Ka Nupepa Kuokoa, Volume LVII, Number 6, 7 February 1919 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, HONOLULU, T. H., POALIMA, FEBERUARI 7, 1919

He Moolelo no

MAGURETA

a i ole

Iloko o na Wiliau a ke Aloha. He Moolelo i

Piha me na Haawina o ka Ehaeha.

            Ninau aku la o Magureta i ke kauwa lawelawe@ ina he kokoke mai kahi i ku ai o ka home o Kanani@ ia wa i kuhikuhi mai ai kela kaikamahine kauwa i kekahi mau hale nani e ku like ana ma kahi aole i kaawale loa aku kekahi hale mai kekahi hale mai, me ka pane ana mai:

            "O kela hale nani e ku mai la ma ka aoao hema, o ka hale ia o ka wahine opio i ku ai, o ka lua aku o ka hale o ka home ia o Mr. Evereta. He mau ohana ka Alika ame ka Evereta i noho hoaloha no kekahi mau makahiki loihi loa; no ia ano hoaloha o kela mau ohana, ua manao maol@ aku no na mea apau e mare ana o Kanani Alika me Laulani Evereta, oiai mai ka manawa liilii mai ko laua pili mau ana ahiki i k@ laua wa i kanaka makua ai, eia ka aole, @ lilo ana ka kela kaikamahine u‘i i kekahi, keonimana o k@ kulanakauhale nui iho la ka hanu o ke kaikamahine lawelawe.

            Ma kela po ana iho, oiai o Magureta e noho ana maloko o kona rumi, komo mai la oia i kekahi lole o ka poe kaahele a iaia i ike aku ai@ aole he hi‘o o na kanaka, o kona oil@ aku la no ia iwaho, hele holoholo aku la i ke taona no kekahi manawa, alaila hoohuli pololei aku la i kona alahele no ka hale a ke kaikamahine lawelawe o ka hokele i kuhikuhi mai ai iaia.

            Aole he manao nui iloko o Magureta no kona hui he alo a he alo me Kanani Alika, a i ole paha, me ke kanaka aloha ole nana i hoolilo iaia i kaikamahine kuewa, aka he hele holoholo wale no keia, no ka hiki ole iaia ke noho ma ka hokele, oiai aole ka makehiamoe ma kona mau maka, nolaila e aho kona hana ana i kekahi mea, i ole ai e hoona-waliwali loa ia kona kino.

            O Magureta hookahi no kela maloko o ka halepule, i ku ae ai iluna i ka manawa a Noela Kauwila e kuikuilima pu ana me Kanani, mahope iho o ka hookoia ana mai o ka mare maluna o laua e ke kahunapule, au no e hoomanao la e ka makamaka heluhelu, i ka loli hikiwawe ana o ka helehelena o Noela i ike mai ai i ke kaikamahine ana i haa-lele aku ai mamuli o kana mau hana lokoino o ke aloha ole.

            Ua ike i‘o mai o Noele Kauwila ia Magureta, me kona hele a pihoihoi loa, mamuli o kona hopohopo, e hoohila-hila aku ana o Magureta iaia, ma ke kapa ana aku i ke kanaka hoopunipuni, i ka epa ame ke kolohe; ua laki wale no oia, i ka noho hamau loa ana o Magureta, in a oia i pane he hookahi huaolelo, i ka manawa a ke kahunapule i ninau mai ai@ a i ole, i kela manawa paha a Noela i ike mai ai iaia@ ina ua lilo ia hana, i ma‘i nui no kela kanaka e noho ai@ he hilahila, e hiki hou ole ai iaia ke hapai ae i kona poo iluna@ a nana aku i kona mau hoaloha, me ke koa.

            Ua lilo kela la a Noela Kauwila i ike aku ai ia Magureta, i la no kona ehaeha, o ka la wale no i auhee aku ai kela haawina mai iaia aku, o ia kela manawa ana i kau aku ai me kana wahine, maluna o ke kaaahi, a holo aku la no Nu loka@ no kona manao, aole oia e halawai hou ana me Magureta.

            Oiai nae oia ma ke kulanakauhale o Nu Ioka, no na la elua, aole no i ahee loa aku na manao hopohopo a maka‘u mai iaia aku@ no ke kaikamaine ana i hana hewa aku ai@ no ka mea ma kana mau wahi apu e hele ai@ e alaalawa mau ana kana nana ana ma o a maanei, no kona hopohopo no@ malia aia o Magureta mahope aku o kona kua kahi i hahai ai iaia, a i ole, eia aku paha mamua mai o kona alo, kahi i hele mai ai.

            He mau la no kela ma Nu Ioka, i hoohalaia e Noela me ka manao hopohopo mau@ no ka oili o kela helehelena kohu mabala, me na maka hulili o ka piha huhu me ka inaina, a hoohilahila ae iaia i ke akea, a i kona kau ana aku maluna o ka mokuahi, e lawe ana iaia ame kana wahine no Europa@ akahi no a loaa ka maha i kona uhane, me kona man@oio, no na mahina eono a laua, e hoohala ai ma na aina mamao, ua lawa kela manawa, no ka hoomailo ana ia Magureta a ilo oia i kaikamahine hehena, e hiki ole ai ke hoopilikia mai iaia, aka oloko o ka hale pupule kona wahi e noho aku ai?

            Pehea nae ka loihi o kela mau mahina o ko laua hele ana mai kekahi wahi a i kekahi@ aole no e hiki ke holoiia ae kana mau hoomanao ana no ka epa ana i hana ai maluna o Magureta, ua lilo ia mau hoomanao ana i mea hoehaeha mai i kona noonoo, a mamuli wale no o ko laua komo @@i iwaena, o na pohai o ka poe hanohano, pela wale no oia i hoopoina ai, aka ke noho kokoolua wale iho no laua e oili ae ana no kana mau hana o ka wa i hala@ ka mea a kona lunaikehala e ahewa mai ana iai i ka po ame ke ao.

            Aole loa o Noela Kauwila i moe@hane iki, ma kona huli hoi hou ana mai no Nu Ioka, e halawai ana oia me Magureta iwaena o ka pohai o ka poe hanohano, nolaila o kela ike ana mai ana i ua kaikamahine nei, ma kela aha ike i haawiia no ka hanohano o Miss Rinafoda o kekahi ia o na puupuu ikaika loa i halawai aku me ia iloko o kona wa o ka nanea ame ka palaka.

            Ma kela hele ana aku o ua o Noela e hui me Magureta me ka manao e ike aku ana oia, i ke kulana opulepule maoli o ua kaikamahine nei, elike me kana i manaoio ai; ua hookahahaia mai oia, i ka pane okoa ana mai o Magureta imua o kona alo i na olelo a ka mea i loaa ka noonoo ma kai i ka nui o kona hoowahawaha no kana wahine.

            Ua manao anei kela kaikamahine, e pana‘i mai no na hewa i hanaia aku iaia, maluna o Kanani? Ua manao anei oia, e hookau mai i kekahi haawina hoehaeha maluna on a, ma keia ano iho la? E lilo anei na olelo hooweliweli a Magureta i akua lapu hoomaka‘uka‘u, e hahai mau ai iaia i ke ao ame ka po, no kana aloha ole i hana ai maluna on a?

            He mau ninau keia i hoalaia mai iloko o Noela Kauwila, e lilo aku ai i mau mea hoopilikia loa mai i kona noonoo, elike me ka loihi o kona ola ana aku.

MOKUNA1X.

            Ma kekahi kakahiaka o kekahi la, ua kahiko iho la o Magureta Anola iaia iho me kekahi lole maikai, a haalele aku la i kona@ hale@ ma kekahi huakai no na halekuai a i ka loaa ana o kana mau mea apau i makemake ai@ kau ae la oia maluna o ke kaa uwila, a ke nana aku i ua kaikamahine nei aia maluna ona, na hoailona apau, o ke kaikamahine nui o ke dala, no ka mea o kona lole e komo ana, kana eke paalima, ame ke ano pu o kana mau mea i kuai aku ai, o ka poe nui wale no o ka lakou dala, ka poe ikeia o kela mau ano.

            Ua hele oluna o ke kaa uwila a piha i na ohua, a i ua o Magureta i kau aku ai iluna o ke kaa, alaalawa ae la kana nana ana ma o a maanei, aole he wahi kaawale iki, nolaila ku ae la oia ma kekahi wahi, no ka hopu ana aku i ka ili e lewalewa ana, he wahi no ka paa ana i kona lima, ia wa i ku koke ae ai he keonimana iluna, no ka haawi ana mai i kona noho iaia nei, a pane mai la:

            "E oluolu mai oe e ka le@e opio e noho iho ma ko‘u wahi nei." me ka wehe ana ae i kona papale, me ke kunou ana mai no hoi, elike me ke ano o ka poe i ike i na rula keonimana.

            "Me ka mahalo a nui ia oe," wahi a Magureta i pane aku ai. "Ua hiki no au maanei e ku ai iluna, e noho aku oe ma kou wahi," me ka nana ana aku a ua o Magureta ma ua maka o kela keonimana oluolu.

            "Aole he mea maikai nou ke ku ana iluna, e ae mai oe e lawe aku i keia noho," i pane hou aku ai no ke keonimana, me ke kunihi ana ae, i wahi no Magureta e noho aku ai; aole nae he hoole hou aku o ua o Magureta, aka noho iho la oia ilalo me ka haawi ana mai i kona mahalo i ke keonimana malihini.

            Ma kela noho ana aku o Magureta iluna o ka noho, ua huli aku la kana nana ana iwaho o ke alanui, nolaila ua loaa loa he manawa maikai i ke kanaka keonimana, e hakilo pono mai ai i keia kaikamahine i malihini iaia o ka ua keonimana nei nae e nalu la iloko on a aia kekahi mau hi@na o kela kaikamahine, no kekahi mea ana i kamaaina @.

            O keia keonimana malihini e ka makamaka heluhelu, he kanaka opio oia, me ka loihi o kona kino a he kulana kilakila hoi, a ma kona mau ano apau ke nana aku, he keonimana oia o ke kulana kiekie.

            Aole oia he kanaka opio, elike me ka hapanui o na kanaka, ka maiau wale aku i na kaikamahine opio u‘i a huapala, aka nae, he kuoo kona helehelena, a he kulana hoi kona, e makemakeia aku ai, e ka poe apau e hookamaaina aku ana iaia.

            Oiai no ke kaa uwila e holo ana, a i ke kokoke ana aku i ke alanui i ua keonimana nei e lele aku ai ilalo, alawa @ku la kana nana ana no kahi a Magureta e noho ana, a hoololi ae la oia i kona manao aole e lele mailuna aku o ke kaa aka e hoomau no oia i ke kau ana, no kona makemake e ike i kahi i noho ai o keia kaikamahine opio.

            O ka holo aku la nae ia o ke kaa uwila, ahiki i kekahi alanui hou aku, ia wa i kaomi aku ai o Magureta i ka hele hoailona, no ke ku ana mai o ke kaa, me ka eu ana ae mai kona wahi mai e noho ana, a hele aku la no ka aoao o ke kaa, no ka lele na aku ilalo, me ke kakali ole a ku mai ke kaa.

            Iloko o kela manawa hookahi a Magureta i haalele aku ai i kona noho, a hele mai la no ka aoao o ke kaa uwila na ukali pu aku ke keonimana malihini mahope ona, a oiai ua hoea aku la o Magureta mawaho o ke kaa, o kona hoomaka aku la no ia e lele ilalo, me ke kakali ole ahiki i ke ku ana o ke kaa, eia nae iaia i hoomaka aku ai e lele ua hihia ae la kana eke paalima i ka pou o ke paa, a kulana mai la oia ihope, me ka hooku‘i ana mai i kahi oioi o ka noho, a e haule iho ana oia ilalo, ma ke ano maule, ua paa koke aku la noa kino i na lima o ke kanaka malihini.

            Ua ku iho la ke kaa i kela manawa, a lele aku la ke keonimana malihini ilalo, me kona hapai ana aku ia Magureta, no ke alanui kauaoao, a maloko o kekahi halekuai kuai laau, i waiho ai oia i ke kaikamahine poino, maluna o ke ko-ki, ma ka rumi mahope o kela halekuai.

            "Heaha ka pilikia i loaa i keia lede opio?" wahi a ka on a nona kela halekuai, me kona makaukau e haawi mai i na kokua ana e pono ai o Magureta.

            "Ua halawai keia lede opio me kekahi ulia, oiai oia e lele mai ana mailuna mai o ke kaa uwila," wahi a ke keonimana malihini i pane aku ai.

            "O kau wahine no anei keia?" i ninau hou aka ai no ka on a nona kela halekuai i ke kanaka malihini.

            "Aole oia he wahine na‘u, he mea oia i malihini loa i ko‘u mau maka," wahi a ke keonimana malihine, me ka hoakaka ana aku i ke ano o ka ulia i loaa ai ia Magureta, a mahope o kana hoakaka ana, hoike okoa aku la oia i kana oihana, me keia mau olelo:

            "He kauka ka‘u oihana, a ke manao nei au, he hana maalahi wale no ka hoihoi hou ana mai i kona noonoo maikai ke ole i kukonukonu loa ka poino i kau aku maluna on a."

            Nonoi aku la oia i ka on a nona kela halekuai e lawe mai i wai me ke kauoha pu ana aku, e hoohuihui mai i kekahi mau laau malalo o kana mau kuhikuhi ana, a i ka hoea ana mai o kana mau mea  apau i makemake ai, o kona hoao iho la no ia, e hoihoi hou mai i ka noonoo maikai iloko o Magureta.

            Iloko o ka manawa pokole, mahope iho o ka hoohainu ana aku o kela kanaka malihini i ka laau ua hoi hou mai la ka noonoo maikai iloko o Magureta, eueu ae la kona mau lehelehe, me ka hoopuka ana ae i keia mau huaolelo:

            "Aole loa he pono e komohia aku ka mano hoohuoi iloko on a," wahi ana me ka mau no o ka moe o kona mau maka eia nae ma kona mau ku‘emaka me he mea la ua piha oia i ka huhu, ke oni wale la no kona poo i o a ia nei, me ka namunamu hou ana ae i keia mau huaolelo: "Aole loa he mea maikai, e loaa aku iaia ka ike, no ka nui o ko‘u lili me ka hoowahawaha iaia."

            I ka wa i lohe aku ai ke keonimana malihini i kela mau huaolelo, kulou iho la oia a kokoke ma ke poo o Magureta, me ka ninau ana iho: "Owai keia mea au i lili ai, me ka inaina pu iaia?"

            "O kela kaikamahine, nana i kaili aku i ka malamalama o kuu ola ana, o kona inoa, oia o Kanani Alika. Ua hiki nae hoi e hoea mai ana ka hora ana e ike ai a e mihi ai me ka walania loa, aole he mea uuku ka hoao ana e huna aku i ka malamalama o ka la i ke awakea."

            Ua hoohikilele loa ia ka noonoo o ke kanaka opio i kona wa i lohe aku ai i ka hoopukaia ana mai o ka inoa o Kanani, me ka namunamu liilii ana iho e lohe ole aku ai nae o Magureta: "He mea oiaio anei keia?"

            No ke kaakaa koke ana ae o na maka o Magureta, ua hoolalau wale iho la no ua kanaka opio nei a unuhi ae la i kona hainaka no ka holoi ana aku i ka wai mai na lehe@ehe ae o Magureta, me ka hoohainu pu ana aku i ke kiaha i hoohuihui ia ai ka laau aole no hoi o Magureta hoole mai, aka inu aku la no ahiki i ka pau ana.

            "Ke ike aku nei au, ua maikai oe e ka lede opio," wahi a ke kanaka opio, ia wa nae i pii ae ai kekahi lima o Magureta iluna o kona poo me ka hooho ana ae:

            "He keu ka hoi ka eha o kuu lima, heaha la keia pilikia i loaa ia‘u?" alaila nana pono iho la ke kauka opio i kahi @ pilikia o ka lima o Magureta, me ka loaa ana iho iaia o kahi i poino.

            "Ua aneane maoli e haki kou lima, ma ka uha pomaikai wale no i uuku ai ka poino i loaa ia oe. Aole anei oe i maopopo, he mea kupono ole, ka hoao ana o kekahi mea e lele mailuna aku o ke kaa i ka wa e holo ana no o ke kaa? He keu aka a ka hana naaupo loa, kela hoao ana au, e lele i ka wa aole i ku ke kaa," me ka lulilui ana iho o ke poo o ke kauka opio.

            Mamuli o ka lilo loa o ko‘u noonoo no kekahi mea okoa loa, pela au i nana ole ai in a paha he poino kekahi e loaa ana ia‘u ke lele aku i ka wa no e holo ana ke kaa, eia nae, ke ike nei au i ka naaupo loa o kela hana."

            Nana pono loa aku la ke kauka opio ma na maka o Magurea, me ka ike ana mai hoi o ua kaikamahine nei i kelaano o ke kanaka e noho aku ana ma kona aoao, a o ia kana i pane mai ai ma ke ano hoolalu:

            "Ua lawa paha ko‘u noho ana ma keia wahi he makemake ko‘u e hoi i ka hale."

            "O ka hana kupono wale no ia ma kou aoao aka ke hopohopo loa nei nae au aole e hiki ia oe ke hoi wawae aku a hoea i kou home pehea e hele ae anei au e kii i kaa nou?"

            "Ina oe e oluolu mai ana, alaila e kahea i‘o aku oe i kaa no@u, e hoi aku ai."

            Me ka hoohakalia ole iho ku ae la ke kauka opio iluna a oili aku la iwaho o ka halekuai no ke kii ana i kekahi kaapio o kahi o ka laki e ku ana no he kaapio ma ke kihi o ke alanui, haawi aku la ke kauka opio i ka hoailona, no ka holo ana mai a hoi hou mai la oia iloko o ka halekuai no kahi e noho ana o Magureta, ua maikai loa oia, e kakali wale aku ana no, o ka hoea mai o ke kaa.

            "Aia he kaapio mawaho o keia halekuai kahi i kakali ai pehea ua makaukau anei oe e hele mai me a‘u no kahi i ku ai o ke kaa?

            "Me ka mahalo a nui i kou oluolu, ame kau mau kokua ia‘u," wahi a Magureta, me ke ku ana ae iluna, a hopu mai la i ka lima o ke kanaka opio, a oiai laua e hele mai ana no kahi o ke kaa, ninau ae la o Magureta ma ka i ana aku:

            "E oluolu oe e hoike mai i kou inoa ia‘u, no ka mea ua aie nui au i kou lokomaikai, ame kau mau kokua ana no ko‘u pono."

            "He kauka ka‘u oihana, a o Reginola Noka ko‘u inoa wahi a ua kauka nei, me ka hoohakalia nae i kana pane ana aku.

            "Me ka mahalo, no kou hoike ana mai la i kou inoa, a o Magureta Anola ko‘u inoa. Ke mahalo aku nei au ia oe e Kauka Noka, no kau mau kokua ana mai ia‘u iloko o keia pilikia. Ua pili loa ka hewa ia‘u, no ko‘u pupuahulu me ke kakali ole ahiki i ke ku ana o ke kaa."

            "O ka mea i hala aku la aole a kaua noonoo hou ana koe wale no o ke akahele loa ma keia mua aku i na pilikia o keia ano. E ae mai anei oe e ukali pu aku au ahiki i kou hoea ana aku no kou home? Ua manao au, he hana makai ole ma kou aoao, ka hookuu hookahi ana aku ia oe e hoi no kou home."

            "Ke haawi hou aku nei i ko‘u hoomaikai ia oe e Kauka Noka, he oi i‘o paha ka pono; o kou hele pu ana mai me a‘u, ke ole nae ia e lilo i mea hoopilikia aku ia oe ma kekahi ana. Aole no he loihi o kahi e holo aku ai o ke kaa a hoea no ko‘u hale, aka nae ke hopohopo nei au, i ka hoi hookahi aku, malia aole paha i loaa ka maikai kupono i kuu lima no kou haalele ana mai, me keia kulana iho la."

            Kulou iho la ua o Magureta ilalo, no ka lalau ana i kana eke paalima, ame kekahi mau puolo liilii ana, a no ka hu‘i hou ana mai o kona lima, ua hoholo ae la ka ula ma kona mau papalina, me ka ike ana aku o ke kauka opio i kela ano@ o Magureta, @a o ia kana @ pane aku ai.

            "Ke ike aku nei au, he mea pono, e kauia kekahi laau maluna o kou lima i eha, a e loaa hoi he manawa nou e hoomaha ai, mamua o ka hiki ana i ko lima i eha, e lawelawe aku i kekahi mau hana." me ka lalau na aku o Kauka Noka, i na ukana mai ia Magureta mai.

            Hele like aku la laua ahiki i kahi i ku ai o ke kaa, a i ka hoonoho pono ana aku o Kauka Noka, ia Magureta ma kona wahi@ a hoi ae la hoi oia mamua me ke kalaiwa e noho ai, huli ae la ihope, a ninau aku la i ke kaikamahine opio: "Ihea au e haawi aku ai i ke kauoha i ke kalaiwa, e lawe ia oe?"

            "E holo pololei aku keia kaa ahiki i ke kihi o ke alanui@@ a ma ka helu 43, o ka helu ia o ka puka pa o ko‘u hale." haawi aku la no hoi o Kauka Noka i ke kauoha i ke kalaiwa, o ka lilo aku la no ia o ke kaa, a iloko o na minuke helu wale no, hoea aku la no ka helu i kauohaia aku ai i ke kalaiwa.

            Kokua mai la o Kauka Noka, i ka lede opio ahiki i ka haule ana iho ilalo o ke alanui kauaoao, uku aku la i ke kalaiewa, me ka hookuu ana aku iaia e hoi, ia wa i pii pu aku ai laua noluna o ke alapii o ka hale, ke ike la nae ke kauka, ua nui maoli ka eha i loaa ia Magureta, me ka hoomanawanui wale no kela wahine opio e hooikaika la, i wahi e ike ole ia aku ai kona ehaeha.

            Ia laua nei i kau aku ai noluna o ka lanai o ka hale hookani aku la o Kauka Reginola Noka i ka bele kahea, a pane pu mai la ia Magureta ma ka i ana mai:

            "E Miss Anola, in a oe e oluolu ana, e hoike mai i ka inoa o kou kauka, e lilo no i hana hauoli na‘u, ka kahea ana aku iaia e hele mai e nana i kou pilikia, no ka mea ke manaoio nei au, he mea pono, e nanaia kou mau wahi apau i pilikia me ke akahele, a he mea pono no hoi e haawiia ia oe kekahi laau hooikaika i kou kino.

            Nana mai la o Magureta maluna o na maka o Kauka Noka, a pane mai la: "He malihini au ma @eia kulanakauhale, aole au i maopopo i na kauka o keia wahi, no ka mea, he mau mahina wale ae nei no ko‘u hoea ana mai, a noho ma keia wahi a ke noi aku nei au i kou oluolu, e ae mai oe, e waiho aku au ia‘u iho, malalo o kau mau lapaau ana mai."

            Aole o Kauka Noka i pane koke aku, aka aia nae iloko ona@ ka makemake e maopopo pono ke ano o keia lede opio iai@ oia o kela mau huaolelo a Magureta i hoopuka ae ai@ no kono lili me ka hoowahawaha loa ia Kanani Alika, he mau olelo ia, i lilo i mea ano nui iloko o kona noonoo, a i ka hala ana nae o kekahi mau sekon, o kona noho hamau ana ia manawa oia i pane mai ai:

            "Ina aole i‘o au kauka i kamaaina o ke kulanakau@ale nei, a ua makemake i‘o hoi oe i ka‘u mau lapaau ana aku no kou pono, ke haawi aku nei au i ko‘u ae, me ka hooia pu aku, e hoao no au elike me ka ike i loaa ia‘u, e hoopakele ae ia oe mai kena pilikia mai."

            Komo like aku la laua a hoea noloko o ke keena hookkipa@ aia ke au la ka nana ana a ke kanaka opio maloko o kela keena@ me ka nui o kona mahalo i ke ano o na mea hoonani maloko; a ia laua i noho pono iho ai ilalo, nana aku la oia i kahi o ka lima o ka lede@ opio i pilikia, me ka wa-hi ana aku a paa, elike ma kana i ike ai he pono no ia manawa, me ke kakau pu ana iho i kekahi mau kuhikuhi no kekahi laau hooikaika kino, ana e hoouna mai ana, i kona wa e huli hoi aku ai no kona keena kauka.

            Aole o Kauka Noka, i noi koke aku ia Magureta e hookuu mai iaia, mamuli no o ka ike o ua kauka opio nei aole i nui ka pilikia i loaa i kana ma@@, aka hoonanea wale iho la no oia, ma ke kamalio ana@ @e ke ku a hoohihi maoli o Magureta i keia kauka, i ke ku o kana mau olelo i ka oluolu, me ke kulana keonimana oiaio hoi, oiai nae, ua hooholo mua oia i kona manao@ aole e hilinai hou i na kane apau@ he oiaio kekahi iloko o lakou.

            Malia paha mamuli o ka lilo ana o keia kanaka i kauka, iho la i kaokoa ae ai kona ano mai na kanaka e ae@ aka nae@ ua oluolu maoli ka Magureta mau olelo e kmailio pu la me keia keonimana@ e kamailio ana laua maluna o na kumuhana like ole@ me ka hoike mau ana mai o Magureta i kona ano hoihoi i na manawa apau.

            No ka hora okoa paha kela nanea ana o Kauka Noka me Magureta@ noi aku la oia i ke kaikamahine opio@ e hookuu mai iaia e hoi@ me ka hooia ana aku@ e hoea mai ana no oia@ ma kekahi manawa o kekahi la ae, aka waiho mai la nae i kona wahi i noho ai@ in a e loaa ana i ka pilikia ma kekahi manawa@ alaila@ e hoouna aku i kekahi mea e kii iaia ua makaukau mau oia e hele mai i na wa apau.

            "O ka pilikia i loaa i kela wahine opio@ o kekahi ia o na pilikia ano malihini.: i namunamu wale iho ai no o Kauka Noka, @aia e iho malie ana nolalo o ke alanuipii o ka hale. "Aole o‘u kanalua iki, no ka loaa ana he pilikia iloko o ke poo o kela wahine opio@ pela no me kona mau maka, no ka mea, ua hakilo pono loa aku nei au i kona mau ano apau. a ua loaa mai ia‘u ka ike. aia kekahi mau hoohuoi ana iloko on a in a ua maopopo ia‘u kona pilikia maoli.

            "HE hookahi wale no a‘u mea pohihihi loa o ia no ke ano o kana mau olelo i kamailio ae ai no Kanani@ kela kaikuahine ou, ka mea hoi a na kanaka apau i mahalo loa ai. Ua lilo nae keia i mea na‘u e huli pono aku ai i ke kumu nui. o kona hoowahawaha loa ana i kuu kaikuahine."

            Ma kahi o ka huli hoi pololei ana aku no kona keena. hele aku la oia a kau maluna o ke kaa uwila, a holo pololei aku la no kahi i ku ai o ka home o kona kaikuahine, i ke kaal@ ana ae o ke kaa mawaho o ke alanui, e kokoke ana i ka hale o Kanani, lele iho la ilalo, me ka hele pololei ana aku, a ninau ae la i kekahi o na kauwa lawelawe:

            "Eia no anei o Mrs. Kauwila ma ka home nei?" wahi ana me ka alaalawa ana ae o kana nana ana ma o a maanei o ka pa.

            "Eia no ia ma ka hale nei, e komo pu mai oe me a‘u iloko o ka hale." wahi a kekahi kaikamahine Pala@i o ka pane ana mai, a oiai ua ike mua oia ia Kauka Noka, he kaikunane no kona haku, nolaila alakai pololei @ku la oia i ke kauka opio@ imua o Mrs. Kauwila.

            E noho ana no o Kanani Kauwila maloko o ke keena heluhelu buke, a e nanea ana no oia i ka heluhelu i kekahi buke moolelo hou, i ka wa i lohe mai ai i ke pahupahu kapuai wawae, aea mai la kana nana ana iluna, a i k@na wa i ike mai ai i kona kiku@@e, wiho koke ku la i ka h@k@ i kahi  e, a kup mai la iluna, me ka haawi ana mai i kona lima, no ke aloha ana, a pane pu mai la no hoi me k piha hoihoi:

            "O e Reginola, he keu aku maoli a ka nui o ko‘u hauoli, no keia halawai pu ana o kaua! Heaha keia hana nui@ nana i kono mai ia oe e hele mai e halawai pu me a‘u i keia la?"

            "Heaha mai auanei kau e kuu kaikuahine, mamuli o ke kahi ulia, pela iho la au, i konoia mai ai e hoea mai imu@ @u i keia la." wahi no hoi a ke kauka opio, me ka minoaka ma kona mau papalina.

            "Heaha keia ulia au i kamailio mai la e kuu kaikunane?" wahi a Mrs. Kauwila ma ke ano hikilele, me ka haup@ wale ana ae no, malia ua halawai paha kana kane, me kekahi poino ke ike aku nei au i ka maikai ole o kou noonoo e kuu kaikuahine maikai, no keia olelo ana aku la a‘u no ka ulia aka e hoomama i kou noonoo, no ka mea he ulia keia i pili ole aku ia Noela Kauwila, a i kekahi paha o ko kaua mau hoaloha.

            "O ka ulia a‘u i hoike aku nei ia oe, o ka mea ia nana i waiho mai i kekahi mea ma‘i@ malalo o ka‘u mau lapaau ana aku. a i komo wale mai la no au no ka nanea ana. ahiki no hoi i ka huli hoi ana aku no ko‘u wahi."

            O Kauka Reginola Noka Alika, o ke kaikunane hookahi wale no ia o Kanani Kauwila, he ekolu, a eha paha on a mau makahiki ke kahiko imua o kona kaikuahine, a oia kekahi o na kauka lapaau maloko o ke lulanakauhale o Nu Ioka.

            He kauka opio keia i mare ole i ka wahine, malalo o kekahi mau kumu elua, o ka mua, o ia no ka lilo nui o kona noonoo, ma ka huli ana i na ike ame na makau@au ma kana oihana kauka@ e loaa ole ai he manawa nui n@na e komo ai iloko o na anaina o ka poe lalawai@ e hui mau aku ai oia me na wahine opio@ a o ka lua@ o ia no kona halawai ole me kekahi wahine, e komohia ai ka hoohihi ame ka makemake iloko on a, i kokoolua nona, o ka noho ana iloko @ ka hauoli ma keia ao.

            Ua maopopo ia kaua e ka makamaka heluhelu@ ke kumu nui o ka hoike pololei ole ana aku o keia kauka opio i k@na inoa imua o Magureta, mamuli no ia o kona lohe ana aku i ko Magureta kamailio ana mai@ no kona lili me ka hoo wahawaha ia Kanani, nolaila o kona mau inoa waena wale no kana o ka haha‘i ana mai, a koe kona inoa hope.

            Mai kela manawa mua loa mai o ka ike ana o ke kauka opio i ke kau ana mai o Magureta maluna o ke kaa uwila, ua loaa aku ka ike iaia, aia kekahi ano maikai ole iloko o kela kaikamahine, oiai, mamuli o ke ano o kana nana ana mai, pela pu no ho@ me kona ano, ua hoohuoi o Kauka Noka, ua hoopilikia loa ia aku ka noonoo o kela kaikamahine opio me kekahi mea ana i maopopo ole ai.

            Nolaila, ma kela manawa a Magureta i ku ae ai iluna me ka manao e haalele iho i ke kaauwila@ ua ku pu ae ke kauka opio iluna, me kona manao no e hele aku ma ke ano hakilo i na hana a kela wahine opio, me ka ike ole ia mai, aka nae i ka loaa ana o ka ulia ia Magureta, ua po@aikai loa oia, e hiki pono ana iaia, ke imi aku, a ke noii pono aku hoi ma na ano apau e ike maoli ai oia i ke kumu nana i hoopilikia mai i ka noonoo o kela kaikamahine.

            O kela koho okoa ana mai o Magureta iaia nei i kauka nona@ me ko laua hoi like ana a hoea no kona home, @a hoopomaikai ia mai o Kauka Noka, a o kela hoololoiahili a ua kauka nei, e hoonohonoho aku ana maloko o ka home o Magureta e kamailio ai, no ke ake wale no ia, e ike aku i kekahi mau mea, nana e haawi mai iaia i ka makaukau, no ke koho maoli ana aku i ke kumu i hoopilikiaia ai kona noonoo maikai.

            Ma kela kamakamailio pu ana o Kauka Noka me Magureta, aole on a ike iki aia kekahi wahi ana maikai ole iloko o kela kaikamahine, aka e kamailio mai ana oia, elike me kekahi mea i hele a nui kona ike, a no kela loaa ole iaia o kekahi mea maopopo no ka pilikia o Magureta, pela oia i hooholo iho ai i kona manao e hele mai e hui pu me kona kaikuahine, malia paha ua ike o Kanani i keka@i mea, nana e hoomalamalama mai iaia.

MOKUNA X.

            "Ua ike no oe e Reginola, he hauoli mau au i kou hele mai e ike ia‘u," wahi a Kanani, i pane no na hoakaka a kona kaikunane, no ke kumu o kona hoea ana aku imua o kona kaikuahine. "Oiai ua kokoke loa i ka aina awakea. e noi aku ana au ia oe e noho mai, i hookahi ko kaua ai like ana i ka aina awakea ma ko‘u home nei, ke ole nae ia, e lilo i mea e hoopilikiaia aku ai oe ma kau hana. E ae mai ana anei oe e noho mai e paina pu me a‘u?"

            "Heaha auanei ka mea e hoole aku ai i kau ko@o." me ka wehe ana ae o reginola i na miki@ilima, a wahio ae la maluna o ke pakaukau, alaila hoomau hou aku la i kana kamailio ana:

            "Pehea@ ua loaa wahi leka mai no nae paha oe mai na makua mai o kaua ea, iloko o kela mau pule aku la i hala?" @ahi ana, no ka mea aole no i huli hoi mai o Mr. ame Mrs. Alika@ mai ka laua huakai makaikai mai.

            "Ae@ ma ke ahiahi koke aku la no o nehinei i loaa mai ai ka mama leka ia‘u@ e hoike mai ana no i ka maikai o ko laua mau ola kino e heluhelu maoli aku ana au i kana l@ka imua ou, ke pau ae ka kaua kamailio ana. E hoike mai ia‘u e Reginola, owai ka inoa o kela mea ma‘i hou au?@

            "He wahine opio u‘i; e kuu kaikuahine aloha," wah@ a Kauka Noka, me ka imoimo ana iho o kekahi maka on a. piha hoihoi, oiai aia ka iini mau loko on a, e loaa he wahine na kona kaikunane. "Ina mamuli o ka ulia, e hoea mai ai i ka la e papahi ai oe i ka lei o ka haaheo, no kau mea e hana aku ai maluna o kela wahine opio u‘i alaila ua pomaikai maoli kaua. Owai ka inoa o ua ma‘i nei au?"

            "Ua hoike mai nei oia i kona inoa ia‘u, o Miss Magureta Anola."

            "O?" i hooho ae ai no hoi o Kanani, me ka pupuku iki ana ae o kona mau ku maka, a hoi hou ae la kona ano elike me ia mamua a o ia ka kona kaikunane o k ninau ana ak@:

            "Ua kamaaina no anei oe i kela wahine opio@@ me ka manaolana @loko o Kauka Noka@ e hoea mai ana i ka manawa e loaa aku ai ka ike iaia, i kek umu o ka lili ana o kela kaikamahine ma‘i i kona kaikuahine.

            "Ua ike au i ke kaikamahine au e kamailio mai la no ka mea ma ka aha ike a hoolauna i haawiia ae e Miss Nele Reinafoda, ua hoolauna mai oia ia‘u me kena kaikamahine. He hoakula o Magurea Anola no Nele Reinafoda ma‘oko o ke kula hookahi,." wahi ana i hoakaka mai ai, me ka pau ole no nae o kona pohihihi, no ke ano o Noela Kauwila, ma kela wa i ike ai ia Magureta ma ia po, a ua lilo no hoi ke ano o kana kane, i mea hookaumaha aku i kona @oo@oo.

            "Ma ka‘u mau mea i ike no kela wahine opio@ oia k@ ahi o na wahine u‘i, a huapala no hoi, aole anei pela kou nanao e kuahine?"

(Aole i pau.)