Ka Nupepa Kuokoa, Volume LVI, Number 47, 22 November 1918 — Nuhou Kuloko [ARTICLE]

Nuhou Kuloko

Ta hoi ae nei o Duke Kahanamoku e noho hana ma ke keena o na hana hou, xne kona hopohopo ole no ke komo aku iloko o ka oihana koa. Eia ka Ilamuku Smiddy ke noonoo mai nei, no ka wehe hamama ana aku i na uwapo i ka lehulehu, elike me ia mamua o ke komo ana o ke aupuni o Amerika iloko o ke kaua. Eia ka opelu me ka hahalalu ke nokeia mai nei i ka lawai'a ma ka nuku o ke awa e komo mai ai iloko nei, a he mau kakahiaka i hooheiia ai me ka upena me ka piha o na waapa i ka i'a. lloko o ka pule o ka hooikaika ana 0 ko HaWaii nei poe, e hoahu i kekahi wnihona no ke kaua, ua loaa ka huina kiekie i oi aku i ka mahele o Hawaii nei i waihoia mn ; . ai e hoopiha aku. Ua hoopaneeia ka hoopuka ana aku 1 kekahi mau haina nane, pela hoi me kekahi mau manao i kakauia mai e na makamaka no ka hookomo ana aku maloko o ka nupepa, a loaa kahi kaawale. Ma ka noho ana o ka halawai a ka papa lunakiai ma ka po o 'ka Poalua nei i haawiia aku ai ke kauoha i ka Makai Nui Rose e hoopau i ka hoonoho ana i na kiai mauka ae nei o Xuuanu. . Ma ka Poakolu nei i hala aku ai ka Hope Loio Kuhina Iightfoot no Hilo no ka hihia a ke aupuni e ku-e ana i ka papa lunakiai o ke Kalana o Hawaii, no ka hoolilo ana i na dala o ka lehulehu me ke kuleana ole. No ka ninau hoopae limahana, o ia hookomo ana mai i na Pake i Hawaii nei, no na oihana mahiai, ua manaoio o .lohn Wise, he ninau kela i kupono i na makaainana o Hawaii nei ke hooholo. ma ke koho baloka ana. u i-0 ke kopala koa i halawai ai me na o kona kino, i ka wa i loaa ai o ka mokulele i ka poino nia ka Kamehameha, ma ka Poa'kahi nei, ua make loa oia ma ka hora eono o ka | Poalua mai maloko o ka halema'i ma Kahauiki.

Mahope o ke kaama'i ana no ke-kahi inanat\-a a«-Jiei i hala, i pauaho mai ai ia Pukiki kahiko, a kamaaina o keia kulanakauhale, oia o M; A. Gonsalves, ma ke awakea o ka Poakahi nei, a ma ka Poalua ae i malamaia ai kona anairfa lioolewa. No ke kaohi ana i ka papa lunakiai māi.ke kikoo ana aku i ka haawina dala o keia makahiki ae, no na halekula, ua hookomo aku nei ka Lunakiai Hollinger iloko o ka aha he hoopii papa, me ka hoolimalima ana i mau loio no kela hoopii. Ua hoike ae o Kiaaina McCarthy i kona manao, he mea pono e hoomahuahua hou ia ae ka aku o na luna oihana 0 ke Teritore, no ka mea, ma kona manaoio, ua haahaa loa ka uku e loaa nei ia lakou, i kulike me ko lakou mau kulana pakahi. Mahope iho o ka hoohala ana he hookahi pule ma keia kulana-kauhale, i huli hoi aku ai o Samuel Keliinoi no Kauai, me ka nui o kona manaolana no ka hoi o na kanaka Hawaii e noho hana ma ka mahiko o Kealia, malalo o kana mau hooponopono ana. Mamuli o ka haalele ana mai o kana wahine iaia i hoao'ae ai o Peter Kamano, he mea hana kelepona no Kaneohe, e lawe i kona ola, ma ka hou ana iaia iho no me ka pahi liilii. E pohala ana no oia mai na poino i kau aku maluna o kona kino, mā o na moku pahi la. No ka lohe ana i na manao hoakaka 1 mea e pono ai na kanaka Hawaii, ua kono mai nei ka Ahahui Puuhonua o na Hawaii i na kanaika Hawaii e hoea ae ma ka paina awakea e malamaia ana ma ka Hokele Iana, ma ke awakea o ka la apopo, mai ka hora umi-kumamalua aku a ka hora ekahi. W. 8. 8.