Ka Nupepa Kuokoa, Volume LVII, Number 2, 10 January 1919 — HOOKAHI NO LIMA LAWE KIANI I NI KAULA UWEA O UWEHONE. [ARTICLE]

HOOKAHI NO LIMA LAWE KIANI I NI KAULA UWEA O UWEHONE.

Mr Sol., Hanohano, Lunahooponopono o ke Kuokoa, kuu milimili hoi; Aloha Karisimaka kaua:—E oluolu hoi i kahi rumi o ke kino lahilahi o kau nupepa no kela mau hua e kau ae la, a nana 'hoi ia e hoani. ae, i ike mai na loea o na meakani, e noho ana ma na kaiaulu aloha o Hawaii. Mai ko'u mau la kanikoo no hoi a opiopio, ,akahi no au a ike i keia liookalakupua, hookani pila, he 'hookahi no lima e lawe palanehe ai i na kaula uwea o eha ka manāo; o J. K. Ohialau, ka inoa o keia hookalakupūa, aole ona lima hema eia nae, e hoeha mai.ana i ko'u manao. Hoomanao ae la i keia mau wahi lalani Mele: Aohe lua. e like ai, Mahiehie launa ole, Walohia wale' kuu ike ana, O Maui no la ka oi. i makomake e ike, e loaa no oia ia oe ma lea pa kaulana i ka malu o ke ao i Wailuku, Maui. E hoomāu aku i ka lawena malie a kou mau mānamanalima punahele, a hoea mai i Muhealani, mala'ela'e ke ala no ua kanaka. O ke aloha no kou e ka mea hānohano, ame kou mau keiki hoonoho -hua apala ko'u Adieu. Kou oiaio. >T. K. MAHEALANI, Kahului, Dec. 24. 1918. BASEL, Jan. 7.—Ma ka hoakaka a kekahi o na nupepa o Berlin ua pau loa ke ku ana o ka pualikoa Kelemania. Hookahi haneri me kanalima mau pualikoa i hoopnuia a ma ka oleloia ke hoopau awiwi loa ia mai la kekahi mau pualikoa e ae.