Ka Nupepa Kuokoa, Volume LVII, Number 22, 30 Mei 1919 — Page 6
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NA HANA A KA AHAHUI KE'A
ULAULA MA RUSIA
TOKIO. May 7.--- O ka hoolaha e pili ana i ka haalele ana aku o1500 a oi Czecho Solvak koa i hoehaia a i loaa i ka maʻi a laweia mai Siberia mai, he mau koa e hoihoiia aku ana no ko lakou mau home maloko o Slovakia e ka @hahui Keʻa Ulauia Amerika maluna o na moku lawekoa Pelekane ka i hoopuka kokeia ae nei. E kaa ana malalo o ka ke Kapena John Reifaneider o ke koui@ina Siberia o ka ahahui keʻa uluula, he kanaka koikoi no ka lahui e maloko o Tokio a i lawelawe hoi i na hana a ka ahahui keʻa ulaula maloko o Siberia mai ka manawa mai o ke komo ana mai o Amerika iloko o ke kaua, a hoomalu ame ka hoomakaukau ana no ka hoihoi ana aku ia mau koa poino.
Aia ma kalii o ka aneane i ka 5000 mau koa Cgechs maʻi, ai hoehaia e i e kaua maloko o na halemaʻi lehulehu a ka ahahui Keʻa Ulaula i nei manawa, mawaho ae oia 700 mau koa eha a mai hou i hoihoiia mai Siberia a mai Iapana aku.
He ehiku ka nui o na halemaʻi e L@welaweia nei e ka hahui Keʻa Ulaula maloko o Siberia elike me ia ma@alo nei: Ma Tumen 500 mau moe: Ma Omsk. 1000; Lomsk, 250; ma Eka@rinburg, 400; ma Cheliabinsk, 500: ma Petro paviovsk, 400; Kurgan, 400. @ keia mau halemaʻi a pau e piha mau ana i na manawa a pau, aole o Leia @ale ka ha@a a ka Ahahui Keʻa Ulaula e nana ai aka. ua malama pu aka ia i kekahi mau keiki 2000 ka nui i hoonohoia aku maloko o kekahi mau hale mawaena o Tumen ame Kur@an.
@ia une, aneane e hooholoia e hoo@an ka hana ana a ka Ahahui Keʻa Ulaula i kana hana ana maloko o Siberia, no na kumu maikai no i ikeia o ka poe ia lakou ka hookele ana i na hana. O ke kumu i hoikeia mai o ka mea hiki wale no i na Amerika ke hana i nei manawa oia ke kiola iho Hoko o ka pakeke a oiai ua nele i ke @ala e hiki ai ke hoolaula aku i ka hana ana o na maanei ua manao lakou @oi ae ka maikai aole e hana aku i kekahi hana mamua o ka hana liilii ana. Iʻa hoomaopopoia o keia ka manao i hoounaia aku i Kakinekona e ka Meia Simmons, ke komisina a ka ahaha. Keʻa Ulaula i holo aku ai i Siberia no ka nana aua i na mea i hanaia malaila.
Ma keia hana a ka Ahahui Keʻa I laula ke hahai nei ia mahope o ka Pelekane Ahahui Keʻa Ulaula alahele a ua lilo ka Pelekane hana i kumu hoohalike, oiai ua hoopau ia i kana @ana ana maloko o Siberia a ua komo mai kekahi mau kanaka a ia Ahahui Pelekane me na Amerika ma ke ano kokua.
O na kanaka e hana nei maloko o ka halemaʻi ma Lurmen no ka Ahahui Keʻa Ulaula mua lakou a na Pelekane a ua hui pu ae uae me na Amerika.
E noho aku ana ka Ahahui Amerika ma Siberia ahiki i ka pau ana o ke kauwela ame ka haulehau a malia, o noho iki aku paha a pau ka hooilo. a@a @ae @o kaukai ana i ko lakou noho loiki iki aku maluna o ka mea e kauohaia aku ana e hana i na koa Amerika maloko o Siberia.
Ua hooholoia. oiai mae, aole ia he @auolha mai ke kuhina kaua mai i hoo@ohuia ae ua na koa Amerika e kiai ana i ka hapakomohana a hiki i ka Moanawai Baikalaa. a na ua koa Pelekane ame Palani e kiai i ke koena aku o ka laina ahiki i na Mauna Urala. Na na Amerika ame na koa Pake i huiia e kiai i ka hapa hikina loa o Kina, me ka waiho ana na na Kepani e kiai aku i ka laina o ka Maliwai Amur, he hooponopono i apono he ia e na aliikoa Kepani, o lakou ka i hoike ae i ko lakou manao e kauoha ana o na pualikoa Kepani e paa ana ma ka hapa hikina o Kina e haawiia @lo o ka hoomalu ana a kekahi Kenerala Kepani.
Ua hooholo pu ia, oiai nae aole i hoolaha ia ae i nei manawa, e hoohaikiia mai na palena e kiaiia ai ke alanui ha@ahi Siberia. E hoomaluia e na pualikoa ka laina kaaahi he 10 mile ke akea a he elima mile ka loa ma kela a ma kei@ aoao, a ma ka oleloia ua ae na lahui a pau i keia.
PAAIA NA PUALIKOA AMERIKA
MA COBLENCE
COBLENCE. May 26.---Ke hooma kaukau nei na luna aupuni o ka oihana kaua no ke kana ina no ka hoole mai o na hele kuka maluhia kuikahi Kelemania i ke kakauinoa ana i na kumu aelike kuikahi i waihoia aku ai ia lakou e ka ahakuka a na aupuni Huiia.
O kekahi o noa keehinahana e laweia ana e na Amerika ua loaa mai ka lono no ia mea ma ka la i nehinei. oia no ka hoopaneeia aha o na hookuu ana i na mahele eha ame elima mai ka pualikoa nui Ekolu aku. ua hoolahaia mai ke keena oihana kaua ae ua paaia ka hookuu ana aku i na mahele elua mamuli o ka maopopo ole o ka loaa o ka moluhia.
Nohea ka "Ua Palahipuaa?"
Haina: No Kona, penei:
o Palahipua a ka "ua" o Kona.
Na Honolii.
MA KE KAUOHA
Na Kanawai Ahaolelo Kau
o 1919
KANAWAI 86.
[B.S. Helu 190.]
HE KANAWAI E HOOMAOPOPO ANA NO KA NOII ANA AME KA HOIKE ANA MAI NO KEKAHI HANA LAULA NO KE KUKULU ANA I KEKAHI MAU PALE WAI MA NA KAPA O KA MULIWAI O WAIPIO, KALANA O HAWAII, AME NA HOOLILO NO IA HANA, A E HOOKAAWALE ANA I KA HELUNA O ELIMA HANERI DALA ($5,000.00) NO KA UKU ANA I NA HOOLILO OIA NOII AME HOIKE.
E Hooholoia e ka Ahaolelo o ke Teritore o Hawaii:
PAUKU 1. O ka Lunanui o na Hana Hou ame ke Komisina o na Aina Aupuni o ke Teritore o Hawaii ma keia ke hoomanaia aku nei a ke kuhikuhi ia aku nei e hana like in a e hiki ana, me ka Ahahui Hookahewai o Hawaii, Kaupalenaia, ame na Kahu Malama Waiwai o ka Halehoikeike o Bihopa, e noii, imi, a e hoike mai maluna o ke ano o na kapa o ka muliwai Waipio maloko o ke Kalana o Hawaii i ke kulana i keia manawa a no keia mua aku no na mea e pili ana i na waikahe o ia muliwai, ame ke ano oia mau waikahe maluna o na aina e pili ana, ke kupono ame na hoolilo no ke kukulu ana i mau palewai ma na kapa o ka muliwai i oleloia no ka hoopaa ana aku i na wai e holo pololei ma ua muliwai la i ka manawa o na waikahe, ka hapa o na hoolilo i oleloia e pono e ukuia e ka Ahahui Hookahewai o Hawaii. Kaupalenaia, ame ka hapa a na Kahu Malama Waiwai o ka Halehoikeike o Bihopa e auamo ai, in a he mea hiki, ka nui o ka hana, ka waiwaiio, ke ano, ame na poe on a o na aina e pili mai ana a e loaa ana na hoopakele ana mamuli o keia palewai, ame ka hoike ana mai i na mea i loaa ia lakou maluna o keia mau mea i keia kau aku o ka Ahaolelo o ke Teritore e hiki mai ana.
PAUKU 2. O ka heluna o elima haneri dala ($500.00) ma keia ke hookaawaleia nei mai na loaa ae o ka lehulehu o ke Teritore no ka uku ana aku i na hoolilo a ka lunanui o na hana hou ame ke komisina o na aina aupuni e hoohana aku ai no na mea i hoomanaia ma keia Kanawai.
PAUKU 3. E mana keia Kanawai i kona aponoia ana.
Aponoia i keia la 15 o Aperila, A. D. 1919.
C.J. McCARTHY,
Kiaaina o ke Teritore o Hawaii.
KANAWAI 87.
[B.S. Helu 198.]
HE KANAWAI E HOOMAOPOPO ANA NO KA NOII AME KA HOIKE ANA MAI MALUNA O KA UI O NA LILO NO KE KUKULU ANA I MAU PONO HANA KUKUI-UWILA AME KA HOONUI ANA AE I NA PONO WAI O KALAUPAPA, MOLOKAI, AME KA HOOKAAWALE ANA I KA HELUNA O ELUA TAUSANI ELIMA HANERI DALA ($2,500.00) NO KA UKU ANA I NA HOOLILO NO IA NOII ANA AME KA HOIKE.
E Hooholoia e ka Ahaolelo o ke Teritore o Hawaii:
PAUKU 1. O ka lunanui o na hana hou ame ka lunanui o na hana imi wai ame ka enekinia o ke Teritore o Hawaii ma keia ke hoomanaia aku nei ake kuhikuhiia aku nei e uoii, imi, a e hoike mai maluna o ka nui o na lilo no ke kukulu ana i kekahi pono hana kukui-uwila no ka hoolawa ana ia Kalaupapa, Molokai me ka uwila no ka hoomalamalama ana ame ka ikaika hoohana ana: a e imi pu no hoi i ka nui o na hoolilo no ka hoonui ana ae i na pono wai o Kalaupapa, me na hoolilo no ke kukulu ana i mau lua wai no ka hoolawa ana i wai e kinai ai i na pau ahi ma ia wahi ame ka hoolawa ana i wai no na hana mahiai no na poe e noho ana ma ia panalaau ame ka hoike ana mai i na mea e loaa ana ia lakou maluna oia mau mea i keia noho hou ana mai o ka ahaolelo o ke Teritore.
PAUKU 2. O ka heluna o elua tausani elima haneri dala ($2,500.00) ma keia ke hookaawaleia nei mailoko ae o na loaa laula o ke Teritore o Hawaii no ka uku ana i na hoolilo a ka lunanui o na hana aupuni ame ke poo o ka oihana ana wai e hoolilo aku ai no keia mau hana i hoomanaia ma keia Kanawai.
PAUKU 3. E mana keia Kanawai i kona aponoia ana.
Aponoia i keia la 15 o Aperila, A.D. 1919.
C.J. McCARTHY
Kiaaina o ke Teritore o Hawaii.
KANAWAI 88.
[B.S. Helu 27.]
HE KANAWAI E HOOLOLI ANA I KA PAUKU 2221 O NA KANAWAI I HOOPONOPONOIA O HAWAII, 1915, ELIKE ME IA I HOOLOLIIA, E PILI ANA I NA KOMISINA O NA HANA I HOIHOIIA MALALO O KA HOOPONOPONOIA ANA A KE AUPUNI.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2221 o na Kanawai i Hooponoponoia o Hawaii, 1915, elike me ia i hoololiia, ma keia ke hoololi hou ia aku nei i heluhelu ai penei:
"Pauku 2221. Heluna, hookohu ana, o na komisina. Ua kukuluia he komisina no na hana i hoihoiia malalo o ka malu o ke aupuni o ekolu lala, a e kapaia lakou na komisina a e hookohuia lakou elike me ka hoakaka a ka Pauku 80 o ke Kanawai Kumu no ka manawa o ekolu makahiki, a i ole, o ke koena o ia manawa, i hiki ai ka manawa o hookahi o lakou e pau i ka la kanakolu o Iune iloko o kela mae keia makahiki e hoomaka ana i ka makahiki 1914; aka no nae, aole kekahi lala o keia komisina he luna aupuni i ukuia, a i ole, he mea e lawelawe hana ana me ke Teritore, a i ole, me kekahi mahele o ke Teritore. Hookahi o kona mau lala e hookohuia i lunahoomalu no ke komisina. E loaa i kela ame keia lala o ia komisina ka uku o umi dala ($10.00) no ka la hookahi, oiai e lawelawe ana i kana hana ma ke ano he komisina, ame na hoo@ilo kaahele kupono ame na hoolilo e ae e ulu mai ana i ke kaahele ana no ka hooko ana i na hana, aka no nae, aole kekahi lala o keia komisina e ohi a oi aku mamua o hookahi tausani dala ($1,000.00) ma ke ano uku no na hana i lawelaweia iloko o kela ame keia makahiki. Aole kekahi mea e noho on a ana i kekahi mau kea, a i ole, bona o kekahi oihana i hoihoi ia malalo o ka malu o ke aupuni, a i ole i loaa kekahi kuleana a i ole, e loaa ana kekahi uku mai kekahi mai o keia mau oihana e hookohuia, a i ole, e paa ana a i ole, e hoohanaia e keia komisina."
PAUKU 2. E mana keia Kanawai mai a mahope aku o ka la 1 o Julai, 1919.
Aponoia i keia la 16 o Aperila, A.D. 1919.
C.J. McCARTHY,
Kiaaina o ke Teritore o Hawaii.
KANAWAI 89.
[B.S. Helu 22.]
HE KANAWAI E PUL@ ANA I NA KULA MALOKO O KE KULANA KAUHALE AME KALANA O HONOLULU, A E HOOMAOPOPO ANA @ ANA AUUAU HOU NO NA HANA HOU E PILI ANA IA MEA.
E Hooholoia e ka Ahaolelo o ke Teritore o Hawaii:
PAUKU 1. I pakuʻi hou aku maluna o na dala apau i hookaawaleia mamua aku nei, a i ole, i haawiia ma ke ano haawina no ua hale hou, na pakuʻi, na hoomaemae hou ana ame na lako pono hale kula iloko o ke Kulanakauhale ame Kalana o Honolulu ma keia ke hoomanaia aku nei ka lunahelu o ka mahele auhau ekahi, a ke kauohaia aku nei a ke kuhikuhi ia aku nei e hoonui ae i ke ana auhau no ka auhau ana aku i na waiwai paa ame lewa maloko o ke Kulanakauhale ame Kalana o Honolulu i loaa ai i loko o ka makahiki 1920, ka heluna o hookahi haneri me kanahiku tausani dala ($170,000.00) , a o ia mau dala e hoonui aku ana i na heluna dala apau i loaa no ia mau hana, a i ole, no ia mau kumuhana a e hookaawaleia no keia mau mea malalo iho nei:
1. Na waihona hou. Halekula Kiekie McKinley,
na hale hou ame na mea e pili ana ame ke kahua hou me kekahi
kahua paani . . . . . . . . . . . . . . . . . . . . . . . . .$ 79,000.00
2. Hoomaemae hou, ka halekula e ku nei,
Kula Kiekie McKinely . . . . . . . . . . . . . . 10,000.00
3. Ponohale âme na lakohale, halekula hou,
Kula Kiekie McKinely . . . . . . . . . . . . . . 5,000.00
4. Kumukuai kahua hou ame ka hoomakaukau
ana ia mau kahua no ka halekula
hou o ke Kula Kiekie McKinely. 60,000.00
5. Ponohale . . . . . . . . . . . . . . . . . . . . . . . . 6,500.00
6. Na pulumihale âme na lako . . . . . . . . . . 6,000.00
7. Hoomaemae ana âme malama ana . . . . . 3,500.00
__________
$170,000.00
PAUKU 2. O ke komisina o na aina aupuni ma keia ke hoomanaia nei, hookuleanaia a ke kuhikuhiia aku nei e kuai koke me ka h@kiwawe, ai ole, e hoopii imua o ke kanawai ma ka inoa o ke Teritore o Hawaii no ka lawe ana mai, elike me@ia i hoakakaia@ma ka Mokuna 48 o na Kanawai i Hooponoponoia o Hawaii 1915, elike me na lawelawe kanawai ana la a ka lunanui o na lana hou, i kekahi aina nui kupono e huli ana aole i emi iho malalo o 600 kapuai ma kekahi alanui nui, e hiki ai e hoolawa kupono no ke kukulu ana i halekula hou no ke Kula Kiekie McKinley, i kekahi ala heiheiwawae nui elike me ka maamau a e hoo@uni ana i kekahi kahua kinipopo pekuwawae ame kinipopo, hale no ka poe e nana aku ana, ame na pono kahua hooikaika kino e ae i maa mau i ka hoolawaia no na halekula kiekie a oia kah@a ame ke kulana e kuhikuhiia e ka papa o na lunakiai o ke Ku@nakauhale ame Kalana o Honolulu aka e hoapono mua ia e kalunanui o ka oihana hoonaauao o ka lehulehu ame ke Kiaaina o @ Teritore o Hawaii. A i mea e loaa ai ka haawina no ia kua ana hoopii kanawai ana ame ka hoomemae ana i ka aina o ke @omisina o na aina aupuni, me ke apono ana o ke Kiaaina o ke Teritore o Hawaii, ma keia ke hoomanaia aku nei e haawi mu@ aku mai na dala i loaa mai a i ole e loaa aku ana mai na kua ana o na aina aupuni, i huipuia me na aina kukulu hale, aka e hookoe ana i na aina kupono no na aina hookuonoono ho@e maloko nei o ke Teritore o Hawaii. ai ole. e hoohana aku i k@kahi mau waihona e haawi mua ia aku ana e ka papa o na lun@kiai mailoko ae o na dala iloko o ka waihona o ke kulanakauhal@ ame kalana, aka, ma na haawi mua ana apau o ia ano a hiki i k@ heluna o kanaona tausani dala ($60,000.00) elike me ia i hoakaka mua ia ae nai no ke kuai ana i kahua hale ame ka hoomakaukau ana i ke kahua hou no ka halekula hou o ke Kula Kiekie McKinley.
PAUKU 3. O ka papa o na lunakiai i ole loia ma keia ke hoomanaia nei e hana koke e hookaawale i haawina dala a e hoolile no na kumu i hoakakaia maluna ae nei, ka heluna piha elike me ia i hoakakaia maluna ae nei me ka hui pu ana aku i na heluna apau i hookaawaleia mamua aku nei no ia hana, ame ka ho@ko ana i na aie e ulu mai ana mamuli o ia hoohana koke ana al@ ma ia aelike ma keia ke hoomanaia nei ka papa o na lunak@i i ka manawa e ulu mai ai ka hookoia ana o keia mau mea e hoihoi aku i kekahi heluna nui kupono no ka waihona kula kukawa ma ke ano he haawi mua mai na dala apau e waiho ana m@ ka waihona laula, ai ole, kuikawa paha o ke kulanakau hale a@e kalana, a o ia haawi mua ana e uku hou ia aku no iloko o ia waihona, a i ole, mau waihona mai laila mai i laweia mai ai ia mau dala i haawi mua ia a mai ka waihona kula mai o na auhau kuikawa i hoakakaia e ka Pauku 1 o keia Kanawai. A oia mau waihona no ke Kula Kiekie McKinley i hookaawaleia maloko nei, a i ole, e hookaawaleia aku ana, a i ole, e hoakakaia aku ana, elilo no ia i waihona hoomau no ia hana a aole e hooliloia ma ke ano he hooemi ana iho i ke ana auhau malalo o ke kau o 1920-1921 ame kona haawina no ke kumu ua pau ole paha ia mau dala i ka hooliloia, a i ole, hana aelikeia paha i ka manawa i hookumuia ai ia mau ana auhau.
PAUKU 4. E mana keia Kanawai i kona aponoia ana.
Aponoia i keia la 19 o Aperila, A.D. 1919.
C.J. McCARTHY,
Kiaaina o ke Teritore o Hawaii.
KANAWAI 90.
[B.H. Helu 89.]
HE KANAWAI E HOOKAAWALE ANA I KEKAHI HAAWINA KUIKAWA NO KA UKU ANA AKU IA HERBERT A. WADE.
E Hooholoia e ka Ahaolelo o ke Teritore o Hawaii:
PAUKU 1. O ka heluna o eono haneri kanaha-kumalua me 35/100 dala ($642.35) ma keia ke hookaawaleia nei no ka uku ana aku ia Herbert A. Wade. no ka heluna dala i paaia mailoko ae o kona uku ma ke ano he kumupoo no ke Kula Kiekie o Haiku ma Haiku. Maui, mawaena o ka la mua o Sepatemaba. 1916 ahiki a e hui pu ana ma ke la kanakolu-kumamaakahi o Augate, 1917.
PAUKU 2. O ka heluna dala i oleloia o eono haneri kanaha-kumamalua me 35/100 dala ($642.35) i hookaawaleia ma keia e ukuia aku no mailoko ae o na dala apau iloko o ka waihona puuku i kaawale no ka uku ana aku i na uku o na kumukula o na kula aupuni.
PAUKU 3. E mana keia Kanawai i kona aponoia ana.
Aponoia i keia la 19 o Aperila, A.D. 1919.
C.J. McCARTHY,
Kiaaina o ke Teritore o Hawaii.
KANAWAI 91.
[B.H. HELU 165.]
HE KANAWAI E HOOLOLI ANA I KA MOKUNA 126 O NA KANAWAI I HOOPONOPONOIA O HAWAII, 1915, ELIKE ME IA I HOOLOLIIA AI E KE KANAWAI 6 O NA KANAWAI O KE KAU J 1917, MA KA HOOLOLI ANA I KA PAUKU 2212A, AME KA PAUKU HOU ANA AKU I ELUA MAU PAUKU HOU E IKEIA NA PAUKU 2212B AME 2212C, E PILI ANA I NA KAUPAONA AME NA ANA KAUMAHA.
E hooholoia e ka Ahaolelo o ke Teritore o Hawaii:
PAUKU 1. O ka Pauku 2212A o ka Mokuna 126 o na Kanawai i Hooponoponoia o Hawaii, 1915, elike me ia i hoololiia ai e ke Kanawai 6 o na Kanawai o ke Kau 1917, ma keia ke hoololiia nei i heluhelu ai penei:
"Pauku 2212A. Hooiaio ana. O ka makainui o kela ame keia kalana ame kulanakauhale ame kalana, a i ole, o kekahi mea lawelawe iloko o kona keena i hookohuia aku he hope no ke kokua ana eʻhooko i na hana ma ke ano he luna nana no na kaupaona ame na ana kaumaha no ia kulanakauhale ame kalana, a i ole, kalana paha, e hopu lawe wale, hao wawahi, a i ole, e hoolilo aku ma ke kuai i na kaupaona, na ana me na ana kaumaha iloko o ia kulanakauhale ame kalana, a i ole, e hoolilo aku ana i kekahi mau mea kuai, lako, huaai na mea ulu, a i ole, o na mea kuai apau, e loaa aku ana, a i ka hoaoia ana, aole i kulike me ka maamau i ikeia o ia mau ana.
"O na loaa apau o ia mau hoolilo ana ma ke kuai e kekahi luna aupuni e ukuia aku e ia luna iloko o ka waihona puuku o ke kulanakauhale ame kalana, a i ole, kalana paha iloko olaila ia mau kaupaona, ana kaumaha, a i ole, ana i lawe wale ia, hao ia, a i ole, i hooliloia.
"O na kaupaona, na ana ame na anakaumaha apau iloko o ia kulanakauhale ame kalana, a i ole, kalana paha e hoohanaia ana e na poe no ke kuai ana mai ame ke kuai ana aku i kekahi mau mea pono kuai, na waiwai, na huaai, na mea ulu, a i ole, na mea e ae no ke kuai, e loaa aku ana, a i ka hoaoia ana, ua ikeia aole e hiki e hanaia a kupono me na ana maamau e wawahiia."
PAUKU 2. Ma keia ke pakuʻiia aku nei he pauku hou i ka Mokuna 126 o na Kanawai i Hooponoponoia o Hawaii, 1915, elike me ia i hoololiia ai e ke Kanawai 6 o na Kanawai o ke Kau o 1917, a e ikeia o ka Pauku 2212B, a o ua pauku la e heluhelu penei:
"Pauku 2212B. E lilo no i hana na keia ame keia mea hui, a i ole, ahahui i hoohuiia e hoolilo ana ma ke kuai i kekahi kaupaona ana, a i ole, anakaumaha iloko o kekahi kulanakauhale ame kalana, a i ole, kalana paha, mamua aku o ka hoolilo ana aku ma ke kuai i kekahi o ia mau kaupaona, ana a i ole, anakaumaha i na poe aku mawaho, hui, a i ole, ahahui i hoohuiia e kuai ana i na mea ai, pono hana, waiwai, huaai, mea ulu, a i ole, na mea kuai e ae o na ano like ole, e koi aku i ka makainui o ia kulanakauhale ame kalana, a i ole, kalana paha e lawe ae ia kaupaona, ana, a i ole, anakaumaha, a e hoaoia kona pololei."
PAUKU 3. Ma keia ke pakuʻiia aku nei he pauku hou i ka Mokuna 126 o na Kanawai i Hooponoponoia o Hawaii, 1915, elike me ia i hoololiia ai e ke Kanawai 6 o na Kanawai o ke Kau o 1917, a e ikeia o ka Pauku 2212C, a e heluhelu ana ua pauku la penei:
Pauku 2212C. O kela ame keia mea, hui, a i ole, ahahui i hoohoiia e ku-e ana i na hoakaka a keia Pauku 2212B, i kona