Ka Nupepa Kuokoa, Volume LVII, Number 6, 7 Pepeluali 1919 — O ROBERT JOSEPH HOLBRON, JR., UA HALA. [ARTICLE]

O ROBERT JOSEPH HOLBRON, JR., UA HALA.

-V '• : Ua hala oia me ka minamina nui ia e : kona ohana apau, lie kanaka opiopio wale no oia o 24 a oi na makahiki, o kana hana nae he kanaka makua i oi aku no i kahi poe' o 60 a 70 na inakahiki. He kanaka makee makua oiaio a he naau aloha ohana maopopo, e hoolawa ana i kona wahi ukuhana uuku no kekahi mau hemahema o kona ohana, ame ia ano maikai oia i hele pu aku la a moe pu no. He eiwa makahiki o kona hana ana malalo o ka hui kaaahi o Dilinahahia ma, me ka inoa maikai a hoopono i ka hana, a no ia mau hana maikai a ho'opono i ka hana, .ua lawe ae na lunanui ame na limahana i na lilo hoolewa apaū ma ko lakou aoao, a waiho aku la kona kino lepo ma ka ilina> o Puea. Ua hala oia me ka minaimina nui ia, a ke ku mai nei kana mau hana maikai a aloha makua oiaio i kiahoomanao po• ina ole na makou apau e paiauma mau ai. • He oiaio, aole no i nalowale ka ulaula o ka lepo o kana mea aloha he wahine, a ukali aku la no keia ma kona alahele hookahi, a eliike jao me kona ano maikai, pela no oia i hoopaa ai i kona ola i ka hui inisua hoopaa ola, & hooili iho la no oia i kela mau dala lioopaa ola maluna o kona makuahine, he hoike e hooia mai ana i kona aloha makua oiaio, a he kakaikahi. wale na •keiki opio o keia ano iwaena o ka lahui Hawaii. Nolaila, elike yne ka mahu i pua ae a nalo aku, pela no ka makou mea aloha i huna aku la na. maka, halo i ke aouli, a pau hoi kou ike hou ana i na wāhi apau aU e hele ai ,a i kou ohana lehulehu e noho u nei nou e ka maua lei gula poina ole. Maluna ae o na mea apau, ke haawi aku nei i ka makou kanaentfe aloha ana ia Oia mau ke Akua, Oia mau ke Keiki, Oia mau ka Uhane Hemolele; Nana no i haawi mai, Nana no e lawe aku, e hoomaikaiia no Kona inoa, a i na hoaloha ahie na makamaka pu no i puulu pu mai ma ko makou anaina mokumokuahua i ke aloha, a no ka oukou mau bo-ke pua kekahi 'keena o ko makou puuwai, a pela ke Akua e holoi ae ai i na waimaka inai ko kakou mau maka ae, a e lawe aku hoi i* na luuluu ame na kaūmaha mai 'ko kakou mau puuwai luuluu ae, iloko o ka inoa o ka Makua, ke Keiki ame ka Uhane Hemolele, Amene. MB. & MR& ROBT. HOLBRON, Me ka Ohana.