Ka Nupepa Kuokoa, Volume LVII, Number 19, 9 May 1919 — Ka Lunakanawai Heen ame A'u [ARTICLE+ILLUSTRATION]

Ka Lunakanawai Heen ame A'u

Ke hooia aku nei au me ka hauoli nui i na ano kupono maoli 0 kuu hoaloha, ka Lunakanawai Heen, 110 ka oihana Loio Kulanakauhale a Kalana o Honolulu. Eia nae, ke hoike aku nei au ua like no ko'u kupono me kona, no kela oihana. He manao laula ke pahola nei maloko o Honolulu, e pono no e hanaia kekahi hoololi, o ka ninau nae, owau ana anei, a i ole, o ka Lunakanawai Heen paha ke waeia ae ma kahi o Mr. Brown. Makemake au i ka* poe koho haloka Hawaii e noonoo akahele 1 ka hanohano e kau aku ana maluna o lakou ma o. ka hoonoho mau ana aku i kekahi o ko lakou lahui' maluna o kn noho o ka aha hookolokolo kaapuni, kahi, malia, ma kekahi manawa kokoke e hiki mai ana e hookiekieia ae ana oia i lunakanawai no ka aha kiekie. O Lunakanawai Heen wale no ke kanaka oka lahui Hawaii i nei manawa e noho nei ma kekahi o ko kakou mau aha hookolokolo kiekie. He kumu kupono anei kekahi e laweia mai ai oia mailaila mai, a ma ia hana ana e hooneleia ana oukou me kekahi kanaka kupono no kekahi o na aha kiekie? Aole o ka Lunakanawai Heen wale no ke kanaka kupono e paio aku ai me Mr. Brown, a i ole, lawelawe aku paha i na hana o ia oihana ina e kohoia.- E pono oukou e ike iho ua like no ko'u kupono no ia oihana me kona ma na ano apau. Nolaila, eia ko'u manao, e waiho aku oukou i ka Lunakanawai Heen ma kona kulana hanohano e paa nei, a e haawi mai i ko oukou mau haloka ia'u ma ke ano, owau ka oukou moho no ke kulana Loio Kulanakauhale a Kalana o Honolulu. CLARENCEW. ASHFORD. (AKEPOKA).