Ka Nupepa Kuokoa, Volume LVII, Number 22, 30 Mei 1919 — Page 7
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
ahewaia ana, e hoopa'iia e uku i ke dala e emi malalo o hookaha haneri dala ($100.00) no kela ame ofeni."
PAUKU 4. E mana keia. Kanawai a e hoohanaia mai a mahope aku o ka la o kona aponoia ana.
Aponoia i kela ia 19 o Aperila, A. D. 1919.
C. J. McCARTHY
Kiaaina o ke Teritore o Hawaii
KANAWAI 92
[B. H. Helu 313]
HE KANAWAI E HOOKAAWALE ANA I HAAWINA KUIKAWA NO KA UKU ANA AKU IA ANTONIO PERRY AME W. H. PEERS
E Hooholoia e ka Ahaolelo o ke Teritore O Hawaii:
PAUKU 1. Ma keia ke hanaia nei a ke hookaawaleia nei ka heluna o kanaiwa-kumamahiku dala ($97.00) no ka uku ana aku, mailoko ae o na dala iloko o ka waihona puuku e loaa mai ana mi na loaa laula mai o ke Teritore, ma ke ano he uku ia Antonio Perry ame W. H. Beers no na dala i ukuia e laua no kekahi hapa o na hoolilo i loaa mamuli o ka hoihoiia ana mai o ke kino o James H. Boyd i hala aku, i Honolulu nei, mai Waimea mai, Hawaii; o ka James H. Boyd i oleloia ia manawa o kona make ana e lawelawe hana ana no ke keena o na aina aupuni, a e lawelawe ana ma ia kulana ma ka ahahookolokolokolo kaapuni ekolu ma ka aoao o ke Teritore o Hawaii ma kekahi hihia a A.W. Carter, Kahuwaiwai, vs. Ka Teritore o Hawaii.
PAUKU 2. E mana keia Kanawai i kona aponoia ana.
Aponoia i keia la 19 o Aperila, A. D. 1919.
C. J. McCARTHY,
Kiaaina o ke Teritore o Hawaii.
KANAWAI 93.
[B. H. Helu 325.]
HE KANAWAI E HOOKAAWALE ANA I KEKAHI HAAWINA KUIKAWA NO KA UKU ANA I KEKAHI MAU KOI I KE TERITORE O HAWAII I ULU AE MAMUA AKU O IUNE 30, 1917.
E Hooholoia e ka Ahaolelo o ke Teritore o Hawaii:
PAUKU 1. O na heluna dala malalo nei i hiki aku i ka hookahi tausani kanakolu-kumamakahi me 77/100 dala ($1,031.77) ma keia ke hookaawaleia nei a e ukuia aku mai na dala e loaa ana iloko o ka waihona puuku o ke Teritore o Hawaii mai na loaa laula mai no ka uku ana aku i na koi i ke Teritore malalo iho nei:
KAKAUOLELO O KE TERITORE
Patten Company, Ltd……………………$ 4.30
Marconi Wireless Telegraph Co………….. 21.83
KEENA O KA PAPA OLA.
Hawaiian Gazette Co., Ltd………………. 6.25
Maui Publishing Co., Ltd……………….. 6.00
Maui Publishing Co., Ltd……………….. 11.00
Maui Publishing Co., Ltd……………….. 7.00
Hawaii Telephone Co…………………… 10.05
Territory Stables……………………… 2.00
Standard Oil Co………………………. 111.94
Metropolitan Meat Market………………. 13.28
Hawaii Telephone Co…………………… 4.65
W. W. Dimond & Co…………………… 2.40
Hawaii Telephone Co…………………… 3.90
Allen & Robinson, Ltd………………….. 41.01
Allen & Robinson, Ltd………………….. 352.77
Standard Oil Co………………………. 310.52
Standard Oil Co………………………. 22.25
Standard Oil Co………………………. 10.50
Standard Oil Co………………………. 30.00
Standard Oil Co………………………. 39.50
Hawaiian Electric Co., Ltd………………. 6.00
T. H. Daves & Co., Ltd………………… 9.17
California Feed Co…………………….. 5.45
PAUKU 2. Aole ka lunahooia e hoopuka i palapala kikoo dala no ka uku ana i kekahi o na heluna dala maluna ae koe wale no ua waihoia mai na likiliki no ka loaa piha ana aku o na dala i hoikeia. i kakauia e ka mea koi, a i ole, e kona hope ma ke kanawai no kona waiwai, a i ole, ma na hope la i hookohuia. a ua aponoia ia mea e ke poo o ke keena malalo olaila i hookomoia ai ia ikamu.
PAUKU 3. O na haawina i hookaawaleia malalo o keia kanawai e pau no iʻka la 30 o Iune, A. D. 1919.
PAUKU 4. E mana no keia Kanawai i ka la o kona aponoia ana.
Aponoia i keia la 19 o Aperila, A. D. 1919.
C. J. McCARTHY,
Kiaaina o ke Teritore o Hawaii.
KANAWAI 94.
HE KANAWAI E HOOMAOPOPO ANA I HAAWINA PAKUʻI O EWALU HANERI DALA ($800.00) NO KE KULA AʻO KUMU O KE TERITORE NO NA MAKAHIKI ELUA MAI IANUARI 1, 1918, AHIKI DEKEMABA 31, 1919.
E Hooloia e ka Ahaolelo o ke Teritore o Hawaii:
PAUKU 1. O ka heluna o ewalu haneri dala ($800.00) ma keia ke hookaawaleia nei mai na loaa laula ae o ke Teritore ma ke ano he haawina pakuʻi no ka malama ana i ke kula aʻo kumu o ke teritore mo koena aku o ka manwa o na makahiki elua mai Januari 1, 1918, ahiki i Dekemaba 31, 1919.
PAUKU 2. O ka heluna o ewalu haneri dala ($800.00) i hookaawaleia ma keia kanawai e hookomoia aku no iloko o ka auhau o 1920 a e ukuia aku i ka waihona laula o ke Teritore i ka manawa e ohiia ai.
PAUKU 3. E mana no keia Kanawai i kona aponoia ana.
Aponoia i keia la 19 o Aperila, A. D. 1919
C. J. McCARTHY
Kiaaina o ke Teritore o Hawaii.
KANAWAI 95.
[B. H. Helu 340.]
HE KANAWAI E HOOKAAWALE ANA I KA HELUNA O EHIKU HANERI KANAHIKU-KUMAMAONO ME 65/100 DALA ($775.65) NO KA UKU ANA I KEKAHI MAU NOI I KE KEENA HOONAAUAO O KA LEHULEHU.
E Hooloia e ka Ahaolelo o ke Teritore o Hawaii:
PAUKU 1. O ka heluna o ehiku haneri me kanahiku-kumaono ame 65/100 dala ($775.65) ma keia ke hookaawaleia nei mai na loaa laula ae o ka Teritore no ka uku ana i na koi malalo iho nei i ke keena hoonaauao o ke Teritore o Hawaii:
(1) Koi a ke Kulanakauhale ame Kalana o Honolulu no ka wai i hoolawaia aku i ke kula Aʻo Kumu o ke Teritore………$735.45
(2) Koi a Moses Stationary Company no na pono kakau i hoolawai…………… 41.20
_______
$776.65
PAUKU 2. O ka heluna o ehiku haneri kanahiku-kumamaono ame 65/100 dala ($776.65) i hookaawaleia ma keia e hookomoia no iloko o ka auhau o 1920 a e uku houia aku i ka waihona laula o ke Teritore i ka ohiia ana.
PAUKU 3. E mana no keia Kanawai i kona aponoia ana.
Aponoia ia keia la 19 o Aperila, A. D. 1919.
C. J. McCARTHY
Kiaaina o ke Teritore o Hawaii.
KANAWAI 96.
[H. B. Helu 353.]
HE KANAWAI 5 HOOKAAWALe ANA I KA HELUNA O EKOLU HANERI UMI-KUMAKOLU AME 35/100 DALA ($313.35) NO KA UKU ANA I KEKAHI MAU KOI I KE TERITORE O HAWAII I LOAA MAMUA AKU O IULAI 1, 1917.
E Hooholoia e ka Ahaolelo o ke Teritore O Hawaii:
PAUKU 1. O ka heluna o ekolu haneri umi-kumakolu me 35/100 dala ($313.35) ma keia ke hookaawaleia nei mai na loaa laula ae o ke Teritore no ka uka ana aku i na koi malalo iho nei i ke Teritore o Hawaii loaa mamuli o na aie a ka Makai Kiekie o ke Teritore no na mea e pili ana i ka Halepaahao ma Oahu mamua aku o Iulai 1, 1917:
(1) Inter-Island Steam Navigation Co., Ltd.,
(Iune, 1917) ……………………$ 48.76
(2) Theo. H. Davies & Co., Ltd., (Mei ame
Iune, 1917 …………………….. 264.59 _
_______
$313.35
PAUKU 2. E mana keia Kanawai i kona aponoia ana Aponoia i kei la 19 o Aperila. A. D. 1919.
C. J. McCARTHY Kiaaina o ke Teritore o Hawaii.
KANAWAI 97
[B. S. Helu 108.]
HE KANAWAI E HOOKAAWALE ANA I HAAWINA DALA NO KA MALAMA ANA I KA PIUA ANA O NA MAKAHIKI HE HOOKAHI HANERI O KA MAKE ANA O KAMEHAMEHA.
E Hooholoia e ka Ahaolelo o ke Teritore o Hawaii:
PAUKU 1. Ma keia ke hookaawaleia nei he haawina dala mailoko ae o na loaa laula o ke Teritore o Hawaii ka heluna o eiwa tausani dala ($9,000.00) no ka uka ana i na hoolilo o ka malama ana me ke kupono i ka piha ana hookahi haneri makahiki o ka make ana o Kamehameha I, ka Naʻi Aupuni o na Paemoku Hawaii.
PAUKU 2. E hookohu no ke kiaaina i elima (5) poe i kulike me na hoakaka a ka Pauku 80 o ke Kanawai Kumu, hookahi o lakou i lunahoomalu, a o lakou ke komisina e ikeia ke "Komisina Hookahi Haneri Makahiki o ka Make ana o Kamehameha."
PAUKU 3. Na keia komisina e lawe i ke keehina kupono no ka hoomanao ana i ka la make i oleloia maloko o Honolulu, Kulanakauhale ame Kalana o Honolulu, ma la 11 o Iune, 1919, a iloko o na la mamua koke iho a mahope koke iho paha a lakou a e manao ai he kupono.
PAUKU 4. O na dala apau e hooliloia ana mai keia haawina au mamuli no ia o na palapala kikoo dala i hoopukaia e ka lunahooia maluna o na bila aie i aponoia e ka lunahoomalu o ke komisina i oleloia.
PAUKU 5. E mana no keia Kanawai i kona aponoia ana.
Aponoia i keia la 19 o Aperila, A. D. 1919.
C. J. McCARTHY
Kiaaiana o ke Teritore o Hawaii.
KANAWAI 98.
[B. S. Helu 166.]
HE KANAWAI E HOOLOLI ANA I KA HAPA-PAUKU 6 O KA PAUKU 30 O NA KANAWAI i HOOPONOPONOIA O HAWAII,, 1915, E PILI ANA I NA PALAPALA KAKAUINOA MALALO O KE KANAWAI KOHO MOHO.
E Hooholoia e ka Ahaolelo o ke Teritore o Hawaii:
PAUKU 1. O ka Hapa-Pauku 6 o ka Pauku 6 o ka Pauku 30 o na Kanawai i Hooponoponoia o Hawaii, 1915, ma keia ke hoololiia nei i heluhelu ai penei:
6. O na palapala kakauinoa no na moho no kekahi lala o ka ahaolelo ame kekahi keena o ke kalana e kakauinoaia e kekahi poe mana koho baloka aole e emi iho malalo o umi-kumamalima o ka apana. a i ole, kalana paha, a i ole, mahele paha o ia wahi nolaila mai ia mea e weia ana i moho ; koe nae iloko o ke Kalana o Kauai o ka palapala kakauinoa no na moho no keena lunakiau e kakauinoaia e kakahi poe aole e emi iho malalo o umikumamalima a aole e oi aku mamua o iwakalua-kumamalima o ia poe mana koho."
PAUKU 2. E mana keia Kanawai mai a mahope aku o ka la o kona aponoia ana.
Aponoia i keia la 19 o Aperila, A.D. 1919.
C. J. McCARTHY
Kiaaiana o ke Teritore o Hawaii.
HE LAAU E OLA AI NA REPUBALIKA POOPEHU.
Lunahooponopono o ke kookoa puka La; Aloha kaoa: -E ae mai ia'u e haha aku i ka puuwai o kuu mau hoa Repubalika i pehu ae nei na poo no ko lakou puka ole ana ma keia kau wae moho i hala iho la, a pela no hoi na luna hooikaika o na moho i haule. I keia mau la, ke loheia nei na manao o kekahi mau moho o ka eono Demoka rata mamuli wale no o ke ko ole ana o ko lakou makemake. E Mr. Lunahooponopono, ke makemake nei keia makapeni e ninau aku i ua poe Repubalika poopehu la. Ua hoomaopopo anei lakou i na mea e hoea mai ana ma keia mua iho ke hoonau lakou i na noonoo nonohua? Ina aole, alaila, e heluhelu iho keia a hoomaopopo.
1. He eha makahiki me ka hapa ka manawa o na luna aupuni e kohoia aku ana a lanakila ma ka la 3 ae nei o Iune. He loihi loa ia manawa e kakali aku ai, a iua e malama ua Repubalika ia mau madao nonohua, huhu a lilili mamuli o ko lakou haule ana, a haule ana paha o ka lakou mau moho i kakoo ai, e lilo ana i kekahi aoao ka noho mana ana iloko o ia mau makahiki loihi; eia ka ninau: Ina oe he Repubalika oiaio, hoihoi no anei kou lunaikehala ke ike aku i ka poe o ka aoao okoa e rula mai ana ia oe Aole paha. A in a aole, he hookahi no au hana kupono, o ke kako i na moho i lauakila, a kaoni malie iho i na manao nonhua.
2. U amakemake anei oe e kaa ka lanakila i na Demokarata ma keia mua aku, mai ka ahaolelo kuloko a i ka elele i Wakiekona? O keia ka hiohiona maopopo loa e hoea mai ana ke malama na Repubalika i na manao huhu a nonohua no ke ko ole ana o ka makemake o kekahi auna. He mea oiaio he nui kakou na uana iloko o ka puulu hookahi, aka, nae elike me na rula maamau iloko o na aha naauao, o ka olelo hooholo a ka hapanui ua mana ia. Ua hana iho nei kakou a ua loaa ae nei ka olelo hooholo; aole anei o ka mea e noho mau mai ai ka maluhia ame ka nohoua hoaloha o ia no ke ku ana a kakoo i ka hapanui.
Eia ka olelo kaulana ke aai nei, a e aai mau ana a hoea loa aku i ka palena o keia ao. O ka hale i mokua haua iaia iho, aole ia e mau. A in a he mea oiaio keia i hiki ole ke alo ia ae, alaila, heaha aku aua ka hopena ma keia mua aku Eia no:
(a) Noho mana na Demokarata ma ke Kulanakauhale a Kalana o Oahu nei no eha makahiki ame hapa.
(b) Hookahua paaia ka mikini kalaiaina Demokarata, elike me ka mikini naueua ole a Chas Rose e paa nei: a e lilo ana ia i mea paakiki nau e Repubalika poopehu ame a'u Repubalika poopehu ole e wawahi aku ai no na kau e hoea mai au.
© O ka hookahua paaia ana o ka mikini kalaiaina Demokarata, o ka lilo ana aku ia o ka mana hooke, ka mana hookolokolo me ka mana kau kanawai iloko o na lima on a Demokarata, a auhea oe e Repubalika. E wawalu wale aku ana no paha oe mawaho. I keia manawa, o ka mana hooko ame ka mana hookookolo, ua lilo aku i na lima o na Demokarata, oiai, ua kaa aku ia mana iloko o na lima o ka Peresidena Demokarata, a o kahi mana kau kanawai ka i koe mai iloko o kakou na Repubalika. Makemake anei kakou na Repubalika e lilo aku keia wahi mana i koe iloko o ko kakou mau lima.
Ina o ia ka makemake, alaila e poopehu like kakou. Huki oe, huki au, a hookahi ko kakou papapau pu ana heaa ko ka hale, a paa i ka laau hamohamo he aa ka maka. (d) O ka hookahua paaia ana o ka mikini kalaiaina Demokarata, o ka lua- kupapa'u ia o Jonah Kuhio Kalaniana- ole a o Likana Eliwai Jta elele o keia mua aku. 0 kalii moali i koe nana c paa' nei ia hanohano iloko ou e ke kanaka Repubalika a Hawaii, kahi hanohano elele 'lahui, a hoohemaheina oe e ka Repubalika - a malama i na manao nonohua, akahi ka hoi ka mea aloha o kalii hanohano i koe iho ia oe, e ke kanaka Hawaii. Ua lawe ia kou hae; ua lawe ia kou aupuni; o ka mana ma ka pahu baloka o kahi mana ia i koe iho ia oe; ina o keia ka manawa nou e haawi aku ai i ka ilipuakea ia hanohano a ia mana, liaawiia aku a mai kuhi i ka heya ia ha'i. (e) O kekahi o na loina kalaiaina a na Demokarata, he pepehi i na liann hooholomua o -ka aina. K ninau mai anfl, paha oukou, pehea la i loaa ai ia'u keia mea au e w T alaau nei? Eia no ia: O ke kahua hana o ka aoao Demokarata makua he "Free Trade," a o ka manao o keia he "Panailike Laula." O ka Panailike Laula, o ke kahua ia oo ka aoao Demokarata, a o ka pilikia nui i ikeia ma Amerika i ka hooponopono aupuni a na Demokarata malalo o Presidena Kilivilana. Iaia i ikeia ai ka pololi o na ohana Amerika, oiai e komo mai ana na waiwai o na aina e me ke dute ole, e hoopilikia ana i na hana hooholomua kuloko o ka aina. E ninau mai ana paha oukou ia'u, heaha ka pili o keia i na hana kuloko o Hawaii nei? Eia no: Aole anei oukou i ike a hoomaopopo i na hana e hanaia nei i keia manawa no ke umiapuaa ana i na mahiko o Hawaii nei Iua e haawi ana kakou, e na Repubalika i ka mana iloko o na lima o na Demokarata, mamuli o ke poopehu, he mea maopopo loa e hoihoi ia ana na mahiko o Hawaii nei malalo o ka papa Public Utility, o ka mauao o ia e kaa aku ka hooponopono ana o na mahiko malalo o kekahi papa o ka lehulehu. Aia ihea ka mahiko o ka lehulehu ma Hawaii nei Hiki anei i kekahi mea ke kuhikuhi mai ia'u aia ma o, a aia maenei he mahiko no ka lehulehu Heaha ke kuleana o ka lehulehu e kuhikuhi aku ai e hana mai oe penei a penei ae i kekahi kanaka e imi waiwai na nona iho. O keia no nae ka mea e hoea mai ana ke kaa aku ua mahiko malalo o ka papa o ka lehulehu. E ae ana anei ka poe kakaikahi i hookomo i ka lakou mau dala ma ia hana o ka aina e rula ia aku lakou e ka poe i kuleana ole iloko o ka lakou mau hana imi waiwai? Aole. Ua like no ia me keia: Nau ka hana, he mau limahana.
NA MARE
Iong Mau Hang ia Mary Crowell, Apr. 26.
Henry Keawe ia Mananui Kaka, May 16.
Alex MeAngus ia Dora Bred Hopkins, May 17.
NA HANAU
Na Joseph Joaquin ame Margaret Cook he keikikane Apr. 10.
Na D. Kalauokalani ame Magaret Ryan he keikikane May 6.
Na William Aua ame Mary Ahi he kaikamahine May 12.
Na David Kamai ame Josephine Eassy he kaikamahine May 12.
Na Robert Hew Len ame Maryan Opulauoho he keikikane May 13.
Na Wm, Ah Sing ame Margaret Kahanu he kaikamahine May 16.
Na Wm, Harbottle ame Maraea Keauhou he keikikane May 16.
Na Joseph G. Silva Jr. ame Henneta Rasmussen he kaikamahine May 18.
Na Antone Louis ame Hamau Wahiahe kaikamahine May 17
Na Aberahama Keaulana ame Mary Mahi he kaikamahine May 18.
NA MAKE
Peter Kalei, ma ka Home Leahi May 8.
Ed N. Kawaihalau, ma ke Alanui Hustace, May 8.
Mary Kaleikini, ma ka Haleina'i Moiwahine May 9.
Esther Makanui, ma ke Alanui kula May 10.
Mary Apia Ahana, ma ke Alanui kula May 11.
A. Y. Davis, ma ke Alanui Alapai May 11.
He bebe na Sarah Kanae, ma ka Home Kapiolani May 11.
Kaahanui K. Apua, ma ke keiki ana o Makiki, May 12.
Esther Maka, ma ka Home Leahi, May 12.
Sam Palama, ma ke Alanui Luso May 16.
Sam Kaaua, ma ke Alanui Kuku May 16.
He bebe na Wm. Ah Sing, ma ke Alanui Alapai, May 16.
He bebe na Antone Louis, ma ke Alanui Liliha May 17.
Sam Kanoa ma ka Halema'i Moiwahine May 17. He bebe na Abraham Kekaulana ma ke Alanui Pua May 18.
David Hueu Hoopauhala, ma Makiki May 19.
INAMONA
Ihea e hulali launa ole ai ka hao? I Ulakoheo, elike penei: He pahee he pakika na hao la, He hulali launa ole ma la.
Kaehu A, ihea la hoi e Piilua na ili i ka mahu? I Ulakoheo no hoi, elike me nei: Nani wale no Ulakoheo la, Na ili piilua i ka mahu la. -Kaehu
I ka wa hea e lil ai ka ilio i alii? Aia a olelo ke alii penei: Owai la hoi ke kahu o nei ilio, oiai o ke ana wale no ka mea noho kahu ia. Kamaa opili.
kou, e ae ana anei oe e uku aku i kekahi mea i hana ole noue? Aoie E uku ana oe i ka limahana i hana mai nou. O ka papa o ka lehulehu (Paoho Utility) e kaa ana malalo on a ka hooponopono aua, alaila, e paa ana ka poe waiwai i ka lakou mau dala mai ka hoohana ana aku e loaa ai ka pomaikai ia lakou. oiai, e kaa ana ia mau hooponopono ana malalo o Kekahi papa hoopilikia i ko lakou mau pono pili kuloko iho. E hoomanao, e na Hawaii, aole i manalo na olelo kaulana a Pilipo i ohio ai: " O ke kuikahi panailike, o ka hoohui aina no ia." Ua ko ia mau olelo i keia la. Ke uwalo nei hoi keia ma kapeni: O ka " Panailike Laula, malalo o ka aahu "Public Utility." o koulua kupapa'u ia e ka kanaka limahana.
Nolaila, e na Repubalika poopehu: na Lane poonui: na Cohen nukapinu: na Ahia pekapeka ame na Duncan au waepuu, a i makemake oukou i molia i ko oukou ikaika apau, aole a oukou e noho mana ka aoao a oukou i molia ai i ko oukou ikaika apau, aole a oukou i molia ai ko oukou ikaika apau, aole a oukou hana kaulana e ae, o ka hoi wale no a iloko o ka puulu hookahi. Kapae i na manao niania; na manao nohohua; na pekapeka, na holoholo olelo; na akiaki; na nukupuu ame na auwaepuu. Mai kahe oukou, e na kakoo o Lane, pela na koko Cohen, Ahia ame Daneari no ka haule ana o ka oukou mau moho, a no kamea, o kakou no ka i kukupa'o iho nei i ke kula loa, a no ko Crabbe ikaika holo no lilo iaia ka have o ka lauakila.
He Dunean keia makapeni, aka ua hala ka ua ka mea maka'u: a eia hoi ka olelo a ke kanaka o ke Akua: " Ke hoopoina nei au i na mea omua, no ka lanakila o na moho o keia aoao, mai ia Crabbe, ka moho meia, na moho o ka papa o na lunakiai, ke Kakauolelo Kalauokalani ame kuu moho Loio Kalaua A. M. Brown.
Kou no a mau,
SIMEON K. NAWAA.