Ka Nupepa Kuokoa, Volume LVII, Number 13, 28 March 1919 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

Magureta

a i ole

Iloko o na Wiliau a ke Aloha. He moolelo i Piha me na Haawina o ka Ehaeha.

 

Iloko o na wiliau a ke Aloha. He moolelo i Piha me na Haawina o Ehaeha

            "No Magureta, ua kaokoa loa oia mai no kaikamahine e ae, he mea oia, e haaheo loa ai kekahi kanaka, lawe mai iaia i wahine nana"

            "He oiaio kena mea au e kamailio mai nei e Reginola, ma na ano a pau i pili aku i kona kino, aole a‘u mea e hoohalahala iho ai, aka no ka pohihihi wale no o kona mau makua, pela iho la au i kanalua loa ai, i ka hooko ana aku i ka aelike i hanaia mawaena o‘u ame ia."

            "Ua maopopo ia‘u ke ano o kau mea e kamailio mai nei, wahi a Reginola. meka hoopinana ae i kona mau lelehelehe iluna "Ua makee oe i ka inoa hanohano o kou ohana e kau ole aku he kiko eleele maluna o kela inoa, aka nae pehea oe i nana ole ae ai i ka noho hauoli ana o kau mea i hana aku ai maluna on a. ma kou uhaki ana i kau hoohiki ‘aahia i hana aku ai imua on a, a imua o na lani. Heaha ka oi ae o ke ino au e hooili aku nei maluna o Magureta. no ka pohihihi o kona mau makua, mamua o kou ha‘alele ana iaia. a holo aku la a mare me ka mea oka?

            "Hele pela kena ano olelo au e Reginola! Manao anei oe e hoi hou aku ana au e mare me Magureta. mahope iho o kuu ike ana. ua aloha aku au i kou kauikuahine, alaila ola aku me ka hoomanao mau i na haawina hoehaeha e kau mau mai ana malunao‘u?" wahi a Noela Kauwila, me ka he‘e a piha maoli i ka huhu, no kona hopohopo, in a e lohe aku ana kana wahine i na mea ana i hanai‘ai, mamua ae o ko laua mareia ana, he keu aku a ka mea maikai ole o ko laua mareia ana, he keu aku a ka mea maikai ole o ko laua noho ana aku

            "Aole o‘u kuleana e a‘o aku ai i kau mea a hana ai, koe wale no ko‘u hooholo ana iloko o ko‘u noonoo nou. Ooe hokahi wale no ka mea i ikea i ka nui ame ke ko‘iko‘i o kau mea i hana hewa aku ai i kela kaikamahina, ka hana nana i hookau aku i ka pilikia maluna on a, a o ka hana hookahi no hoi nana i hookomo aku i kau wahine iloko o ka poino i keia kakahiaka. Ua lohe aku la oe i na mea oiaio apau, nolaila o keia keena, e hoopaapaa ai, o ke aloha no kou." Lalau aku la o Kauka Alika i kona papale, o ka puka aku la no ia iwaho, me na manao hoowahawaha no kona kaikoeke.

            Ma kela la holookoa, aole i loaa iki ia Noela Kauwila he noonoo mai, no ka mea, ma kana nau manawa apau e nana aku ai i kamoali ma ke kanaiai o kana wahine, e hoopiha mau ia mai ana oia me na haawina weliweli, me ka mihi nui ana iloko o kona naau, no kana mea i hana ai o ka wa i hala

            I kela haalele ana aku a Kauka Alika i ke keena o kona kaioeeke, ua hoi hou aku la oia e nana ia Magureta, e mau ana no ka moe maikai o ua kaikamahine nei, malalo o ka a‘ana o kana laau hoohiamoe, nolaila hoi pololei mai la oia no kona keena kauka, aka i ka lua o kona hele ana aku, ua ala ae o Magureta, a he kulana kona o ka ma‘i fiva, ka mea nana i kono mai i ke kauka opio e loohia aku ana o Magureta i kekahi ma‘i, e waiho malie ai maluna o kahi moe, no kekahi mau la loihi: a no ka hoomakaukau e ana, mamua ae hale o Magureta, hele aku la oia e huli i kekahi wahine akamai i ka malama ma‘i, a ma kekahi kakahiaka mai, i hoea hou aku ai oia me ka mea malama ma‘i fiva ikaika loa, a no na pule ekolu, aole oia mawaena o ke ola ame ka make, a mamuli o ka maiau ame ke akamai loa o ka malamaia ana, a hui pu iho me ha hooikaika maoli o Kauka Alika, me kona akamai, i loaa ai ka lanakila ia Magureta, a auhee aku la ka poino mai iaia aku.

            Hoko e kela mau la e waiho ana ua kaikamahine nei i ka ma‘i kupilikii, aole i ike hou ia kela ano leleiona maluna on a, a i ka wa no hoi i loaa mai ai ka oluolu makai iaia, aoleno kela ano opulepule a uluahewa o kona noonoo, a komo mai la ka manaolana iloko o ke kauka opio, e hoea mai ana i ka manawa e auhee loa aku ai kela ano ohehena a olalau o ka noonoo mai ka kaikamahine opio aku

            I kekahi la nae, ua hiki ia Magureta ke noho iluna, a i ka wa i hoea aku ai o Kauka Alika, nonoi mai la ka wahine malama ma‘i, e hookuu aku iaia, no ka lawelawe ana i kekahi mau hana, oiai o kela wale no kona manawa kaawale, a noho kokoolua iho la i Magureta me Alika maloko o ke keena moe.

            Ua loihi maoli keia waiho ana o‘u i ka ma‘i, me ko‘u makemake e hele iwaho e holoholo ai, i loaa mai ai na ea oluolu, e hooikaika mai ai i ko‘u kino," i kamailo mai ai o Magureta i ke kauka"

            E hoomanawanui kena manao ou e Miss Anola, a loaa ka ikaika maikai i kou kino, a no keia pule ae, manao au, ua hiki ia oe ke hele i ka holoholo."

            O oe e Kauka Noka ka i ike i ka mea pono, a in a he hookahi pule a‘u e kakali ai, alaila hele aku i ka holoholo, alaila he keu aku maoli a ka mea hauoli o ka mano. Pehea aku nei la kuuwahi kaikamahine uuku, iloko o keia mau pule a‘u i waiho ai i ka ma‘i, me ka ike hou ole aku iaia?

            "E noonoo nui ana kela kaikamahine nou i na wa apau, a e ninau mau mai ana no hoi ke hiki aku au imua on a nou, o ka mea hauoli nae a‘u e hoike aku nei ia oe e Miss Anola, ua kaawale aku ka pilikia mai iaia mai, a ke hele nai oia e holoholo nona iho i kela ame mai iaia mai, a ke hele nei oia, maikai, aole ana e nele kona hauoli, ke ika hou mai ia oe.

            "Iloko o na pule au e waiho ana i ka ma‘i, o Miss Rina@da no ka mea hoea mau aku imua on a, a nana no hoi e lawe hooholoholo ma kela ame keia wahi, eia nae, aole no eia i poina ia oe."

            "Ua hoohauoli loa ia mai au, i ka lohe ana aku nei i kau mau hoakaka, ai na hoomanao mau ana o kuu Ame aloha ia‘u." alila nui iho la kona hanu, a haka pono mai la hoi kana nana ana maluna o na maka o ke kauka, ma ka ninau ana mai:

            "Aole anei au mau meahou e hoike mai ai ia‘u e Kauka Noka? Hoko o na pule ekolu o ko‘u waiho ana i ka ma‘i, heahea na mea i hanaia, a i ikeia iloko o kela mau pule?" me ke kulou ooa ana mai imua, me ke ake e lohe aku i kekahi mau mea ano nui.

            Maopopo koke iho la no ia Kauka Noka Alika, ka manao o na mea a Magureta i ake nui ai e lohe mai iaia aku, o ia no ka hopena i kau aku malluna o Kanani, elike me ka kaua e ka makamaka heluhelu i ike mua ai. Emanao ana la ua kauka nei, o kela ma‘i i loaa ia Magureta, he mea ia e palaka ai kona noonoo, no na mea i hanaia, eia ka aole.

            "Alia, e noono ae au i kekahi mau mea ano nui," me ka paa ana ae o Kauka Alika i kona mau lima ma ke poo, me he mea la, e noonoo nan oia i kekahi mau mea, "Ua ike no oe e Miss Anola, he nui na hana a na kauk, e lilo nui ana ko lakou manawa ma ka lapaau ana i na ma‘i, nolaila he uuku loa ko lakou manawa, e komo ai iloko o na anaina hoohauoli, aka nae e hoomanawanui iho oe pela, a e noonoo ae hou ai i kekahi mau mea ano nui.

            "O ka mea mua loa nae a‘u e noonoo nei, o ia no ka hoopalauia ana o Miss Adele Huba ia Mr. Kala Heibuna, o ka mahina o Iune o hoea mai ana ko laua wa e mareia ai, No ka ohana Weba hoi, ua hala aku laua no Europa, ma ka la 24 iho nei o keia mahina, no ka hui pu ana me ka laua kaikamahine malaila

            No Noela Kauwila ame kana wahine, ua hala aku laua no Kaleponi no ka hoohala ana i kekahi mau mahina malaila.: aka nae kahamaha koke ana la o Magureta ma kela wahi, i ka ninau ana mai:

            "Ua olelo mai nei anei oe, ua hala aku ka ohana Kauwila no Kaleponi?"

            "Ae, u hala aku laua, ma ka la 19 k keia mahina."

            "Alaila, he eha wale no la mahope mai o ko‘u loaa ana ka ma‘i, ina ma ka la 19 laua i haalele iho ai ia No Ioka nai." me ka paa ana ae o Magureta ma kona poo e noonoo nui ana, no kana mau mea i hoomanao ai mamua aku o ke kau ana mai o ka ma‘i maluna on a.

            "Aole au i kuhihewa iki, ua ike au i ko laua kau ana maluna o ka mokuahi, oiai au e ku ana maluna o ka uwapo, a haawi aku i ke ani hainaka ana ia laua."

            "he keu aku maoli ka keia a kamea kupaianaha!" i namunamu liilii wale iho ai no o Magureta.

            "Aole au i ike, he mea kupaianaha kekahi mamuli o ka haalele ana mai o kela mau mea, o kekahi no hoi, he nui hou ae ka poe o ka holo like ana me laua no Kaleponi."

            "Ua pau aku la kela mau mea, e ninau aku ana au ia oe, a e noi pu aku ana no hoi i kou oluolu, e hoakaka mai i ke ano o ko‘u loaa ana i ka ma‘i, no ka mea ua hele au a pohihihi loa me ka hoomaopopo pono ole i ke ano o ko‘u ma‘i ana," meka palulu ana nae i kona lima ma ke poo, me he mea la‘e hoao ana oia e noonoo, i kekahi mea ana i pohihihi loa ai.

            "Ina o kou makemake ia ea, alaila e hooko aku ana au i kau noi, elike me na mea a‘u i hoomaopopo ai. "Aole no paha oe i poina no ko olua hiamoe like ana me Miss Rinafoda maloko nei o kou home, ia olua i huli hoi mai ai, mai kekahi aha hoohauoli mai. Ma ke kakahiaka ana ae o kekahi la mai, hoea ae la kou hoaloha maloko o kuu keena oihana, a kauoha mai la ia‘u e hele mai e nana ia oe, no ka mea aole i loaa, he moe oluolu ana ia oe ma kela po.

            "Ua hooko i‘o mai au elike me kana kauoha, a i kuu hoea ana mai e waiho ana oe i ka ma‘i, aole he wahi ma‘i uuku ae, aka he ma‘i nui maoli, me ka hiki ole ia oe ke hoomaopopo mai ia‘u."

            "Iloko o keia manawa a ke kauka opio e noke aku la i ke kamailio, ke hoolohe pono loa mai la o Magureta i na huaolelo apau, aole mae on a wahi mea a lohe iki mai i kekahi mea nui a kona noonoo e hana ana, a nui hou iho la ka hanu o ua kaikamahina nei, me ka i ana ae:

            "Alaila he eha wale no ka mahope mai, o ka holo no ia o Kanani no Kaleponi, pela anei ka mea oiaio?"

            "O ka mea oiaio loa ia, aka heaha iho la ka pili o kela wahine opio, no ke kumu o ko‘u ma‘i ana?" wahi a Reginola, me ka hookuoo ana ae i kona helehelena, e hoike aku ana hoi i ka nui o kona kahaha.

            "Ua hala i‘o aku anei oia no kaleponi?" wahi hou no a Magureta me ka lio ana ae o kona mau maka,

            "Elike no me ka‘u i hoike mua aku nei, o ka mea oiaio maoli ia, oia owau kekahi iwaena o ka poe e ku aku ana ma ka uwapo, ma ka manawa o ka haalele ana iho o ka mokuahi, nana e lāwe ana i na ohua no Kaleponi, a me ka‘u mea i ike aku, ua hele o Mrs. Kauwila a piha loa me ka hauoli no kela huaka‘i aumoana a lakou."

            "He keu aku maoli ka o ka mea kupaianaha!" i pane hou mai ai o Magureta me ka paa ana ae o kona mau lima a elua ma kona lae. "Ke manaoio nei au, ua loaa kekahi moeuhane ano e ia‘u, e pili ana nona.

             Ke olu la ka manao o Kauka Alika na kela pane a Magureta no ka mea in a e mau ana ko Magureta nooonoo he moeuhane wale no kana mea i ike, alaila e hoea mai ana i ka wa e lanakila ai kana mau hooikaika ana ,no ka auhee loa aku o na noonoo uluahewa mai kela kaikamahine opio aku.

            "He moeuhane anei kekahi au no Mrs. Kauwila?" i hooniele wale aku ai no ke kauka, no ka hoolalau ana i ko Magureta noonoo, mai ka mea oiaio maoli ae, i hanaia mawaena o kela mau wahine a elua.

            "Ae, he moeuhane ano e loa kela i loaa ia‘u, Aole e hiki ia‘u ke hoomanao maopopo loa i na mea apau, mahope o ko maua huli hoi ana mai me Nele Rinafoda ma kela ahiahi a maua o ka hele ana no ka home o Mrs. Felakona. Ua lohe maua i ka himeni ana o Mrs. Kauwila, ua hele au a piha loa me ua manao pihopiho, a ua aneane hoi o Nele e maule, nolaila o ko maua huli hoi mai la no ia no ko‘u home nei, ma kela ahiahi.

            "Mahope mai o kela manawa, aole he hiki ia‘u ke hoomaopopo i kekahi mea. Me he mea la ka hoi, e a‘o ana au i ka ike himeni, a o Mrs. Kauwila pu kekahi, a pehea iho la la hoi, ike aku la au ua make o Mrs. Kauwila, he keu aku a ka mea kupainaha,: me ka lio ana ae o kona mau maka, a namunamu liilii wale aku la no i kekahi mau huaolelo a Kauka Alika e hiki ole aku ai ke lohe.

            "He mea ano e, ne moeuhane i kekahi manawa." i pane aku ai ke kauka opiome ka leo oluolu. "No MRs. Kauwila. aole he wahi pilikia iki i kau aku maluna on a, he o ia mau no ka maikai o kona ola kino a ma ka nupepa koke aku la no o nehinei, i heluheli iho ai au, no ko lakou hoea ana aku i Kaleponi, a aia lakou ma Pasadena kahi i hoohala ai iloko o keia mau la.

            "Ehoakaka pu ana kela meahou, no ko haawiia ana o kekahi aha hulahula nui maloko o ka Hokele Reimona, me ka lilo o Mrs. Kauwila i mea akena nui ia e ka poe i hoea ae me kela aha hulahula, no ka u‘i ame ka nani o kona lole e komo ana."

            Nui iho la ka hanu o Magureta, he hoailona a Kauka Alika, i hoomaopopo aku ai, no ka loaa ana o ka maha i kela kaikamahine, alaila kau ae la o Magureta i kona mau lima iluma a nana aku la me ka pane hou ana mai:

            "Ma ka moeuhane i loaa ia‘u, ua make haoli o Mrs. Kauwila a ua"

            E hoopau loa oe i kou noonoo ana no kau moeuhane, h mea hoohihia mai ia i ka noonoo i kekahi manawa: oiai ua ike no oe, o na moeuhane e loaa ana i ka po he okoa loa ka mea e ikeia ana. ma ke ao ana ae.

            Ma ka ike i loaa ia makouna kauka, ma ka oihana lapaau, ua loaa mai na moeuhane like ole, mamuli no ia o ke ano o na meaai, a mamuli o na mmea a ke kanaka e noonoo ana, nolaila, aole o makou manaoio ia mea he moeuhane a o ia ka‘u e a‘o aku nei ia oe e Magureta, e hoopoina loa kou noonoo ana i kau mau moeuhane, oiai aole he oiaio, elike me ia a‘u i hoakaka mua aku nei ia oe, eia no o Mrs. Kauwila ke ola mai nei, ahe keu aku a ka maikai o kona ola kino me ka piha hauoli pu:" alaila hoololi ae la ua kaukanei i ka laua mau mea e kamailio ai.

            Iaia i haalele iho ai ia Magureta, ua maikai maoli ka noonoo o kela kaikamahina, a ma kana mau manawa e hele hou mai ai e ike iaia mahope mai, aole he hoala hou ia mai o na mea e pili ana ia Mrs. Kauwila.

           Ma keureta, ike pu ia aku la no hoi kona kahi pule hou mai, ua pii mau ae ka maikai ame ka ikaika o Magureta. ike pu ia aku la no hoi kona hoihoi, no ka mea ua kaawale aku kekahi mau mea nana i hoopilikiamau i kona noonoo, a Reginola i koho aku ai, ua kuhihewa ioa o a Magureta, ua ili aku maluna on a na ahewa ana, ina ua make i‘o o Mrs. Kauwila.

            I ka makikai loa ana o Magureta, elike me ia a ke kauka opio e ike aku la, lawe okoa mai ai oia ia Ame ma kehaki kakahiaka no ka hoohala ana i kona manawa o ke ao me uuku i mea e hoohauoliia aku ai ko Magureta manao; a i ka haalele ana aku o Kau Alika ia Magureta me ke kaikamahine uuku, e noke ana o Magureta i ke kamailio i kekahi mau mooleloia Ame, he mea a ke kauka i ike mua ole ai i kana ma‘i e hana ana pela.

            Ma ka hora eha o ka auwina la, hoea hou aku la ke kauka, no ke kii ana ia Ame, e hoihoi no kona wahi o kana mea i ike aku ma na helehelena o kana mau ma‘i, aia ka lamalama ame ka hoihoi maluna o kaua, e hoike mai ana kela hiona, no ka hoohalaia i kela, iloko o na manao hauoli, a oluolu o ko laua mau noonoo,

            O ka hele hoi ia ahiki i ka ae ana aku o Kauka Alika ia Magureta e hele i ka holoholo, ua ike maoli ia aku ka hoihoi maluna o na maka o ua kaikamahine nei, a ma ka aoao hoi o ke kauka opio, ua hoopiha loa ia aku kona uhane me ka olioli, no keia loli ano nui loa i loaa ia Magureta, aole hoi elike me mamua, ka hoikeike mau mai o na maka o kela kaikamahine i na hiona o ka poe i opulepule ka noonoo.

            I ka nana aku ia Magureta, me he mea la, ua lilo ka hoea mau aku o ke kauka opio e ike iaia i mea nui lia. E kipa mau aku ana no o Nele Rinafoda e ike iaia, mai kona wa ma‘i mai no, ahiki i ka loaa ana o ka oluolu maikai iaia, eia nae aole ia elike me kela ano kaokoa loa, me he mea la, aole i loihi ko laua hookamaaina ana kekahi me kekahi.

 

MOKUNA XVI.

 

            O kela hoihoi mau a Kauka Alika e ike mau aku la ma ka helehelena o Magureta, ua like ia me ke ola hou i hookomoia aku iloko o kona kino, a ke ike la ua kauka nei, ua loaa mai ka manaolana iaia, no kona hoike okoa ae i ka meahuna a kona puuwai e hiipoi ana, koe wale no ke kakali ana aku, o ka hoea mai i ka manawa kupono,

            Uahoea mai nae ua manawa la, no ka mea ma kekahi la, ua lawe aku la ke kauka opio ia Magureta i ka holokaa, maloko o ka paka, a oiaio o kela kekahi la maile a maikai no ka holoholo ana, ua hoike okoa mai la o Magureta i kona piha hoihoi, e kaa ana ma kona aoao ke kamailia ana i ka hapanui o ka manawa, ma kela ame keia mea, he hana hoi a Kauka Alika i ha‘oha‘o loa ai, aka nae he hoailona keia, no ke auhee loa ana aku o kela ano kahiko iloko o ua kaikamahine nei.

            O ko laua hele nae ia i ka holokaa ahiki i ka hoea ana ae ma kekahi kumulaau nui, kaohi mai la o Kauka Alika i kona kaa, me ka lele ana aku ilalo, a kokua aku la ia Magureta, me ko laua hele like ana aku i ka holoholo malolo ka paka.

            "He keu maoli no kou maikai a oluolu ia‘u e Kauka Noka, a ua hiki ole ia‘u ke hoike aku i ka nui o ko‘u hauoli no kau mau hana no‘u, me na huaolelo kupono , koe wale no ko‘u aie ana, i kau mau hana apau, e hiki ole ia‘u ke uku aku me kekahi ano," i pane ae ai o Magureta, iaia e hele ana ma ka aoao o ke kauka opio.

            "Ke haawi aku nei au i ko‘u mahalo nui no kena mau olelo au e Miss Anola," wahi a ke kauka opio, me ka pinapina‘i o ka pana ana o kona puuwai. "He nani hoi ia, ua hoala mai la oe i kekahi mea i pili loa i ka‘u mea i hana aku ai nou, a ae mai ana anei oe e hoakaka aku au i kekahi manao kahiko, e waiho nei iloko o kuu puuwai?"

            "Ina he mea ano nui kekahi au i manao ai, a i hoolala ai paha e Kauka Noka, ua hiki ia oe ke hoike mai imua o‘u i kea wa: no ka mea ua ike au ma kau mau mea apau i hoolala ai, he mau mea wale no ia i noonooia me ka manao maikai."

            "Ke mahalo hou aku nei au ia oe e Miss Anola, a no ka hoi pono ana ae i ka manao a‘u i hoolala, a i noonoo nui ai no hoi no kekahi manawa loihi, e ninau aku ana au ia oe. Ke ike nei au, ua oi ae ka maikai o kou ola kino, i ko ka manawa i hala, a pehea, ua makemake o‘i anei oe e auhee loa aku kela mau ano kahiko apau, nana i hookaumaha a i hoopilikia i kou noonoo?"

            "O ka iini hookani ia a kuu uhane e noho nei," wahi a Magureta me ka auhee ana aku nae o ka ula ohelohelo mai kona mau papalima aku no ka mea ka ike la ua kaikamahine nei, i ke kumu e hiki hou ole ai ke loaa he ahuoli piha ana iaia, mamuli no ia i pulapu ma ke ano haahaa.

            Ua noho hamau iho la laua no kekahi mau sekona, alaila kaa mai la ma ko Magureta ao ao, ke kamailio ana:

            "Ua oi aku ka mea au i hana mai ai no ko‘u pono e Kauka Noka mamua o ka mea hiki ia‘u ka hoike ae; ua maikai maoli au, koe wale no nae he wahi mea uuku loa koe iloko o kuu noonoo a ke auhee aku ia wahi kiko eleele, o ka hoi hou mai no ia o ko‘u mau ano apau."

            "Ua maopopo ia mea ia‘u e Miss Anola, a no ia mea hookahi wale no i hoolala ai au i ke akahele e pono ai oe, a e pomaikai like ai hoi kaua. O ka‘u i hooholo ai, o ia no kou kaa ana aku malalo o na lawelawe noeau ana mai a kekahi kanaka, makaukau loa, i ka lapaau ana ma na ma‘i o ka noonoo o ke kanaka. E ae ana anei oe i keia manao o‘u?"

            "Mamua o ko‘u ae ana aku i kau noi, owai ke kanaka kupono no keia hana ai i ike ai?"

            "Alaila e olelo mai ana anei oe, e haalele iho ai ka noho ana ma Nu Ioka nei, a holo aku no Parisa?" me ka hele o ka helehelena o ua Magureta a haikea pu. "Manao au he hana paakiki loa ma‘u ka haalele ana iho ia Nu Ioka nei."

            "Malia paha no kou manao o oe hookahi wale no ke hele aku no Parisa pela iho la oe i kanalua ai, aole pela ko‘u manao, i kokoolua kekahi e hele pua ai me oe, a mai lilo hoi na mea a‘u e kamailio aku ana, i mau mea hoopioloke aku i kou noonoo. E Magureta,e ae ana anei oe o kaua pu ke holo no Parisa?

            "Aia paha he pohihihi iloko ou, no keia mea a‘u e hoakaka aku nei ia oe, in a pela, eia maoli ka manao, e hele like kaua no Parisa ma ke ano he wahine mare oe na‘u no ka mea ua haulehia au i ke aloha ia oe, iloko o na la loihi e kaa ana oe malalo o ka‘u mau lapaau ana. O ka mea oiaio mae, mai kela manawa mua loa, o ka ike ana aku o ko‘u mau maka i kou khelehelena, mai ia wa mai ke komohia ana o ka makemake iloko o‘u nou, a i kela ame keia la mahope mai, o kou kaa ana mai malalo o ka‘u mau lapaau ana, ua pii mahuahua mau ae ia makekmake, ahiki i ko‘uhaulehia maoli ana iloko o ke aloha kupouli nou, a nou wale no.

            "Ua ike maoli iho no au iloko o keia manawa a‘u e maalo mau aku nei imua ou i keia la, he mea makehewa wale no keia ola ana in a aole o oe pu kekahi me a‘u iloko o na hauoli ana o keia kino, Eia iloko o‘u ka makee ame ka iini e loaa ia oe ke ola kino maikai, a i wahi e hoea mai ai ia hopena hauoli, he hookahi wale no alahela e hiki ai, o ia kou haalele ana i keia wahi a holo aku ma kekahi huakai au moana, e loaa pu he kokoolua kupono nou, a in a no ke kaa aku malalo o ka lapaau ana mai a kekahi kauka akamai i ka nana ana i ka lolo o ke kanaka, no ka makahiki hoookahi, he manaolana ko‘u, ua hoi hou mai kou mau ano kahiko, kela ano a na kanaka o Rosemona, e kapa aku ana ia oe, ka hele o na awawa. E ae mai ana nei oe e holo no Parisa ma ke ano he wahine mare na‘u?

            No kekahi mau sekona, aole e hiki ia Maguretake paa@ mai aole no hoi i lilo kela mau hoakaka a ke kauka opio ao ka nui o kona aloha i ke kaikamahine opio, i mea hoopilikia aku i kona noonoo, aka noii pono mai la oia ma na maka o Kauka Noka, a pane mai la:

            "Auhea oe e Kauka Noka, ua hookahaha loa mai oe i ko‘u manao, mamua o ka mea hiki ia‘u, ke hoike aku ia oe. "E ae ana no anei oe e mare mai ia‘u, me kou ike no, eia mau no na anoano o ka ma‘i pupule a hehena iloko o‘u?"

            "Aole, o ka ae wale no ka ae wale no ka‘u e hooia aku nei imua ou e Magureta, aka o ka hauoli pu kekahi iloko o kuu puuwai. Ua makemake au e mare aku me oe, elike me kou ano i keia manawa, i hiki ai ia‘u ke pulama aku, a ke hoolilo aku o ko‘u ola ana i mea waiwai loa, ma ke kiai pono ana ia oe i ke ao ame ka po, a no ka mea ua aloha au ia oe me kuu puuwai apau. Ke paa nei kuu manao, aole loa he loihi loa o ka manawa a kaua e kakali aku ai, e hoi hou mai no ka hauoli a nohoalii iho maluna ou."

            "O ka pilikia hoi paha, aole ha aloha iloko o‘u nou. O kela aloha o ka wahine no kana kane, aole ia mea me a‘u i keia manawa. Ua nana aku au ia oe iloko o keia mau la loihi o ko kaua launa ana, ma ke ano he hoaloha wale no, ua haawiaku au i ka‘u mau mahalo kiekie loa ana maluna ou, a‘u no e kaena ae nei, o oe ka helu ekahi iwaena o na kanaka apau ua hoike mai oe ia mea ma kau mau olelo, a ma kau mau hana apau. No ke aloha, ua nele ia mea ia‘u, no ka mea, he hookahi wale no a‘u manawa e aloha ai."

            "Ae, ua ike au i ke ano o kau mea e kamailio mai nei e Magureta, a pehea, ke aloha nei no anei oe i kela kanaka?"

            "Aole loa he wahi lihi aloha i koe iloko o‘u n okela kanaka, a ke hopohopo nei au, aole paha e komohia ana he aloha iloko o‘u no kekahi mea hou ae. Ma kuu manaoio, o kela mea he aloha, ua make loa ia, a maluna iho o‘u na ahewa ko‘iko‘ ia, ke as aku i kau noi, me kuu ike no, aole au i aloha aku ia oe."

            "Ua maopopo no ia‘u, aole oe e Magureta i aloha ia‘u, o ka mea hookahi ia nana i hoopilikia mai i kuu noonoo; aka aole au e koi aku ana ia oe e aloha mai ia‘u, e waiho malie kaua ia ninau, na ke au o ka manawa e hoike mai, i keia nee ana aku. O ka mea nui wle no a‘u e iini nei, o ia kou haawi ana mai, i kou ae, me ka manao maikai, owau pu ke holo me oe no Parisa, e kiai aku no kou pono, a e haawi i ka‘u mau hooikaika ana ma na mea apau e auhee aku ai kou mau pilikia.

            "O, e Magureta, mai hoole mai oe i ka‘u noi! Ua hele kuu puuwai a piha, o ka hanini wale aku no koe, nōlaila e ike mai oe i ka nui ehaeha e loaa ana ia‘u, ke hoea ole mai i ka hookoia ana o ka‘u mau upu ana nou, a nou wale no." alaila hookiho la ua kauka nei me ka haalulu o kona leo.

            "Alaila e manao ana anei oe, e heelele i kau oihana lapaau, a hele pu me a‘u no Paris no ko‘u pono? O kou pomaikai, ka waiwai ame ka hanohano, e haalele iho anei oe mahope nei mamuli o kekahi kaikamahine opulepule?"

            "He oiaio, ua nui ka‘u mau hana maanei nei, ua nui pu ka waiwai ame no pomaikai ma ka‘u oihana, aka nae, he hookahi wale no makahiki a‘u e kaawale aku ai no Parisa, a i ko‘u hoi hou ana ana mai, e hoomau aku ana no au ma ka‘u oihana, nolaila e ike mai oe, aole he pilikia nui ma ko‘u haalele ana iho i ka‘u oihana malalo o kekahi mau kauka, ke noho aku au maloko o na halema‘i ma Parisa."

            "Ua noho hamau iho la o Magureta no kekahi mau minuke me ka pane ole mai, o ka mea oiaio nae e noonoo ana oia me ka akahele, no na mea apau a kona kauka i hoakaka aku ai imua on a, a i kona ike ana i ka mea pono, e kamailio mai ai, aea ae le ke poo iluna, kau mai la hoi kana nana ana maluna o ke kauka opio, ai mai laa me ka leo o ka mea i piha ole me na manao pihoihoi:

            "Ekuu hoaloha, ke hooholo nei au i kuu manao e ae aku e holo no Parisa, a waiho aku ia‘u iho malalo o na lapaau ana mai a kela kauka o Parisa. I ko‘u holo ana nae no Parisa, e lawe pu au i kekahi o Parisa. I kekahi wahine akamai i ka malama ma‘i i kokoolua no‘u. Aole e hiki ia‘u ke ae aku i kau noi, no ko kaua hele ana elike ana kau i makemake ai, no ka mea ua like pu no ia me ko‘u hoopoino ana aku i kou ola, oiaio ua nele au i na haawina apau a kekahi kane i makemake mai ai, e panaiia aku iaia e kana wahine, o ia no kela momi makamae loa, o ke aloha

            "Ua ike au, he hana hoopilikia wale aku no ia oe, kou hele pu ana me a‘u no Parisa, a kiola aku i ka waiwai, ka hanohano ame ke kaulana, ke hana nana e hapai ae ia oe a lilo i kanaka nui maloko nei o keia kulanakauhale, me keia hope aku."

            "O, e Magureta, aole au e lawe mai ana i kena mau hoakaka au, ma ke ano, o kau olelo hooholo paa kena," i pane aku ai o Reginola, me ka leo o kam ea i piha me ka ahaeha, "Ina aole owau pu kekahi e hele me oe no Paris, e ike ana oe i ka hoopilikia o kou noonoo, e ala mai ana na hoomanao ana iloko ou, no na hiona i kamaaina ia oe iloko o na la i hala aku la ihope, me ka oi aku o ka ehaeha, mamua o ka mea hiki ia‘u ke hoike aku ia oe, a ua ahona no ka noho ana maanei, aole e holo ma ka aina mamao.

            "Ina nae, ua paa no kou manao e holo no Parisa, alaila e konoia mai ana au e ukali aku mahope ou, me ka nana ole ae i ka‘u oihana mahope nei, oiai ua paa loa kuu manao, e lilo au i mea kokua aku aku ia oe, a e pulama a hoopakele hoi ia oe, mai na mea maikai ole mai e poino ai kou ola kino.

            "Ina oe e kaawale ana mai ia‘u aku, me ka moana nui akea mwaena o kaua, aole loa e hiki ia‘u ke noho iho ma Nu Loka nei, ua ahona ka make ana, mamua o kuu ae ana aku ia oe e kaawale i kahi e. E hoike mai ai‘u e Magureta i ka mea oiaio loa: e lilo ana anei i mea hoopilikia aku ia oe, ke hooliloia mai oe na‘u, o ka make wale no ka mea nana e hookaawale ae ai kaua? Ua lilo anei ko‘u pili mau ana aku me oe i mea hookaumaha aku i kou noonoo?" alaila kulou aku la o Kauka Alika imua, no ke kakali ana i ka pane a Magureta.

            "Ua oi ae ko‘u hauoli ke pili aku me oe, mamua o kekahi poe e ae." wahi a Magureta me ka nana ana aku ma na maka o ke kauka. "O ka mea wale no a‘u e hopohopo nei, o ia ka loaa ole aku o ka hauoli ia oe ma o‘u mei, pela iho la au i makemake ai e hoopakele ae ia oe."

            "Ina oe e ae mai ana lilo i wahine mare na‘u, aole loa a‘u mea e mihi ai ma kekahi ano: a oiai ua hoike okoa mai nei oe i ka nele o ka loaa ana ke aloha nou ia‘u, he mea liilii loa ia i ko‘u noonoo, koe wale no kuu lohe ana aku nei, mai kou mau lehelehe ponoi mai, ua loaa ka hauoli ia oe ma o‘u nei, @ lawa ia, no ka mea a kuu puuwai i iini ai. O ka mea nui wale no, e lilo mau kaua i mau mea pili aku kekahi me kekahi, e loaa hoi ia‘u ke kuleana maoli, e hoopakele ai ia oe me kuu inoa ame ka‘u mau pulama ana. O e Magureta, e ae mai oe, o kaua pu no ke holo no Parisa!"

            "Aole paha he mea maikai na‘u ka haawi koke ana aku i ko‘u ae i kei manawa, e haawi mai oe i mau la na‘u e noonoo ai me ke akahele loa."

            "Aohe a kaua kakali hou ana aku, ua maopopo ia oe ko‘u mano, a pela hoi kou mau manao ia‘u, o keia wale no ka manawa kupono a kaua e hooholo ai i keia ninau ano nui. Pehea ke ano o kau mea e noonoo aku ana, aole loa e hoololiia ae ko‘u manao, mai ka‘u mea i hoohiki paa ai. Ina no kou hele no Parisa, owau pu no kekahi, in a aole ma ke ano he kane mare nau, aka ma ke ano he mea i makee mau i kou pono, a i makee pu hoi i kou hauoli, o ka make wale no ka mea nana e kaohi ma ia‘u, mai ka noho kokoke ana aku ia oe.

(Aole i pau.)