Ka Nupepa Kuokoa, Volume LVII, Number 12, 21 March 1919 — NUHOU LIKE OLE O NA AINA E [ARTICLE]

NUHOU LIKE OLE O NA AINA E

Nui ka Poe i Make a i Hoohaia Iloko o ka Manawa i Haunaele ai ma Halle BERLIN, Mar. 18.—He 55 poe i make a he 170 i hoehaia iloko o ka mauawa i ala ai ho kauuaeie hanaua ma Halle, a he 250 poe e ae i hopuia e na aliikoa no ka hewa aihue a hao walo ana i na waiwai. O ka waiwaiio o na waiwai i aihueia ua koho wale ia aia ma kahi o ka 10,000,000 marks. Mamuli o ka hoomauia o na hana hao wale a aihue a na kanaka maloko o na apana e hopuni ana ia Halle ua kukala ae ke aupuni no ka hoopuniia o na kulanakauhale o Ditterfield, Delitzeeh, Muenelieln, Merseberg amo Hoennern e na koa. Ua hooweliweliia e na makaainana hoohaunaele ma Windschlag ke komisina hoolako meaai e imi aku no ko lakou hoopakeleia mai e na luna aupuni o ka oihana koa. I ka manawa i hoea aku ai na makai ua hoauheeia mai lakou e na makaainana i hele a hae me na o loloa ame na pauku laau. Elua Mau Mokuaina i Holopapaia e ka Makani Tonado NEW ORLEANS, Mar. 10— He 28, poe i hoikeia mai ua make a he mau kaau poe hou aku i hoehaia a o ke poho ma na waiwai ua kohoia aia ma kahi o ka $2,000,000, mamuli o ka luku ana a ka makani ikaika, o ka holopapa ana mai maluna o na mokuaina o Misisipi ame Luisiana ma ke Sabati i hala. Lehulehu na mokuaina e ae i loaa pono i ke tonado, o ka hapanui o na kanaka i make malaila he mau lono maopopo ole loa ka i loaa mai ianei. Ua hookunanaia ka holo ana a na kaaahi maloko o na mokuaina elua no ka manawa mamuli o na mea alalai mamua o ko lakou alahele ame ka nele i na laina kelekalapa, o ka hapanui o na pou uweaolelo ua mokaki iluna o ka honua mamuli o ka luku ana a ka makani. Oia Mau no ke Kaua Ana a na Lahui Like Ole Maloko o Rusia COPENHAGEN, Mar. 18.—He lono kelekalapa mai kekahi luna aupuni Lettish mai ka i loaa mai ianei e olelo ana ua lilo aku i na koa o ka lahui Letts ke kulanakauhale o Tukkum a o ke emi hope ana aku a na koa Bolsheviki ma ka akau holookoa akii o Courland ua alaiia mai. Mahope o ka lilo pio ana aku ia lakou o Tukkum, ua hoomau aku la na koa Letts i ke ka'i ana imua a ua hiki aku la i Blieden. Ua Lilo Aku la i na Pualikoa ma Siberia ke Kulanakauhale o Ufa NEW YORK, Mar. 17.—Ua lilo aku i na pualikoa ma Siberia a paaia ke ku lanakauhale o Ufa ma ka la 13 o Mara-

ki, a hoauheeia na koa Bolsheviki mailaila aku mahope o ka hoouka ia ana o kekahi kaua hahana no ka lilo mai o ke kulanakauhale, elike ine ka lono i hoolahaia ae maanei e ka buro Rusia no na meahou. Komo ka Pualikoa Ukranians Iloko o Lemberg LONDON, Mar. 18.—Ua komo aku la na pualikoa Ukranians iioko o na kauhale mawaho loa mai o Lemberg a ua panikuia ka holo ana a na kaaahi o ka laina kaaahi Premsyl-Lemberg, elike me ka lono kelekalapa i loaa mai ianei. Ua komo aku na koa Ukranians iloko o Lemberg mahope o ka hala ana he mau mahina o ke kaua ana, he kaua i komo pu mai ai na wahine oloko o ke kulanakauhale ma ia kaua ana. No na la lehulehu i hala ka hoomau ana mai a na koa Ukranians i ke ki poka pa-hu ana i ke kulanakauhale me ua pu kuniahi nunui a he hapa o ke kulanakauhale ka i hoikeia mai aia no ke ahi ke a mai la i nei manawa. Ua komo pu aku na koa Ukranians iloko o ke kulanakauhale o Lemberg, elike me ka hoakaka a ka lono kelekalapa Kelemania. Oia mau ka paa ana a na koa Polani i ka hapa komohaua akau o ke kulanakauhale. Ke Liuliu Mai la na Polani no ka Lele Kaua Ana Mai i na Kelemania BERLIN, Mar. 17.—Ma na lono kelekalapa a ka Nupepa Associated Press i loaa ae ai i na nupepa o Berlin e hooiaio ana ia i ko ka lahui Polani liuliu no ka lele kaua mai ia Kelemania a ua hoikeia mai ia hoomakaukau ana i na aliikoa o na papu mawaho loa aku o Kelemania, a ua lilo ka aelike no ka hoomaha ana o ke kaua i mea mana ole. Ma ka oleloia he 84 mau kumu a na Palani i hoike mai ai i na Kelemania no ka hahakiia ana o na kumu aelike ua ka hoomaha ana i ke kaua. WASHINGTON, Mar. 18.—Wahi a Senatoa Irvine L. Lentroot o Wisconsin, oiai oia e haiolelo ana mamua o ka ahahui kalepa maanei nei i keia po, ina e nele ana ka hiki i ka Peresidena Wilson ke kukakuka e loaa ai kekahi kuikahi maluhia i ku i ke aponoia e ke senate Amerika, e hooholoia ana no e ka ahaolelo lahui kekahi olelo hooholo e hoopau ana i ke kaua me kekahi aelike kuikahi ole a e hoole iho ana ia Amerika e komo pu aku iloko o ka ahahui a na lahui no ka hooholo ana no keia mua aku.