Ka Nupepa Kuokoa, Volume LVII, Number 15, 11 April 1919 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA

SOLOMON HANOHANO, LUNAHOOPONO PONO. HOOPUKAIA I NA KAKAHIAKA POALIMA APAU.

POALIMA. APELILA 11, 1919

 

KE KULANA OIAO O KA POE

HOOKUONOONO O WAIAKEA

 

O kekahi o na ninau nui e noonooia mai nei iloko o keia manawa ma ka aoao oka poe i i koho iho nei i mau aina hookuonoono no lakou ma Waiakea, o i@ no ka loaa ana mai o na kokua, e hiki ai e loaa aku na hoopakele ana ia lakou, mai ka pilikia ae, mamuli o ka nele ame ka hemahema maili, e hiki ole ai ke hooko aku i na kumu aelike me ke aupuni.

            Eia ka mahiko o Waiakea, ua makaukau e haawi aku i na kokua ana i kela pow hookuonoono, ma ka lawe ana ae i na ko'iko'i o ke kukulu ana i mau home no lakou. i oi ole aku ka huina hoolilo maluno o ka elima haneri dala, e haawi ana hoi i ke kane. a i ka wahine paha.  i kekahi huina dala, ma ke ano he ea malama i ke ola o ka noho ana o ka ohana, i kela ame keia mahina, me ka hana pu i ka aina ; a ua makaukau pu hoi ka mahiko ma koua aoao, e hoolako mai i na limahana elike ka nui me ia e maekmakeia ana, a mau hoolilo e ae paha a ka mea hookuonoono e kaoi aku ai i ka mahiko ; aia a hoea mai i ke okiia ana o ke ko, o ka wa ia e hoihoi aku iai i na dala a ka inahiko i kokua mai ai, a o ke koena e koe ana no ka mea hookuonoono.

            Ma na mea e pili ana i ka aelike me ka mahiko, he eha wale no makahiki ka loihi o ka manawa i hoopaaia ai ka mea hookuonoono, malalo o ka aelike me ka mahiko, mahope aku o ia manawa, i ka wa e pau ai na aie apau i ka ukuia ua hiki i ka mea hookuonoono ke hana aku i kona aina, elike me kana i ike ai he pono; a ma kekahi olelo ana ae hoi, ua noho on a oia maluna o on a aina hookuonoono. 

            He mau alahele no keia a elua, e loaa like ai na kokua i ka mea hookuonoono, i nele i ke dala, no ka hoohana ana i kona aina, me ke kaupaona ana nae i na mea elua, he oi aku ka maalahi, ka maopopop ame ka pono o ka mea hookuonoono, ma ka ae ana aku i na kokua mai ka mahiko mai ; no ka mea ua loaa ka home e noho ai, ua hoolakoia e ka mahiko ; ua maopopo pu na dala malama ola i kela ame keia mahina ma o ka noho kino ana aku e hana no kona aina ponoi ; a o ka mea oi loa aku, iloko o na makahiki wale no eha, in no ka malama i ka hookakaulii, ua hiki ke ukuia aku na hoolilo apau, a pili mai ka aina me ka mea hookuonoono a mahope aku o ia manawa, he ohi wale no i na pomaikai, me ke kakali hou ole aku.

            Ma kekahi alahele hoi o na kokua i manaoia no ka pono o ka poe hookuonoono, i ka nana aku he ano pohihi, he loihi ka manawa i hoopaaia ai o na aina hookuonoono malalo o na kahu na lakou e hoohana ana i ua mau aina nei ; a o ka mea po Eihihi oi aku, o ia no ka maopopo ole ana i ka mea hookuonoono o kahi e hiki ai ke loaa mai kona haawina malama ola, i kela ame keia manawa.

            He pilikia maopopo loa no keia i hoomao popoia no kekahi heluna nui o na kanaka Hawaii, a he nui ka poe i hiki ole ke waiho aku i ka lakou pau palapala noi no ka huki aina ana, ma muli iho la o keia pilikia ; a oiai nae, ua ku mai la ka mahiko ma kekahi aoao a waiho mai la i ke alahele, e hoopakeleia ae ai he haluna nui o na Hawaii i loaa ko lakou mau aina hookuonoono ma Waiakea, o ka makou wale no e a'o aku nei, e oi aku ka pono, e lawe koke mai ia manao o ka mahiko, a e hoki aku a noho maluna o na aina hookuonoono ma Waiakea, o ka makou wale no e a'p aku nei, he oi aku ka pono, e lawe koke mai ia manao o ka mahiko, a e hoi aku a noho maluna o na aina hookuonoono, me ka hoao aku me ka hoomanawanaui ma na ano apau, ma ka hana kino ana, a ma ka lawe ana ae i na alahele hoomakaulii apau, me ke kauka'i hou ole aku no kekahi mau alahele kokua pohihi a maopopo ole.

            O ka hoi ana a noho kino maluna o ka aina, e liana kino ana maka imi ana i na mea e loaa mai ai ka noho kuonoono ana, o ka manao maoli ia ame ka makemake o ke kanawai hookuonoono ; e pale aku ana hoi i ka poe i makemake wale no i na aina. no ka hoopukapuka ana aku, ma ke kuai ana ia ha'o. a i ole, ma ke haawi ana aku i kekahi poe malalo o ka hana aelike, in a he makee i'o iloko o na Hawaii i loaa ko lakou mau aina hookuonoono no keia pono, alaila mai hoohemahema i keia kokua nui e waihoia mai nei imua o oukou, aka e lawe koke mai a e hoi aku a noho maluna o na aina.

            Aole no paha e nele ana ka halawai mai me na pilikia he pui o ka noho ana no ka manwa kinohi o ka hoomanawanui wale no nae ka mea e pono ai, mailoko mai auanei o ia homanawanui, e oili mai ai he mau hopena maikai he nui.

            Mamuli o keia kokua maopopo loa i waihoia mai la ma ka aoao o ka mahiko, he mea makehewa i ka poe e paanei i na hana ma keia kulanakauhale ka hookololohe hou ana iho, ua lilo na hoolilo nui he wahewa o ka noho ana ma ke kulana kauhale nei, i mea a'o mai aia ma kuaaina kahi o ka pomaikai ame ke kuonoono e kakali mai la ia oukou ; e iho ia lima ilalo o ka lepo, a e ohi mai i na pomaikai.  i loaa ole i ka wa e noho ana ma ke kulanakauhale nei.

 

AIA HE MANAOLANA NO KA

LOAA O KA MANA KOHO

            Ma ka hooholoia ana o ka bila, e waiho ana na na mana koho o keia Teritore e hooholo mai, no ke koho baloka o na makainana wahine ame ka ole maloko o ka hale o na lumamakaainana ma ka Poakolu aku la i hala aia he manaolana no ka hoea mai i ka hookoia ana o ka makemake o na wahine, ke lilo ole ka poe na lakou i kakoo i keia bila, i poe hooikaika ame na luna oihana o na kalana lehulehu o kakou ma ka hoonele ana aku ia lakou me keia pono koho baloka, ma ke a'o ana i na mana koho aole e koho ma ka aoao ae.

            Oiai, ua nui na mea i kamailioia, no na kumu i makemake ole ai ka hapanui o na hoa oloko o ka hale o na lunamakaainana, e lawe mai i ke ko'iko'i maluna o ko lakou poohiwi a haawi pololei aku i keia pono koho baloka i na wahine ma o ka hooholo ana i ke kanawai elike me ia a lakou i pepehi ai maloko o ka hale ma ka pule aku nei i hala, a makou e manaoio nei, aia no he oiaio iloko o ia mau kumu na ka lakou mau hana nae ma keia kau koho baloka ia ai keia ninau, e ikeia ai ko lakou hoopono ame ka ole.

            Ma keia bila o ka hooholoia ana mai nei maloko o ka hale o na lunamakaainana, e kauoha ana ia i na makaainana kane apau maloko nei o keia Teritore e koo maka aoao ae, in a no ka haawiia o keia pono koho baloka i na wahine, a in a hoi no ka hoonele ana ia pono ia lakou, alaila e koho ma ka aoao hoole.

            Ua olokaa ae na lunamakaainana i koho kue i ka bila koho baloka o na wahine i na ko'iko'i mailuna mai o ko lakou mau poohiwi, a iluna o oukou e na mana koho baloka o Hawaii nei, eia iloko o ka poho o ko oukou mau lima ka haawi ana mai i keia pono i na wahine ame ka ole.

            He ninau lahui keia, aole he ninau liilii, a kakou e manao iho ai, ma ka hopena o ke koho baloka e hoea mai ana, malaila io la o pau, aole, o ka oni iho la no ia o keia ninau ahiki i ka hoea ana mai i kahopena i makemakeia ; no laila o ka poe e manao ana e koho kue i keia ninau, e pono e loaa ka naauao ia lakou, me ka hoomaopopo pono ana i keia ninau e waihoia aku ana imua o na man koho no ka hooliolo ana mai.

            Aole o makou kanalua iki, no kalaweia mai o na kumu pahele baloka apau imuea o oukou e na mana koho maluna o keia ninau no ka mea o na moho no ka kulana oihana o na kalana o kakou kekahi e holo ana, a e koho like ia ana me keia ninau i ka manawa hookai ma ka oukou koho ana auanei e hoike mai i ko oukou makee ana e loaa he hooponopono aupuni kuloko maemae a hoopono ia kakou ame ka ole, ma o ka hopena la o keia ninau koho baloka o na wahine.

            Oiai ua nui ko makou hakaka manao ana maluna o keia ninau, ke manaoio nei makou ua lawa ka ike ame ka naauao o na kanaka Hawaii, no na kumu kupono loa, ame na kumu maikai, e lilo ai lakou i poe kokua nui, ma ka haai ana aku i keia pono i na makaainana wahine ; a ma o aku olaila, no ka naupo wale mai no ia, a i ole no ka paa i na a'o hewa ia ame na a'o lalu ana mai, a ka poe i kau ka weli no ko lakou hiki ole e lilo i poe kau wa na ka lehulehu, mamuli o ke ano o ka lakou mau hana ; a o ka hoonele mau ia o na wahine me keia po, o ko lakou noho lanakila mau ia, ma na oihana, ma o ke kokua ana aku a ka poe i makee nui ole i ka pololei ame ka maikai.

            E hoea mai ana nae i ka hoaoia ana o ko kakou mau ano oiaio e na Hawaii ma keia ninau ; in a he makee iloko o kakou e hapai i ko kakou poe Hawaii kupono iluna o na kulana apau, o ka baloka o na wahine ka mea e ko ai ia manao, aole ma ke kahi ano e ae.

 

NA KANAWAI E HOOLAHAIA AKU NEI

 

            Ke hoopuka aku nei makou i na kanawai i hooholoia o keia kau ahaolelo ma keia helu  ke Kuokoa ; a e hoopuka mau ia aku na ahiki i ka pau ana o na kanawai o keia kau ; a i mea e waiwai ai ia hoopuka ana, he meapono e heluheluia keia mau kanawai me ka hoomaopopo, a o ka oi loa aku, e okioki i na kanawai e ikeia ana, he mau mea e kokua mai ana i kekahi manawa, a malama maloko o kekahi mau buke kupono e nalowale ole ai ; a e hiki ai hoi ke kii aku no ka nana ana i ka manawa e makemakeia ae ai.

            Iloko o kekahi mau kau aku nei o ka ahaolelo i hala ua pa'iia na kanawai o ka ahaolelo, a hoopukaia ma kekahi o na nupepa ma ka olelo Beritania o keia kulanakauhale, no ka ikeia nae aole he waiwai o ka hoopuka ana ma na nupepa o kela ano, plea iho la i kaa mai ai na ke Kuokoa nei ka hoopuka ana aku ; a e lilo hoi ia hoopukaia ana i mea waiwai, ma ka lilo ana o ka poe heluhelu o keia pepa, i poe heluhelu ia mau kanawai.

            Oiai nae, ua hiki ole ia makou ke alo ae, mai ka hoopuka liilii ana i na kanawai i kela ame keia pule ua konoia mai no hoi makou, e kapae ae i kekahi mau kolamu o na meahou ame na kolamu o na palapala a na makamaka, pela hoi me ka moolelo, a makou nae e manao nei, e hiki aa no i ka poe heluhelu o keia pepa ke hoomanawanui mai i keia pilikia no keia manawa e hoopukaia nei o na kanawai.

           

            Ua hoomahuahuaia ae nei ka uku o na luna oihana o ke Kulanakauhale a Kalana o Honolulu nei i papalua aku no paha i ka ukuhana o kekahi mau lupa oihana o na kulana kauhale nunui ma Amerika ; he kumu hoohoihoi keia e ike aku ai kakou i ka oili ae o na moho lehulehu a ku iwaho, no ke alualu ana e loaa ia mau kulana, me ka nana ole i ko lakou kupono ame ka ole, he kuleana wae nae ko oukou e na mana koho.  E wae i ka poe kupono !

 

Nuhou Kuwaho

 

            ROME, Apr. 3.---Ua hoea mai ia nei ma ka Poakolu ke kakauolelo o ka oihana kaua moana o ke aupuni Amerika.

 

            SAN FRANCISCO, Apr. 3---Ua hoea mai ianei i keia la ma kona alahele e huli hoi aku ana no ka home o Soboi Mogi i ikeia "Ka Moi o ke Kilika." He huaka'i kaahele kana o ka hele maka'ika'i ana maloko o Amerika a e hoi aku a@a no Iapana ma ka poakolu.

 

            WASHINGTON, Apr. 3--- Ma ka hoakaka a ka Lunamakaainana James . Good o Iowa, kekahi hoa o ke komite o ka hale maluna o ka bila haawina, ua koho oia o ka haawina dala kupono no na hoolilo lehulehu like ole o ke aupuni iloko o ka makahiki e pau ana i ka 1921 e oi aku ana maluna o ka $3,000,800,000.

 

            COPENHAGEN, Apr. 5---Ua kipakiia e ka ahaolelo lahui Kelemania-Auseturia ka ohana alii mua o Auseturia, a hao wale ia kone mau waiwai apau e ke aupuni, e like me ka lono kelekalapa mai Vienna mai. He mau bila kanawai e hoopau loa ana i ka inoa o ka ohana.alii a e kau ana i hoopa'i nui koe wale no malalo o ke kanawai koa oia ka mea i hooholoia e ka aha olelo lahui.

           

            PARIS, Apr. 5.---Ua huli hoi akau ka Moi Albert o Belegriuma i keia la i Berusela maluna o ka mokuea me ka hoi hoi pu aku me ia i ka manao maikai e pili ana i ka hua o kana kukakuka ana me na komisina hana maluhia.

 

            BERLING, Apr. 6---O ka halihali ana au i na pualikoa Polani mai Palani aku a i Polani ma ke awakumoki aku o Danzig, ka ninau hoopaapaa nui i pa'i ia a i pau i ka hooponoponoia a e hoomaka aua ka halihihali ana aku ma ka la 15 o Aperila; ua hoolahaia ae ia mea i keia la.

 

            PARIS, Apr. 5--- Ma ka hora 4 o keia auwina la i hoke mai ai ke kauka o ka Peresidena Wilson i kekahi hoalaoha a maloko o ia ua hoakaka ae oia i ka aneane loa ana o ka Peresidena o loa i ka ma'i ha'i ha'i iwi Paniolo ikaka loa, o ole wale no kona moe ana maluno o kahi moe i pakele ai kona ola. Ua hoikeia ae ma keia kakahiaka ua moe maikai loa ka Pereseidena i ka poi hala a me he mea la e loaa ana iaia ka ikaika e noho ae ai iluna. Ehoomaha ana oia ma ke Sabati a malia paha o hiki iaia ke akoakoa aku i ka halawai kukakuka a ke omire o eha lala.

           

PAKELE KE OLA MAI POINO I KA

UWEA UWILA.

            Ma ka hora 11 kakahiaka o ka Poakahi nei oiai o Moses Kailiahi e hoomaemae a e kikiwai ana i ka pa o ka hale o ka papaola, ame kono maopopoole e @au ana no ka holo o ka uwila iloko o ka uwea uwila i okiia mai ke kabi hale mai i wawahiia mauka ae o ka hale o ka papa ola a pokaaia a waiho ma kahi kokoke i ka pou ma ke kihi hikina o ka hale o ka papaola, a oiai oia i kokoke loa aku ai ma kahi o ka uwea uahaohao loa oia i kona huki mau ia aku a kokoke loa i kahi o ka uwea, ua pii mai la ka maeele ma kona kino, ahiki i na poohiwi a hina oia ilalo, a mamuli o kona noke ana ae i ka uwa i kono aku i na wahine haole ame na haole o ka papa ola e hoea aku malaila e nana i ke kumu.  Ua hoomaopopo kokeia ke kumu o kona pilikia no ka uwea uwila e waiho kokoke ana iaia a hoike kokeia mai ka lohe i ka hale hana uwila, a i ka paa ana o ka uwila ua kaawale ae la ka pilikia mai iaia ke hele me ka maikai mahope iho.

            O ke kumu o keia pilikia, ua okiia ka uwea uwila mai ka hale  aku i wa wahiia a ua pokaaia a waiho ma kahi o ka pou kokoke i ka hale o ka papa ola, aohe nae i hoikeia ae ia okiia ana i ka hale hana uwila oia mau no ka holo ka uwila i ka lep, a i ka wa i pulu aku ai i ka wai a Moses o ke kiki ana ma kahi kokoke malaila, ua pulu mai oia i ka wai a na loaa mai la i ka uwila, a huki mau ia aku la oia ahiki i ke kokoke ana i ka uwea a hina oia ilalo me kona noke mau i ke peku ame ka uwa ana.

 

Nuhou Kuloko

            Ma ka hora 6 o ke kakahiaka Sabati, Aperila 20, he anaina haipule ka malamaia ana maluna o ka piko ponoi o Puowaina e na Ahahui C. E. apau o keia kulana kauhale.

 

            Mamuli o ka lilo o kekahi mau kolamu o ka nupepa i na kanawai, ua hoopaneeia ka hoopuka ana aku i kekahi mau palapala a na makamaka a loan kahi kaawale o ka pepa.

 

            Ma Kilauea, Kauai, i hanau mai ai o Mrs. Lucy Nomsson he kaikamahine ma ka la 6 iho nei o keia mahina; a ma Kapaa hoi i hanau mai ai na Mrs. J. A. Souza he kaikamahine no ma ia manawa hookahi.

           

            He palapala noi ka ke kauka F. II. Schurmann o ka waiho ana ae imua o ka puuku teritore no kekahi laikini lapaau lomilomi ma ka Poakolu iho nei a ua hooleia mai e ka puuku mamuli o ke a'o a ka loio kuhina.

 

            Ua holo ma ka heluhelu ekouia ana imua o ka hale ka bila a Andrade e waiho ana i ka inau pono koho baloka o na wahine na ka poe koho baloka o na kane e koho, a aia iloo o ka lima o ke komite hookolokolo o ke senate.

 

            He halawai ka ke Kalapu Repubalika o ka Mahele 14, o ka Apana 5, e malama ae ana ma ke ahiahi o ka la apopo, Aperila 12, maloko o ka Hale Hui o ka Ahahui Ket on Fui, no ka noonoo ana i na elele, no ka ahaelele kalana e noho mai ana.

 

            Hoea mai la kekahi mea ma keia keena, a hoike mai la i ka nui o ka walaau o kekahi poe wahine ame na kane, e noho ana maluna o kekahi hale hoolimalima, e ku nei ma ke alanui Moi, kokoke i ke alanui Liliha, o ke kumu mai ka, no ka nui o ke suapia.

 

            Mamuli o ko ke Keikialii Kalanianaole hoole ana i ka holo no ke kulana meia a e hoomau aku ana no kona holo ana ma ke ano he elele, na malaelae ke kapakai aohe paa i ka noe no na moho e ae apau e hooikaika ana e pae maalahi aku i kula.

 

            Ma ka hora 3:00 p.m. o keia Poaono, Aperila 12, e malama ae ai ka Ahahui o ua Pukaua i ka lakou halawai ma ka home noho o ke Kamaliiwahine Kawananakoa, ma ke Alanui Pensacola; ua makemakeia na lala apau o ka ahahui e hoea ae ma ia halawai.

           

            Mahope o ka hala ana o na makahiki ekolu o ke komo ana i ka ehuehu o ke kaua me na pualikoa Pelekane, e huli hoi mai ana i ke onehanau o Diamond D. Kekona me kona piliaoao, elike me ka hoakaka a kana leka o ka loaa ana ae i kona luaui makuakane o keia kulanakauhale.

 

            Ma keia ahiahi e noho ai ka halawai a ka Ekalesia o Kawaiahao a i makemake loa ia ai hoi na hoahanau apau e hoea mai ma ia halawai no ka hoolohe ana i ka hoike a ke komite iaia ka hana o ka noii ana i na hana a ka papa kahuwaiwai o Kawaiahao ame ka manao o ke kahu.

           

            I ke kula a'o hanalima o na kaikamahine ma Kamoiliili kekahi mau lunamakaainana he 11 Akahi i nana ai ia kula ma ka Pialua nei a he papaaina i hoomakaukauia e na kaikamahine ka i haawiia mai no lakou mahope o ka pau ana o ka lakou nana ana i na wahi ame na hana apau a ia kula.

 

            SAN FRANCISCO, Apr. 8--- Ua aponia e ka hale oluna o ka ahaolelo o Kaleponi i keia la ma ke koho ana a 35 i l kekahi olelo hooholo i hookomo ia ae e ke Senaoa.  In man e noi ana i na elele hana maluhia ma ka ahakuka malu e ku e aku i ke noi a "kekahi mau elele ni@ kaahakuka maluhia"  no ka hookomo ana mai i na limahana me ka uku ole.

 

            LONDON, Apri. 9. ---Ewalu poe i make a he 12 i hoehaia iloko o na haunaele ma Delhi, Inia, iloko o na la kakaikahi i halae, wahi a ka lono kelekalapa a ka Nupepa Reuter. 

 

            PARIS, Apr. 4---Ua hooholoia e na aupuni nui eha in a ka in a ka ahakuka na na Aupuni Hui e hooalu i na apana aina apau a Kelemania ma ka aoao hema o ka Muliwai Rhine ahiki i ko Kelemania hookaa ana i na koi poho apau i kauia e ahakuka maluhia.  Ua hoomaopopoia  o na pualikoa Palani ame Beleguima ke hoomalu ana ia mau aina iloko o keia manawa.

 

            E MALAMA PONO IA OE IHO.

            Ina i makemake oe e maikai ka noonoo ame kou waihona ai mai ookuukuu wale oe i kou opu e hoopihaia me na waiawa o na meainoino mai kou kino aku; e laa na pilikia i ike mau ia no ka lepopaa.  I mau meaai maikai, inu nui i ka wai me ka nui o ka holoholo ana iwaiho o ke kea, pela e maikai ai kou opu.  Ke loaa ole ka maikai ma ia ano, alaila e lawe i na Huaale a Chamberlain.  Na lakou e hoopalupalu i ka opu, a he maalahi me ka maikai ka ai ana.  Eia ke kuaiia nei e ka poe kuai laau apau, o Benson, Smith & Co., na akena no Hawaii.---Hoolaha.

 

Ka Hana a ka Aha-

olelo Kuloko

 

Ke Senate---La Hana 36.

            B. S. 181-- E hoakaka ana i ka hana no ka lilo ana i hoa ame na mana o ka Papa Ola ame ka hookohu ana i ka peresidena o ka papa no elua makahiki.---Cooke.

            B. S. 182--- E hookaawale ana i $1800 no ka uku ana aku i ke koena o ka ukuhana o Charles R. Forbes, ka lupanui mua o na hana hou o ke aupuni, oiai oia e hana ana me ka oihana kaua.--Balwin.

            B. S. 183--- E pili ana no ka piliwaiwai a e hoakaka ana i kekahi mau ano hana i pili i ka piliwaiwai.---Russell.

            B. S. 184--- E hoakaka ana no ka hookuu loa  ana i kekahi mau hope mai na bona ae.---Pacheco.

            B. S. 185--- E hookaawale ana i $1353.85 no ka uku ana aku i ka Hui Enekinia Hugh Howell.---Rice.

 

Ka Hale---La Hana 36.

            B. H. 328--- E hookaawale ana i $20, 000 no na alanui mawaena aku o na Aiana Hookuonoono o Kalopa, Hamakuia, Hawaii.---Silva.

            B. H. 329--- E ae ana i na aha hookolokolo e auhau i ka poe noi ma ka hoopaa ana i ka aina me ka lilo o ke ana ana.---Joseph.

            B. H. 330--- No ka hoololi ana i na kanawai e pili ana i ka waiho ana ae i na kii iloko o ke keena o ka luna kakau kope.---Rose.

            B. H. 331--- E haawi ana i kekahi mau aina no ka hoopihaia ma Hilo, i uku no ka eli ana ame ka hana an i palekai.---Rose.

            B. H. 332--- E ae ana i na hoa o ka ahaolelo e hoomaamaa kanawai maloko o na aha hokolokolo apana me ka hoike ole aku i kekahi mau mea no ka hookuponoia ana.--- Chandler.

            B. H. 333---No ka ae ana i ka papa lunakiai o Honolulu e hookaawale i dala no ka waihona o na ulia poino o ke aupuno, a pela aku.---Kumalae.

            B. H. 334--- E hoomahuahua ana i na uku hana o na hoa o ke komisina ninaninau no na hana kivila mai ka elua a ka eha haneri dala.---Kumalae.

            H. R. 89-- E noi ana i ke kiaaina e wehe i na apana aina kulanakauhale o Wailua-uka, Kapaa, ame na apana e ae apau e loaa ana.---Kaahu.

            H. C. R. 40---E hoakaka no ke komo pu o ke Teritore iloko na hana hoomano no ka piha ana o ka heri makahiki, a e hoolako ana i komisina no ia hana.---Kaaua.

            H. C. R. 41--- E noi ana i ke Kiaaina e hookaawale i kekahi mau aiana ma Hamakua, Hawaii, i ilina.---Lyman.

 

Ke Senate--- La Hana 37.

            B. S. 186--- E hoakaka no ka mea e pili ana i na lunakiai o ke Kalana o Kauai a e hoolako ana i hookai luna kiai mai kela a mai keia apana pakahi mai.---Rice.

            B. S. 187-- E hoakaka ana no kakahi uku hoomau o $50 no ka mahina no  Miss. C. A. Munford. no ka manawa o elua makahiki.---Rice.

            B. S. 188---I haawina dala o $10,000 no ke kukulu ame ka hoolako ana i kekahi hale hoikeike fea ma Kahului, Maui.--Rice.

            B. S. 189---E hookaawale ana i $10,000 i loaa mai ai na pono o ka hana ana i alanui ame on a kahua hale hoahu ukana no ke awakumoku o Nwiliwili, Kauai.---Coney.

            B. S. 190---No ka hoolako ana i haawina dala no ka huli ana a hoike mai i kekahi ano hana e pono ai ka hana ana i na palewai no ka muliwai o Waipio, Hawaii, a e hookaawale ana i $500 no na lilo o ka waiho ana mai i kekahi hoike no ka hana i huliia--Komite o na Loaa ame na Hoolilo.

            B. S. 191--No ka hoahu ana i waihona dala no ka uku ana aku i uku hoomau no na makai, na kanaka kinaiahi, na kanaka puhiohe ame kekahi poe e ae e kauka'i ana no ko lakou malamaia aku me ia dala i hoahuia ma loko o ke kalana o Hawaii.---Russell.

            B. S. 192--No ka hookaawale ana i waihona lilo aku a loaamai o $2000 no ke kuai ana mai ame ke kuai hou ana aku i na lio, na hoki ame na ekake i onaia e kela ame keia mea mai e holo ana maluna o ka aina aupuno maloko o ke Kalana o Kalawao.--Komite Ola.

 

Ka Hale---La Hana 37.

            B. H. 335--No ke kau ana i ka bila haawina dala no na kula no elua makahiki, 1920-21--Lewis Jr.

            B. H. 336--E hookaawale ana i haawina dala no ka huli hou ana aku i na lauuahele laau ame na mea kanu o Hawaii.---Tavares.

            B. H.337---E kau ana i ke kumukuai haahaa o ka poi hou maikai, a maloko o ia aole e emi malalo iho o kanakolu pakeneka ka paakiki a ma ka elima keneka hoi no ka paona, a e hoakaka maopopo ana i ke ano o ka poi a e kau puana i na uku hoopa ʻ i,--Kupihea.

            B. H. 338--E haawi ana i ke kauoha i na lunakiai o ke kalana o Hawaii e uku ae ia John KEaloha i $578 ma ke ano he uku hana nona i uku ole ia a i kupono e ukuia ae iaia.--Kai.

            B. H. 339--E hookaawale ana i $800 ma ke ano he huina i nele ma ka waihona no ke kula a'o kumu o ke Teritore--Lewis.

            B. H. 340--E hookaawale ana i $776.65 no ka uku ana aku i na koi i ka papa hoouaauao.--Lewis Jr.

            B. H. 341--E hoololi ana i ka bila haawina kula o 1917 ma o ka hookomo ana i haawina hou iloko o ka papa kuhikuhi no ka halekula ma Oahu---Lewis.

            B. H. 342--E hoololi ana i ke kanawai e pili ana i ka ku o na kanaka hana.---Aguiar.

            B. H. 343--E hoamana ana i na lunakiai o ke Kalana o Kauai e hookaawale i $15,000 no ka oihana wai no na aina hookuonoono ma Kapaa.---Aguiar.

            B. H. 344---E kau ana i na mana hana o na kalana e pili ana i na aina o na @lii.---Andrews.

            B. H. 345--E hookaawale ana i $3500 no ka uku ana aku i ka poe i hoopilikia ia mamuli o na hana kinai i ka laha ana o ka ma'iluku mawaena o na holoholona.--Rawlins

            B. H. 346--E hookaawale ana i $1020.60 no ka ulu ana aku i ka Hui Kaa o Schumann no kekahi kaa otomobile i hoohanaia e ka aha hookolokolo o na keika o Honolulu.---Rawlins.

            B. H. 347--E ae ana i ke kopeia o na oleloike me ka uku ole ma na hiahia karaima e ku e ana i ka poe ili@@@ Kumalae.

            H. R. 90-- E hookaawale ana i haawina dala no ka hana hou ana ae a mae mae i ka Home Bay View ma Kalaupapa, Molokai.---Joseph.

            H. R. 91--No kekahi haawina dala @ $5000 k anui no na alanui o na aina hookuonoono o Pahoa. Honolili.--@@@na.

            H. R. 92--E noi ana i ke komite waeiwai e lawe i kekahi hana e hoomala@huaia ae ai na ukuhana o na kahuma na kanaka lawelawe ame na limahanaia ke kahua ma'i lepera.---Pasehoal.

            H. R. 94-- E noi ana no kakahi haawina dala o $5000i uku no kekahi @@ mua 'o i pili i ke ano i ka malama ana i ke ola ame ka ike e pili ana i ka malama ana i ke keiki.--Chandler.

 

Ke Senate--La Hana 38.

            B. S. 194---E hoololi ana i ke kanawai i kapaia " He Kanawai e kauoha @@ hoolako ana no ka hanaia malama @@ ame ka hoohanaia ana o na alanui k@@uwila maloko o ka Apana o Honolulu Oahu.--Wise.

            B. S. 195--E hoakaka maopopo ana i ke ano i ke karaima a ka poe lana nopuna hana hewa ame ka hoopa'i e pileana ia hewa Rice.

            B. S. 196-- Ehookaawale ana i haawina dala o $522 ka nui no ka uku @@ aku ia Kauka A. K. Hanehe@@ no @@@ oihana i lawelawe ai no ke Teritore o Hawaii ma ke ano he kauka a he @@ nana no ka wai o ka luawai hooki@@ Nuuanu.--King.

           

Ka Hale--La Hana 38.

            B. H. 348-- No ka uku ana aka @ Mrs. Kanui Hoomana wanui i $7@@@@@ ke dala i ukuia aku malalo o ka @@ @ home hookuonoono.--Brown.

            B. H. 349-- E hoomahuahua ae ana na uku hana o na luna kiai o Ka@@@h@ $1020 no ka makahiki.--Kaahu.

            B. H. 350--E hoomahuahua ae ana i na uku hana o na kakauolelo o ka aha kaapuni elima mai ka $1500 a i @@ $1800--Chandler.

            H. R. 95-- E noi ana i ke komisina aina e hoakaka mai i na kumu no ka hoolimalima hou ia ana aky o na aina i ka hui mahiko o Wailuku.--Brown.

            H. R. 96-- E noi ana i haawina dala o $10,000 no kekahi laina paipuwai no Lula, Maui.--Kaumeheiwa.

            H. R. 97-- E noi anai haawina dala o $1000 no na alahaka ame halenoho no ka lunapaahao o Kalaupapa,--Kaumeheiwa.

            H. R. 98-- E noi ana i $500 no na alanui ame ke oki ana i nalaau ooi lanata na ma Kalaupapa. --Joseph.

            H. C. R. 42--E noi ana i ke Kiaaina e hookaawale i kekahi aina ma kapaa Kauai.--Kaahu.

 

Ke Senate---La Hana 39.

            B. S. 197-- E hooloihi aku ana i ka manawa i eha makahiki me ka loaa mai o ka ae o ka ahaolelo lahai no ka pono o ka hana ana ame ka mahele ana aku ma o a maanei i ka uwila ma Kapaa, Kauai--Coney.

            B. S. 198--E hookaawale ana i $2500 no ka lilo o ka huli ana ame ka hoike ana mai no ka hana ana i hale hana uwila ma Kalaupapa, Molokai.--King.

            S. C. R.--E noi ana i ka ahaolelo lahui e homahuahua ae i na ukuhana o na luna kanawai o ka aha hookolokolokiekie o ke Teritore ame na lunakanawai o na aha hookolokolo kaap@ni o ke Teritore.---Shingle.

 

Ka Hale---La Hana 39.

            B. H. 351---E hookapu loa ana i ka lawaeia o kekaahi hapa o na ukuhana o na kuukula no ka uku hoomau me ka ae ole mai o ia kumukula---Werner.

            H. R. 99---E kauoha ana e ukuia na hoolilo o na hoa o ka ahaolelo, ka poe e hele aku ana ma kekahi mau wahi mawaho e huli i kokua no ka lakou hana i pili i ka ahaolelo.---Werner.

 

Ka Hale--La Hana 40.

            B. H. 352--E ae aha i ke Kalana o Kauai e hoomahuahua ae i ka uku au hau i ekolu hapalima o hookahi pakene ka no na hoolilo a no na hana hou e mau ai ka paa.--Werner.

            B. H. 353---E hookaawale ana i $313.35 no ka uku ana aku i ha hui mokuahiholo piliana ame hka hi a T. H. Davies no na koi e pili ana me ka halepaahao o Oahu.--Kaaua

            B. H. 354---E hoopau loa ana i ke Kanawai o 1917 e pili ana i ke koho balo ka ana a na kanaka o ka Puali Koa Kiai Lahui e noho ana ma ka hana o ka oihana koa.--Rose.

            B. H. 355--E hookaawale ana $50,000 no na alanui mawaena aku o ka Apana o Waiakea,--Rose.

            B. H. 356--E hookaawale ana i $34,000 no ka hana ana i ke alanui o Leleiwi in a hilo Hema.--Rose.

            B. H. 357--E hoakaka ana no ka maka ana i nakaa otomobile ma kahi k@ kie i onaia e ke Teritore ame kona m@ @ mahele malalo aku.--Kumalae.

            H. R. 100--E hoakaka ana aole @ala e hookomoia mai mahope aku o ke @@ o na la hana o ke kau koe wale no ma ka ae lokahiia ana.---Jarrett.

            H. R. 101---E hookaawale ana i $1500 no ka ninanina uia ana e ka luna @ai @ na hana hou o ka hiki ke hanaia ka puna kameki.

            H. R. 102---E hmahuahua ae ana ka uku o ke kakau olelo ka hale i $@@@@ ka la.---Ahuna.

            H. R. 102---E noi ana i $50,000 no @@ kuai ana i wai ame na pono wai mai ka aina mai i onaia e ka waiwai o L@ey Peabody ma Kiilae, Kona Hema.  Hawaii.---Kaaua.

Ke Senate---La Hana 41.

            B. S. 199---E hoakaka ana no ka lapaauia o ka poe i poino ka noonoo ma loko o ka home me ko lakou ko'iho;i ole ia aku malaila e hoopaa ai.---Cooke.

            B. S. 200---E hookaawale ana i $10,000 no na hoolilo o elua makahiki no ka Hui Uniona Pan-Pacific.---Shingle.

 

Ka Hale---La Hana 41.

            B. H. 358---E kauoha ana i na lunakiai o Hawaii e hoolako i kaa no ka halihali ana i na keiki kula maloko oia kalana.---Kaaua.

            B. H. 359---E pahola aku ana i ka hoopakele ana a ke kanawai ninauninau hana kivila i na kanaka hana lehulehu like ole o ke Kulana kauhale a Kalaaa o Honolulu.--Castle.

            B. H. 360--E hoopii ae ana i ka ukuhana o ke kakauolelo pokole o ka aha hookolokolo kaapuni eha mai ka $1,680 a i ka $2100.---Kai.

            B. H. 36`---E hookaawale ana i $5000 no ke alanui o ka aina hookuonoono o Kaieie, Hilo Hema, Hawaii.--Silva.

            B. H. 362---E hoololi ana i na kana wai e hoakaka ana no ka mana hookolojolo a ka uha in a na hiahia oki mare.---rawlins.