Ka Nupepa Kuokoa, Volume LVII, Number 25, 20 June 1919 — E HOONOHO AE ANA I POE HOU MA KONA KEENA. [ARTICLE]

E HOONOHO AE ANA I POE HOU MA KONA KEENA.

I kulike ai me na hoolala ana a ka Lunakanawai Heen, ma kona manawa e lawe ae ai i ke kulana loio kalana, e hului pau ae ana oia i ka poe apau e noho hana nei maloko o kela 'keena, a hoopiha aku i ko lakou mau makalua me kana poe e hookohu aku ai. No kana inau kakauolelo a kakaupokole, e lawe mai ana oia ih Claus L. Roberts ame Mra. Eva R. Hart, kana mfiu kakauolelo no oloko o ka aha kaapuni no ka noho hana ana maloko o kona keena. Oiai ua wae ae oia i kona mau kokua ekahi ame elua, he hookahi kulana i k<fe i hoopiha ole ia, o isl ke kokua loio kalana ekolu, noloko o ka aha hoomalu. He nui ka poe i hoike ae i 'ko lakou mau manao, no ka hookohu aku o ka Lunakanawai Heen ia Noa Aluli ma kela kulana, aka nae ma ka olelo a Mr. Aluli, aole oia he mea noi no kela •kulana, ua nui no kana mau hana o kona keena loio', e alualu ole aku ai oia i ieekahi oihana aupuni. O ka Loio W. J. Sheldon kekahi mea kupono i manaoia ma kela kulana, eia nae ua kanalua keka'hi poe no kona kupono, no 'ka mea ina e hookohu mai ana ka Lunakanawai Heen iaia i kokua nona,- maloko o ka aha hoomalu, a hoopuka mai hoi ka aha kiekie i kana olelo hooholo, no kona kohoia ana i hoa no ka papa lunakiai, alaila o 'ke komo hou ana aku ia, iloko o na hoohauhili ana, e lilo ai i mea haua nui mahope akn. Ma na ano apau ke nana aku iloko o keia mau la, e hului pau a3tu ana ka Lunakanawai' Heen i ka poe e noho hana nei maloko o ke keena oJ*a loio kalana i leeia manawa, me ka wae ana ae i kana poe ponoi i manaoio ai, ina o lakou la, e hoea mai ai i ka wa e hookoia aku ai na hana apau o kona keena me ka pololei.

Mahope koke iho 0 ke 'kohoia ana o ka Lunakanawai Heen i loio kalana, ua •hoouna aku oia he kelekalapa i Wakinekona, no kona waiho ana i ka noho lunakanawai, aole nae i loaa iki mai ka pane ahiki i keia manawa, a ina pela iho la. ka loaa ole mai o ka pane ahiki i ka la 1 0 lulai ae nei, alaila aole e hiki aua iaia ke lawe ae i ka :hoohiki oihana no kona kulana. hou i kohoia ai, ma ia ano i kulike ai me ke kanawai, e hoomau aku ana no 0 A. M. Brown i ka paa ana i ka oihana ahiki i ka hookupono ia ana 0 ka Lunakanawai Heen, koe wale no, a haalele maoli aku oia i ka noho lunakatiawai, me ke kauka'i ole aku a loaa mai ke aponoia.