Ka Nupepa Kuokoa, Volume LVII, Number 19, 9 Mei 1919 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ua makemakeia I poe kupono

Hoko o ka hooponopono aupuni Kulanakauhale @ Kalana o Honolulu nei, no keia mau makahiki @ha me ka hapa e nee aku nei, ua konoia mai na mana koho o ka Mokupuni o Oahu nei, e noonoo me ke akahele loa, me ka lakou wae ana ame ke koho ana. I ka poe na lakou e hookele ke aupuni @oko o keia mau makahiki loihi, no ka mea aua ili @ho maluna o lakou ke ko'iko'i, o ka imi ana aku i @n alahele apau e hookomo ole ia ai ke aupuni @oko o ka poino, ae lilo ai hoi na makahiki loihi @akou e noho ai, i mau makahiki, e ike maopopo @ ai ka lakou mau hana, no ka pono ame ka po@aikai kaulike o ka lehulehu.

            O ke kanaka e noho ana ma ke poo o ke aupuni @ulanakauhale, he kanaka oia i loaa na noonoo @kea. Me ka ike ame ka naauao ma ka hookele ana @ ke aupuni ma na hana hooholomua apau; e makee @na hoi i ke kulana hoomkaulii, a hoolilo ole ia @ na dala o ka lehulehu, ma na hana uhauha, e ili aku ai ke ko'iko'i o ka auamo ana i ka uku ana ia @nau hoolilo maluna o ka poe uku auhau o keia @alana.

            O ke kanaka e pono ai e noho ae ma ke poo o ke aupuni Kulanakauhale a Kalana o Honolulu nei, makaainana apau me ka nana ole ma ka papa ame ke kulana o na makaainana; a oiai he nui a lehulehu wale na moho e alualu nei no ke kulana meiama keia kau wae moho e hoea mai ana, ua hiku ia @ukou e na mana koho, ke wae ae i ka oukau kamaka i manao ai ua kupono no kela kulana, no ka mea. aole oukou i malihini i ko lakou mau ano @akahi apau.

            O na hoa o ka papa lunakiai kekahi kulana ano nui loa. e akahele ai na mana koho i ka wae ana @ na moho. e manao iho ai paha kekahi poe he hana maalahi wale no ka lilo ana i hoa no kela papa, a @e hana hiki loa ka olelo ana no ka maa@hi o ka hana, aka i ka wa nae e hoea i'o mai ai i ka hoko ana aku i ua hana nai, ia wa auanei e @keia ai. aole ia he mea liilii, aka he hana nui a ko'iko;i i hiki ole i ka mea uuku o ka ike ame ka makaukau.

            No na maka hiki eha a oi e hoea mai ana, aia ma@alo o ka hoohana ana a ka papa o na lunakiai, na miliona dala mahuahua; e loaa na manao makee @oko o na hoa o kela papa, no ka puunauwe like ia @ kela mau dala elike me ka mahele kupono, no kela ame keia apana iho, in a i pili i na alanui, a mau hana hou paha; a e hooliloia aku hoi no kekahi mau hana e ae o ka lehulehu ma ke ana kaulike. aole hoi o ka nana wale ia no o na apana i noho nui ia e ka poe kuonoono, a hoohemahemaia aku na apana i nohoia e ka poe ilihune, oiai nae, @e poe uku auhau no lakou apau, i kulenana i ko lakou mahele.

            O kekahi pilikia nui, i ikeia no ka papa lunakiai @ke Kulanakauhale a Kalana o honolulu nei, o ia ke kohoia ana o na hoa o kela papa, mai kekahi wahi hookahi mai, a nele aku la kekahi mau apana, me ka mea ole nana e hooikaika a e makaala i ka pono o kela amau apana, 'iloko o ka papa; he kumu Lupono keia, e noonooia e na mana koho, ma ka wae ana ae i na moho lunakiai, ma keia kau wae moho o kakou.

            Ua nui a lehulehu na moho o na aoao kalaiaina kuloko o kakou e alualu nei, e waeia ae i mau moho. no ka papa o na lunakiai, he poe kekahi i hiki @a no ke ikeia aku ko lakou mau ano kupono, ma o ka lakou mau hana, i lawelawe ai; a he poe kekahi i ike ole ia ka lakou mau hana; a oiai ua ko noia aku no hoa o ka papa lunakiai, e hoohana i ka @o@o o ko lakou poo, ma na mea apau i ku i ka pono, @loaa he pow o kela ano, ke noho i'o ae ma ka papa lunakiai. aole i poe punihei wale, a i poe hiki ke alakai wale ia, e hana aku. i na mea a konalunaikehala i apono ole ai.

            Haule mai hoi i ke keena o ka loio kalana, o keia kekahi keena, ano nui loa, a ko'iko'i iloko o na kalana o kakaou, aia maluna o ka hokua o ka mea e noho ana ma kela kulana. ke ko'iko'i o ka haawi ana i na a'o kanawai, e komo ole ai ke aupuni iloko o ka poino.

            Ua hoomaopopo kakou i ka aneane loa ana o na hoa o ka papa lunakiai o kei kulanakauhale, e komo iloko o ka pilikia hookah, i loa ai i na lunakiai o ke Kalana o Hawaii, mamuli o na a'o kanawai hemahema a lalau mai ke keena aku o ka loio kalana maanei, he mea ano nui keia, a kakou a na mana koho e noonoo ai; no ka mea o na a'o hewa, me na manao kanawai pololei ole, o na hoa o ka papa ke auamo ana i na ko'iko'i o na ahewaia, in a na ku-e i ke kanawai ka lakou lawelawe hana ana, @ole maluna o ka mea nana i kauoha aku ia lakou e hana: nolaila e loaa i kanaka makaukau kanawai ma kela wahi, a i kanaka maka'u ole, a hoopilimea ai ole.

            He ekolu mau moho e alualu nei no keia kulana. he elua mau moho Demokrata, a he hookahi Repubalika ; na ke ano o ka kakou koho ana i keia mau moho. e hoike mai i ko kakou makee i'o i mea kupono ma kela wahi ame ka ole.

            Ua like no na kulana oihana e ae, ma keia ana like. e pono i poe kupono ma ia oihana. i poe e hooko ana i ka lakou mau hana me ka pololei, in a ua ikeia ko lakou kupono ole, e kapae ae ia lakou, a hoonoho aku i poe hou, i poe hiki ke auia aku na hilina'i ana no ko lakou lilo i poe kauwa hoopono na ka lehulehu.

            KE KULANA O NA HOA AHA OLELO E HOLO MOHO NEI

            No ke alualu ana i ka kulana lunakiai no ka papa o ke Kulanakauhale a Kaalana o Honolulu nei, he okolu mau hoa oloko o ko kakou ahaolelo kuloko, e holo moho nei, no ka waeia ae ma ka aoao Demokarata iloko o keia kau wae moho e hoea mai ana, oia o Senatoa Pacheco, na Lunamakaainana Kumalae ame Ahuna; a i kulike ai me ka manao kanawai o ka Loio Kuhina Irwin, aole e hiki ia lakou ke noho i hoa no ka papa luna kiai, in a no ke kohoia i hoa no kela papa.

            O ka pololei a pololei ole o kela manao kanawai i hoakakaia ae e ke keena o ka loio kuhina he hana ia e oili mai ana ma keia hope aku; o ka mea nui a kakou e nana aku ai, o ia no keia:

            I ka waiho ana ae o Senatoa Pacheco i kona inoa he moho ma ka aoao Demokarata e alualu ana i ke kulana lunakiai ua waiho aku oia imua o ka loio kuhina i ka ninau, no kona manao kanawai, no kona hiki ke holo ame ka ole, aiai he noa oia noloko o ko kakou ahaolelo kuloko.  No keia ninau i hoouna ae ai ka loio kuhina i ka ninau, no kona manao kanawai, no kona hiki ke holo ame ka ole, oiai he hoa oia noloko o ko kakou ahaolelo kuloko.  No keia ninau i hoouna ae ai ka loio kuhina i kona manao kanawai, e hoakaka ana, aole e hiki i kekahi hoa oloko o ka ahaolelo ke lilo i hoa no ka papa, oiai oia e noho ana no kona kau i pau ole o ka ahaolelo. He Demokarata ka Loio Kuhina Irwin, he mau moho Demokarata hoi keia mau hoa oloko o ka ahaolelo, o ka mea apiki nae, aole i hooloheia aku kela a'o ana a ka loio kuhina, no ka mea, ke ku nei no keia mau moho, me ka imi ana aku i ko lakou lanakila ma ka pahu boloka, ma keia kau koho wae moho e hoea mai ana.

            Ma kahi o ke Kanawai Kumu e pili ana i ka lawe ana o na hoa o ka ahaolelo i elua mau hana, i ka manawa hookahi, penei no ke ano nui:

            "Aole e hiki i kekahi hoa o ka ahaolelo ke paa i elua oihana o ke Teritore."  Ke olelo nei keia mau moho no lakou ka manao kanawai a ka loio kuhina Demokarat i hoakaka mai ai imua o na moho Demokarata, ua kupono ole loa ko lakou holo ana, a in a e kohoia ana i mea waiwai ole; he kahua malaelae ko lakou e holo ai, no ka mea o ke kulana luna kiai, he oihana ia malalo o ke kulanakauhale, ua kaawale loa mai ka mea i koiia mai e ke Kanawai Kumu. i mau oihana no ke Teritore.

            Ua hooholoia ke Kanawai Kumu no keia Teritore, i ka manawa aole he aupuni kalana a kulana kauhale ma Hawaii nei; a o ka oili ana ae o ke au puni kalana me kulanakauhale mailoko ae o ke Teritore, he keiki ia i hanau ae na ke teritore, aole nona iho, a e hoomaluia ana e na kanawai o ke Teritore, a ma kekahi olelo ana ae hoi, aole i like ko laua ku kaawale ana kekahi mai kekahi mai, elike me ke aupuni federala ame ke aupuni Teritore.

            Ma ka ninau e pili ana i ke kulana holo moho o Kauka Raymond, no ke kulana elele lahui i Wakinekona, ua hoakaka mua ke keena o ka loio kuhina, no ka hiki ole iaia ke holo moho elele, me kona paa no i ke kulana lunakiai, no ke Kalana o Maui, nolaila ua konoia oia e waiho aku i ke kulana luna kiai; o ia manao kanawai hookahi no keia, i pili i keia mau hoa o ka ahaolelo kuloko; o ka mea kupaianaha, mahope iho o ka hoolei ana i ke kulana lunakiai, elike me ia i koiia aku ai, i ka manao kanawai, o ia ka hoopaakiki ana, me ke pale ae i ke a'o o ka loio kuhina o ko lakou aoao kalaiaina hookhi.

            Ina paha i waiho ole ia aku he ninau o kela ano, e holo no lakou ahiki i ka lilo ana i mau hoa no ka papa lunakiai, a na ka aoao i haule, e hoala mai i ka nunau, a e hookomo aku paha i ka hoopii kanawai, no ko lakou kupono ole, he oi loa aku ia o ka pono, aole o keia hoopaakiki wale iho no i ka holo ana; e ala mai ai he mau hoopii kanawai ma keia hope aku.

            He moakaka no ka manao o ke Kanawai Kumu ke nana iho, no ka hiki ole i na hoa oloko o ka ahaolelo ke paa i elua oihana o ke Teritore; aka nae in a e noii pono ia aku ana ke kahua ame ka mole i ala mai ai kela hookapu ana, aole loa kakou e hoohewahewa ana, ma ka ike ana aku, ua pili pu aku no ia i na kulana oihana o ke kalana, no ka mea, e kupale ana ke kanawai i na hana alunu a na hoa o ka ahaolelo, mai ka hooholo ana i kekahi mau hooponopono ahaolelo ana, a lakou e komo kina aku ai a ohi mai elike me keia i hoomahuahuaia ae ai ka uku o na lunakiai i haneri dala o ka mahina.

            He like ole nae na manna hoakaka maluna o keia ninau, o ka aha kiekie wale no kahi e hoopauia ae ai na pohihihi o kekahi mahele o na makaainana; aka nae, o na hoa oloko o keia kau ahaolelo i pau koke aku la, i apono aku i ka hoomahuahuaia o ka uku o na lunakiai, a alualu i kela kulana, mamuli o kela mau dala mahuahua o ka mahina, he meapono i na mana koho baloka, e hoonoho ia lakou i kauhale.

            O kekahi pilikia nui i ike mau ia ma na kau koho baloka apau i kaahope aku nei, o ia no ka liuikau me ka maopopo ole maoli i na kanaka Hawaii ke ano o ke kaha ana i ko lakou mau baloka; he mea pono i na moho, a i na alakai o na aoao kalaiaina o kakou, e a'o ikaika i na mana koho naaupo, i na wahi i hookaawaleia, aole mawaho o ka laina, aole hoi maloko, a ma na huaolelo a mau huahelu paha.  Ua hana mau kekahi poe pela i ka lakou mau baloka, a i mea e kiola ole ia ai kela mau baloka, a e waiwai ai ka hele ana ae e koho i na moho, e hana me ka naauao; aole me kela ano kahiko o ka wa i hala.

            Ina aia makee iloko o kakou e kokua i ko kakou mau hoa makaainana, i lilo i luahi no na hana e poino ai ko lakou noho ohana ana, e hoopakele ia lakou, ma ke koho ana i na moho, e loaa ia manao makee iloko o lakou.

            NU IOKA, May, 5. --Ua make hike wawe loa ma ke Kapakai Rockaway i keia la ke alii hukihae Adams ame ke poo o ke kanaka hana mikini Mate Corey, iloko o ka manawa o ka lele ana maloko o kekahi mokulele mokukaua, i ka wa i haule ai ka laua mokulele mai ka lewa iho ma kahi o 100 kapuai ke kiekie a hookui i ka ipuea.

 

            COPENHAGEN, May, 5.-- Ua makeia ka Mekia Stefanik, ke kuhina kaua o ka lahui Czecho-Slovak, iloko o ka manawa o ka haule ana mai ka lewa iho ma Majnor, Hungary, elike me ka lono i loaa mai ianei.  Elua mau aliikoa Italia i lele pu me ia i make pu iloko o kela lele naa.

 

            BREST, May, 5.-- Ua pau i ka aia e ke ahi ka hale keaka ano nui maanei i nehinei, lehulehu ka poo hana keaka i pakele mahunehune maii.  Lehulehu na kanaka kinaiahi i hoehaia iloko o ka manawa e hoopakele ana i ka poe hana keaka.  Ua hanaia e na kanaka Amerika kinaiahi kekahi hana makou ole loa, ma o ka hoao ana e kinai i ke ahi mai ka pahola ana aku a nui loa e hoopoino ole aku ai i kekahi mau hale okoa a e pau holookoa ai ka hale i ka aia, eia nae, ua waiwai ole ka lakou hooikaika ana.

 

            COLMBUS, May, 5.--Mawaena o ka 7 ame ka 10 poe i maopopo ua make, he kakini I kukonukonu loa ka eha, a he iwakalua a oi aku eha iloko o kekahi hale pauahi maanei i ka po nei.

            I ka wa i hoomaka ae ai ke ahi e a ma ka papahele malalo loa ua lehulehu ka poe e noho ana ma na papahele maluna ae i lele ma na puka aniani no ka hoopakele ane i ko lakou mau ola he eono mau bebe i kiolaia mai e ko lakou mau makua mai ma na puka aniani mai ma na hale maluna loa.  O ka hapanui o na kanaka ma na rumi maluna ua hoopuniia e na ulaahi a he heluna i maopopo ole o lakou i make

 

            LADANA, May, 6.--Ua hoopuehuia e na koa Pelekane na kanaka o kekahi halawai i hookapuia ma Athlone, Irelani ma ka po nei, me na elaupu.  Lehulehu wale ka poe i eha ma ia uluaoa ana.  Ua lilo i na koa me na kaa i lako i na pu ka hale a na Ailiki i hono mai ai malaila @ malamaia ai ka halawai a ua hoopau@a ka ulu hou ana ae o na haunaele.

 

            O Laurence Ginnell, he hoa o ka ahaolelo mai Waymouth mai ke hoao ana e haiolelo imua o ka halawai ma ka manawa i hoea mai ai na koa a hoopuehu aku i na kanaka Ailiki.

            Ke hoomakaia mai nei ka hana hoohoihoi makuahonowai ana i na alanui o ka apaua o kakaako e ka Enekinia Cantin, ma ke alanui Moiwahine ia e hauaia mai nei.

            He mau po laukanaka keia o kekahi mau alanui o ke kulanakauhale i ka poe hoolohe haiolelo a na moho Repubalika ame Demokarata ma kekahi mau apana.

            Ma ka Poa kahi iho nei i hookohu hou ia mai ai ka Lunakanawai A. D. Larnneh i lunakanawai elua no ka aha hookolokolo hoomlu o ke aupuni Kulana kauhale a Kalana o Honolulu e ka Lunakanawai Kiekie Coke.

            Pakele ke ola o Mre. L. G. Blackman, ka wahine a ke kumupoo o ke Kula A'o Koa o Honolulu mai ka make mai ma ka manawa o ka huli ana o ke kaa otomobile ana e kau ana i ka pali, ma kahi kokoke i ka haleipukukui ma Leahi, mamuli o ka paa e ana o ke kaa i kekahi kumulaau kiawe e ku ana ma ka'epali.

            O ka Poakahi iho nei ka la nui o na have i'a a na Kepani i ikeia ma na wahi like ole o ke kulanakauhale, he la kulaia ia e hoike ana na have i'a I ka nui o na keikikane ma kela ame keia home.

            He Kino make o'kekahi Kepani ka i loaa aku maloko o ka rumi ma kekahi hale hana halakahiki ma Kalihi i hoikeia mai i ka oihana makai ma ka po Sabati iho nei, a ua holo aku ka Hope Makai Nui Asch e huli i ke kumu o ka make ana.

            He elua mau haumana o ke Kula Kahunapule e puka pono mai ana iloko ae nei o ka mahina o Iune, a ua loaa no hoi ke kahua o kekahi o laua e noho hana aku ai.

            Ma ke hora 4:30 o ka auwina la Poakahi iho nei i haawi makanaia aku ai e ke Kiaaina McCarthy kekahi have kilika nani i na haumana o ke kula a'o koa o Honolulu ma Kaimuki.

            Ua aponoia ka waiho ana mai o ka Rev. J. M. Lydgate i kona noho kahu ana no ka halepule Uniona ma Lihue, a e haawi ana oia i kona manwa ame koua ikaika ma kekahi hana e ae no ka pono o na keika.

            COLON, Panama, May, 5.--Ua make maanei ka Mekia Harold Clark, mamuli o kekahi ulia mokuea, a e hoihoiia aku ana kona kino no ke kanuia maloko o ka Ilina Arlington ma Wakinekona ma ka la 20 o Mai.

            ROSELANI KALAINAINA,

            I ka hoaloha kunukunu ole, Mr. Lunahooponopono o ka Nupepa Kuokoa:-E ae mai ia'u i ke kauwahi keena kaawale o ka kakou wahaolelo, no ka'u ukana lei momi ame na waimaka aloha no ka makou Pua Roselani i nalowale.

            Ua haawi ae o Samuel L. Kalainaina ame ka maua Evalina, Mrs. Sarah L. Kalainaiua he paina hoomanao piha makahiki, ma ko laua home ma Hoonauea, Waipio, Hamakua, Apr. 11, hora 6 p. m., no ka makou mea aloha he keiki i wehe kahiko mai i ka pili aloha me ka makua, kahi pua hookahi wale iho no i luhi, i lei, i mailani aloha pu ia e a'u me kuu mea aloha poina ole he kane, i pili aloha mai ai no na makahiki he nui i kaahope aku, ka hua hookahi o kona puhaka, ka hauoli ame ka manaolana o kona mau la elemakule a maua i aloha mau ai.  Minamina wale!

            Oiai elike me ka nui o kona aloha i ka lei nani he keiki pela oia i hoomaemae mua ai i ka he, ka home, i wahi no ka ohana, a makamaka ame na hoaloha e kipa aku ai e ai a e kaana pu mai la, hoomanao me na mea apau ana i hoomakaukau ai no ke aloha.  Ua ai a ua lawa i na mea i hoomaukaukauia, ka nui ohana ame na hoaloha i kipa ae.

            I ka hoeua, oiai ka lehulehu e luana aua, ua kahea mai la oia ia'u, "E aikane, kuu pokii e, e kui pu ae hoi kaua i na ohu o ka lei a kakou."  Ua nee aku la au ma kona aoao me kona hopu ana ae he guitar a hoomaka iho la maua e kui pu me ua waimaka e hiolo ana i kau a mea o ka eehia me ke alo he, a eia iho na pua ohu a maua i kuiai no ka makou pua Roselani i mae: Kuu pua i mohala, ohu lei o kuu kino, Kuu pua nani on aona, hanu ala i kuu poli; Kuu pua pine umauma, kahiko no kuu kino, Kuu lei, kuu milimili , kiialo i wehi mau nou.  Ohu au i kou nani, e kuu lei pua maemae, Mailani me ka minamina, i pili poli mau nou; Ulu a kawowo ke aloha, i kuniia a paa iloko, Ma kuu poli mau oe, hoapili i lei mau no'u.  Ua Kuhihewa nae ka manao, ke hali's me ka iini, No kuu pua i mohala, i pua lei mau la no'u; Ua mae kona nani maemae, i puia  ke onaona, Aole ke ala kupaoa a'u i honi mau ai, Mailani au i kuu pua, honi hoomau a mau, Moani mau a ke ala, i wehi nani mau no ka home.

            Hiaa kuu po moe, e ake mau no e ike, i kuu pua i mohala, kuu pua nani kuu lei, Luhi hewa nae ka halia, haaheo o ka mauao, Aole kuu lei nani, kuu pua kuu mili mili.  Hana mao ole oloko, i ke aloha me ka minamina, Ke kuewa nei i ke ola, i koolua no ka waimaka, Akaka wale ke aloha, e koni nei i ka puuwai, Hoopulu i ka lihilihi, hoonaluea i ke kino.  Hui au me kuu lei, ma kahi moe i ka hihio, He oia mau kona nani, ke aia me ke onaona; Hii au a hoopili, ma kuu poli mehameha, Me ka manaolana mau, e pine mau i kuu umauma.  Ala au o ke aumoe, i ka loku a ka ua nui, Houhou i kuu kino, hoopulu i ka lihilihi.  Huli iho au aole, kuu pua kuu lei nani.  Aohe ma kahi moe, me ka puuwai luuluu, Hapapa i ka uluna, pa hewa ke aloha kui pua, Huli au i o ia nei, aole iho la ua ualo.  Ua hoi me ka wahine, kihene pua ouka.  Hoonana i ke aloha, hiki ole ke paa iho, Hopu hewa hoi i ka nele, hoaa i kui lei; Kuoe mau i ke ala, me ka mea nui ho aloha, Ke kohi nei i ka lihilihi, i makana no kuu kino.  Ua kuhi au la he u'a, hele wale la ke aloha, O kuu lei kuu lani, a'u e hiipoi nei.  Eia ka he hilu, he mea hoeha i ka houpo, Ke koni nei ialoko, nome mau i ka lihilihi, Pau ole kua hiaai, i ke aloha me ka minamina, I kuu pua i mohala, i mae koke iho nei.  Aole au e luhi, i ka mili i ko aloha, Me oe mau kuu li'a, e lei mau ae nei.  Welina poina ole, ka ohu o kuu kino.  Kuu pua nani i mohala, i mae koke iho nei.

Composed by his heart broken Daddy, Samuel L. Kalainaina.

Owau iho no kona ucle aloha poina ole, MAS DANIEL K. KANEKOA.

            WAKINEKONA, May, 5.--O ka hui na o na dala i loaa ae i ke keena waiwai o ke aupuni mai na bona kuokoa mai i laweia he $1,803,730,000, e like me ia i hoikeia mai.

MA KE KAUOHA.

KUAHAUA KOHO BALOTA O KE KALANA O KAUAI.

NO KA MEA, na kauohaia ma ke kanawai, e malamaia i koho balota ana no na Luna Aupuni Kalana, ma ka Poalua mua , mahope aku o ka Poakahi elua iloko o ka mahina o Iune, 1919, a e noho aku ai mau Luna Aupuni i kohoia aku la, a pela hoi me na luna aupuni i wae a koo maoli ia elike me ke kanawai, ma ke Koho Balota Wae Moho mamua mai, ma ke lakou mau oihana, ahiki i ka manawa e koho ponoia a e hookupno i'o ia ai ko lakou mau hope ma ka ohana;

            A NO KA MEA, ua kauoha pu ia no ma ke kanawai, e hoopukaia i Kuahaua no kekahi Koho Balota Nui ana, a e hoolahaia e ka Papa Lunakiai, aole e emi iho malalo o na la he kanakolu mamua mai o ia Koho Balota Nui ana;

            NOLAILA, i kulike ai me ke kanawai i hoomaopopoia no keia hana, ma keia ke hoolaha a ke kuahaua aku nei ka Papa Lunakiai o ke Kalana o Kauai, Teritore o Hawaii, i hoikeia malalo iho nei, e malamaia ana he Koho Balota Nui ana, maloko o ke Kalana o Kauai i oleloia, no ke koho ana i na luna aupuni i haiia malalo ae nei, no ke Kalana o Kauai nei ma ka Poalua, Iune 10, 1919, mawaena o ka hora ewalu, kakahiaka, ame ka hora elima, ahiahi, o ua la la, a elike hoi penei:

HOOKAHI LUNAKIAI NO WAIMEA, HOOKAHI LUNAKIAI NO KOLOA, HOOKAHI LUNAKIAI NO LIHUE, HOOKAHI LUNAKIAI NO KAWAIHAU, HOOKAHI LUNAKIAI NO HANALEI, HOOKAHI LUNAMAKAI NUI, HOOKAHI KAKAUOLELO NO KE KALANA, HOOKAHI LUNAHOOIA, HOOKAHI PUUKU, HOOKAHI LOIO KALANA.

            Ke kuahaua hou ia aku nei ma keia, o kela ame keia Lunakiai e kohoia no ia e ka poe kupono i ke koho balota, o kela ame keia Apana oloko o ke Kalana o Kauai nei.

            O na mahele koho bolota ame na wahi e koho balota ai i hoomaopopoia, a e hoomaopopoia ana paha e na kanawai o ke Teritore o Hawaii nei, no ke koho balota aua i na Lunaniakaainana maloko o ka Apana Koho Lunamakaainana Eono, o ia no hoi ke Kalana o Kauai nei, o ia no na mahele koho balota ame na wahi e koho balota ai no na luna aupuni Kalana i haiia maluna.

            Ke kahea nei ka Papa Lunakiai o ke Kalana o Kauai i oleloia, i ka poe apau i kupono i ke koho balota o ke Kalana o Kauai nei, e akoakoa ae ma ka manawa, a ma na wahi i oleloia no ke koho balota ana i na luna aupuni Kalana i oleloia, a elike hoi me ia i kauohaia ma ke kanawai.

I HOIKE NO KA OIAIO O KEIA ke kau nei ka Papa LUnakiai o ke Kalana o Kauai, teritore o Hawaii, malalo ae nei o keia i ko lakou mau lima me k@ hoopili pu ana mai me keia ke Sila o ke Kalana o Kauai nei.

            HANAIA ma ke Kahua Poo Oihana o ke Kalana ma LIHUE i keia la 7 o Mei, M. H. 1919.

H. D. WISHARD, Lunahoomalu; T. BRANT, W. D. McBRYDE, J. F. BETENCOURT, JR., A. MENEFOGLIO,

Ikea:

J. MAHIAI KANEAKUA, Kakauolelo, Kalana o Kauai. 6347--Mei 9, 16, 23, 30

HOOLAHA I KA POE PAA AIE.

            Ma Keia, ke haawi aku nei ka mea nona ka inoa malalo iho nei, J. NOGUCHI, ke kahu i hookohu pono ia a i hookupono ia o ka PLUMBING SUPPLY COMPANY, LIMITED, he hui Hawaii, i ka hoolaha i ka poe apau he mau koi ka lakou e ku-e ana i ka Plumbing Supply Company, Limited, i oleloia, e waiho mai i ua mau koi la, i hooiaio pono ia, me na bila kikoo kupono in a he mea kekahi o ia ano, in a no ua hanaia ua mau koi la malalo o ka moraki no ka waiwaipaa, i ka mea nona ka ino malalo iho nei, ma ke keena o Messrs. Tompson & Catheart, ma na Rumi 2 12, Kuea Campbell, Honolulu, Hawaii, o ua wahi la , ke hookaawaleia nei i wahi lawelawe oihana nona, no ka waihoia ana mai o na koi, iloko o KANAIWA (90) LA, mai ka la aku o ka puka ana o keia hoolaha.  O na koi apau e waiho ole ia mai ana ma keia ano, e hoole mau loa ia aku no.

            Hanaia ma Honolulu, T. H., I keia la 9 o Mei, 1919.

J. NOGUCHI,            Kahu o ka Plumbing Supply Company, Limited. 6347--Mei 9, 16, 23, 30.

POE LAWAI'A KUPIHEA BROS.

(Na Hoahanau Kupihea.)

            He põe Makaukau a Piha Akamai ma ka Lawai'a, kukulu ana i na Pa Lawai'a (Pounds or Weirs), na Hina'i Hooluuluu ame na Pa Uwea Hooneenee "Makalei" (Baitless Pound-Traps).

            E hookoia no na kauoha me ka hikiwawe.  Oiuolu na kuka ana. Keena Oihana, Hocking Bldg., kihi o Alanui Moi ame Nuuanu. Tel. 1822. 6347--Mei 9, 16, 23, 30.