Ka Nupepa Kuokoa, Volume LVI, Number 47, 22 Nowemapa 1918 — HAINA NANE. [ARTICLE]
HAINA NANE.
Solomon Hanohano, aloha nui oe:— E oluolu 0e no 'o kekahi rumi kaawale o kau nupepa no ka'u haina o ka nane a ke kaikamahine o Waialua, malia o pa lihi aku hol/iia mau kama nei āna i kepauulu a ke keiki Kaululaau, o ka pipili no ia o na māka o laua, Elua kama i hanauia mai, hookahi i hanau.ia i Wāialua, o ke kama elua' ua hanauia i ke kikowaena o Honolulu, ina e hui ia ka inoa o ke kama ekahi me ke kama elua, e lilo no ia i mea makahehi nui ia « ka lahui. Kama mua, Haina: Wa. Loaa aku la ka'u haina ma ka hapa mua o ka inoa Waialua. Kāma elua, Haina: Kinekona. I ka hui ana i hookahi inoa, e loaa pono no ia i ke kikowaena o Honolulu, oia hoi Wakinekona, home aloha o na alii a ma.ua me kuahine, ame ka lahui. Ea, pipili aku la paha oe i ke kepauulu a kunane Kaululaau. Me oe e ka Lunahooponopono ko'u welina. Me ka mahalo, KAWAIMAPUNAEPIPIINEI. Kaulula*āu Landing, Nov. 8, 1918. Lilo mai la ka pipili o ke kepauulu i mea ole, ke aha'i la ka pupuhi i ka i'a o Uleoa i ke kaikamahine o Waialua. Hopu maoli ia ma na wawae i wi ka niho o ke kolohe! —L. H.