Ka Nupepa Kuokoa, Volume LVII, Number 11, 14 March 1919 — Nuhou Kuloko [ARTICLE]

Nuhou Kuloko

TJa hoopaneeia ka hoopuka ana aku i kekahi mau palapala a na makamaka mamuli o ka piha loa o ka nupepa. E hoomanawanai mai no a loaa ka wa kupono! He o ia mau no ka pii mahuahua ana o ka poe i loohia i ka ma'i Paniolo Flu, a i make no hoi, iloko o keia mau la, elike me na lioike e komo mau ae nei iloko o ka papa ola. He elua mau koa i paa ae i ka hopuia ma ka Poalua nei no ke ku-e i ke kanawai hookapu waiona federala, a ua waihoia aku laua malalo o ka mana hookolokolo o ka oihana koa. Eia ke pa'iia nei ka papa inoa o ka poe kupono i ke koho baloka ma keia keena pa'i, no ka hoomakaukau aua no ke koho baloka wae moho Kulanakau'hale a Kalana e hoea mai ana iloko ae nei o Mei. Ma ka Poalua nei i piha ai na makahiki he kanakolu-kumamaono i ka Lunakanawai Kaapuni Heen. Oka Lunakanawai Heen ka mea opiopio loa iwaena o na lunakanawai apau maloko nei 0 keia Teritore. Ma ka Poakoīu iho nei i koho ai ka poe i loaa na helu ma na aina hookuonoono o Waiakea, i ko lakou mau apana aina, me ka uku ana aku i ka 'hookaa mua o ko ke aupuni mahele, elike me ke kumu aelike i hanaia. Ma keia kakahiaka e hooloheia ai k'a hihia hoeha o Mr. David Notley, ka ma- " kai oloko o ka aha senate, fto kona ho-! eha ana i ka inea kakau o ka Nupepai Advertiser, ma kekahi manawa rtjamua aku nei maloko o ka aha senate. Ua hookohu aku nei o Kiaaina McCartliy ia D. H. Makekau, keiki a ke ■Senatoa Makokau o Hamakua, Hawaii, 1 lunakanawai apana no Kohala Hema, ma kahi o ka Lunakanawai Thomas Naleilehua, i haalele mai i keia ola ana.

•Maioko o .ka hale o na lunamakāai nana ina ka auwina la o ka Poakolu nei i aponoia ai ka hoike a ke komite lioo-! "kolokolo, e haawi ana i ka pūno koho baloka i na wahine, ma ke koho ana a umi-kumamahiku i ka umi-kumama-lua. , Maloko o kekahi hale ma ke alauui Kula ma kā Poalua nei i loaa aku ai i na kanaka o ka oihana kukeawa he mau tini opiuma ame na lako puhi opiuma, i hiki aku ka waiwaii'o ma kahi o ka elima haneri (lala, a he hookahi Pake i paa ae i ka hopuia.