Ka Nupepa Kuokoa, Volume LVII, Number 6, 7 February 1919 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

HE MOOLELO WALOHIA

No ka Imi Ana i ka Moku

"Ka Manaolana Poho"

Ka Huli Ana a ka

MAKAIKIU KA-TA

 

            Ua ala ae la he hoopaapaa hahana loa mawaena o na kanaka paahao ia manawa. E makaukau au o Kata @ haalele iho ia laua mamuli o kona hoowahawaha iho la ia @etimana no kona hohewale, a ia manawa i noi aku ai @ @@a iaia e kali iki, a hoomaka hou aku la e noi ia Kata @ aloha main iaia.

            "Mai hoolohe mai oe i ka Asa nei hoomalimali aku ia oe." wahi a Betimana. "Ke hoao aku nei oia e hoopakeleia @@ oia, aohe ona makemake i kekahi mea o makou e hoo k@nia oia wale no. No'u no ka'u e noi aku nei mai kat@ mai hoi oe i ka hoopai koikoi loa maluna o'u. no ka mea @@le i like ko ' u hewa me ko lakou nei.

            "Ke hoohiki aku nei au imua ou aole au i hoomaopopo i ka hopena o ka'u mea i hana ai, ua kauo maoli ia a'u @ Kaila Esekina e komo iloko o keia hana me ke ku-e loa @ ko'u lunaikehala, a in a no ka hookolokoloia o keia hihia e hoike aku ana au ma na ano apau e ku-e ana iaia in a @ makemake mai ana oe e hoike aku au no ia mau hewa ana i hana mai ai.

            "Mai hoopakele oe iaia, no ka mea. oia ke kumu o kei: hana mamuli o konoa makee i ka waiwai. U'a hana ma oia i ka mea e hoopilikiaia ai au, nolaila ke makemake ne @@ e ike aku iaia e auamo ana i ke koikoi o kana mau hewa ka hoopai maluna on a, a in a aole oia e loaa ana ia oe m@ ke Seletanuka ea, e huli aku oe iaia ma Nu Ioka."

            Aole o Kata makemake e kaahope wale aku ka manaw@ kupono loa no ka hopu ana aku i kana lawehala. oiai ua hoike ia aku la iaia kahi o Esekina e loaa ai e nei mau paahao.

            "Ae, pela ko'u manao. Aole anei oe i hookomo i kekah@ hoolaha iloko o na nupepa e noi ana no ka hoike ana mai o kekahi poe ia oe i ike ia Hale Esekina ame kana wahine me Helena Tanana ame ko laua wahi i noho ai, mamua o ko laua holo ana aku no Inia?"

            "Ae, ua hookomo au he hoolaha no ia mea." wahi a Kata.

            "Ae, ua ike o Kaila Esekina no ia hoolaha ana au iloko o kekahi o na nupepa, a ua loaa pu iaia ka ike nau ia hoopaha i hookomo i ka nupepa. He manao kekahi aia iloko on a e loaa iaia kekahi hoolaha e pane mai ana no kahi o Hale Esekina ma i noho ai.

            "Aole i maopopo ia'u ke kumu o kona makemake ana e loaa ia hoolaha iaia e pane mai ana no kahi i noho mua ai o ke keikikane a ke Kiaaina Eekina, eia nae, ua lohe aku au i kona kamailo no ia mea he makemake loa ola e loaa iaia ka pane, ina e hiki ana e loaa iaia.

            "Aohe au i haawi aku i ko'u noonoo nui ma ia mea ana o ka kamailio ana mai, no ko'u makemake ole e huikau me na hana karaima, mawaho ae o ka mea a'u i ike iho ai ia'u ua komo kuhohonu loa aku iloko o ia hana, me ka ku-e loa nae o ko'u lunaikehala."

            "Ina no ka loaa nei o ia mau pane iaia, oia hoi in a he pane kekahi o ia ano e loaa ae ana, heaha iho la ka pomaikai e loaa ana iaia i nei manawa mahope o ka maopopo ana iho nei o keia hewa on a me ka maopopo loa kua o ka hoopai e kauia aku ana maluna on a?"

            "Koe aku ka maopopo ana o ia mea ia'u, oia no paha ka i ike aka he maopopo loa no. O ka manao no i ka nana aku he makemake no oia e hana aku i na mea a pau e poino ai o Hale" i pane mai ai o Betimana.

            "Ma ka nana aku me he mea la he makemake oia e ike i ka mea nana i pane mai kau hoolaha, alaila kipe aku iaia i mea nona e huki hou aku ai i kana kokua i manaoia, a i ole hoike mai paha i kekahi hoike hoopunipuni ia oe i mea e hoka ai kou aoao.

            "He hana ai ana i manao ai e hooneleia ai o Hale Toda i kana mau koi a e nele ai hoi i kona mau pono, pela ka mea maopopo loa i ka nana aku, ina no he mea ia no ua o Kaila Esekina e komohia aku ai iloko o ka poino ma-hope aku."

            "He mau hoakaka maikai kena au i hoike mai la, ke ike aku la au." i pane aku ai o Kata. "Oia maoli no kona manao, aka, e hoohokaia aku ana ola, in a no kona hoao e hana ia hana ua like maoli oia me kekahi kanaka hupo loa me kona ike maopopo no i ka hopena e loaa ana iaia ma ia hoao ana.

            "Ua  hiki iaia ka hana aku e like me kona makemake me ka naaupo loa, aka: e hiki mai ana no i kona manawa e paa aku ai. Ma ka mea oiaio, iloko o kana mau hana apau aole Lanaka me ka noonoo maikai e hoao ana e hana aku ia mamuli no o ka maopopo loa o ka hopena e hiki mi ana maluna ona."

            Hoomaha iki iho la ka 'makaikiu me ka noonoo nui no kekahi manawa a i hou mai la:

            "Mahalo ia oe, e Betimana. He hoike maikai loa kena au e alakai aku ai no kekahi mea, oiai nae, o kena hoike au i haawi mai la aole kena o ka mea maikai loa.

            "Ina he kanaka noonoo maikai oe ma kahi o kou paani mai e like me ka hana a kamalii, aohe o'u manao e hoike akuu ia oe ua lohe mua aku nei au no elua manawa e kamailio mai ana no kou alakai hewaia ana e Esekina.

            "Ke manao nei no nae au aole ia e lilo ana i mea kokua nei aku ia oe, oiai e hooili mau aku ana oe i na ahewa ana pau maluna o Esekina me ka hoomau i ka hooloia ana aku o ka lakou hana ma o kou haawi ana aku i ko wahi moku ia lakou."

            "Mamua o ka hiki ana ia Betimana e pane mai no keia mau olelo aku la a Kata, ua huli aku la o Kata a hele aku la no hope o ka moku, a malaila oia i ku iho ai ma ka pae h@@ @ me ka helehelena piha noonoo no kana mea hou e hana aku ai, oiai kahi Switt e palau ana i ke kai ma kona alahele e hoea aku ai no ke Kaikuono Noeaka.

            Mamuli o ka ikaika o ka makani e pa mai ana ia manawa, na puhi ia aku la ka noe e halii paa ana mamua iho, a ua malaeiae loa ka moana ke nana aku i kela manawa, a e oili ae ana ka mahina piha ia manawa.

            Aohe wahi mea a ikeia aku o kahi waapa o ka Manao-lana Poho a Kaila o ke kau ana a holo mahuka aku, me he mea la ua kuupau oia i kona ikaika hoe i mea nona e kaawale loa aku ai mai ka poe aku e manao ana e haha aku mahope on a, oiai ua mamao mua loa oia mamua o kona haohao ia ana.

            He hap hora ma ia hope iho ua hookuuia iho la ka heleuma o ke Swift mawaho mao o kahi kulanakauhale uuku o Noeaka, a malaila i hooleleia aku ai na mea apau oluna o ka moku nouka o ka aina, koe ka elemakule Toda, ua hoole oia i ka haalele ana i ka moku me kekahi mea ole nana e kiai a ua noi aku nae oia i na makaikiu ame na makai e hoikeia aku ka lohe i kona mau kanaka a e holo mai lakou mauka o ka aina ahiki i kona loaa ana mai, i loaa na kanaka na lakou e hoihoi hou aku i ka moku i ke awakumoku Sega me ka hoohakaila ole aku,

            Ma keia manawa ua ikaika loa ae la o Akeneki a ua hoi hou mai kona mau ano o na manawa mua aku. Ua ukali pu aku la o Hale iaia ahiki i ka hale o kekahi ohana o kona mau hoaloha maloko o ke kulanakauhale o Noeka, a malaila i loaa ai iaia kekahi mea no ka hoihoi ana aku iaia i kona home.

            Aohe mamao loa o kona hale mai ia wahi aku, a no kona makemake loa e hoopau Kokeia aku na manao pihoihoi i naohao o ke konela no kona nalowale loihi loa ana, ua lilo a kowa i wahi pokole loa ia hoi ana aku ana. O ka mea hookaumaha loa ia Hale oia ka hiki ole ana iaia ke hele ou aku me kana aloha, aka, e hui mau aku ana no hae hoi aua a manaka iho.

            O ke koena aku o lakou ua hoi aku la noloko o kekahi wahi hale uuku mahai o ke alanui maloko o kahi kauhale o Noeaka. He manawa pokole loa ma ia hope iho ua makaukau mai la kekahi kaalio i kekahi kamaaina oleila a maluna o ia wahi kaa i laweia aku ai na paahao elua, o Kita ame Hale Toda, ka mea nana e waiho aku ana i ka hoopii e ku-e ana ia Asa ame Betimana, i maopopo ko laua hoopaaia aku maloko o ka halepaahao o ke awakumoku Sega.

Mokuna XXXL

Ka Heihei Ana No Nu Ioka.

            Iloko o keia manawa hoolala iho la o Kata e holo i k@ @eletanuka ka home o Kaila Esekina, me kona manaolana na no kona loaa aku iaia malaila alaila hopu aku iaia. ma pua o ka loaa ana he manawa nona e holo mahuka aku i i Nu loka. e like me ia ana o ka lohe ana mai ia Betimana mai.

            Aohe kaa otomobile hiki ke loaa aku iaia maloko o kahi kauhale o Noeaka, a no ia nele hele aku la oia e hoolimali ua i kaa baikikala.

            Mahope o kona kamau ana me kekahi mau meaai mama maloko o ka hokele i paa aku ke aho, oili mai la oia me ua makukau no ka holo ana aku ia po no ke Seletanuka.

            Ua lohe mai oia i kekahi poe ua pae mua mai o Kaila Esekina ma ia wahi kauhale aole no i loihi loa ka manawa mamua aku a i ka loaa ana o ke kaalio ua hoi awiwi loa iku oia no kona home.

            Oiai ke Seletanuka he mau mile pokole wale no elua ka mamao mai Noeaka aku, aohe kanalua o ka makaikiu Kata ua hoea mua aku o Kaila Esekina no ke Seletanuku a o kana e nalu ana iloko iho on a ia manawa e hoihi iho ana paha ko Kaila noho ana, maloko o kona hale a loaa aku aia a aole paha, he hana maalahi loa nana ka hoololi ana ie i kona mau aahu. a ai ana aku i kekahi mau meaai mama, me ka haawi aku i na kauoha i kana mau kauwa mamua o kona makaukau ana no ka holo ana aku no Nu Ioka ma ia po.

            I ko Kata makaukau ana o kona kau ae la no ia maluna o ke kaa baikiala a hoomaka aku la ka holo ana me ka mama loa maluna o ke alanui i kamaaina mua ole iaia aia ka pono a hoea koke aku i kana wahi i kaunui ai.

            He kukui no ke kau ana maluna o ke kaa baikikala, a he maikai no hoi ke konanae o ka malamalama o ka mahia e hoolele pau iho ana maluna o ka ili hualala'o ka honua, nolaila. mamuli o ke kokua a ia mau malamalama ua hiki loa iaia ke holo me ka maalahi loa me ka pilikia ole.

            He hapalua mile paha i hala iaia halawai mai la me ia kekahi kaalio, a ke hoomaopopo la no oia o ke kaalio ia nana i hoihoi ia Kaila Esekona no kona home, a no kona ike aohe waiwai e loaa ana iaia ma ka ninau ana aku i ka kalaiwa no kana wahi o ka hele ana, ua hoomau loa aku la kona holo ana me ke ku ole iho e ninau aku.

            O ka mea nui wale no iloko o kona noonoo ia manawa oia kona hoea mua aku i ka home o Kaila a keakea aku i kona holo e ana no Nu Ioka ma o ka hopu ana aku iaia no ka hewa pepehikanaka.

            No ka mama loa o kela holo ana mai ana ua hookahahaia oia i ka ike ana eia ka ua kokoke loa aku oia i na pukapa o ke Seletanuka.

            He makani ikaika ke pa ana ma kela manawa a e hihio ana no hoi ka pa ana a ka makani ma kona mau pepeiao pela no hoi ka nakeke o ka iliili o na huila malalo iho o kona mau wawae, a mamuli o ia mau mea ua hiki ole iaia ke lohe aku i kekahi mau leo nakeke okoa.

            O ka hopena poino mamuli o keia mau leo aole oia i hoomaopopo iki, a i ole haupu ae hoi he pilikia kekahi e hala wai mai ana me ia ahiki he mau kakini i-a wale no ka mamao i koe mai ka pukapa hamama mai, ia manawa oia i ke aku ai i kekahi kaa otomobile e holo mai ana me ka paukiki loa mamua pono mai on a a hu ae la no ke alanui.

            Ua kokoke loa mai kela kaa mamua on a mamua o ka hiki ana iaia ke hoomaopopo aku he kaa, aohe on a wa a hooku'iia mai in a la paha aohe nao@ai i ka papaa.

            He leo o ka mea i piha i ka huhu kana o ka lohe ana aku me ka ike lihi ana aku i ka helehelena o Kaila, a hala loa aku la ke kaa mai kana ike aku, a mamuli o ka malamalama o na kukui mamua o ke kaa oto, a pela no hoi me kahi kukui o kona kaa baikikala, ua hiki loa me ka maopopo ia Kaila ke ike mai o Kata no ia e holo aku ana maluna o e kaa baikikala, a no ia kumu i hoopuka mai ai o Kaila i kekahi mau olelo hailiili ia Ka-ta.

            He mau minuke ia no ka makaikiu i mihi iho ai me ka walania loa no kona pakele ana, hookahi wale no kumu o kona pakele ana o ka hikiwawe loa o kona noonoo o ka ulu ana ae e hoohuli ae la i kana kaa ma kekahi aoao o ke alanui iloko o ka manawa pokole loa.

            A oiai oia mau no ka ikaika o kana holo ana, a ua ikaika pu no hoi me kela hoohuli ana ae i kana kaa, ua haule aku la oia iloko o ka auwaha maha'i o ke alanui a moku kekahi wahi o kona poo.

            Iaia i haule aku ai iloko o ka auwaha ua aoa mai la ka ilio pulu a Kaila Esekina iaia no elua manawa, a in a paha no ka pololei o kela mau poka o ke kiia ana mai he maka kona malaila ia manawa, eia nae, o kona wahi uo o ka laki ua kapalulu hele wale aku la no ia mau poka i ka makan aohe mea i loaa.

            Ma kona manawa i ku ae ai mauluna o kona mau wawao he mau i-a ka mamao o ke kaa baikikala mai iaia aku. Elike no hoi me ka poe apau i halawai me ia ano ulia o ke ku ae a 'omi i kahi i eha, pela no me ka Makaikiu Kat-ta. Ke hiiolo 'a ke koko mai kahi iho o kona poo i moku, a ke kupenu mau la no hoi oia me kona hainaka aohe nae he paa o k@ kahe ana o ke koko, no ka mea, he aoku nui kela mamul o kona walawala ana o ke poo mamaua.

            Ua lolohi loa oia e hiki ole ai e paa kana kanaka i ka manawa kupono, nolaila, o ke alualu ana aku mahope o Kaila Esekina he hana nui ia me ka maopopo ole o ka loaa aku oiai o Kaila ia manawa aia maluna o ke alanui e holo poloei la no Nu Ioka ka pahuhopu.

            Ua maopopo ia kata ia manawa aole o Kaila e holo ana no ke Awakumoku Sega, no kona maka'u o paa mai oia i ka hopuia malaila, aka, e holo ana oia ma ke alanui okoa, he ulanui loihi loa nae ia e hala ai i manawa loihi loa iaia e holo ai mamua o kona hoea ana ku no Nu Ioka. a he alanui noino no hoi ia e holo ai e hiki ole ai kona kaa ke hoao e holonui no ka maka'u o hakihaki ahiki ole i Nu Ioka.

            Aohe a Ka-ta hana e ae o ke kau wale ae no iluna o kana wahi kaa baikikala a holo aku no ke Awakumoku Sega, a in a no ka loaa koke akuo kona kokoolua iaia, alaila e hooapau e hiki ana ia laua ke holo aku.

            Iaia i hoea@ku ai i ke Awakumoku Sega hoike mai la o Dane, ke kalaiwa kaa otomobile a Ka-Ta ua poino ia ke kaa e hiki ole ai ke hoohanaia a hala kekahi mau la loihi, no ia kumu, hookahi wale no hana pono i mea e hiki ai ia laua ke hahai aku mahope o ka laua lawehala o ka hele-aku e huli i kaa hoolimalima.

            I ua o Ka-ta i hoea aku ai i ke Awakumoku Sega o kana hana mua loa oia no kona nana ana i na wahi apau o kahi kaa baikikala ana o ka holo ana aku in a paha ua nui loa ka poino mamuli o kela haule ana iloko o ka auwaha maha o ke alanui.

            Ua hoomaha loa ia ae kona noonoo ma ka manawa ana o ka ike ana iho aole i poino ia wahi kaa. Ua nahaha kahi pukukui, aka nae mamuli o ka malamalama o ka mahina ua lilo ole ia wahi pilikia i mea koikoi loa i kona noonoo.

            No na wahi e ae o kahi kaa ua huli kekahi au e paa a mua, aka nae ua pau koke no ia pilikia i ka hooponoponoia e a hoomaka aku la o Ka-ta e holo ma ke alanui. me ka hooikaika ana e hoea aku oia i ke Awakumoku Sega iloko o ka manawa kupono elike me ka mama e hiki ana iaia ko holo aku.

            O ka mamao o keia wahi ana e holo aku ai aia mawaena o ka eono ame ka ehiku mile, eia nae, ho kona makemake oa e hoea koke aku oia ilaila i ka manawa kupono ua hoe aku la oia iloko o ka manawa maikai loa.

            Iaia i hoea aku ai i ke Awakumoku Sega he hana maa ahi loa nana ka huli ana aku i kona kokua ia Kita, aka, iaia hoomaka aku ai e huli no kekahi kaa otomobile no ka awe ana aku ia laua i Nu Ioka ua hoonuiia mai kona pili kia ma kela ame keia wahi ana o ka hele ana aku e ninau kaa, no ka mea aohe kaa hiki ke loaa iaia maloko o kela ume keia helekaa.

            Ma keia manawa aohe i paa kana kaa otomobile ponoi e hanaia ana no na wahi i poino. O na halekaa otomobile elua ana o ka hele ana aku e ninau ua pauloa i ka hoolima imaia a ua hala aku no kekahi mau wahi mamo like ole.

            I ka loaa ole ana o kekahi kaa otomobile iaia ua hoohoka nui loa ia mai oia, no ka mea, aohe alahele e hiki ai ia laua ke hahai aku mahope o Kaila Esekina, a in a no no ka loaa o kekahi kaa, aole no e lihi launa aku ana mahope o Kaila Esekina, no ka mea, ua mamao loa oia ia manawa a ua loihi oa no hoi kona manawa o ka hala ana aku e hiki ole ai ke hahai aku, he mea hoehaeha loa mai keia i kona noonoo.

            Ua hoao hou aku la oia e kelepona ma kela ame keia wahi no ke noi ana aku i kekahi poe mea kaa otomobile no ka hoolimalima ana mai iaia, eia nae, iloko o ka lehulehu o kana poe o ke kelepona ana aku, aohe no he mea hookahi ana o ke kelepona ana aku i haawi mai i ka lakou kaa.

            Ia manawa huli ae la oia i kona kokua ia Kita a i aku la: "No keia nele ana iho la o laua aohe kaa otomobile e loaa na keia wahi i keia manawa, ke manao nei au o ke kaaahi wale no ke alahele kupono ia kaua e hoao aku ai, in a nae e hiki ana e loaa. He kaaahi holo loa no anei kekahi e hoea koke mai ana?"

            "Ae, he kaaahi holo loa kekahi e hoea mai ana a e haaele iho ana ia iloko o ka hapaha hora. e Mr. Ka-ta," i pane mai ai ke kupakako o ka hokele.

            "Pela? Alaila, oia ko kaua alanui maikai loa e holo aku ai."

            "A, pehea, e hoea mua aku ana no nae, paha kela kaaahi i Nu Ioka mamua o ko Esekina hoea ana aku?" i ninau aku ai o Kita. "Pehea ka loihi o ka manawa e holo aku ai ma ke kaahi a hoea i Nu Ioka?"

            "He-elua hora ame hapa alaila hoea i Nu Ioka, oia kona manawa mau," i pane aku ai ke kupakako.

            "O, maikai! Alaila, in a no ka loaa ole o kekahi ulia, iloko o ekolu hora a oi paha e noea 'aku ai o Esekina i Nu Ioka, in a oia e holo ana me ke kupono nei, aole ma ke ano kuupau i ka hole e poino aku ai oia ma ke alahele.

            "Ina no kona kuupau i ka holo e hoea mua aku ana paha oia a aole paha, maila o kaua ke hoea mua aku ana paha oia a aole paha, malia o kaua ke hoea mua aku ana, aka aohe nana aku nona, o ka hana wale no i koe o ka hoomakaukau a hele aku no ka hale hoolulu kaaahi," wahi a Kita.

            "He heihei ka mea e hanaia aina mai ka hoomaka ana a i ka pau ana," wahi a Ka-ta, "aka, oia wale no ka mea pono e hanaia me ka hoohakalia ole. E hele koke kaua no kahi o ka hale kaaahi me ka lawe pu aku i ko kaua mau paiki lole me kaua i nei manawa me ke kali ole."

            Ia laua i hoi aku ai noloko o ka rumi o ka hokele no ka hookomo ana i ka laua mau pono aahu noloko o na paiki lole, ia manawa i kamailio aku ai o Ka-ta i kona kokua i na mea apau a Betimana i kamailio mai ai iaia no ka Esekina mau mea o ke kamailio ana aku iaia e pili ana no na pane a ka poe e hoike mai ana no ka hoolaha ana o ka hookomo ana iloko o ka nupepa no kahi o Hale Esekina ma i poho ai mamua o ko laua holo ana i Inia a o ke kumu hoi o kona makemake ana e hoea mua laua i Nu Ioka mamua o ko Esekina hoea ana aku.

            "Pehea e hiki ai e loaa ka manaoiana ia Esekina e loaa ana ia mau pane iaia?" i ninau mai ai o Kita. "E hoouna pololeiia mai ana ia mau pane i kou hale, aole anei pela?"

            "Oia ke kauoha." wahi a Ka-ta i pane aku ai. "He haawi ana aku hoi ia i manawa kupono nona. Ina e paneia ae ana ia hoolaha'i na halepa'i nupepa, aohe manolana no ka oaa o ia mau palapala iaia, aka no kona ike ana eia kaua ia nei aohe mea o ka hale, pela oia i manao ai ua hiki loa iaia ke komo iloko o kuu hale ma o ka wawahi ana i ka hale, i mea e loaa ai iaia na palapala e pane mai ana no ka'u hoolaha in a he mau palapala kekahi e hoounaia ae ana."

            "Alaila, e oi pololei aku ana oe no kou hale la ia kaua e hoea aku ai i Nu Ioka?"

            "Ae, koe wale no, in a e loaa mua mai ana ia kaua kekahi ike no ka Esekina mea e hana aku ana, a'u no nae e manao nei aohe ana hana e ae, o ka hele wale, no iloko o kuu hale e huli ai. O keia kana hana a'u i maopopo loa ai mamuli o ko'u lohe ana mai ia Betimana mai. O ka kaua hana mua 'oa ia o ka hele i kuu hale e huli ai ke hoea aku kaua."

            O kela o keia pau ko laua mau wahi ukana i ka hookomo loko o na paiki lole a kamoe pololei aku la ka laua hele ina no ka hale hoolulu kaaahi, a he mau minuke pokole mahope iho ua hoea mai la ke kaahi, o ko laua kau aku la no ia no Nu Ioka ka pahuhopu.

            He heihei hoopihoihoi loa keia ia laua, no ka mea, aohe mea hiki ai laua ke ike no Esekina, pehea la kona mamao ia manawa a pehea la kana huakai, ua halawai paha me na ilia ma ke ala a aole paha, aohe mea i maopopo.

            Hala ae ana he hora a hala ae ana he hora; ke hoomau a no ke kaaahi kona holo ana no ka hale hoolulu kaaahi na Nu Ioka ka pahuhopu, a ke hoomau la no hoi ke kaa otomobile nui a Kaila Esekina i ke kuupau ana i ka holo maluna o na alanui o ka Mokupuni Loihi me ia manao hookahi e hoea aku ia pahuhopu.

            No ko Esekina holo mua ana a mahope aku na makaikiu maluna o ke kaaahi, he maopopo ole ke eo o ka heihei i na maikaikiu; he hapaha hora i hala ae o ka hora ekahi o ke kakahiaka kapalulu  aku la ke kaaahi iloko o ka hale kaaahi hou o Penikelevania.

            He liilii loa na mea i kamailioia e na makaikiu ma keia huakai, no ka mea i ka po mamua aku ua liilii loa kahi hia moe i loaa ia Ka-ta ame Kita, a i ka loaa ana o keia ma nawa maikai loa no laua e hooluolu ai ua hauoli loa laua a ua hiamoe laua ma ka hapanui o ka manawa.

            Ia laua i lele aku ai mai ke kaaahi aku, i aku la o Kita kona poo: "Ke manao nei au e hoohokaia ana ka hoaloha o kaua ke ike iho aohe mau pane o loaa ana iaia no kau hoolaha. Pehea la kou manao-he pane no anei kekahi @ loaa mai ana?"

            "Aohe o'u manao pela. aka nae, he mea hiki ole no ia kaua ke hooiaio iho i nei manawa," i pane aku ai o Ka-ta.

            "O ka'u e hopohopo nei e hui ana ka kaua hana e hana aku ai mamua o ka hiki ana e hooiaio i ka Hale Toda mau koa ma ke kanawai, aka aole ia o ka mea nui ikeia manawa.

            "Ina i pololei ka Betimana mau mea o ke kamailio ana mai ia'u e paa ana o Esekina ia kaua i ka hopuia i keia po, in a o kaua ke hoea mua aku ana i ka hale oia wale no ka kaua hana pono e hoomamaia ae ai ko kaua pilikia a e hoemiia mai ai no hoi o na hoolilo.

            "Me ke kanalua ole aia pu me ia kekahi huiua dala nui i nei manawa, a, in a no kona pakele aku mai ko kaua mau lima aku mai keia wahi aku ma Nu Ioka nei: a hele aku la oia i ka loa ame ka laula o ka aina, he pomaikai ka loaa hou aku on a ia kaua no ka mea, he kanaka waiwai kela e hiki ai e hoolimalima aku, i kekahi poe e hoomahuka aku aia i kekahi wahi mamao loa, a me ka hana nei e huli aku ai a loaa aku paha a loaa ole aku."

            Aohe hoailona a laua e ike aku ana no ko Kaila Esekina kaa ma kekahi wahi kokoke mai, e like me ka hiki ia laua ke ike aku. I ko laua hoea ana aku ma ke kihi o ke ala nui ma kekahi kuea mamao mai kona hale, lele iho la laua a hele wawae aku la a hoea i ka hale, me ke kauoha pu in a iho i ke kalaiwa e ku malaila, in a no kona makemake a ua kokoke oia malaila aole hoi e nui ka hana i ka huli hou aku i kaa.

            Ia laua i u haele aku ai mai ia wahi aku me ka makaala oa laua o ia hele ana aku, i ole laua e halawai me kekahi nakai a malia o paaia mai laua mamuli o ko laua manaoia nai he mau kanaka aihue paha.

            "Ua pau ko kaua pilikia ua hoea mai la i ka hale," wahi a Ka-ta o ke kamailio ana ae i kona koku, ia laua i u 'oii aku ai i ke alanuipii o o ka hale. "Ma ka'u nana iho me ie mea la ua a'o ia kaua keia heihei. Me ka nihi malie oa kaua e komo aku ai iloko olaila kakali mai no ke kanaka aihue makaukau no kona komo ae."

            "Ina aole oia i hoea mua mai nei malia a ua hala mua iku nei paha." i hawanawana mai ai o Kita.

            "Aole o'u manao pela. Aole oia i hoea mai, a ke manao aei au o kaua ka i hoea mua mai la ianei mamua on a," i pane aku ai o Kata.

            Ia Kata i aneane aku ai e hookomo i kana ki ua hemo mua aku la ka puka-a hamama he mau iniha. "Auwe, ua komo mua iho nei hoi kekahi mea iloko nei, ke hemo nei hoi ka puka, "wahi ana o ka hikilele ana ae.

            Mamuli o kahi malamalama mai ke kukui mai o ke alanui e lele pono mai ana ua hiki koke ia laua ke ike iho he apana hao ka i hookomoia ma ka hakahaka malalo iho. he wahi hao oki aniani.

            Nana aku a nana mai na makaikiu ia laua ia manawa me ke pahaohao loa no ka mea i hanaia no ka hale alaila kiei aku la laua ialoko o ka hale pouliuli a ma kekahi poo o ka holo he wahi uiuiki malamalama ke papa mai ana.

            "Ea, o Kaila Esekina kela iloko o ka hale, he keu aku a kona holo me he mea la ua kalaiwaia mai nei kona kaa me ka nana oleia ae o na ulia ma ke ala. Alaila ua lohi loa anei kaua, a i ole manao anei oe ua hoea mua mai nei oia ianei a nana kela kukui e aa mai la iloko o kaua e ike aku aei?" i ui ae ai o Kita i kona poo ma ka oihana.

 

MOKUNA XXXII.

Ko Laua Hoohikileleia Ana.

 

            O ko laua emi hope hou aku la no ia a haule iluna o ke kahua a nana ae la iluna i na puka aniani o ko laua mau rumi moe. He pouli wale no oloko o ka rumi kakau a kata, aka nae, mahope o ko laua nana pono ana aku ua ike aku la laua i kekahi malamalama e uiuiki liilii mai ana malalo o ka paku puka aniani.

            Ia manawa ua hoomaopopo koke iho la laua i ka manao o ia kukui aia kekahi mea iloko, owai nae ia mea aole hiki ia laua ke ike.

            He paku puka aniani manoanoa ko ka puka aniani i kauia ai, a ua hukiia iho ia paku a paa loa ka puka aniani e kekahi me iloko o kela rumi e makemake e huna i ole e ikeia mai ka malamalama o ke kukui mawaho mai e ka poe e noho koke mai ana malaila, a i ole e ka, poe pahu e hele ae ana ma ke alanui.

            "I ka nana aku me he mea la e ko ana kou makemake," wahi a Kita o ka pane ana ae. "O Kaila Esekina kela iloko o ka rumi maluna, pela ko'u manao e nana ana i ko mau leka."

            "Aohe o'u manao aia oia maloko o kela rumi i keia manawa, me he mea la ua hala oia a ua poina i ka hoopio ana i ke kukui uwila." i pane aku ai o Kita. "E ike aku ana kaua ia mea aole i loihi loa mai nei manawa aku."

            "O ka mea kupanaha aia la ka ihea o Pete. I ka nana aku mai i ikemaka aku kaua i ka mea Hanohano Kaila Esekina ame kana mea e hana mai la maluna.

            "He mea oiaio ia, aka, mai nana aku kaua iaia. Hele mai i ikemaka aku kaua i ka Mea Hanohano Kaila Esekina ame kana mea e hana mai la maluna.

            O ko lua unuhi koke ae la no ia i ka laua mau pu panapana mailoko ae o ko lana mau pakeke o na kuku a paa i ko laua mau lima, alaila u nihi maile aku la ahiki i ka puka. Laulau iho la o Ka-ta i ka apana hao oki aniani e waiho ana iluna o ka papahele a hookomo iho la iloko o kona pakeke, a pani mai i ka puka e hamama aku ana i ke alanui mahope mai o luaa.

            Alaila, nihi hele malie aku la laua maloko aku o ka holo a i ka hoea ana aku i kahi o ke alapii, me ka nihi malie loa laua o ka pii ana aku a kau iluna o ka rumi kakau a Ka-ta, a ma ia rumi laua o ke kiei ana aku iloko, maluna aku o ko Kata poohiwi o Kita o ke kiei ana aku.

            Ua hookahaha loa ia laua a oi aku mamua o ka mea a laua i ike mua ole ai i ko laua manawa i ike aku ai i kekahi kino wahine e ku mai ana.

            He pakaukau kakau nui ke ku ana iwaenakonu o ka rumi, a e kau ana maluna iho olaila kekahi ipukukui uwila oaalima i uhiia me na aniani o na waihooluu like ole, a mamuli o ia mau aniani like ole aohe ikaika loa o ka malamalama.

            Me keia malamalama a e kulou iho ana maluna o ke pakaukau me ke kua e huli mai ana ia laua, aole o ke kanaka a laua i kuhihewa ai mamua iho, aka he wahine opio nona kekahi i kekahi, me ka ninau aku o kekahi i kehahi no ka laua mea e ike aku ana.

            "Heaha ka manao o keia mea a kaua e ike aku nei? O Akeneki no anei kela a kaua i like aku la, a i ole o kona ahane anei?"

            Ke ku la no na makaikiu me ke kahala a ke hoomau mai 'a no hoi ka wahine opio i ka nana ana i na palapala e ku ana no hoi ka wahine opio i ka nana ana i na palapala e ku ana ka paila maluna o ke pakaukau, he mau palapala i hoounaia mai i ka Makaikiu Ka-ta i ka manawa a Ka-ta ma ke Awakumoku Sega.

            I ka laua nana mai i ka wahine opio me he mea la ua naopopo wale iaia kana mea e huli ana, no ka mea, ma ia leka a pau ana o ka nana ana iho, o na leka i kupono ole i knoa makemake ua kapae aku la ma kahi e me ka hoao ole e wehe ia mau leka.

            I ka manawa hope loa o kana huli ana, a e aneane iho ana no hoi e loaa na leka malalo loa o ka pu-a, me he mea a ua loaa iho la iaia kana leka i makemake loa ai no ka mea, i ka manawa i loaa iho ai Jamalama ae la kona helehelena i ka hauoli.

            Nana iho la oia ia leka me ka hialaai loa o kona noonoo, a paa ae la;iluna i kahi o ka malamalama, me ka haha ana ho i ka leka, me he mea la e noonoo na oia  no kana olelo hooholo no ke kupono iaia ke wehe ae ia leka ame ka ole.

(Aohe i pau.)