ame ka mama lele o na moku @

ma nei mua aku.  "O na mok@@@ @@ nui e lele ana i 70 a 80 mile i ka @@@@ me ka lawa o ka ikaika e lele ai @@@@ o @ekahi maka @@@@@ @@@@@ no ia no ka manawa a e ike @@@@ ana ia mau mokuea e lele ana @@@ ae o ka Moana Atelanika ma @@@@@ aku," wahi ana.

 

Iloko o ka manawa i lele @@@@@ R-34 he 3000 galani ailaea i pa@@ @@@ mau enegini, a ua hoea mai @@@@ me ke koe o ke kaukani gala@@@@@@ ia iloko o kona mau ipu a@la.

 

Ua haawia aku i ka Mekia @@@@ kona kolu o 30 mau kanaka na @@@@ ohaoha ana ma ko lakou manawa @@@@@ mai ai ianei ma ke kakahiaka @@@ nei.  Aneane e pau loa na ka@@@@ kulanakauhale o Pulham i ka @@@@ ho no ka nana ana i ka moku@@@@@@ kokoke mai ana no kona wa@@@ paaia ai, lehulehu wale na ka@@@ na apana mai mawaho i holo @@@@ luna o na kaa otomo@le no @@@@ manaoia e holo koke aku ana @@ Scott no Ladana no ka waiho @@@ kana hoike mamua o ke kuhina @@@ kuea, ka mea nana ua kauoha @@@ ai keia lele ana.

 

Ma ke ano he luna aupuni @@@@@@ ma ka aoao o ke aupuni Am@@@@ ukali pu mai ke Kolonela H@@@@@ R-34 ma keia huaka'i i hoi mai la @@@ pu kekahi e waiho aku ana i @@@@@ imua o kona aupuni ma kona @@@ e hoi aku ai i Amerika.  Ua piha @@@ loa ke kolonela ma ka la aku la @@@ nei no ka holopono o ka lele @@@ mokuea, a ua wauana ae oia.  @@@@@@@ ia a ka Mekia Scott o ka wanana @@@ Amerika ame Europa i alahele a@@@ i na mokuea ma nei mua aku.

Haina Nihau Baibala

Mr. Sol. Hanohano. Aloha @@@@@ oluolu oe e uwila aku i ka'a @@@@ o Kokoiki, N. Kohala, Hawaii.

 

@. Ke hana mau nei n@ a @@i o @@@@ wa ke Akua?

 

Haina: Ae, pela i ha'i maopopo @@@@ ma Ioane 5, pauku 17, penei @@@@ pelaia ia:

 

Olelo mai la o Iesu ia lakou.  @@@@ hana mau nei Ko'u Makua." @@@@@ a ke hana nei no hoi au.

 

Ninau paku'i: O ke Aupuni @@@ Akua, owai la ia?

 

Haina: O ia ke aupuni o ka @@@@@.  E nana Halelu 114, pauku 2: O @@@@ no Kona keena kapu a o Iseraela @@ na aupuni.

 

I Oihanaalii 28:5-A o na keik@@@@@ a'u apau, (no ka mea, ua haawi @@@ ke Akua ia'u i na keikikane he @@@ ua wae mai Oia i kuu keiki ia Solo@@@@ e noho ia maluna o ka nohoalii o @@@@ puni Iehova, maluna o ka @@@@.

 

II OIhanaalii 13:8-Ano, ke @@@@ nei oukou e hooikaika ku@@ mai i @@ aupuni o Iehova.

 

E nana Pukaana 19:63: E lilo @@@@ oukou i aupuni kahunapula No@@@@ (Iehova).

 

Hooiaio ana: Mataio 21:43: N@@@ ke olelo aku nei au ia oukou, e la@@@@ ana ke aupuni o ke Akua mai @@@@ kou mai, a e haawiia aku i ka @@@@ kauaka, nana e hua mai i ka h@@.

 

Ninau paku'i elua: O Iehova, @@@@ ia la? "O Iehova, oia noo "Owaa M@@Loa aku no," oia no, "Owau @@@ OIa no o "Ke Akua o na kupuna @@@@ Iseraela," "Ke Akua o A@@@@@@." "Ke Akua o Isaaka," a o " Ke @@@@ o Iakoba.\

 

E nana, Pukaaua 3:4, 6, 14 am@@@@@.

 

Ninau paku'i 3.  He mea pono @@@ pule kakou penei: E Iehoba, ke @@@ mau loa?

 

Ae; i kulike ai me ka Iehova @@@@ponoi ia Mose ma Pukaana 3:15, @@@@@ I mai la ke Akua (Iehova) ia @@@. "Owau la ke Akua (Iehova) ia @@@@ hoi Oia (Iehova) ia Mose no: @@ kau e olelo aku ai i ua mamo a Israela: "Owau mau," oia ka i @@ mai ia'u (Mose) i o oukau nei.

Daniel K. Hoolapa

Halawa, Ewa, Oahu, Iulai 4, @@@@

 

Hoohoku hau la mai la

Ma ka la 27 o ka mahina @@@ hookohu hou ia mai ai o Mr. P@@@ mano Sr., keiki o ka Hale Kukui @@@ o Hawaii nei, e ke poonui o ka @@@@ kukui ma ke ano he keeper no ka @@@ kukui o Makahuena Pt. L. S. K@@ Kauai, a ma ka la 3 o keia ma@@@@ haalele aku ai oia i ka halekukui @@@ lauea, ka mea nana i hookaulana @@@ iaia, ma na kai ewalu o Hawaii @@@ kiahoomanau poina ole, no na kau.

 

Nolaila, ke haawi aku nei keia @@@ peni i kona mahalo a nui loa @@@@ Sam A. Amalu, keeper Kilauea @@@Light Station, a pela pu no hoi @@lede ia haawina hookahi, no ka mau mea maikai apau i hana @@@ no'u, oiai au e noho hana ana m@@@ o laua, no ka makahiki hookahi. Makua ma ka lani e hooloihi i k@@@@ ma la, na keika ka olua moop@@@ ha nui, ia haawina hookahiu a @@@@ kakou iloko o ke aloha puni ol@@@ kakou Haku.

 

Me ka Lunahooponopono ko'u @@@@ nui ame na keiki oniu hua kepaa papapa'i ko'u adieu.

Peter Kamano @@

Makahuena Light Station, K@@@

Kauai.