Ka Nupepa Kuokoa, Volume LVI, Number 51, 20 December 1918 — NO U'KOA KE KEIKI, NANA A AKU APAU NA PUUPUU EHAEHA, ALAILA NEENEE AKU. [ARTICLE]

NO U'KOA KE KEIKI, NANA AKU APAU NA PUUPUU EHAEHA, ALAILA NEENEE AKU.

Mr. Solomon Hanohano, Aloha oe:—E oluolu mai oe i kahi kaawale o ka kaua Kuokoa, ka hiwahiwa a ka lahui o Hawaii nei, me ka mahalo i ka Anela o Mekiko, ua loaa pono mai la ke Kaikamahine o ka Ehukai o Puaena, o Aigupita, i Waialua no ka po ina a ke kaihe leo ka Ewa e hoolono e: Ae, ua lono au, nolaila ka'u huaka'i hele e makaukau nei: Ua li wale na ukana a Kahele, O kahele ia e olelo loa nei, Ua kuko wale i kahi e hele ai, I kahi e moe ai, I Kaeleawaa, i ke aalii, I na lehua makanoe, Nolaila ka'u hele. Hele aku apau ke aho i ka loa, Huli nana o na Lai elua, O na muliwai elua o Kaiaka, No ka wai, no ke kai, Ua kini o lalo e! Nou e U'koa ka'u hooheno ana, pupuhi ka i'a o U'koa, i kahi e no ka i'a, lew ae ke uki. No Walikanahele hoi he kahua heihei lio, e holo ai a pau ke aho i ka loa, huli nana o na la'i ekolu, ekolu ka la'i, ekolu ka malino o ua aina kupolua nei i ka la'i. Aia i Lihue ka manu nene aala i ke kula, ke hoope ia mai la e ka uhiwai o Kaala. No Mokuleia hoi ka moena pawehe, eia iho no ke kawelu i ka home o Kuahine Lau Kaiwaiwa, o ka auwai iho no o na mea huna pohihihi, malalo o ke ki'owai auau aku no ona o Kawelowai, a o ka muliwai nui akea iho no o Paukauila, e auau ai oe e ka malihini a luhi ke kino, pae aku i kula, halawai me ke kiai o ke kihapai pua o Mahina Alohilohi, ame ka hoku Venusa, na laua e hookipa mai, e komo kauhale, e olo'u, e olo'a, a piha ka maanewa. No Makaolehua ke kama, he milimili na ka makua, he hiwahiwa na ke kupuna. Eia ko lei e kohu ai la o ka liko lehua o Puukapu, no ka Anela o Mekiko kekahi, a nou no hoi kekahi e kuu kama. Me ka Lunahooponopono ko hoomaikai nui ame na keiki oniu hua kepau ko'u aloha. UHIWAI O KAALA. — W. S. S. — BERNE, Swit., Dec. 17—Ua aponoia ka waiho ana aku a Dr. Solf i kona hookohu ma ke ano he kuhina Kelemania i ko na aina e.