Ka Nupepa Kuokoa, Volume LVI, Number 47, 22 November 1918 — HALA O HON. J. NAKALEKA. [ARTICLE]

HALA O HON. J. NAKALEKA.

I ka Luuahooponopono o ka nupepa Kuokoa anie kona mau limahana, Aloha oe:—E oluolu oe iua he wahi keena kaawale kekahi o ka kaua hiwaliiwa, alaila e hookipa mai oe a hoolaha ae i ke hoomauao e kau ae la inaluna, i ike mai ai na kini, na makamaka, na hoaloha o J. Nakaleka, e noho mai la mai ka la puka mai ma Kumukahi, a ka \velo na a i ka ilikai o Lehua, no J. Nakaleka ua hala ma kahi mau o na mea ola apau. Aloha no! - Elike me ka uwila i poha_ ae kona malamalama ma o a maanei- o ka aina, pela iho la ka lono hoolele hauli i laweia mai i ke kakahiaka Poaha, ma ka hora 9:30 a. m., Nov. 7, 191S, ē hoike mai ana o J. Nakaleka ua hala, ua kuu ka luhi, ua pau hana ma keia ao; luuluu wale hoi i ke aloha, he manawa iho la ia o ka ehaeha 'e nohoalii ana maluna o ka ohana me na waimaka helelei, nawai ole hoi ke aloha, aloha wale ia ka hoi o Kaunuohua he wahi puu, he kino hoi keia me ka uhane; aloha no! 'Ua hanauia o J. Nakaleka ma Halawa, Molokai, mai lea puhaka mai o kona mama, Mrs. Moohila Kanikau, ame Kanikau kona papa, i Sept. 28, 1871, ua piha iaia na makahiki he 47 a make aku la oia, Ua hoonaauaoia oia ma ke kula o Kaluaaha, i ka manawa e noho kumukuJa aua 6 Chas. Kahai, a komo aku i ke kula nui o Lahainaluna, e noho poo kumu ana o Hikikoki ia manawa, hoi mai lilo i kumukula no Kaunaleakai, "pau ka noho kumukula ana, noho kumukula hou ma Kaluaaha, mahope inai o ia manawa? holo oia he lunamakaainajia, no ekolu kaiu ona i noho ai he kauwa na ka lehulehu, hoopono, ua hana oia i ka poinai&ai o ka lehulehu ame ia kulana hoopono ua lilo oia i hope makai nui no Molokai, malalo o ke aupuni kalana, a me ia hana oia a moe aku la, he nui no na oihana aupuni a J. Nakaleka i ,paa ai a moe aku la oia. Ko J. Nakaleka kulana -iloko o na hana pono o ko Kristo aupuni, he hoahanau oia no ka Ekalesia o Halawa, a lunakahiko no ia ekalesia, he iwikuamoo oia no na hana o keia ekalesia, a he lima kokua po na hana pono ekalesia. Iie kahu kula Sabati nui np Molokai nei, a he komite kiai no na C. E. o Molokai nei, a Jie komite kukulu halepule o Waialua nei, a oia ke kiahoomanao hope loa a J. Nakaleka ma keia ao apau kana hana. He kanaka oia i makemake nui i ka pono o ke Akua, a lie puuwai hamama no kona mau hoaloha e kipa mai ana | nia kona hoine, o ka hala ana aku la o J. Nakajeka, he poino nui keia i kau maluna o keia mokupuni, na J. Naka-1 leka i hapai ia Molokai a kaulike me

na mokupuni e ae e o nei i keia mau ia, o Molokai no ka heke. Nolaila, e hooholoia, o makou o na hoahanau o ka apana o Waialua nei o ka Ekalesia o Halawa, ame na lala Kula Sabati ame C. E., ke komo pu aku nei makou me na manao kaumaha ine ka wahinekanemake ame ko laua ohana pakahi i hookaumahaia. E hooholo hou ia, ke noi nei makou i ka Makua mana loa e haawi mai i na • hooluolu ana ame na hoomaha ana i ka wahinekanemake a me ka ohana pakahi, iloko o kona lokomaikai palena ole. 0 makou iho no „na komite huiia o na m-ahele ekolu, Ekalesia Kula Sabati ame C. E. . S. W. K. PAKALAKA, S. K. NAMAKAOKAINA, J; K. KAULILI, MES. MELE KAAI, MRS. ALICE NIHIPALI, ]\IRS. LILIA KAAI. w. s. s.