Ka Nupepa Kuokoa, Volume LVII, Number 3, 17 January 1919 — KU-E I NA KAIKAMAHINE KUAI NUPEPA. [ARTICLE]

KU-E I NA KAIKAMAHINE KUAI NUPEPA.

Mamuli o kekahi mau hoopii i hoea, ae imua ona ua noiia ae e ka Lunakanawai Heen o ka aha hookolokolo o na opio kekahi mau ahahui malama ola e akoakoa ae ma ka hora 1:30 o ka Poakolu iho nei no ka uoonoo ana i ke kupono ame ka ole o ka ae ana aku i na' kaikamahine liilii e kuai nupepa maluna o nH alanui o Honalulu. 0 na luna nui o na ahahui malama ola Associated Charitiea, Soeial Weleome Soeiety, Humane Society aine kekahi mau ahahui c ae ka i konoia ae. No kekahi mau mahina lehulehu i hala aku nei ua lehulehu wale na kaikamahine liilii i ikeia e hele ana maluna o na alanui o ke kulanakauhale no ke kuai ana aku i na nupepa, a iloko o na pule kakaikahi i hala aku nei ua ikeia ka pii mahuahua loa ana ae.o ko lakou heluna. Lehulehu o keia poe kaikanmhine i ikeia aku ma na wahi e pili ana i ka a ma kekahi mau wahi e ae. Mamuli o ka lehulehu o na kaikamahine i ikeia aku e lawelawe ana i keia ano hana ua hoalaia ae na manao hopohopp iloko o kekahi poe o hoopoinoia lakou, pela i waihoia ae ai he mau hoopii imua o ka Lunakanawai Heen no ka lawe ana ae i keia hana iloko o kona liina. Ma ka hc>akaka a ka poe na lakou » hookomo ao i ka hoopii he mau olelo kupono ole ka i oleloia aku i kekahi poe kaikamahine liilii e kekahi poe kanaka lehulehu i ka manawa a lakou e lialawai aku ai no ka hoolilo ana aku i ka lakou mau nupepa.

Lehulehu o na kaikamahine i ikeia aku e noho ana maluna o na alanuipii 0 na hale hoollmalima ma.waenakonu o na koa ame na luina maloko o na apana noho huikau o na kana.ka, me ke kamailio ana me na kaniuka ame na keikikane maluna o na alanui. O ka poe na lakou i waiho ae i keia hana imua o ka Lunakanawai Heen aole o lakou ku-e i ka huli o na 'kaikamahine 1 pomaikai no lakou ma keia hana o ke kuai nupepa, aka, ma ko lakou manao aole i kupono ko na kaikamahine aeia ana e holo hele maluna o na alanui a ma na wahi hoi e manaoia aku ai e halawai ana lakou me ka poino. Oka manao nui ma ka aoao o ka poe na iakou keia kumuhana i waiho ae e makeeia ka pono ame ka maluhia o ke kino o ke •kaikamahine oiaio na mea hoohihia leliulehu e hoopuni mai ana ia lakou ma na wahi .like ole o ke kulanakauhale.