Ka Nupepa Kuokoa, Volume LVII, Number 12, 21 Malaki 1919 — IKELA KA PONO OLE O KE KULA MA WAIALEE Ahewa ke Komite o ke Kiure Kiekie i ke Ano o ka Malamaia Ana o Kela Kula KUPONO OLE KA MALAMAIA ANA O NA KEIKI MALAILA Waihoia ae ka Hoike a Kela Komite Imua o ka Ahaolelo e Noho Nei i Keia Wa [ARTICLE]

IKELA KA PONO OLE O KE KULA MA WAIALEE

Ahewa ke Komite o ke Kiure Kiekie i ke Ano o ka Malamaia Ana o Kela Kula

KUPONO OLE KA MALAMAIA ANA O NA KEIKI MALAILA

Waihoia ae ka Hoike a Kela Komite Imua o ka Ahaolelo e Noho Nei i Keia Wa

I ka lehulehu o makaainana e noho pouliuli ana, me ka maopopo ole o ke ano o ka malamaia ana o na keiki ma ke kula o Waialee, i oili ae ai ka ho'ke a ke komite kuikawa o ke kiure kiekie, me he poka pa-hu la, no ke kupono ole maoli o ka malamaia ana o kela kula, elike me ia i waihoia ae ai imua o lea Lunakauawai Kaapuni Ash'ford ma ka Poalima aku nei i hala. Me na huaolelo like ole, o na hoahewa no ke ano o ka hoohana ame ka malamaia ana o kela kula, i hoakaka ae ai ke komite ma kana hoike, e hooili ana nae i na ahewa kiekie ana no na kulana i ikeia e ke komite, maluna o ka papa komisina o ke Kula Hoopololei, i noho lunahoomalu ia e William L. Whitney. Ka Hoike a ke Komite E hoakaka ana ka hoike a ke komite i ka hui pu ana aku o ua komite nei me Mr. Frederick Anderson, ka mea nana e noho hoomalu ana i kela kula, ma ka la 22 o ka mahina aku nei o Feberuari i hala, a mahope o ka hoolohe ana o ke komite i kana mau hoakaka, o ka ke komite mea i koho aku ai nona, ua liko oia me kekahi kilokilo, a ma kekahi olelo aua ae hoi, he mea oia i maa i ka pulapu. Ua hele kino meoli aku ke komite e noii a e huli no lakou iho i ka oiaio o na mea i kamailioia mai, e makaikai ana ma kela ame keia hale {illegible} ninaninau ana no hoi i na keiki e noho ana ma Waialee, a ua loaa mai i ke komite ka ike maopopo loa, no ka pololoi ole o na mea i hoikeia aku ia lakou, aka he ku i ka maikai ole ame ke ano pelapela ke kulana holookoa o ka malamaia ana o kela kula o Waialee. No ka halema'i, wahi o ka hoike a ko komite, aole ia i kupono e kapaia he halema'i, aka he papa'i wale iho no ia i lawa pono ole me na mea e oluolu ai na keiki ma'i. O na hale moe keia i hookaawaleia no na keiki e hiamoe ai, aole loa i kupono ,oiai aole i hanaia he mau silina, aole hoi he mau mea e hiki ai ke pale ia aku ka makika, ka nalo, ka elelu ame kekahi mau holoholona kolo e ae. O ka pale uluna keia, ame na halii moe, he keu a ka lepo, he ike wale ia aku no ke kau mai o ka lepo ulaula, e kau mai ana no hoi ke koko, mamuli paha o na eha o na wawae, a i ole, no ke koko o ka makika ame ka uku lio.

Ma ka hookuku ana i ke kulana maemae o na halii moe o na keiki ma kela kula, me ko na paahao, aole i lihi launa aku i ka maemae o na halii moe ame na pale uluna o na paahao.

Maloko o na halehana ua nui ka mahalo o ke komite no ka maemae ame ka makaukau o na mea apau i hoolakoia, a he pomaikai nui ko na keiki e a'oia ana maloko o kela mau halehana, ke lawe a malama i na ike e a'oia ana ia lakou e na kumu makaukau. Ua mahalo nui ke komite ia Mr. Kane, kekahi o na kumu e noho hana nei maloko o kela kula, o ka hana a na kumu ekolu, o ka hana ia a keia kanaka hookahi e lawelawe ai, me ka manao o komite he mea pono e hoomamaia ae na hana a keia kumu, mamuli o ka loaa ana he mau kokua iaia. Ua hoohalahala nui ke komite no ke a'o ole ia o ke ano Kristiano maloko o kela kula, he kahunapule Kakolika waIe no ka mea hoea aku iwaena o na keiki a na makua Kakolika, aole hoi he hoea aku o na kahunapule o kekahi mau hoomana e ae. Ma ka manaoio o ke komoite, he mea pono e hoomahoahuaia ka haawina lole no kela ame keia keiki, i hiki ai ke wehe aku i na lole lepo, a komo mai na lole maemae. He nui hou aku kekahi mau mea maikai ole a ke komite i ike, a ua waihoia aku kela hoike, imua o ka ahaolelo kuloko; a maluna o keia hoike, e komo mai ai na komite hoonaauao o ka ahaolelo a lawelawe i ka lakou mau hana noii, no ka huli pono ana i ka oiaio. BERLIN, Mar. 18. —Ua weheia ka ahaolelo o Munich i nehinei me kekahi mau pualikoa i hui pu mai a ua haawiia na kiai makaala ana e keakeaia aku ai ka ulu ana mai o ka haunaele. Ua kiaiia na puka e komo aku ai me kekahi mau pu mikini i kau ia maluna o na kaupoku hale kokoke mai, a o na hoa o ka ahaolelo ame na kanaka kakau meahou no na nupepa ua huli muaia lakou no ka manaoia he mau pu ka lakou, ia lakou e komo aku ai iloko o ka rumi ahaolelo. Aohe poe makaikai i akoakoa ae i ka wa i weheia ai ka ahaolelo, aohe poe e ae i aeia e komo, o na kanaka nupepa wale no.