Ka Nupepa Kuokoa, Volume LVII, Number 22, 30 Mei 1919 — E KOHO ME KA NOONOO AKAHELE [ARTICLE]

E KOHO ME KA NOONOO AKAHELE

He nui na olelo kipehi o kela ame keia ano, e hoalaia mai nei, i wahi e koho ku-e aku ai na mana koho i na moho kupono, a ke lawelaweia mai nei na ano kalaiaina o ke ano haahaa, no ka lanakila 0 na moho, i hopohopo loa ia ko lakou lanakila ; nolaila ua ili mai h'e nana nui a ko'iko'i nau e ka mana koho, ke kaana ana i ka mea pono au e hana aku ai, mamua o kou haawi ana aku i kou baloka. . Aia he mau ninau lehulehu, e pono ai, e kukuluia mai, ma ka wae ana ae i na moho e holo nei ma ke kahua mokomoko. No na makahiki eha me ka hapa, e i>opnoo ka, mēa mana koho, e koho i na kanaka akea o ka noonoo, na kanaka i piha ke poo me ka noonoo, no ke pailaka ana aku i ka moku kulanakauhale, no ka hoea aku i ka puu oioina, e ikeia aku ai na loli ano nui ma Honolulu nei. Aia he mau moho e holo nei i loaa ka ike i na mana koho, no ke ano oka lakou mau hana; aia no ho.i he mau moho hou loa. akahi no a alualu i na kulana a lakou i inakemake ai; ua maopopo i na mana koho kekahi mahele o ke ola ana o keia poe kanaka, ua noho pouliuli no hoi i na moolelo o kekahi poe, he hookahi nae mea nui, o na kanaka 1 ikeia ko lakou mau moolelo maqmae a maikai, o na kanaka ia e pono ai e haawiia na kakoo ana, aole ma kekahi ano e ae. No na makahiki eha me ka hapa okoa, a kakou kakali aku ai, mamua o ka hoea hou ana mai, o ia kau koho baloka kalana; a i makepono ai ka uku mahina a ka ahaoJelo i kau ai, no kela ame keia pqo oihana, e hoonoho aku i na kanaka makaukau a maka'u ole, i na kanaka, i hoike okoa ae ai no ko lakou makaukau, e paio aku i ko lakou hoa, ma ke ana iliwai o ke kupono. Mamua o ke koho ana aku i na moho ma ka la 3 ae nei o lune, e kau mai i na moho no ke kulana meia ma ka oukou kaupaona ana, a ina ua ko'iko'i kekahi, a ua mama hoi kona hoa paio. he kumu kupono ia no ke koho ana aku i kekahi moho ma kona kulana makaukau, no ka mea, aia kekahi huina dala mahuahua e holo aku ana iloko o ko lakou mau lima, no ka hoohana ana i ke aupuni o ka lehulehu, a i na hana hoi i pili aku i ko ka lehulehu mau pono. Ina ua manao ka poe koho baloka, ua kuf>ono ole loa ka poe e noho mai nei e hoohana i na dala o ka lehulehu, e kapae aku ia lakou, o ko oukou kuleana ia, pela hoi ke koho ana i ka poe hou, e hooholo ma ke ano o na moho, aole ma ko lakou aoao kalaiaina. .