Ka Nupepa Kuokoa, Volume LVII, Number 12, 21 Malaki 1919 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU. T. H., POALIMA, MARAKI 21, 1919.
MA KE KAUOHA
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HUSTACE PECK COMPANY, LIMITED,
OIAI, o ka HUSTACE-PECK COMPANY, LIMITED, he nui ia i kukuluia a e ku ana malalo a ma ka mana o na kahawai o ke Teritore o Hawaii, i kulike a i me ke kanawai i hoomakaukau ia ma na hana o keia ano, na waiho ia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae a ma ka hora 12 awake ao ka la 21 o Aperila, 1919, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku Teritore o Hawaii Honolulu, Feberuari 4, 1919.
6334–Feb. 7, 14, 21, 28; Mar. 7, 14, 21, 28; Apr. 4, 11, 18.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke KANEOHE COTTON COMPANY, LIMITED.
OIAI, o ke KANEOHE COTTON COMPANY, LIMITED, he nui i kukuluia a e ku ana malalo a ma ka mana o na kanawai o ke Teritore o Hawaii, i kui @ke ai me ke kanawai i hoomakaukauia ana na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i oohui pu ia me ia, elike me ia i koiia ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e @ e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae a ma ka hora 12 awakea o ka la 21 o Aperila, 191, a o kela ame keia mea e makemakea ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku Teritore o Hawaii Honolulu, Feberuari 4, 1919.
6334–Feb. 7, 14, 21, 28; Mar. 7, 14, 21, 28; Apr. 4, 11, 18.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke SOUTH KONA COFFEE, COMPANY, LIMITED.
OIAI, o ke SOUTH KONA COFFEE, COMPANY, LIMITED, he nui i kukuluia a e ku ana malalo a ma ka mana o na kanawai o ke Teritore o Hawaii, i kui @ke ai me ke kanawai i hoomakaukauia ana na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i oohui pu ia me ia, elike me ia i koiia ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e @ e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae a ma ka hora 12 awakea o ka la 21 o Aperila, 191, a o kela ame keia mea e makemakea ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku Teritore o Hawaii Honolulu, Feberuari 4, 1919.
6335–Feb. 7, 14, 21, 28; Mar. 7, 14, 21, 28; Apr. 4, 11, 18.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke PUMBLING SUPPLY COMPANY, LIMITED.
OIAI, o ke PUMBLING SUPPLY COMPANY, LIMITED, he nui i kukuluia a e ku ana malalo a ma ka mana o na kanawai o ke Teritore o Hawaii, i kui @ke ai me ke kanawai i hoomakaukauia ana na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i oohui pu ia me ia, elike me ia i koiia ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e @ e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae a ma ka hora 12 awakea o ka la 21 o Aperila, 191, a o kela ame keia mea e makemakea ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku Teritore o Hawaii Honolulu, Feberuari 4, 1919.
6335–Feb. 7, 14, 21, 28; Mar. 7, 14, 21, 28; Apr. 4, 11, 18.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke GOSALVES & COMPANY, LIMITED.
OIAI, o ke GONSALVES & COMPANY, LIMITED, he nui i kukuluia a e ku ana malalo a ma ka mana o na kanawai o ke Teritore o Hawaii, i kui @ke ai me ke kanawai i hoomakaukauia ana na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i oohui pu ia me ia, elike me ia i koiia ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e @ e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae a ma ka hora 12 awakea o ka la 21 o Aperila, 191, a o kela ame keia mea e makemakea ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku Teritore o Hawaii Honolulu, Feberuari 4, 1919.
6335–Feb. 7, 14, 21, 28; Mar. 7, 14, 21, 28; Apr. 4, 11, 18.
HOOLAHA I KA POE PAA AIE.
O ka põe apau he mau koi ka lakou i ka Moura & Company, Ltd., (i hoopauia i keia wa), e oluolu e waiho mai ia mau mea i ka mea nona ka inoa malalo iho nei, ma kona keena maloko o Wailuku, Maui, T. H., no ka hooponopono ana, i loko o kanaiwa la, mai ka hoopuka mua ia ana o keia hoolaha, o hoole mau loa ia aku ia mau koi.
J. GARCIA,
Kahuwaiwai no Moura & Company, Lt.d 6336–Feb. 21, 28; Mar. 7, 14, 21.
MA KE KAUOHA
HOOLAHA I KA POE HOOHANA I KA WAI MAUKA O NUUANU, NA KIEKIENA O ALEWA AME KALIH UKA.
Mamuli o ke emi mai o ka wai ma na Luawai Hooki'o o Nuuanu ame ke kauka'i ana aku i na kuaua ko'iko'i e hoea mai ana, ke a'oia aku nei ka poe noho mauka o Nuuanu ame na Kiekiena o Alewa ame Kalihi-uka, e paila i ka waiinu, ahiki i ka manaw e piha ai na luawai hooki'o. Ua kauohaia mai keia e hana pela e ka Papa Ola.
F. G. KIRCHHOFF,
Lunanui Laula, Oihana Wai me Sua, 6338–Mar. 7, 14, 21.
HOOKAPU KAI LAWAI'A.
Ke hoikeia aku nei ka lohe i na mea apau, ma keia hoolaha, ua kapu i na kanaka apau ka hele wale ana e lawai'a maloko o kuu kai lawai'a ma Awawa Malu, mai Makapuu a Hanauma, Oahu.
HAKUOLE H. PAMAIAULU.
6338–Mar. 7, 14, 21.
SALT LAKE CITY, Mar. 17,–Ua hoolahaia ae ma keia la ka hookohuia ana mai o Lunakahiko Elias Wesley Smith, ke keikikane a Joseph F. Smith, ka peresidena o ka Ekalesia Mo3mona i make, i peresidena no ka Misiona o ka Ekalesia Moremona ma Hawaii. Ua hanauia ka Lunakahiko Smith ma Hawaii i ka 1886.
KO'U MANAO PANE NO KA EUANELIO LULI OLE A IESU KRISTO NA OA BAPETIEO.
Mr Sol. Hanohano, Aloha oe:–Ma ka helu 8 o kau hiwahiwa, ke Kuokoa, o ka la 21 o Feberuari i ike iho ai au i na manao pane ano pahenehene a C. K. Kealoha, ma ke ano hooakamai pu Aole au e pane ana me ke ano hooakamai, aka, o na mea i papapalaia ma ka'u Baibala e paa nei, o ia ka'u e hoomaikeike nei. Oiai eia malalo o ka'u mauhooponopono ana ma ka Mokupuni o Hawaii nei iloko o ka Hoomana Naauao o Hawaii, he mau ekalesia, a me na hoohanau he nui, e hooko nei i ke kauoha a Iesu Kristo, ma o kana mau haumana la, no ka hooko ana i kana kauoha, e ha'i aku i Kona euanelio me ka bapetiz@ ana i ke ahi ame ka Uhane Hemoelele, me ke a'o ana i ka mihi i hoomakaia mai Ierusalema mai ahiki mai i Hawaii nei.
Ke hookoia nei keia mau mahele i ha'iia ae nei maluna iloko o na ekalesia apau o ka Hoomana Naauao, i hoomakaia mai ka A. D. 1893 mai ahiki i keia wa, 1919, a e hoomauia aku ana ahiki i keia wa, 1919, a e hoomauia aku ana ahiki i ka hopena o keia ao. Maila i'o paha ma ka'u mau hoakaka i ka like ole o na oihana bapetizo o Ioane ame ka Iesu i hoakaka ia maloko o ke Kauoha Hou, i ikeia mai ai k apii mama ana o k@ mau wawae iluna a haule Satana ilalo.
O ka oihana bapetizo wai a Ioane, he oihana wale no ia i haawiia mai iaia mai ke Akua mai, no ka imi ana i ka mea nana e bapetizo i ka Uhane Hemolele, oia o Iesu i ko Iesu bapetizoia @na e Ioane, aole i kau mai ka Uhane Hemolele maluna on a, aka, i ka Iesu pule ana (Luka 3:21, 22) o ka wa ia a ka Uhane i iho mai ai, mai ka lani mai me ka wehe ia ana mai o ka lani mai me ka wehe ia ana mai o ka lani a pa'e mai la ka leo o kona Makua, me ka i ana mai o ka'u keiki punahele keia he oluolu loa ko'u iaia, aole i hemo hou mai ka lani mahope mai, aole loa no mamua aku.
O ka bapetizo a Ioane aole ia no ko na aina e, aka no na mamo wale no ia a Iseraela, ka oihana hoi a ke AKua i haawi mai ai ia Ioane, a Ioane hoi i hoike maopopo mai ai aole oia ka Mesia, ka mea nana e bapetizo mai i ka Uhane Hemolele ame ke ahi. Ioane 1:33, Aole nae au i ike pono iaia, aka, o ka mea nana au i hoouna mai e bapetizo me ka wai, oia ka i olelo mai ia'u:
Aia a ike aku oe (Ioane) e iho mai ana maluna on a, a e noho ana maluna on a oia ka mea nana e bapetizo me ka Uhane Hemolele.
Ua maopopo loa ma keia mau olelo a Ioane, ua hookaokoa loa ia ka Iesu bapetizo ana mai ka Ioane aku. Oihana 9:1-6. I ka wa a Apolo i noho ai ma Kolineko, kaahele o Paulo i na aina mauka, a hele aku ia i Epeso, a loaa iaia kekahi mau haumana; i mai la ia lakou: Ua loaa anei ia oukou ka Uhane Hemolele i ko oukou manaoio ana? I aku la lakou iaia (O Apolo ma ia Paulo): Aole makou i lohe no ka Uhane Hemolele. I mai la kela ia lakou: I keaha la oukou i bapetizoia ai? I aku la lakou iaia: I ka bapetizoia a Ioane (haule keia pauku ia J. M. M. ma kana hoakaka mua). I mai la o Paulo: Bapetizo mai la o Ioane i ka bapetizo ana o ka mihi, i ka i ana mai i kanaka, e manaoio aku lakou i ka mea e hiki mai ana mahope on a (Ioane) o ka Mesia no ia o Iesu no.
A lohe lakou, bapetizoia iho la lakou ma ka inoa o ka Haku o Iesu, ma ke kau ana aku o Paulo i kona lima maluna iho o lakou, ahiki mai la ka Uhane Hemolele. Nolaila o ka bapetizo wai a Ioane aohe Uhane iloko o ia bapetizo Luka 24:47, 48, 49. A e haiia aku hoi ka mihi ame ke kala ana i ka hala, e hoomaka ana mai Ierusalema: O oukou hoi na mea hoike i keia mau mea; aka, e noho oukou ma Ierusalema, @ hoolakoia mai oukou me ka mana noluna mai. (Bapetizo i ka Uhane.) Oihana 1:4, 5.
A i Kona (Iesu) halawai ana me lakou, kauoha mai la oia ia lakou, (na haumana), aole e haalele ia Iersusalema, no ka mea, ua bapetizo i'o no o Ioane me ka wai; aka, e bapetizoia no hoi oukou ia Uhane Hemolele. Ua maopopo loa ma keia mau olelo ae la a ka Haku a Iesu maluna ae nei, ua lawa loa ia e hiki ai ka poe huli Baibala ke hoomaopopo iho aia he elua bapetizo iloko o ka Baibala e waiho nei o ka Ioane, no kanaka ame ka Iesu no ka Uhane. Ioane 6:65. Aole e hiki i kekahi ke hele mai io'u nei, ke haawi ole ia mai ia nana e ko'u Makua. Ioane 16:12, 13. He nui ka'u mea e olelo aku ai ia oukou, aka, aole e hiki ia oukou ke hoomaopopo i keia manawa. Aia a hiki mai kela, o ka Uhane oiaio, nana oukou e a'o mai i ka oiaio apau.
Ma keia mau olelo a Iesu e maopopo ai ka loaa ole o ka mana Uhane iloko o ka bapetizo wai a Ioane, no ka mea no kanaka ia, aole mailuna mai, o ia ka mea a Iesu e kauoha nei i kana mau haumana no ke kali ana ika bapetizo o ka Uhane Hemolele ame ke Ahi, a o ua bapetizo nei, ua hoikeia mai ia oe e ke kanaka Hawaii ma o J. Kekipi la a o ia ka laau mulemulea ole a ka Hoomana Naauao o Hawaii i kamaahia iloko o ka lakou mau hokeo. I Koli 12:3. Aohe he kanaka hoohiki ino ia Iesu, ke olelo oia ma ka uhane o ke Akua; aole he kanaka e hiki iaia ke olelo aku ia Iesu he Haku, ke olelo ole ia ma ka Uhane Hemolele (bapetizo i ka Uhane Hemolele ame ke ahi).
Mamua o ko Iesu hiki ana ma i ka honua nei, ua piha no na hoike he nui iloko o na mamo o ka Isaraela, ma o na kaula la he nui mai ia Mose ahiki ia Malaki; aka, i ka hiki i'o ana mai o Iesu, ua pohihihi iho la ua poe mamo nei a Iseraela a hoole aku la lakou i ko lakou Hoola, a hoomaewaewa aku la iaia maluna o ka laau ke'a, a lilo mai la keia pomaikai i hookaokoa ia no na mamo a Isaraela i ko na kanaka o kona aina e. Mat. 21:43.
Nolaila ke olelo aku nei au ia oukou: E lawe ia ana ke aupuni o ke Akua mai o oukou mai, a e haawiia aku ia i ka lahui kanaka (lahui Hawaii) nana e hoohua mai i kona hua. (Hoola i na nawaliwali o na kanaka). Mat. 11:11, 12. O na mea a na wahine i hanau ai, aole kekahi o lakou i oi aku mamua o Ioane Babetite; aka, o ka mea liilii loa iloko o ke aupuni o ka lani, ua oi aku ia imua on a.
Mai ka wa ia Ioane Bapetite mai ahiki ia nei, (Iesu) ua imi ikaika ia ke aupuni o ka lani, a ua laweia e ka poe ikaika no lakou. (Poe hooakamai olelo). Elike no me ka hele hoomahua ana mai a Iesu i ke ao nei iloko o na mamo a Isaraela, a hoopahaoao ia lakou, ka poe i kaena ia lakou iho he poe mamo na Aberahama, i lehia hoi i ke a'o Baibala malalo o Gameliela, ka loea ike kanawai o ia au, ua ike ole iho la ua poe nei. Pela no i keia au naauao, ke hoole nei aohe he bapetizo Uhane Hemolele ana, oiai nae ke kauoha nei o Iesu ame Ioane no ia mea. Mat. 10:5-6. Mai hele oukou ma ke kuamoo o ko na aina e; aole hoi e komo i kekahi kulanakauhale o Samaria; aka e hele oukou i ka poe hipa auwana o ka ohana o Isaraela. E a'o aku me ka i ana: Ua kokoke mai nei ke aupuni o ka lani.
Ma keia papa ana a Iesu i kana mau haumana, ua akaka loa no ka lawa ole o ka mana iloko o ka bapetizo wai a Ioane. Aka mahopoe o ko Iesu waiho ana ekolu po ame na la ekohi iloko o ka honua a ala mai ia, a pii aku oia i ke kakahiaka i ka lani, a hoi mai i ke ahiahi, hoike mai oia i kana mau haumana i keia mau olelo. Mat. 28:16-20. Hele aku la kana poe haumana he 12 i Galilaia, i ka mauna a Iesu i hoike mai ai ia lakou; a ike aku la lkaou iaia, hoomana aku la iaia. Hele mai la o Iesu olelo mai la ia lakou i mai la: Ua haawi ia mai ia'u ka mana apau ma ka lani a ma ka honua nei. E hele ae oukou e hoohaumana aku i na lahuikana ka apau, e bapetizo ana ia lakou iloko o ka inoa o ka Makua, a o ke Keiki, a o ka Uhane Hemolele: E a'o aku ana o malama i na mea apau a'u i a'o aku ai ia oukou, aia hoi owua no me oukou i na wa apau ahiki i ka hopena o keia ao. Amene.
Nolaila akahi no a loaa ia Kesu ka mana apau o ka lani ame ka honua mahope o Kona alo ana mai mai ka make mai a pii i ka lani e hoi mai, a'o hou mai i Kana poe haumana i na la ame na po he 40, nolaila aohe kauoha bapetizo wai a Iesu i kana poe haumana, aka he bapetizo i ka inoa o ka Makaua, ame ke Keiki, ame ka Uhane Hemolele, ka bapetizo nana i hoopohihihi aku i na loea huli Baibala o keia ao, a ua hoikeia mai i na hanauna hou o Hawaii.
Me ka Lunahooponopono ko'u hoomaikai nui, ame na keiki oniu hua hoi ko'u welina. Owau iho no me ka oiaio,
REV. E. W. EDMONDS.
Hilo, Hawaii.
HE HOOMANAO ALOHA NO PETER KAIKOO KAPUAA
Ma ko Iesu mau lima,
Ma Kona poli no,
Malaila au e maha,
A maha maikai pu.
I ka Lunahooponopono o ke Kuokoa, Sol. Hanohano, Aloha oe:–E oluolu mai hoi oe no makou kekahi wahi kaawale o ka kakou hiwahiwa, no kela poomanao e kau ae la maluna. Ma ke kakahiaka Poakahi, Feb. 24, i kipa ae ai ka misiona kaahele a ka ma'i luku e kauia nei ka weli (flu) ame ka numonia, ma ka home o ko makou hoahanau ame na hoaloha, e paiauma aku ie alohanona.
Oiai ko makou hoahanau, P. K. Kapuaa e hana ana me kona mau hoapaahana, ua loaa iho la oia, elike no hoi me ke komo ana mai a keia ano ma'i, ka lia mai o ka ili, hu'i mai ke kino i kona hoi ana mai; ua hoao ia no hoi na hana, no ke kupale ana aku i keia ano ma'i, elike me na hoakaka naauao a na keonimana e hoolaha nei maloko o ke Kuokoa, o ia hoi ka hoopuloulou, wawahi no hoi i ka laau hoonaha, kiiia no hoi ke kauka, ua loaa mai no ka oluolu, elike me ka nee ana a ke au o ka manawa, pela iho la no ka hoao mau ana o ka ma'i e lanakila maluna o ka laau; i ka hemo ana aku hoi o ke anu ame ka eha o ke kino, ua komo mai la hoi ka umiime ke ku@u, o kona ma'i ia a hala wale aku la. Ma ka ike hope a ke kaua, he numonia kona ma'i i make ai.
I ka wai i pouliai ka la ame ka mahina, ua hoi mai ke ao mahope o ka ua; ua moku ke kaula dala; ua naha ke kiaha gula; ua naha ka pakeke ma ka punawai, a no ka mea, e hoi ke kanaka i kona wahi mau, a o ka uhane me ke Akua me ka mea i hana.
Iluna i ke ao,
Kuu home mau,
He malihini au,
Ma eia ao.
Ka lani iluna ae, kuuhome mau.
HE HOOMANAO ALOHA NO KO MAKOU MAMA.
Mr. Lunahooponopono o ka Hiwahiwa a ka Lahui, ka Nupepa Kuokoa; Aloha oe:–Ina he rumi kaawale kekahi o ke Kilohana, e oluolu e hookomo iho i keia wahi puolo a ke aloha, a nana hoi ia e aha'i awiwi aku ma na paemoku o Hawaii.
Ma ka Poakahi, la 10 o Feberuari nei, ma ke taona o Honolulu, i pauaho mai ai ka hanu ola o ko makou mama Mary Kalaukehau Puulei.
Ua hanauia oia mai ka puhaka mai o Kauka kona papa me Maunu kona mama i ka la 20 o Aperila, 1860. Ua piha iaia na makahiki he 58 me na malama keu a hala aku la oia.
I kona mau la wahine u'i hoohuiia ai oia ma ka berita o ka mare, me ko makou papa i hala mua aku, Mr. Mahi Puulei; mai ko laua puhaka mai i loaa mai ai makou na keiki he 9; eha keikikane a elima kaikamahine, mai ia makou aku hoi i loaa ai no moopuna he 19 me hookahi kuakahi. He wahine aloha kane ko makou mama, pela hoi ia makou kana mau keiki, me na moopuna. Na ke aloha keiki no hoi i haalele mai ai i ka aina hanau nei, no ka la'i o ke taona, no ka noho pu ana me kekahi o kana mau lei aloha.
Oiai nae makou na keiki makou na keiki e noho ana i ka aina hanau nei, me ka palaka, me ka nanea, i loaa mai ai ka lohe o mama Kalaukehau ua hala. He wa ia no ke kauama, no ka mea ua oki ia mai e ke kai a kaawale, aohe alahele e hiki aku ai; aka na ke aloha makua iloko o ko makou mau kaikuahine e noho ana i ke kaona, na lakou i hoihoi i ke kino o ko makou luaui i kahi hana kupapa'u o Williams, malaila mai hoi no ka oneki o ka S. S. Kinau no ke awa o Nawiliwili.
Kakahiaka Poalima, Feb. 15, oiai makou ka ohana o ka home e noho ana me ka nanea, pa-eana ke kelepona i na hora o ke kakahiaka, mai Nawiliwili mai, e ha'i mai ana e hiki aku ana makou me ke kino o mama i kekahi manawa o keia la.
He manawa ia no ka ohana me na hoaloha e momoku ana no ka home aloha o makou me na makua i hala aku la, no ke kali ana aku i ka hiki mai o ke kino o ko makou mama. He oiaio, ua hookoia ia mau upu ana, ua hoea i'o mai ke kino o ko makou mama i ukali pu ia mai e ko makou pokii kaikuahine Miss Maraea Puulei, me na moopuna.
He wa ia no ka ohana apau i haawi iho ai i na makena ana maluna o ka mea e waiho oni ole ae ana; ua piha ko laua home i ka ohana, mai ia la a po, ahiki i ka auwina la Poaono, ua ka'i aku ka lehulehu no ka ilina ohana no ka waiho ana aku i kona kino lepo ma ka aoao o kana kane i hala mua me na moopuna, no ke kali ana aku i ka pu a ka anela, no ke ala hou.
Nolaila o makou o na keiki me na moopuna a ka mea i hala aku, ke haawi aku nei i ka hoomaikai nui i ka ohana ame na hoaloha i akoakoa pu ae, oiai ka manawa e kau ana o ke kino o ko makou mama ma ke taona o Honolulu, pela pu hoi ma ko laua home aloha, ma Nahala o Naue, no oukou apau ko makou mau hoomaikai.
Me na keiki hoi o ka papapa'i ko makou aloha hope.
O makou iho no me ka luuluu,
M. M. PUULEI,
Me ka Ohana.
Haena, Kauai.
He hoahanau o P. K. Kapuaa no ka Ekalesia o Iesu Kristo o ka Poe Hoano o na La Hope nei, he lunakahiko iloko o ka oihana kahuna o Melekikedeka, nona hoi ke kuleana e paa i na ki o ka hoopomaikai uhane. Ua nanaia aku oia e kona mau hoaluna, ma ke ano, oia kekahi o na kanaka paa rula iloko o ka ke Akua hana. He lala o Peter K. Kapuaa no ka papa alakai o ke Kula Sabati, a pela no hoi i ka Ahahui Opio, a he alakai himeni no keia ekalesia.
Kona kulana he oluolu, he hooko kauoha, e hele ana ma kela wahi keia wahi e ha'i i ka olelo a ke Akua, a he makee i ka noho oluolu ana, a hala wale aku la no me ke aloha nui ia.
Nolaila, e hooholo ia, o makou o nahananau, na lala o ke Kula Sabati ame ka Ahahui Opio, me ka Ekalesia o Paianei, ma o ko makou mau komite la, ke komo pu aku nei me oe e ka wahine i hooneleia i ke kane, na keiki makuaole, ame ka ohana, e auamo pu a e kaana like hoi i na luuluu ame na kaumaha no ko makou hoahanau i aloha nui ia. Ke pule nei makou i ke Akua, e laweaku i na kaumaha ame na luuluu, a nana no e hoopomaikai mai ia kakou apau iloko o ka inoa o Iesu.
O makou iho no me ke aloha, ma o ko makou mau komite la.
STEVEN KILA,
DAVID K. KEALA
J. M. KEKUA,
Paia, Maui, Mar. 4, 1919.
KA LAAU MAIKAI LOA I HANAIA
Aole he laau maikai loa i hanaia, elike me ka Laau Kunu a Chamberlain. He hooluolu aku ia i na akemama, hoopalupalu i ka male, kokua aku i ke kuha ana, a kokua aku i ke Akua, ma ka hoihoi hou ana mai i na meapaahana ma ko lakou kulana ola maikai. O kekahi, aole he mau waiawa a he palekana loa ka inu ana. Eia ke kuaiia nei e ka poe kuai laau apau, o Benson, Smith & Co., na akena no Hawaii.–Hoolaha.
KUOKOA–19
HOOMAKAUKAU NO MUA AKU NEI
E Hoao e Hoomakaulii Ano---E Malama i ke Dala e wehe i Buke Banako Heahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA $1.00 no ka Wehe Kihi o ke Alanui
no ka Hoolimalima Ana i ka Hoahu Moi me Nuuanu
NUPEPA KUOKOA
No ka makahiki (one year)…. $2.00
No eono mahina (six months) . . . . 1.00
O na Dala âme na Hoolaha Apau e hoouna pololei i ka ADVERTISER PUBLISHING COMPANY, LTD., wale no, P.O. Box 208, Honolulu, T.H.
Entered at the Post Office at Honolulu, T. H., as Second Class Matter. CHARLES S. CRANE…. LUNA NUI
HOOLAHA I KA POE PAA AIE.
O ka põe apau he mau koi ka lakou i ka Iao Stables Co., Ltd., (i hoopauia i keia wa), e oluolu e waiho mai ia mau mea i ka mea nona ka inoa malalo iho nei, ma kona keena maloko o Wailuku, Maui, T. H., iloko o kanaiwa la mai ka hoopuka mua ia ana o keia noolaha, o hoole mau loa ia aku ia mau koi.
J GARCIZ,
Kahuwaiwai no ka Iao Stables Co., Ltd. 6336–Feb. 21, 28: Mar. 7, 14, 21.
Hoonee Hou ia Aku Imua ke Kahua o na Aupuni Hui ma Kelemania
BERLIN, Mar. 17.–Ua hoonee hou aku imua na pualikoa Pelekane ame Palani i ka lakou mau papa mawaho loa mai na palena aku o na poo o na alahaka ma Cologne me Mainee ma ka Muliwai Rhine.
Ua hoikeia mai ko na pualikoa Palani emi hope ana mai i na palena hui o na pualikoa ma Frankfort, a ma kekahi lono hoi ua hookomo ae na luna aupuni ma Remschief i kekahi hoohalahala imua i ka lahui Kelemania ma Weima@ e ku-e ana i ke komo ana aku o na koa Pelekane a paa i kekahi mau kulanakauhale Kelemania hou.
KA FLU PANIOLO me ka MEA E HANA AI
KELA LAAU KAULANA
B.B.C.
No na mea e pili ana i ka ma'i Flu Paniola i lilo ai i mea kamailio nui ia–aole he kumu e lele ai ka oili. He mea oiaio, aole no he hewa o ka makaala ana e hoomaemae i na puka o ka waha, ka puu ame ka ihu–e hanu ma ka ihu, in a e paa mai ka hanu, e hoohana i ka'u laau B. B. C. no ka hanupaa, e hoohana i ka opu me elua, ekolu a eha manawa o ka la, e hele iwaho o ke ea, a e hiamoe ma loko o na rumi nui o na wahi hookuu ea a e makaala, in a he maikai na meapaahana o kou kino. Hooikaika i ka opu, e hoomaemae i ke koko, na puupae, ke akepaa ame ka puumimi, e pale aku i ke anu, a e hooikaika i na meapaahana, aole au mea e hopohopo ai. O ka B. B. C. ka mea nana e hooko aku i kela hana. Nana e hooikaika i ke kino–kukulu hou i na meapaahana e kokua aku ana i ke kiola ana ae i ka nawaliwali ame ka ma'i. He auneki o ka hoopakele ua like ia me ka paona o ka hoola–o ka hanu iloko o ka wa pono, hoopakele ae ia he eiwa a o ke alahele o ka B. B. C. e lawela ae ana iloko o keia manawa, o ka oi loa aku, maila he mea ia e hoopakele ae ai ia oe mailoko mai o ka ma'i kupilikii loa, a mau pilikia e ae paha e pili pu ana ilaila.
Kumukuai, $1.25; 3 no $3.50. Kuai kuikawa no keia pule, 6 no $6.25. Na makou e uku i na kaki no ka hoouna ana ma na kauoha kuike apau o $6.25. Makepono ka B. B. C. no ke dala, oiai nana e hana, a e hoola. Ke kuai nei na halekuai laau ame na halekuai o na mahiko ia mea, pela no hoi ma ke Keena Poo o ka B. B. C., 161 Alanui Moi, pili me ka makeke kuai i'a, malaila au e loaa ai i na la apau a'u e noho ai i ke taona nei.
HE PAINA HOOKIPA MALIHINI
Mr. Lunahooponopono o ke Kuokoa, Aloha oe:–E oluolu mai kou ahonui no'u kekahi wahi rumi kaawale o ka hiwahiwa a kalahui, nana hoi ia e uwila ae ma na welelau o ka honua i keia poomanao e kau aela maluna, i ike mai ai ka poe puni meahou e noho ana ma na mokupuni apau.
Ma ka Poalua 'iho nei, hora 12 a oi awakea, ua hoomakaukauia kekahi mau mea paina hookipa malihini e Mr. ame Mrs. Esther Laumauna, me Mr. me Mrs. Emily Maliu, ma ka home o ko maua mau kaikuaana, Mrs. E. Laumauna, ma ka hora 1 p.m., ua hoea mai la na malihini mai Halawa mai, oiai na mea apau e hoola'i ana, ua haawiia mai la ka hoailona, ma o ke kani ana a ke oeoe o ka otomobile, ua liuliu ae la na kamaaina no ka hookipa ana mai i na malihini.
Ua lawe aku la o Mrs Emily Maliu he elima mau malihini me ia ma kona home, no ka hooluolu ana no ka manawa, a o Mrs. Esther Laumauna he elua, ua hoonanea ia na malihini me kekahi mau kamaaina, a ua hele aku la hoi na mea na lakou ka paina e hoomakaukau.
He hapalua hora mahope iho o ka hoonanea ana, ua makaukau mai la na mea i hoolakoia na na malihini.
Nolaila, ua kono mai la na kamaaina i na malihini e nauwe ma kahi o ke pakaukau i hoomakaukauia o na meeai, a ia manawa hookahi no, ua hoea ae la o Kalua o Lahaina, a ua hookipaia mai la oia me ke ohohia e na kamaaina, ia manawa hookahi no, ua hoonohonohoia ae la na malihini maluna o ko lakou mau noho, a i hui pu ia me kekahi mau kamaaina, ia manawa, ua piha pono ae la na noho; aia hoi kou meakakau ke noho hoola'i la me ka hauoli o ka naau, no na mea maikai i hana maiauia e na lima palupalu o keia mau lede opu hoomanawanui, a ia wa hookahi no, ua haawi ae la o Mrs. E. Laumauna i ka pule ia Kalua; i ka pau ana, ua piha kela ame keia nona iho, e hakaka ana hoi o Hanale me Keoni Bulu, a owai ka mea i oi aku! Kahaha, o Keoni Bulu no!
I ka wa i ike aku ai o Hanele i ka poi kaohi puu o Waialua, a pela me na i'o puaa, na i'o moa momona i hui ia me kekahi mau meaai e ae, ke kukui inamona, amaama lawalu, amaama maka, uala kalua, palaoa me kope ame ti, i hui ia me ka waiu, ke nana aku, ua piha maoli ke pakaukau i na mea i hoolakoia e ka lokomaikai o keia mau makua ma kela wahi, aole e hiki ke kaohi iho o Hanale i kona huhu.
I ka pau ana o ka paina ana o ke kau aku la no ia ma ka oto, haawi ke aloha goodbye me ka mahalo, o ka lilo mai la no ia no Kaluaaha ka pahu hopu.
O eia põe malihini o kekahi no ia o na lala i hiki mai ma Kaluaaha, mai Kihei mai kekahi, o kekahi ua maopopo ole i kou meakakau, aka ua like wale no. O keia no ka la e hoi ai lakou no ko lakou mau wahi iho.
Me keia mau wahi meahou i loaa i kou mea kakau, ke haawi nei keia makapeni i ka mahalo ia Mr. ame Mrs. Esther Laumauna ame Mr. ame Mrs. Emily Maliu, no ka hookipa ana i na malihini, a pela me na kamaaina me ka maikai.
Me ka Lunahooponopono ko'u mahalo nui no kona ahonui ana mai, ame na keiki hoonoho hua metala ko'u adieu. Owau no a mau,
MRS. E. C. A. KAAHANUI.
Kainalu, Molokai, Mar. 13, 1919.